ие 3 – Kurir.mk

Јанушев: Очекувам мирен ден каде што ќе слави демократијата

Ристе Здравков — Wed, 15 Jul 2020 19:01:38 +0000

Го остварив своето гласачко право. Очекувам мирен ден каде што ќе се слави демократијата, така што мојата порака до сите во Република Македонија е да се излезе и гласа, да се оствари своето демократско право на глас!

Јанушев: Заев е најголемиот вирус на криминал и корупција, гласајте за реден број 14

Тале Кристо — Sun, 12 Jul 2020 20:43:04 +0000

Генералниот секретар на ВМРО-ДПМНЕ, Игор Јанушев, носител на листата на кандидати за пратеници во ИЕ 3 на последниот ден од кампања вечерва беше на завршниот собир со граѓаните во Штип. Јанушев на присутните им порача дека доаѓаат најдобрите четири години за Македонија и рече „на 15 јули заокружете за број 14 за 14 пратеници во ИЕ 3“. -Пред нас го имаме вирусот на криминал и корупција, лаги и манипулации и тој вирус има име и презиме Зоран Заев. Секое негово појавување е нова лага. Мојот противкандидат Љупчо Николосвки не излезе заедно да се соочиме, да дебатираме, не излезе затоа што нема што да каже, губитник е, рече Јанушев. Тој додаде дека оваа власт можеше, можеше многу повеќе за народот, но го заборавија народот. -Велат дека можат, можеа да не крадат, да не лажат, да не ги земаат оние милионски суми на пари кои ги ставаа во Луј Вутон торби, можеа да ги вратат кај граѓаните. Можеа да не го тероризаат својот народ и неситомислениците. Можеа да направат нешто за вас, може да го остават судството и да не биде трас-трас, ама ништо не направија. Токму затоа можеа е минато свершено време, кажа Јанушев. Јанушев се осврна и на програмата Проект-Обнова. -Тоа е програма со проекти и мерки кои велат повеќе 25 проценти плати, повеќе 20 проценти пензии, гасификација до секој дом, 4 милијарди евра инвестиции, многу инвестиции во здравство, образование, здравство и култура. За секое решение се обврзуваме да го реализираме, рече Јанушев.

Јанушев: По големата победа на 15-ти јули ќе работиме интензивно и напорно за враќање на македонското национално достоинство, тоа е нашиот аманет!

Тале Кристо — Sun, 12 Jul 2020 18:41:01 +0000

Вечерва од Пробиштип генералниот секретар на ВМРО-ДПМНЕ и носител на ИЕ 3 Игор Јанушев ги запраша членовите на СДСМ и неговиот против кандидат Љупчо Николовски, дали малце бар мислеа и дали бар малце им беше нелагодно кога ги правеа сите овие злодела и кога ги распродава државните, македонските, националните интереси. -Го слушам оној мој противник како бил навреден бидејќи народот ги нарекувале северџани. Воопшто не запрашувајќи се колку пак тие го понижија и омаловажија македонскиот народ. Затоа ви даваме збор драги пријатели, аманет за нас, дека во следните четири години ќе работиме интензивно и напорно да го вратиме македонското национално достоинство. Македонецот да биде човек, граѓанин на оваа држава со високо подигната глава и исправена кичма, порача Јанушев. Велат дека можат, но не граѓани. Тие можеа но, не направија, рече Јанушев. -Тие може само да бараат по едно евро за тате и бате, да крадат, да го окупираат судството и обвинителството, да не направат ништо за вас граѓаните, да палат автомобили. Затоа сите обединети онака референдумски да излеземе на 15-ти јули и рано сабајле во среда и да го заокружиме бројот 14, за 14 пратеника во изборната единица 3. Да сте здрави и живи и да ни е вечна Република Македонија, заврши Јанушев.

