идеја – Kurir.mk

ФОТО: Пролетни маникири кои се одлични за долги и за кратки нокти

Ивона Петрова — Wed, 08 Mar 2023 16:29:06 +0000

Кога станува збор за нега и декорација на ноктите, францускиот маникир е елегантна опција која никогаш не излегува од мода. Голем хит оваа пролет ќе биде пастелната верзија на францускиот маникир. Не е револуционерна идеја, но тоа не го намалува фактот дека францускиот маникир во пастелни нијанси е навистина прекрасна опција за украсување на ноктите, совршена за дочек на пролетта и потоплите денови. Дополнително е одличен прв чекор за повторно воведување на пролетните бои во нашиот секојдневен живот. Францускиот маникир е едноставен, класичен и многу популарен начин за украсување на ноктите.

Идеја за ручек: Пробајте вака печена риба во рерна – никогаш повеќе нема да ја подготвувате на друг начин

Ристе Здравков — Wed, 10 Aug 2022 09:41:45 +0000

Можеби печењето риба на скара е највкусно, но овој начин на печење секогаш можете да го користите во вашата кујна. Рибите како што се бранцин, платика, лосос, па дури и пастрмката се најсочни кога се печат во рерна. Рибата можете да ја испечете на скара на парчиња, но се чини дека е уште повкусна ако во рибарницата ја исечат рибата на филети. Тоа е прашање на сечиј вкус. Потребна ви е свежа риба, хартија за печење, неколку зачини и малку време. Состојки: - свежа риба (по желба); - маслиново масло; - 2-3 чешниња лук; - малку магдонос; - сол и бибер; - 1 лимон. Подготовка: Измијте ја рибата и исчистете ја (обично тоа го прават во рибарница). Ако рибата не е пресечена на филети, засечете ја трипати со нож од двете страни. Рибата премачкајте ја со масло, посолете и ставете бибер од двете страни и внатре. Исечканиот лук измешајте го со маслиново масло и лимонов сок и со тоа премачкајте ја внатрешноста на рибата, а можете да истурите и на горната површина. Ако ви останал уште лимонов сок и маслиново масло, слободно прелијте врз рибата. Печете околу половина час, во зависност од големината на рибата и јачината на рерната. На здравје!

Од идеја до бизнис на „Startup Weekend Skopje“

Тале Кристо — Tue, 12 Apr 2022 10:14:22 +0000

Оваа година ќе се одржи 11то-то издание на Startup Weekend Skopje! По 2 години онлајн издание, оваа година настанот ќе се одржи во живо од 6ти до 8ми мај во Инофеит! Startup Weekend Skopje e 54 часовен настан каде младите претприемачи имаат можност да ја презентират и разработат својата иновативна стартап идеја! Многу повеќе од настан - Startup Weekend Skopje преку претприемништвото и тимска работа, инспирира и ги мотивира младите да разработат нешто свое. На настанот младите имаат можност да ја презентираат својата стартап идеја, да формираат тим и со помош на менторската поддршка да го разработат концептот околу идејата! Картите за овогодинешниот Startup Weekend Skopje се веќе во продажба и можете да купите - ТУКА. Во периодот од 6-ти до 8-ми мај во просториите на Инофеит, младите претприемачи и креативци ќе добијат уникатна шанса да развиваат и тестираат своите стартап решенија. Исто така, учесниците ќе имаат можност да ја споделат својата идеја со локалните и странски ментори, кои несебично ќе го споделат нивното искуство и ќе ги советуваат учесниците како да ја разработат својата идеја. На крајот од настанот, решенијата кои ќе бидат оценувани од судии-експерти, ќе се стекнат со вредни награди, како и реална можност за реализирање на нивната идеја. Теchstars Startup Weekend е интернационален настан поддржан од Google for Entrepreneurs. До сега се организирани повеќе од 3,000 настани во 150 земји, низ кои поминале над 400,000 млади претприемачи. Скопје е град домаќин на Techstars Startup Weekend по 11-ти пат. Tимот Солвео, кој 5-та година по ред го организира Startup Weekend Skopje вели дека ова е искуство кое не треба да се пропушти. Исто така, тие додаваат и дека не постоjaт лоши идеи туку постојат само лоши одлуки. Затоа и ги повикуваат сите млади иноватори да направат чекор напред и да се пријават на настанот. Kaртите се во ограничен број, веќе пуштени во продажба и можат да се купат на следниот линк За повеќе информации околу настанот, посетете ги официјалните профили на Facebook и Инстаграм