ие 1 – Kurir.mk

Силјановска: Само голема партија како ВМРО-ДПМНЕ може да не обедини

Тале Кристо — Sun, 12 Jul 2020 20:51:22 +0000

Завршен собир во Штип. Само голема партија како ВМРО-ДПМНЕ може да не обедини. Време е за обновена и исправена Македонија! #Заокружи14, пишува во својата Фејсбук објава Гордана Силјановска Давкова, носител на листата на ВМРО-ДПМНЕ во изборната единица 1.

Силјановска: Бомбите се шокантни и во нормална држава ќе реагираше обвинителството

Тале Кристо — Sun, 12 Jul 2020 18:00:59 +0000

Професорката Гордана Силјановска Давкова, носител на листата на кандидати за пратеници, од коалицијата предводена од ВМРО-ДПМНЕ, во ИЕ 1 на дебатата на телевизија Телма во емисијата „Топ тема“ вечерва на дебатата се осврна на кампањата за предвремените парламентарни избори и за сето она што се зборуваше во кампањата. „Бомбите кои ги слуша јавноста не ми се познати, но се шокантни. Личат на признание. И сега веќе секој би интерервенирал во нормална држава, но кај нас Русковска, Јовевски не реагираат на тоа што го слушаме“, рече Силјановска. Професор Силјановска се осврна и на понудата на ДУИ за премиер Албанец. „Уставот вели дека секоја функција под еднакви услови му е достапна секому. Ако однапред одиме со етнички предзнак стартот ја проблематизира демократијата“, кажа Силјановска. Професорката Силјановска говореше и за концептот едно општество за сите и објасни дека тој концепт е можен само како „едно општество на сите рамноправни граѓани, концепт едно општество на нации нема врска со едно општество, туку е федерација на етнички принцип знаеме како завршија вакви концепти како Чехословачка, Руската федерација“.

Муцунски: Безумните се плашат, но оние кои веруваат во создавањето на доброто можат да ги поминат сите премрежија со леснотија

Тале Кристо — Sun, 12 Jul 2020 13:26:52 +0000

Она што со верба може да се направи ќе е цврсто како камен, ќе речат едни од најголемите поборници на христијанството. Тука духот на светите апостоли Петар и Павле, продолжува да живее, жителите на Горно Лисиче секогаш биле бедем за поборништво и храброст, секогаш цврсти во заложбата за зачувување на Македонија и нашите традиции. Безумните се плашат, но оние кои веруваат во создавањето на доброто можат да ги поминат сите премрежија со леснотија. И благодарам на Горнолисичката парохија и жителите на Горно Лисиче што не придружуваа во утринската молитва и со кои ја делиме визијата за обновата и идејата за вечна Македонија, пишува во својата Фејсбук објава кандидатот за пратеник од редовите на ВМРО-ДПМНЕ Тимчо Муцунски.

Муцунски: Ќе придонесеме за поголема поддршка на нашите занаетчии и нивно афирмирање со препознатливи македонски брендови

Тале Кристо — Sun, 12 Jul 2020 13:20:23 +0000

Кандидатот за пратеник на ВМРО-ДПМНЕ од изборна единица 1, Тимчо Муцунски денеска разговараше со претставници на Занаетчиската комора на Град Скопје и вети подобри услови за занаетчиите. Тој на својот Фејсбук профил напиша: „Разговарав со претставници на Занаетчиската комора на Град Скопје, за создавање на услови и подобра клима за унапредување на занатечиството, подобрување на квалитетот на производите и услугите на занаетчиите, како и нивно промовирање дома и во странство. Во насока на поголема инклузија на овие организации и асоцијации Регионалните занаетчиски центри кои ќе се формираат ќе бидат модерни генератори на знаења и ќе можат да пружат развој во секој регион преку квалификација на дефицитарните занаети. -Со гарантен фонд за невладините организации и асоцијации ќе обезбедиме буџетски средства за поддршка и унапредување како и стратешка соработка со граѓанскиот сектор. -Со проектот за Поддршка за обнова и развој на традиционалните занаети, ќе придонесеме за поголема поддршка на нашите занаетчии и нивно афирмирање со препознатливи македонски брендови“.