Јанушев: Ќе обезбедиме плус 50 проценти на плата на сите здравствени работници како награда за трудот и пожртвуваноста во справување со корона вирусот

Ивона Петрова — Sun, 12 Jul 2020 11:19:42 +0000

Денеска сме во посета на Штип, на последниот ден од кампањата, што туку завршивме со трибината со здравствени работници, односно со медицинскиот персонал, ни се придружија и огромна благодарност со проф. д-р Сашко Кедев и доцент доктор Игор Николов, истакна носителот на листа во ИЕ 3 од ВМРО-ДПМНЕ, Игор Јанушев. Разговаравме овде со медицинскиот персонал кои се пред се проблемите со кои се соочуваат последните неколку години, но и секако да им ја претставиме докторите и медицинскиот персона што е она што новата влада предводена од ВМРО-ДПМНЕ планира да го направи во здравството и целиот здравствен систем, која ќе биде визијата, како ќе се движи развојот и да кажам трансформацијата во здравството. Она што можам да го видам е идентично, како буквално секаде низ државата како буквално секој еден граѓанин што се соочува кога имаме прилика да разговараме впрочем лекарите ја даваат поддршката со она што следи со обновата за здравството. Она што имам да го порачам на штипјани, она што имам да го порачам на сите граѓани од Република Македонија, луѓе кренете ги главите исправете ја кичмата, буквално ставете ги насмевките на вашите лица бидејќи доаѓаат најдобрите 4 години во историјата на државата.

Мицкоски: Никој повеќе нема да шефува во Македонија и граѓаните, туку тој што ќе ја води владата ќе разговара и ќе го слуша народот

Дарко Андоновски — Sat, 11 Jul 2020 19:55:59 +0000

Лидерот на ВМРО-ДПМНЕ, Христијан Мицкоски, вечерва, на претпоследниот ден од кампањата за предвремените парламентарни избори, беше во посета на Крива Паланка. Мицкоски ги повика граѓаните да гласаат за реден број 14 затоа што тоа е глас за Македонија и оти со тоа ќе се стави крај на срамното владеење со Македонија од страна на Заев и СДСМ. „Ќе започнам од оној Конгрес во Валандово кога започна маратонот да ја урнеме оваа ненародна власт и да дојдеме до предвремени избори. Внимателно го одевме патот до нашата цел, по патот имаше и по некоја критика и ни велеа зошто молчите. Но пусто не можеш да кажеш што се планираш, да ја откриеш стратегијата. Нашата цел беше да се знае и победникот на изборите, еве како што се знае сега. Сега ни преостанува само да ја официјализираме нашата конечна победа што ќе се случи на 15 јули“, кажа Мицкоски. Мицкоски ги повика сите политички неопределени, политички определените, како и оние за политичкиот противник СДСМ укажувајќи дека не се бореа за вакво СДСМ обремено со криминал. Лидерот на ВМРО-ДПМНЕ потсети на матрицата на СДСМ која ја карактеризираат четири чекори. Првиот чекор, рече Мицкоски, „е секогаш предизборна лага, претпоставувам и сега го правеа тоа пред вас, вториот чекор, ако по некоја случајност успеат да направат влада, а не победиле 18 години, но ако и по некоја случајност да направат влада следи национално понижување и срам, третиот чекор, пљачка и криминал, и на крај четвртиот, заробено обвинителство и судство, обвинителство за пресметка со политичкиот противник, а судството за да донесе некоја трас-трас одлука за да се амнестираат“. Мицкоски рече ако имаат можност да направат влада, на маса ќе биде Македонија и додаде дека секој што ќе заокружи за листата на СДСМ, предводена од Љупчо Николовски гласа за разнебитување, за федерализација на Македонија. „Сигурен сум дека ова нема да се случи, нема да и се случи на Македонија. Затоа кога ќе ви кажат дека можат, слободно кажете им - можевте. Во изминатите три години правеа се што не требаше да прават. Лицемерието ќе заврши на 15 јули. Прашањето е кој ќе ја наведне главата по 15 јули, одговорот го знам - тоа ќе бидат тие“, кажа Мицкоски. Лидерот на ВМРО-ДПМНЕ, Мицкоси укажа и дека наместо правда и мир, донесоа неправда и немир. „Цело време лажат, лажат за се, се работело за пусти пари, за моќ да можат да уценуваат, затоа кога зборувам за Обновата зборувам за вредности – чест, работливост, трудељубивост. Стојам пред вас и ветувам дека никој повеќе нема да шефува, туку тој што ќе ја води владата ќе разговара и ќе го слуша народот. Сите заедно ќе ги засукаме ракавите и ќе работиме. Тоа што може ќе се направи веднаш, тоа што не може ќе се каже кога ќе се направи“, рече Мицкоски. Мицкоски се осврна на програмата Проект-Обнова во која рече дека има по нешто за секого, за сите за вработените, за пензионерите, за младите, дека ќе има 4 милијарди евра инвестиции, дека ќе има 160 милиони евра субвенции за земјоделците. Говорејќи за програмата, Мицкоски потенцираше дека многу внимателно се работело во делот право и правда со истакнати експерти, професионалци.

