ИЕ 2 – Kurir.mk

Мисајловски: И покрај целиот изборен фалсификат и поткуп од владеачката партија, со многу труд и работа успеавме да победиме во ИЕ2

Тале Кристо — Fri, 17 Jul 2020 10:27:28 +0000

Тргнавме со негативни анкети од сите страни, но со многу труд, работа и посветеност успеавме да победиме во изборната единица 2, пишува на својата Фејсбук страница носителот на листата во ИЕ2 од ВМРО-ДПМНЕ Владо Мисајловски. Со целиот изборен фалсификат, енормниот поткуп од владеачката партија, незаконските асфалтирања во тек на кампања во сите населени места, градење на диво канализации и огромни заплашувања од целата листа на Сдсм на чело со премиерот на државата и сите репресивни органи и институции на власта, сепак успеавме да ги победиме! Јас никогаш нема да го прифатам овој резултат затоа што не ја одликува реалноста и сме сведоци на најголемиот фалсификат во историјата. Но, за мене е важна поддршката од сите граѓани што ни ја дадоа и веруваа во нас и тоа е мојата водилка за борбата секогаш да ја продолжиме. Благодарност до секој еден комитет и член на Вмро Дпмне што беше рамо до рамо со мене, благодарност за секој еден што ни ја отвори вратата и што не прими во дворовите и пред зградите, благодарност за моите сопартијци што беа со мене во најтешкото време и никогаш не потклекнаа на ништо, благодарност за сите граѓани што не поддржаа и затоа имајќи ги овие луѓе до себе, најмногу вреди да продолжиме да се бориме за Македонија и за Вмро Дпмне. Да Живее ВМРО ДПМНЕ Да Живее Македонија!, пишува Мисајловски во својата објава.

Мисајловски: Благодарност до сите граѓани кои овие изборни денови не следеа насекаде, благодарам од срце на нашата најсилна Изборна единица 2!

Тале Кристо — Sun, 12 Jul 2020 21:17:49 +0000

Дојде крајот на изборната кампања за предвремените парламентарни избори. Поминавме преубави денови, исполнети со многу средби, дружби и разговори за #ОбноваНаМакедонија, пишува на својата Фејсбук страница носителот на листат на ВМРО-ДПМНЕ во ИЕ2 Владо Мисајловски. Имав прилика да се сретнам со луѓе од најразлични националности и религии, и сите со иста цел и желба. Македонија да биде горда и исправена земја! Се заблагодарувам на сите кандидати за пратеници во Изборната единица 2, на сите Општински Комитети, претседателите на Општинските Комитети, коалиционите партнери од коалицијата "За обнова на Македонија" и на сите граѓани кои овие изборни денови не следеа насекаде. Благодарам од срце на нашата најсилна Изборна единица 2! Горд сум на секој еден од вас, кој рамо до рамо со мене ја водеше оваа изборна кампања и беше цврст сојузник на ВМРО-ДПМНЕ и Република Македонија. Секој од вас има своја заслуга во #ОбноватаНаМакедонија која што следи по 15-ти јули. Но, најголемо БЛАГОДАРАМ до сите граѓани кои на 15-ти јули ќе ни ја дадат својата поддршка. Имавме најдобра, позитивна и сеопфатна изборна кампања и покажавме дека можеме да ја пренесеме убавата енергија насекаде, за да се сплотиме и да ја пратиме пораката за надеж и поубав живот. На 15-ти јули победува народот, победува ВМРО-ДПМНЕ, победува Република Македонија! И С П Р А В И С Е М А К Е Д О Н И Ј О! О Б Н О В А ТА П О Б Е Д У В А!, пишува Мисајловски.

Мисајловски: Во Ѓорче Петров ја имавме најпозитивната кампања и овде ќе ја направиме најголемата разлика