Силјановска потпиша Меморандум за разбирање и соработка со Анима Мунди

Ивона Петрова — Sun, 12 Jul 2020 13:01:34 +0000

Денеска потпишав Меморандум за разбирање и соработка со Анима Мунди-Здружение за заштита на животни, во кој како голем љубител на животните и вдомувач на куче и маче се согласив во иднина да соработувам во спроведувањето на следните барања на Здружението: 1. Унапредување на правната заштита на животните преку измена и суштинско дополнување на Законот за заштита и благосостојба на животните во првата година од мандатот на новата Влада на РМ. 2. Усвојување на јасна и децидна законска забрана за еутаназија како механизам за справување со бездомната популација животни (освен на неизлечливо болни единки), затоа што непостоењето на децидна забрана дава можност за произволност, нехуманост и масовно усмртување што во Р.М. се испостави како практика. За решавање на проблемот со прекумерната бројност на бездомните кучиња ќе се применува исклучиво стратегијата на масовна стерилизација (во светот позната како залови – стерилизирај – врати) заедно со низа други мерки кои подразбираат одговорно сопствеништво на миленици и контролирана трговија со истите. 3. Позитивна национална кампања во соработка со граѓанскиот сектор за заштита на животни и инволвирање на здруженијата во управувањето и работењето на стационарите. На здруженијата да се гледа како на активни партнери на институциите надлежни за проблемот со бездомни кучиња 4. Континуирани Програми за промоција на концептот на одговорно сопствеништво, важноста од стерилизација, вакцинација, идентификација и регистрација на домашните миленици. Оданочување на оние кои продаваат миленици и кои неконтролирано ги размножуваат, оданочување на сопствениците кои купиле миленик и го чуваат некастриран/нестерилизиран, а ослободување од данок за оние кои ќе вдомат миленик затоа што помагаат во заедницата да се намали бројноста на бездомни животни и привилегии за сите кои ги стерилизираат сопствените миленици. Собраните средства од оданочувањето да бидат наменети за заштита, лекување, стерилизација/кастрација на бездомни животни и субвенционирање на кастрации/стерилизации за сопствениците кои ќе вдомат бездомно животно. 5. Најстрого ограничување и контрола на слободната продажба на високотоксични материи, кои се злоупотребуваат за труење на животни и со чија примена силно се загрозува и безбедноста на граѓаните. 6. Зголемување на казната за мачење на животно во рамки на Кривичниот закон како и унапредување на СПРОВЕДУВАЊЕТО на член 233 (Мачење животни) од Кривичниот законик на РМ. Задолжително е да стане практика сторителите на кривични дела кои резултирале со мачење и/или убиство и/или каква било друга форма на злоупотреба на животно да бидат соодветно казнети. 7. Промоција на растителната исхрана во контекст на заштита на човековото здравје и превенција на најсмртоносните болести на денешницата, намалување на гладот и нееднаквоста како во светот, така и во РМ. Задолжително воведување на растително мени како опција во сите јавни институции – здравствени и образовни установи (болници, градинки, училишта, студентски домови и сл)

Пренџов: Избираме помеѓу досегашните лаги или нова реалност со вратено достоинство

Ивона Петрова — Sun, 12 Jul 2020 10:39:10 +0000

Видео обраќање на Љупчо Пренџов, потпретседател на ГРОМ и кандидат за пратеник во првата изборна единица.

Силјановска: Во ек на предизборна кампања, Заев се слика со пациент на кого му беше трансплантирано срце

Магдалена Андонова — Sat, 11 Jul 2020 13:46:23 +0000

На својата фејсбус страница, носителот на листа во изборната единца 1 на ВМРО-ДПМНЕ, Гордана Силјановска Давкова, на фејсбук статус напиша дека е срамно, несовесно и без грам одговорност тоа што Зоран Заев имајќи ги предвид неговите дневни активности во изминативе две недели кои вклучуваат средби и посети со минимум стотина луѓе на дневна основа, во вакви околности се слика со пациент на кој што неодамна му беше трансплатирано срце. До кое дно стигнавте! Ама верувам #можете и повеќе. Прашувам, во кое својство претседател на политичка партија, Zoran Zaev, во ек на предизборна кампања се слика со пациент на кого му беше трансплантирано срце? Притоа имајќи ги предвид неговите дневни активности во изминативе две недели кои вклучуваат средби и посети со минимум стотина луѓе на дневна основа. Срамно, несовесно и без грам одговорност! А на Иван, од срце му посакувам брзо закрепнување и долг живот

Дурловски: Спојот на науката и уметноста ќе ја направи Македонија поубаво место за живеење!