Јанушев: СДСМ можат повеќе криминал и повеќе да лажат, Заев рече дека ќе ги донесе и Гугл и Фејсбук, ама и тоа изгледа беше дело на некои пранкери

Дарко Андоновски — Sat, 11 Jul 2020 19:38:24 +0000

Генералниот секретар на ВМРО-ДПМНЕ, Игор Јанушев и носител на листата на кандидати за пратеници од ИЕ 3 вечерва, претпоследниот ден од кампањата за предвремените парламентарни избори, беше во посета на Крива Паланка. Јанушев рече дека во овие три години се изнагледавме криминал, корупција, лаги, неспособност. Јанушев се осврна тоа што се не направил, односно направил неговиот противник носителот на листата на кандидати за пратеници во ИЕ 3 од СДСМ и кажа дека тој знаел само за криминал потсетувајќи на увозот на бугарски тутун од 300 тони. Јанушев од Крива Паланка порача дека за сиот сторен криминал ќе одговараат и тоа веднаш од 16 јули. „Правдата стигнува од 16 јули, правдата ќе ги стигне за сите злодела што ги направија. Велат дека можат, јас би рекол можеа и да покажаа дека можат да лажат, дека можат повеќе криминал, ќе го донесеа и Гугл и Фејсбук но мислам и тоа дека беше дело на некои пранкери. Затоа на 15 јули ќе ги пратиме во историјата сите погрешни политичари и сите погрешни политики“, рече Јанушев. Јанушев во своето обраќање пред граѓаните се осврна на програмата Проект-Обнова. „Доаѓаат по околу шест илјади и петстотини денари повисоки плати за секој од вас, или три илјади денари повеќе за секој пензионер, 4 милијарди домашни и странски инвеститори, инвестиции во образованието, за младите, 160 милиони евра за субвенции и тоа со навремена исплата. Нема да дозволиме ниту еден граѓанин да не е задоволен. Ќе работиме со вас почитувани граѓани, за програмата ве слушнавме, разговаравме со вас, и понатаму ќе ве прашуваме за вашите проблеми и ќе ги решаваме“, рече Јанушев. Јанушев кажа дека доаѓаат политичари кои ќе покажат многу повеќе, дека тоа е генерација која ќе ја обнови Македонија. „Време е да си го вратиме достоинството, да сме горди што сме од Македонија. Ние сме Македонци кои зборуваат македонски јазик и живеат во Република Македонија. Затоа ве повикувам сите без исклучок да се обединиме и сплотиме, рамо до рамо, референдумски рано наутро да излеземе и да гласаме на 15 јули заокружувајќи го редниот број 14 за 14 пратеници од ИЕ 3“, порача Јанушев.

