ие 4 – Kurir.mk

До 11 часот гласале 23,3 отсто гевгеличани

Дарко Андоновски — Wed, 15 Jul 2020 10:21:47 +0000

Гевгеличани до 11 часот ја удвоија излезеноста на вонредните парламентарни избори во однос на 9 часот. Според Општинската изборна комисија Гевгелија, до 11 часот на 37 избирачки места својот глас го дале повеќе од 4000 гласачи што е 23,3 отсто излезеност. Во општина Валандово правото на глас до 11 часот го искористиле 1491 граѓанин или 15,4 отсто од гласачкото тело. Во општина Богданци гласале 1101 граѓанин или 16,5 отсто, а во општина Дојран на осумте гласачки места излегле 479 граѓани што претставува излезеност од 17,8 отсто. Гласачкиот процес се одвива мирно и без регистрирани неправилности.

Николоски: На 15 јули победуваме убедливо и ставаме крај на Заев и бандитите околу него

Тале Кристо — Sun, 12 Jul 2020 20:32:39 +0000

На 15 јули победуваме, победуваме убедливо. Десетици илјади луѓе секој ден се приклучуваат на нашата кампања, десетици илјади луѓе секој ден даваат поддршка на ВМРО-ДПМНЕ и затоа сум убеден во една убедлива победа во четвртата изборна единица, толку убедлива што нашиот конкурент, мојот против кандидат вратата нема да ја најде во 23 часот во средата вечерта, порача Александар Николоски, потпретседател на ВМРО-ДПМНЕ и носител на листа во изборна единица 4 пред граѓаните на село Муртино Струмица. Николоски рече дека Заев 18 години дома не успеал да си ја среди работата дома, укажувајќи дека не можеме да очекуваме државата да ја среди. -Дома не успеал да си ја среди работата, 18 години е на функција како градоначалник, пратеник и премиер, една канализација дома не успеал да изгради, ние чекаме да ја средува државата, вели Николоски. -Ве повикувам во што поголем број, масовно, референдумски да извадиме 75, 80 проценти и тука во Муртино и во Струмица, кажа Николоски. Николоски рече дека пред една година кажал дека врвот на пирамидата на рекетирање бил Зоран Заев, укажувајќи дека и денеска цела јавност слушнала како рекетира 6 милиони евра, посочувајќи дека мора да се стави крај на Заев и бандата околу него. -Се сеќавам на една моја посета лани, тука блиско во селото Банско тогаш прв пат кажав во јавност дека во Македонија се случувал рекет, дека се изрекетирани многу бизнисмени и дека се вкупно изрекетирани над 20 милиони евра, прв пат беше кажано тоа во јавност. Потоа се случија торбите Луј Витон, после тоа се случија другите работи кои излегоа. Тогаш во паника Зоран Заев реши да ме тужи за клевета. Но, еве помина година и нешто, ги одлага рочиштата, не сака да дојде на суд, затоа што знае дека ќе изгуби. Е тогаш кажав, ама еве денска Господ си ги нареди работите слушнавте сите вие кој бил Капо ди тути капи, кој бил на врвот на пирамидата за рекетирање и кој барал 6 милиони евра рекет во Македонија, лично Зоран Заев. На тој бандит треба да му ставиме крај на 15 јули и после тоа да одговара заедно со бандата околу него, рече Николоски. Николоски пред присутните граѓани, посочи дека 20 дена во текот на изборната кампања го повикувал Заев да каже која странска инвестиција ја донел во Македонија во време на тригодишниот мандат, потенцирајќи дека тој и семејството отвориле 5 фирми во соседна Бугарија. -Го повикував цела кампања Зоран Заев да каже една странска инвестиција која што ја донесе откако беше премиер. Знаете што се случи? 20 дена молк ама го гледам тој и семејството станале странски инвеститори во Бугарија, па отвориле 5 фирми сите додека се на власт, последните две откако се случија претседателските избори, јасно им беше дека ќе се случи рекет, затоа што очигледно планираат да се селат од тука и да го селат капиталот веќе сопствеништвото на одредени фирми го префрлаат на тие бугарски фирми. Што само покажува како душмански се однесуваат кон сопствената држава, додаде Николоски. Николоски вети добри економски политики, проекти за младите, покачување на платите, покачување на пензиите, како и голем број на проекти за младите лица да останат овде во државата и да ја градат својата иднина тука. -Еве оттука да му порачам на мојот против кандидат дека во четворката ќе те победам со најмалку 4 пратеници разлика, 12, 8. Во четворката ВМРО-ДПМНЕ има помеѓу 105 и 109 илјади гласови и ќе те згазиме во четвртата изборна единица и те враќаме на најтемната страни во историјата, му порача Николоски на Заев.