Тале Кристо — Sat, 11 Jul 2020 12:43:58 +0000

Кандидатот за пратеник од изборната единица 5 на ВМРО-ДПМНЕ, Игор Дурлевски заедно со кандидатката за пратеник од изборната единица 5, Гордана Силјановска-Давкова испратија силна порака за спојот на науката и уметноста. Тој порача дека токму тоа ќе ја направи Македонија поубаво место за живеење. „Спојот на науката и уметноста ќе ја направи Македонија поубаво место за живеење ! Професорката Гордана Силјановска-Давкова е неприкосновен борец за правда, кој остро се спротистави на сите национални понижувања што ги доживеавме. Ние делиме иста љубов, Македонија, и имаме иста цел, стабилна и просперитетна држава! #Манастирец, онаму каде што се спојуваат ИЕ 1 и ИЕ 5“, напиша на својот фејсбук профил Дурловски.

Силјановска: Заедно сме во оваа битка за да не дозволиме да изгасне и последната искра надеж за Македонија!

Тале Кристо — Sat, 11 Jul 2020 10:35:44 +0000

Кандидатот за пратеник и носител на ИЕ 1 на ВМРО-ДПМНЕ Гордана Силјановска Давкова, се сретна со носителот и кандидатот за пратеник на ИЕ 5, Игор Дурловски на доручек за да разговараат за обновите на Македонија. Таа вети дека достоинството на Македонија ќе и се врати и ќе се стави крај на изгубеното. Силјановска на својот фејсбук профил напиша: „На границата меѓу изборна единица 1 и изборна единица 5 на едно прекрасно место во недопрената македонска природа долж реката Треска, се сретнавме со Игор Дурловски на доручек. Македонија многу ни дала нам, сега е време ние да и вратиме нејзе. Игор е еден од нашите најголеми културни амбасадори. Македонија ја претставувал секаде по светот, во најубаво светло. Голем домољубец што е најважно. Заедно сме во оваа битка за да не дозволиме да изгасне и последната искра надеж за Македонија. Да го вратиме изгубеното и да создадеме ново! Да го обновиме нашиот заеднички дом! Ова е последна шанса за сите нас и за Македонија! Или ќе ја обновиме Македонија и ќе си го вратиме назад достоинството или ќе бидеме сведоци на конечниот крај. Јас и Игор ве повикуваме на 15-ти јули да заокружиме 14 и заедно да ја исправиме Македонија“, напиша Силјановска.

Муцунски: Македонија заслужува подобро, сите ние сакаме побрзо да го оствариме нашиот сон и да се приклучиме во семејстовто на европски демократии со стабилен правен систем

Тале Кристо — Sat, 11 Jul 2020 10:16:28 +0000

Кандидатот за пратеник од ИЕ 1 на ВМРО-ДПМНЕ, Тимчо Муцунски вети дека Македонија ќе го оствари својот сон и ќе се приклучи на семејството со стабилен правен систем и без криминал! Тој на својот фејсбук профил објави: „Во изминатиот период од 3 години се соочивме со власт која ги наруши сите меѓународни и домашни правни норми и принципи. Владеењето на праваото беше мисловна именка. Уставноста и законитоста целосно нарушени. Правосудниот систем нефункционален, а нашата држава беше прогласена за хибриден режим. Македонија заслужува подобро, а сите ние сакаме побрзо да го оствариме нашиот сон и да се приклучиме во сомејстовто на европски демократии со стабилен правен систем. Сите ние заслужуваме да живееме во мирна, безбедна и демократски праведна држава, која нуди еднаквост, можности за успех и непречен општествен развој“, напиша Тимчо Муцунски.