Мицкоски од Кратово: Огромна победа е во најава! Луѓето се обединети околу обновата и ќе гласаат за правда во Македонија

Дарко Андоновски — Sat, 11 Jul 2020 18:59:42 +0000

Вечерва од Кратово претседателот на најголемата опозициона политичка партија ВМРО-ДПМНЕ , Христијан Мицкоски повика на сплотување и одлучност, затоа што сега е време кога ние сите ќе се најдеме на една раскрсница и ќе треба да се одлучиме помеѓу два сосема различни политички проекти, концепти. Едниот е што го нудат истрошени, безидејни политичари од времето на транзицијата, а другиот е понудата на луѓето кои имаат решение и знаат како да се справат со сите предизвици, се до крајната цел. А крајната цел е Македонија онаква каква што ја знаеме, нашата Македонија. -Одлуката овој пат е помеѓу сосема две спротивставени политички понуди. Срам или чест. Подвитка кичма или исправена кичма. На една страна гледаме криминал и корупција, а на другата страна ред и поредок, чест и честитост. На едната страна гледаме луѓе кои ја подвиткаа кичмата за грст жолтици, а на другата страна гледаме силно исправени луѓе кои што си ја љубат својата татковина Македонија, порача Мицкоски. Секогаш матрицата на СДСМ се состоела од четири чекори, рече Мицкоски. Првиот им е со раката на срце ќе дојдат тука во Кратово и ќе ви зборат за жицата за времето и притоа ќе ви кажат и некоја лага, рече Мицкоски, се со цел да ја добијат вашата поддршката. А откако ќе ја формираат владата тогаш доаѓа вториот чекор каде што имаме национален срам и предавство. -Па третиот чекор пљачка, криминал и корупција, и последниот чекор е кога го заробуваат судството и обвинителството и да ги амнестираат своите криминали. Ќе споменам само како го продадоа нашето знаме ветувајќи му на народот европска иднина. Па да не зборам за транзицијата, во која илјадници луѓе останаа на улица. Па пљачката на народот преку онаа штедилница ТАТ. Понатаму, територијалната распределба кога се случи парчењето на Македонија. Па го испопљачкаа народот преку онаа случка со тенковските делови. Но, оваа генерација на СДСМ е надградена. Усовршена по криминал. Целиот криминал и корупција се заврши со една чанта Луј Витон во обвинитеството кое повеќе не постои. -Тие целата правда ја спакуваа во една чанта Луј Витон. А од пред некој ден имаме информација дека СДСМ и БЕСА во два чекора сакаат да ја распарчат Македонија. Прво е федерализација, а потоа следи уништување. И ова не е само во главата на ВМРО-вците. И тогаш предупредувавме за договорите и тогаш велеа дека тоа е само во нашите глави, но целата македонска јавност виде како тие ги спроведоа сите три договори, рече Мицкоски. Мицкоски на крајот ги повика кратовчани да излезат масовно и да гласаат за бројот 14, за нашиот сон како што рече тој, за Македонија што ја сонуваме, а не за оваа денешнава понижена, омаловажена, искрадена, заврши Мицкоски.

Јанушев: Доаѓа крајот на корупцијата и криминалот во државата, следува Обнова на Македонија