Николоски за ТВ Алфа: Заев е на врвот на пирамидата, изрекетирал 6 милиони евра

Тале Кристо — Sun, 12 Jul 2020 16:02:38 +0000

Потпретседателот на ВМРО-ДПМНЕ и носител на листа во изборна единица 4, Александар Николоски, во централниот дневник на ТВ Алфа рече дека Зоран Заев е на врвот на аферата Рекет, посочувајќи дека тој уште минатата година го кажувал тоа, но како што рече Заев му се заканувал со тужба. Тажната вистина за четвртата изборна единица е тоа што сите го слушнавме, а тоа е дека Заев бил на врвот на аферата рекет, и јас тоа прв го кажав минатата година, во месеци август од селото Банско тука во Струмица. Тогаш Заев се закани дека ќе ме тужи со клевета, но се уште не сме стигнале до судскиот процес затоа што бега од истиот, но еве денес се покажа дека тоа било вистина, вели Николоски. Николоски потенцираше дека Заев побарал 6 милиони евра рекет со што се покажува дека тој е на врвот на пирамидата која што рекетира во Македонија, додавајќи дека со победата на ВМРО-ДПМНЕ на 15 јули следува и кривична одговорност. Имено, самиот тој побарал над 6 милиони рекет во Македонија, што само покажува дека тој е на врвот на пирамидата која што рекетира во Македонија. На тоа мораме да ставиме крај, мора да има кривична одговорност и политичка одговорност. А одговорноста почнува со победата на 15 јули.

Николоски од Росоман: Загарантиран откуп и навремена исплата на земјоделските производи, нема да дозволиме никој да им јаде трудот и маката на земјоделецот

Ивона Петрова — Sun, 12 Jul 2020 11:46:40 +0000

Потпретседател на ВМРО-ДПМНЕ и носител на листа во изборна единица 4 Александар Николоски, денеска на последниот ден од изборната кампања, пред жителите на општина Росоман, вети испитување на потеклото на капиталот на политичарите и носителите на јавни функции во изминатите 30 години, посочувајќи дека доколку се утврди дека некој ја злоупотребил функцијата ќе мора да го врати стекнатиот имот. После 15 јули ќе се донесе овој закон и ќе се испита потеклото на капиталот да знаеме кој работел чесно, а да знаеме кој работел нечесно. На тие што работеле нечесно како што е редот да им се оданочи за 70 проценти и да се врати кај народот и да се покрене кривична одговорност таму каде што има потреба, вели Николоски. Николоски, рече дека силен фокус ќе се стави на земјоделието, истакнувајќи дека нема да дозволат некој да им го јаде трудот и маката на земјоделците. Силен фокус на земјоделието, не смееме да дозволиме ситуација во која што вие ќе работите а некој друг ќе ви го јаде трудот. Не смееме да дозволиме ситуација земјоделците со испукани раце и со солзи во очите, а 5 до 6 луѓе дел од зелената мафија да бидат милионери. Не смееме да дозволиме ситуација во која што без пари ќе ви го откупуваат родот, а потоа ќе ви го продаваат за 4 до 5 пати повисоко, рече Николоски. Ќе има гарантирана цена на производите и навремена исплата со еден голем фонд кој што државата ќе го определи од околу 200 милиони евра кои што треба да значат гарантиран откуп на земјоделските производи, вети Николоски. Помош на земјоделците од елементарни непогоди, како што беше оваа зима со мразот со кајсијата и праската. Таква работа не смееме да дозволиме. Мора државата да помогне кога се случуваат такви непогоди, кажа Николоски. Николоски ги повика граѓаните да излезат на масовно референдумско гласање, да дадат поддршка на ВМРО-ДПМНЕ и коалицијата за Обнова на Македонија и заедно со граѓаните да ги донесат промените и да ја обноват Македонија. Уште еднаш сакам да ве замолам на масовна референдумска излезност на овие избори. Тоа е клучот на овие избори излезете и поддржете го бројот 14 и коалицијата за Обнова на Македонија. На овие избори сме обединети како никогаш претходно, изјави Николоски.

