Идрис Елба – Kurir.mk

Идрис Елба двојно го зголеми своето богатство годинава

Катерина Бојаџиева — Wed, 28 Dec 2022 11:41:27 +0000

Британскиот глумец Идрис Елба го зголеми своето богатство повеќе од двојно, на 11,2 милиони фунти (12,7 милиони евра) оваа 2022 година. Најновите сметки на 50-годишниот актер и неговата компанија „ИЕ-7 лимитед“ покажуваат дека неговиот имот во готовина се искачил на 5,8 милиони фунти во 2021., а една година порано таа бројка изнесувала 5,4 милиони фунти, пишува „Дејли мејл“. Податоците говорат и дека Идрис купил автомобил за 75.000 фунти. Меѓу другото, Идрис порекнува дека му била понуден голем хонорар за да го замени Даниел Крејг како следниот Џејмс Бонд. – Не, јас нема да бидам Џејмс Бонд… Јас сум веројатно најприврзаниот за улогата меѓу познатите глумци. Тоа е доволно. Нема повеќе да коментирам за тоа, изјави тој во неодамнешна прилика. Оваа година, глумецот е актуелен во четири филмови, меѓу кои и „3.000 години копнеж“ и „Ѕвер“. Тој, исто така, повторно ќе го глуми Џон Лутер во претстојниот филм на Нетфликс – „Лутер: Паднатото Сонце“, заснован на криминалистичката серија „Лутер“.

Актерот Елба позитивен на коронавирус, прекинати снимањата филмови ширум светот

Ивона Петрова — Tue, 17 Mar 2020 09:23:30 +0000

Британскиот актер Идрис Елба вчера објави дека е позитивен на новиот коронавирус, поради што е во самоизолација. Тој истакна дека нема никакви симптоми. – Се чувствувам добро, засега немам никакви симптоми, но сам се изолирав. Останете дома и бидте прагматични. Ќе Ве известувам како сум… Без паника, напиша Елба. По објавата на Елба филмските студиа објавија дека го прекинуваат снимањето ширум светот. Студиото „Варнер Брос“ вчера најави дека прекинува снимањето на четвртото продолжение на „Матрикс“, како и третото продолжение на „Fantastic Beasts and Where to Find Them“. И студијата „Јуниверзал пикчрс“, „Нетфликс“ и „Дизни“ исто така ги прекинуваат снимањата. Во истовреме Том Хенкс излезе од болница, каде беше сместен во изолација откако се зарази со новиот коронавирус. Неговата сопруга Рита Вилсон се уште е во болница. Хенкс беше првата холивудска ѕвезда, која соопшти дека е заразен со Ковид-19.

Ова е најзгодниот маж за 2018 според „Пипл“

Катерина Бојаџиева — Tue, 06 Nov 2018 09:45:36 +0000

Списанието „Пипл“ го прогласи британскиот актер Идрис Елба за најзгоден маж за 2018 година. – Кој би помислил?! Ви благодарам, „Пипл“, и на сите обожаватели кои ме прогласија за „Најсекси жив маж“. Почестен сум и благодарен. Но, поважен е вашиот глас на претстојните избори. Вашиот глас чини разлика, напиша Елба под објавата, обраќајќи им се на Американците. Елба е и музичар, познат како Ди-Џеј Биг Дрилс, а има и своја модна линија.