Дарко Андоновски — Sat, 11 Jul 2020 17:10:38 +0000

На денешниот собир во општина Ранковце се обрати генералниот секретар на ВМРО-ДПМНЕ и носител на листата на Изборната единица 3, Игор Јанушев. Јанушев истакна дека за СДСМ поразот започна уште пред да започне кампањата, бидејќи не постои човек во Република Македонија кој не ја приметува нивната нервоза, безидејност и очај. -СДСМ ќе се соочи со најголемиот пораз во нивната историја, а победата на ВМРО-ДПМНЕ ќе започне од Ранковце и од Изборната единица број 3. Македонскиот народ три години сведочи на безброј лаги, манипулации, криминал, корупција и уцени. Впрочем, тоа е се што СДСМ остави за народот во овие три години. Граѓаните увидоа каков човек ја водел државата три години, односно дека главата на корупцијата и рекетот во државата е Зоран Заев. Република Македонија ја опфати тежок вирус, вирус на корупција и криминал. Тој вирус има име, вирусот е Зоран Заев. Криминалната гранка во СДСМ е распространета на многу страни. Една од нив е Радмила Шекеринска која тврдеше дека Бојан Јовановски – Боки 13 го познава само од телевизија. Пред два дена, истата таа Шекеринска, потврди дека се сретнала со Боки 13 во неговиот дом. Проектите оставени од страна на ВМРО-ДПМНЕ, проекти кои СДСМ можеше да ги реализира, криминалната банда на Заев ги искористи само за полнење на сопствениот џеб. На 15-ти јули Зоран Заев, Оливер Спасовски, Љупчо Николовски и секој кој се огрешил пред законот правејќи криминал, ќе одговара, вели Јанушев. Тој вели дека слоганот на СДСМ кој гласи “Можеме” веќе не важи. Тие можеа и ништо не направија, а за тоа ќе следи казна од македонскиот народ. -Можеа да не крадат, да не лажат, да не го крадат секој тендер кој го распишаа, можеа да не нарачуваат палење на автомобили и уште многу други работи, но правеа спротивно на тоа. Јанушев истакна дека за три дена од денеска, народот ќе ги испрати СДСМ и Заев на темната страна на историјата сите погубни политичари со сите погубни политики. СДСМ е криминална партија и токму поради тоа една година наназад не сакаат да се усвои закон со кој ќе се утврди потеклото на имотот на политичарите. Тоа докажува за нивната криминогеност. ВМРО-ДПМНЕ се обврзува и ветува проверка на потеклото на имотот на сите политичари во Република Македонија. ВМРО-ДПМНЕ во изборната програма нуди 20% зголемување на пензиите, 25% зголемување на платите, намалување на невработеноста под 10%, 640 милиони евра за земјоделците, 0% данок за младите вработени до 29 години и уште многу проекти кои ги има во Проектот – Обнова. ВМРО-ДПМНЕ ќе работи макотрпно за да го врати достоинството на народот на Република Македонија. Се обврзуваме да работиме чесно и посветено за секој еден граѓанин на Република Македонија. Секој да ги почувствува бенефитите и придобивките од проектите од изборната програма. Јанушев додаде дека македонскиот народ може да ги врати насмевките на лицата, бидејќи следуваат најубавите години во Република Македонија. Следува време на промени, на работа, на обнова. Рамо до рамо сите заедно сплотени, на 15-ти јули македонскиот народ ќе го заокружи бројот 14 и ќе одбере Обнова на Македонија! Да е вечно ВМРО, да е вечна Македонија!, потенцираше Јанушев.

Јанушев на средба со жители на Конопница и Мождивњак

Магдалена Андонова — Sat, 11 Jul 2020 14:34:06 +0000

Носителот на листа во изборната единица 3 на ВМРО-ДПМНЕ, Игор Јанушев денес оствари средба со жителите на Конопница и Мождивњак. Се сретнавме со жителите на Конопница и Мождивњак. Пораката е кристално јасна, во среда победуваме! Силно, како никогаш до сега. Народот сака обнова, тоа и ќе се случи. Ќе си ја вратиме Македонија на сигурно тло! #ИсправиСеМакедонијо #ОдбериОбнова

Јанушев во посета на штандот на СДСМ и Николовски во Паланка- него го нема никаде (ВИДЕО)

Магдалена Андонова — Sat, 11 Jul 2020 13:22:47 +0000

Носителот на листа во изборната единица 3 на ВМРО-ДПМНЕ, Игор Јанушев денес беше во посета на штандот на СДСМ во родната Крива Паланка на Љупчо Николовски. Затоа што никако не можев да се сретнам со мојот противкандидат Љупчо Николовски во текот на целата кампања, го посетив штандот на СДСМ во неговата родна Крива Паланка. Ја оставив нашата програма на нивните активнисти за да му ја дадат на Николовски да прочита пред сѐ како изгледа сериозна програма за #обнова, која ќе ја реализираме после 15 јули. #ИсправиСеМакедонијо #ОдбериОбнова