Николоски: Изградба на автопатот од Градско преку Прилеп до Битола и грчката граница

Дарко Андоновски — Sat, 11 Jul 2020 17:02:03 +0000

Ова е тажната вистина за инфраструктурниот колапс, кој што се случи во изминатите три години пустош на СДСМ. Ветуваме изградба на автопатското решение од Градско преку Прилеп до Битола и грчката граница кое што треба да значи отворање на целокупните пелагонискиот регион кое што треба да значи нови работни места, заживување на економијата и модерно инфраструктурно поврзување, ова денеска преку изјава за медиумите го истакна Александар Николоски, носител на Изборната единица 4. -Автопат којшто ќе го поврзе Прилеп и целиот прилепски регион со централна Македонија и којшто ќе го поврзе Прилеп и целиот прилепски регион со најмалку две пристаништа со цел да ја развиваме заеднички економијата. Одбери обнова, потенцира Николоски.

Мисајловски на средба со граѓани во Ѓорче Петров

Магдалена Андонова — Sat, 11 Jul 2020 16:17:01 +0000

Носителот на листа во изборната единица 2 на ВМРО-ДПМНЕ, Владо Мисајловски заедно со кандидатите за пратеници во ИЕ2 Бојан Стојаноски и Наташа Менкиновска денеска прошетаа низ Ѓорче Петров и разговараа со жителите за изминатите денови од оваа кампања и очекувањата од изборниот ден, и исто така ги посетија Унијата на млади сили на ВМРО-ДПМНЕ при ОК Ѓорче Петров. „Попладнево сум во нашето Ѓорче. Заедно со кандидатите за пратеници во ИЕ2 Бојан Стојаноски и Наташа Менкиновска прошетавме низ Ѓорче Петров и поразговаравме со граѓаните за изминатите денови од изборната кампања и очекувањата од изборниот ден. Ѓорчепетровци велат дека времето на лаги и манипулации заврши. На Република Македонија и се потребни сериозни политичари и луѓе кои ќе работат чесно и посветено за својот народ. Во текот на прошетката ги посетивме и Унијата на млади сили на ВМРО-ДПМНЕ при ОК Ѓорче Петров, кои на поставениот штанд во реонскиот парк ја претставуваат изборната програма на ВМРО-ДПМНЕ и проектите кои се обврзуваме да ги исполниме. Ѓорчепетровци се препознатливи по патриотизмот и љубовта кон татковината, и токму поради понижувањата кои ги доживеаа од оваа ненародна власт, на 15-ти јули ќе го заокружат бројот 14 и ќе ги испратат СДСМ и Зоран Заев на буништето. Ѓорче јасно и недвосмислено посакува #ОбноваНаМакедонија! На 15-ти јули победува ВМРО-ДПМНЕ, победува Ѓорче, победува Македонија!“