Ивана Ефремовски — Sun, 12 Jul 2020 20:29:16 +0000

Владо Мисајловски, потпретседател на ВМРО-ДПМНЕ и носител на изборната единица 2 денеска го посети Ѓорче Петров од каде што порача да се обединат сите и да ја донесат најголемата победа за обнова на Македонија. -Јас го гледам победничко Ѓорче Петров и не само да го кажам како фраза туку се гордеам со ова што го направивме што го правите и што допрва да направиме. А тоа е да ја водиме државата а наскоро и да ја водиме општината. Со гордост можам да кажам дека ја имавме најдобрата најпозитивна кампања и најубавата кампања што било кој носител ја имал во Република Македонија. а за тоа сте заслужни сите вие-истакна Мисајловски Мисајловски ги замоли присутните граѓани да ги посетат своите пријатели и да ги замолат да им ја дадат поддршката. -Во среда се гласа а јас како и на митингот ќе ве замолам сите вас да разговарате со секој еден пријател со секој еден комшија сосед со секој што го познавате да го замолете да ни ја даде довербата затоа што после 15 може да биде доцна. После 15 јули некој можеби сака да ја раздели Македонија после 15 можеби некој сака македонскиот јазик да не биде македонски јазик после 15 можеби некој сака Гоце Делчев да не биде македонец- нагласи Мисајловски Мисајловски додаде дека во Ѓорче Петров е најдобрата општинска организација. -Во Бутел кажав дека ќе имаме над 60 пратеници а сега мислам дека ќе имаме 63 пратеници да ви кажам од срце. Затоа ве замолувам уште еднаш да се обединиме во Ѓорче Петров. Ние сме првата порта и треба да останеме најсилната порта. Ова е најдобрата организација ова е најдобриот општински комитет во Македонија. Иако ги сакам и ги почитувам сите вие сте ми во срцето-кажа Мисајловски. Носителот на изборната единица 2 Мисајловски ги повика присутните промените да започнат токму од нив и да ја донесат обновата на Македонија. -Денеска слушнавте и каде завршувале парите од тие куферчиња оние црни тендери од рекети е тие пари сега ќе почнат да ги делат на некои сиромашни граѓани за еднократна помош и слично. Ве замолувам да го спречиме тоа да пријавиме слободно на општинскиот комитет на изборната комисија за да не ни ја земат победата. Ова не го кажувам случајно ова го кажувам за никој да не може да се доближи до најголемата разлика што ќе ја направиме овде во Ѓорче. Ја чувствувам енергијата се чувствува сплотеност. Сакајте ја Македонија сакај те го Ѓорче Петров затоа што ние сме македонци и треба да се бориме. Оваа битка е за да опстане Македонија, да опстане ВМРО-ДПМНЕ и да почне промената од тука. Нека почне промената во секој од вас за да дојде обновата на Македонија- заклучи Мисајловски.

Мисајловски: Се подготвуваат нови сценарија за Македонија, а одговорот следи токму од вас

Тале Кристо — Sun, 12 Jul 2020 19:59:35 +0000

Се подготвуваат нови сценарија за Македонија, а одговорот следи токму од вас, рече на денешната средба со граѓаните од Ѓорче Петров носителот на листата на ВМРО-ДПМНЕ во изборната единица 2, Владо Мисајловски. -Сакаа да ме заплашат, да престанам да водам кампања и бидам тоа што сум. Со гордост можам да кажам дека ја имавме најдобрата, најпозитивната и најубавата кампања што било кој носител ја имал во Република Македонија, рече Мисајловски. -Во среда се гласа, јас ќе ве замолам сите вас, да разговарате со секој еден пријател, со секој еден комшија, сосед, со секој еден што го познавате да ни ја даде довербата. Зошто после 15-ти може да биде доцна. После 15-ти некој може да побара да ја раздели Македонија, после 15-ти некој ќе сака македонскиот јазик да не биди македонски јазик, после 15-ти некој ќе сака Гоце Делчев или Ѓорче петров да не биде Македонец. Јас ова не го зборувам паушално, колку да го кажам за некој плус глас. Видовте што се случуваше изминатите три години, видовте дека постојат политичари дека за пусти пари ќе продадат се, истакна Мисајловски. Целиот говор на Мисајловски, носител на листата на ВМРО-ДПМНЕ во ИЕ2 можете да го погледнете во продолжение:

Мисајловски од Ѓорче Петров: Ова е местото од каде што ќе започне најголемата победа на ВМРО-ДПМНЕ!

Тале Кристо — Sun, 12 Jul 2020 18:13:24 +0000

Ова е победничко Ѓорче Петров! Ова е местото од каде што ќе започне најголемата победа на ВМРО-ДПМНЕ!, пишува во својата објава на Фејсбук носителот на листата на ВМРО-ДПМНЕ во изборната единица 2, Владо Мисајловски. Ѓорчепетровци со овој преубав настан се предвесник на најголемата и најсилната победа на ВМРО-ДПМНЕ во историјата. Македонскиот народ е решен да го одбере патот на просперитетот, успехот, победите и назад враќање нема. Република Македонија ќе биде исправена, горда и достоинствена држава! Држава со која ќе се гордее секој граѓанин. Огромна благодарност за заложбите, трудот, посветеноста и енергијата на кандидатите за пратеници во ИЕ2 од Ѓорче Петров, Бојан Стојаноски и Наташа Менкиноска. Тие ќе бидат гласот на ѓорчепетровци, мостот помеѓу проблемите и решенијата, луѓето кои што ќе бидат достапни секогаш и за секого. Најголемо благодарам до сите членови на ВМРО-ДПМНЕ ОК Ѓорче Петров, симпатизерите, поддржувачите, пријателите и сите кои што се приклучија во оваа борба за #ОбноваНаМакедонија. Победата во Ѓорче Петров е неизбежна. На 15-ти јули токму од тука ќе одекне гласот за убедливата победа!

ФОТО: Мисајловски на средба со граѓаните на Ѓорче Петров

Тале Кристо — Sun, 12 Jul 2020 16:57:39 +0000

Во рамките на предизборната кампања, носителот на листата на ВМРО-ДПМНЕ во изборната единица 2, Владо Мисајловски вечерва ќе одржи средба со граѓаните на општина Ѓорче Петров. На средбата, Мисајловски ќе ја презентира програмата на ВМРО-ДПМНЕ, како и проектите за наредните четири години.

Мисајловски: ВМРО-ДПМНЕ останува цврст сојузник на младите, бидејќи тие се иднината на Република Македонија

Тале Кристо — Sun, 12 Jul 2020 15:25:57 +0000

На вчерашното претставување на проектите за млади од изборната програма на ВМРО-ДПМНЕ во општина Гази Баба, присуствуваше потпретседателот на ВМРО-ДПМНЕ и носителот на листата во ИЕ2, Владо Мисајловски. Мисајловски потенцираше дека ВМРО-ДПМНЕ изборната програма ја работела многу долго, прецизно и во интерес на сите граѓани на Република Македонија. Но, исто така, Мисајловски додаде дека во оваа изборна програма најголем акцент е ставен на младата категорија, односно младите луѓе во Република Македонија. Иако владата предводена од СДСМ веќе три години манипулира со јавноста дека ќе ги врати младите луѓе во државата, сепак факт е дека без реални и конкретни проекти, такво нешто не е можно. Токму затоа, Мисајловски наброи мал дел од проектите кои ги има во изборната програма на ВМРО-ДПМНЕ, меѓу кои: - Целосно ослободување од партиципација за академската 2020/2021 - 4 милиони евра за претприемачка иницијатива - Ваучери од 12.000 денари за електронски уреди за следење настава - Финансиска поддршка за млад земјоделец - Современо образование и подобар студентски стандард - Над 10 милиони евра за стипендии за млади - Целосно ослободување од даноци за вработени млади лица до 29 години - Енергетски ефикасни студентски домови - Загарантирана работа за 500-те најдобри студенти - Нови 50.000 работни места за млади Мисајловски додаде дека иднината на Република Македонија се младите луѓе и тие заслужуваат беспрекорни услови, за да останат во државата и да создаваат во неа.

Мисајловски се сретна со македонската фудбалска легенда Остоја Стјепановиќ

Тале Кристо — Sun, 12 Jul 2020 15:12:13 +0000

На наше огромно задоволство, денеска заедно со кандидатот за пратеник во ИЕ2 Бојан Стојаноски, се сретнавме со мојот другар од детството Ostoja Stjepanović, со кој се познаваме речиси цел живот. Остоја е еден од поуспешните фудбалери во нашата земја и тоа го докажува фактот што покрај тоа што е екс репрезентативец на Република Македонија, во својата фудбалска кариера настапуваше за Вардар, Македонија Ѓорче Петров, но и за гиганти како Висла Краков, Сласк Вроцлав, АЕЛ Лимасол, Матерсбург и уште многу други клубови. Неодамна Остоја ја прогласи неговата фудбалска пензија и се надеваме дека во иднина ќе бидеме сведоци на нови успеси од Остоја, но овој пат како тренер на некој европски клуб. Му заблагодаривме за средбата и му посакавме добро здравје, а тој ни посака среќа во она што го работиме, пишува на својата Фејсбук страница носителот на листата на ВМРо-ДПМНЕ во ИЕ2 Владо Мисајловски.