Николоски: Мојот против кандидат е човек кој што го промени името на оваа држава

Магдалена Андонова — Sat, 11 Jul 2020 14:54:09 +0000

Носителот на листа во изборната единица 4 на ВМРО-ДПМНЕ, Александар Николски на својата фејсбук страница сподели видео каде што кажува дека неговиот против кандидат е човек кој што ги искористува луѓето и ги пушта низ вода и ситните риби ги тера да одговараат за него, за тој да може да биде заштити. -Мојот против кандидат е човекот кој што бараше евро за брат му ама не едно, туку помножено по 200.000 и кажа уште кој се друг платил во штедилницата кај брат му. Мојот против кандидат е човек чие што најтесно семејство вози автомобил кои вие ниту во живот, а ниту јас сме видели и кои што чинат повеќе од вкупната заработка на сите вас за 5 години заедно, вели Николоски во објавеното видео. -Мојот против кандидат е човек кој што краде каде што ќе стигне. Мојот против кандидат е човек кој што лаже каде ќе стигне. Мојот против кандидат е човек кој што поставува директори на јавни институции кои што пари ставаат во торба. Мојот против кандидат е човек кој што организираше рекет во Република Македонија и е на врвот на пирамидата, „капо ди тути капи“ на сите криминалци во оваа држава и кој што организираше многу бизнисмени да бидат изрекетирани во вредност од преку 20 милиони евра, додава тој. Николоски исто така истакнува дека неговиот против кандидат е човекот кој што го промени името на оваа држава, што воведе двојазичност и што тргува со историјата. Целосното видео може да го проследите во продолжение.

„Доста е од рекетари, сакаме обнова“

Ристе Здравков — Sat, 11 Jul 2020 11:50:02 +0000

Победата е очигледна. Доста беше рекет и криминал. Обновата доаѓа! #ВМРОДПМНЕ #МАКЕДОНИЈА

Николоски: Бордот на директори на ТЕЦ Неготино земале плата од над 2.500 евра, е такви бандити и криминалци Заев става на функција