Мисајловски: Се обврзуваме да го донесеме законот за потекло на имот на политичари

Тале Кристо — Sun, 12 Jul 2020 12:27:14 +0000

Владо Мисајловски, потпретседател на ВМРО-ДПМНЕ и носител на изборната единица 2 денеска го посети Куманово каде што се сретна со младите и со унијата на жени од Куманово и побара поддршка од нив за да може да започне обновата на Македонија. „Денеска сум повторно во Куманово сакаме да го продолжиме како што почнавме со позитивна енергија денеска сме со младите тука во Куманово со унијата на жени и да го поминеме градот со една позитивна енергија ведрина со насмевка и да го поминеме градот и да ги замолиме граѓаните да излезат и да ни ја дадат поддршката“- нагласи Мисајловски Мисајловски побара поддршка од Куманово со цел да може да започне обновата во културата да има обнова во судството, обнова во здравството во инфраструктурата во спортот и во сите сегменти на општеството. „Поминавме многу, поминавме многу населени места разговараме за многу проблеми тука во Куманово и дадовме аманет дека ќе помогнеме насекаде. Нашата програма проект обнова ќе биде насекаде опфатена во Куманово затоа ги замолувам сите сограѓани сите наши пријатели комшии роднини да ни ја дадат поддршката на 15 јули да гласаат за бројот 14 за да има обнова во културата да има обнова во судството да има обнова во здравството во инфраструктурата во спортот и насекаде околу нас“ - истакна Мисајловски Мисајловски додаде дека за него кампањата започнала со црно сценарио од политичкиот противник но тој продолжува позитивна кампања за обнова на Македонија. „Знаете дека оваа кампања за мене почна со едно црно сценарио со една фрлена бомба во мојот семеен дуќан но јас уште првиот ден кажав дека тие инспиратори и креатори од политичкиот опонент мене нема да ме запрат, јас ќе продолжам со позитивна енергија со ведрина за она што секој еден копнее во оваа држава а тоа да се има надеж за подобра иднина. Јас се потрудив овие 20 дена да го доловам тој момент насекаде“ - кажа Мисајловски Носител на изборната единица 2, Мисајловски истакна дека ја чувствува енергијата во целата изборна единица 2 и се обврза на реализација на сите проекти во програмата за обнова на Македонија. Ја чувствувам енергијата во целата изборна единица два и сакам да се заблагодарам на секое едно населено место тука од Куманово што ја даде својата енергија што не прими во нивните домови што излезе пред вратите пред портите што ни даде сугестија и забелешка а некогаш и критика за она што сме го заборавиле во минатото а ние се обврзуваме дека ќе го направиме во иднината -истакна Мисајловски Мисајловски додаде дека е неопходно да се донесе законот што ВМРО-ДПМНЕ го предлага за потекло на имот за да увидат граѓаните какви политичари има во Куманово. Политичкиот опонент само размислува на црни сценарија размислува како да ме навреди и размислува само на црни сценарија. Јас сум многу различен. Затоа е добро законот што ВМРО-ДПМНЕ го предлага за потекло на имот да видите какви политичари има тука во Куманово и што се кријат зад своите таканаречени пријателски бизниси. Затоа е добро обновата на Македонија да почне тука од Куманово да зафати многу лица од СДСМ за да знаете каде завршувале тие црни пари тие тендери и куферчиња. Но тоа е СДСМ ние сме различни, ВМРО-ДПМНЕ е различна партија од СДСМ ние сме партија што сакаме секој еден од вас да го замолиме да го даде вашиот глас а ние се обврзуваме на работа на труд и се разбира да си ја зачуваме оваа наша земја, оваа наша татковина Република Македонија - заклучи Мисајловски.

Костовски: За татковината се работи

Ивона Петрова — Sun, 12 Jul 2020 10:56:52 +0000

Кандидатот за пратеникот на ВМРО-ДПМНЕ во втората изборна единица денеска порача дека граѓаните пред нив имаат само една опција, опција за исправена и горда Македонија. -Сите заедно масовно како никогаш досега да излеземе на 15 јули и да го заокружиме бројот 14. За татковината се работи, истакна Костовски.