Ивана Ефремовски — Fri, 10 Jul 2020 20:51:31 +0000

Мојот опонент, мојот против кандидат Зоран Заев нема ден да не се потсетиме на некоја од неговите големи афери, не се добројуваат. Да земам сега тука да ги бројам, до утре ќе треба да останеме, за жал. Ќе набројам неколку. Мојот против кандидат е човекот кој што бараше евро за брат му ама не едно, туку помножено по 200.000 и кажа уште кој се друг платил во штедилницата кај брат му. Мојот против кандидат е човек чие што најтесно семејство вози автомобил кои вие ниту во живот, а ниту јас сме видели и кои што чинат повеќе од вкупната заработка на сите вас за 5 години заедно, вели потпретседателот на ВМРО-ДПМНЕ и носител на листа во изборна единица 4, Александар Николоски денеска на средба пред граѓаните на Кавадарци. -Мојот против кандидат е човек кој што краде каде што ќе стигне. Мојот против кандидат е човек кој што лаже каде ќе стигне. Мојот против кандидат е човек кој што поставува директори на јавни институции кои што пари ставаат во торба. Мојот против кандидат е човек кој што организираше рекет во Република Македонија и е на врвот на пирамидата, „капо ди тути капи“ на сите криминалци во оваа држава и кој што организираше многу бизнисмени да бидат изрекетирани во вредност од преку 20 милиони евра. Мојот против кандидат е човек кој што ги искористува луѓето и ги пушта низ вода и ситните риби ги тера да одговараат за него, за тој да може да биде заштити. Мојот против кандидат е човек кој што го промени името на оваа држава, што воведе двојазичност и што тргува со историјата, рече Николоски. Николоски, од Кавадарци порача да се внимава со маката и трудот на земјоделците, порачувајќи да се внимава што прават со цената на грозјето бидејќи после 15 јули со ВМРО-ДПМНЕ ќе си имаат работа, односно како што рече тој, грозјето мора да се откупи цело по праведна цена и мора навреме да се плати. -Сакам збор два да кажам за уште две работи. Едната се маките народни и на земјоделците и втората њ криминалот и корупцијата. За маките народни, слушаме одредени големци и олигарси кои што ни ја искрадоа државата во 90тите години си ги добија фабриките на тацна станаа милионери ама не станаа милионери затоа што мобилен телефон измислија или компјутер, или некоја ракета, туку за тоа што покрадоа. И сега истите тие оваа година сакале грозјето за 6, 7 денари. Да им порачам од овде да внимаваат што прават со ВМРО-ДПМНЕ ќе имаат работа после 15 јули, вели Николоски. Николоски посочи посочи дека секој што се огрешил пред законот после 15 јули ќе мора да одговара, додавајќи дека „не е само директорот на Тутунскиот комбинат кој зема енормно висока плата, туку откри дека и директорот на ТЕЦ Неготино и бордот на директори земале високи плати, укажувајќи такви бандити и криминалци Зоран Заев става на функции“. -Околу криминалот и корупцијата, каде и да отидете секаде бандити. Еве две работи сакам да споделам со вас. Бев претходно во Неготино и кажуваат луѓето ТЕЦ Неготино кога работи кога не работи, главно не работи. Си се собрале таму директори си се ставиле си поделиле плата каква што вие не можете да сонувате. Јас мислев дека само во Прилеп е така, таму на пример директорот на Тутунскиот комбинат прима ако не сте знаеле 3.500 евра нето месечна плата, односно 5.500 евра бруто месечна плата. Значи зема 5.500 евра месечна плата, само за споредба цело семејство во Прилеп кое што сади тутун за една година заработува од 5.000 до 7.000 евра. За една година цело семејство, а овој сам за еден месец 5.500 евра. Ама такви херои имало и тука во Неготино и ќе ги кажам по име, затоа што мене тој ми е стилот, директорот на ТЕЦ Неготино зема верувале или не 100.000 денари нето плата, 150.000 денари бруто плата, преведено 2.500 евра плата, името на тој директор е Небојша Стојановиќ и веројатно никој не го знае и никој не го видел, ама мангупот зема 2.500 евра плата. „Па тие пајташите околу него, зошто нели треба да има борд да директори, земаат некаде околу две до 2.300 евра плата, еве да ги кажам нивните имиња. Игор Бојаџиев, Јане Стојменов, Никола Ангеловски, Билјана Митева. Сите овие си земаат по 2.000 до 2.300 евра бруто плата. Такви бандити и криминалци Зоран Заев става на функција, да ги поздравам од овде и сите ќе одговараат од прв до последен после 15 јули за да не ја цицаат маката на луѓето, да има одговорност и во Неготино, и тука во Кавадарци“, порача Николоски. Николоски побара масовна поддршка од кавадарчани за убедлива победа и во Кавадарци, и во цела четврта изборна единица и на ниво на Македонија за заеднички да ја градат Македонија. -Да победиме убедливо во четворката, да излеземе масовно во Кавадарци и да победиме во четвртата изборна единица со 12, 8 и да имаме преку 60 пратеници на ниво на Македонија, и заеднички да ја градиме Македонија.

Николоски до Заев: Имаш уште два дена за да се охрабриш и да одбереш медиум и термин за ТВ дуел

Ристе Здравков — Fri, 10 Jul 2020 17:21:36 +0000

Потпретседателот на ВМРО-ДПМНЕ Александар Николоски и носител на листа во изборна единица 4 во интервју за Економски лидер, го повика Зоран Заев да се охрабри во овие два дена и да прифати ТВ дуел со него се со цел да ги презентираат програмите. За Зоран Заев еве да го повикам и тука денес од ова интервју, има уште два дена да се охрабри да си одбере медиум, термин, прашања, се што сака и да направиме еден дуел. Ми бега од дуел цела кампања затоа што треба граѓаните да не видат, треба да гласаат или за мене или за него во четвртата изборна единица. Треба да ме одберат или мене или него, па да ги споредиме програмите, да видиме што нудам јас и ВМРО-ДПМНЕ во четворката, а што нуди тој и СДСМ во четворката, но и да видиме што направиле Зоран Заев и СДСМ, вели Николоски. Го охрабрувам да не бега да не се плаши имаме уште два дена треба граѓаните да не споредат, да не се крие позади лажни портали и да не се крие позади лажни вести. Ајде да излезе да се споредиме, тој со зборови јас со документи, јас со реализирано ништо, јас со програма што ќе направиме па да одберат граѓаните, додаде Николоски.