ие 6 – Kurir.mk

Стојаноска: Да ставиме крај на нивниот промашен пат, да ставиме точка на нивните срамни политики

Тале Кристо — Sun, 12 Jul 2020 21:06:29 +0000

Уште малку останува, кога ќе се разбудиме мирни, спокојни и со вратена надеж за подобра иднина. Ова го чекавме. За ова останавме и не потклекнавме. За ова останавме и ги издржавме сите предизвици и притисоци. За ова останавме и ќе останеме – најголемиот пркос во македонската три и повеќегодишна голгота, пишува на социјалната мрежа на Фејсбук Дафина Стојаноска, носител на листата на ВМРО-ДПМНЕ во шестата изборна единица. Некои не‘ обвинуваа, некои не ни веруваа, некои се откажаа, некои се‘ уште не веруваат. Да ставиме крај на нивниот промашен пат. Да ставиме точка на нивните срамни политичари и политики. Да завршиме со корупцијата и криминалот во првите редови на власта. Да престанеме да прифаќаме дека нормално е политичарот да биде недостапен, арогантен, најпаметен и неприкосновен. Да не се помириме со новата ненормалност на Заеви и компанија. Да се вратиме на традицијата и корените, да не ја даваме историјата на прекројување, да работиме на силна економија, на воведување на ефикасно право за сите, како и еднаквост на сите пред правдата и законите. Да се заложиме за квалитетно образование, во кое ќе се врати угледот на вредниот професор, но и образование кое ќе создава вредни кадри. Да докажеме дека не сме сите исти и дека има луѓе кои застануваат цврсто позади обновата на својата татковина и нема да отстапат за ништо и заради никого. Ниту за својот сопартиец, ниту за својата фамилија, ниту за најдобриот пријател. Време е за обнова, ама најпрво на самите себе. Време е за покажување на личен пример. Време е за обнова, а не за исти лаги и исти луѓе. ВМРО-ДПМНЕ нуди обнова, затоа што ВМРО-ДПМНЕ е подготвено за обнова. Време е власта да се врати кај луѓето кои нема да ви го кажуваат она што сакате да го слушнете, туку она што е реалност и вистина. Некогаш реалноста е болна и тешка, а вистината боли. Но, многу е подобро што побрзо да се соочиш со вистината, отколку да останеш да живееш во лаги, посебно не во истите лаги, и тоа со истите луѓе. Време е за нови проекти и мерки, а не за ваучери кои се делат од нашите пари и заради кои Македонија е на работ на сиромаштијата. Македонија повторно стана земја на ваучери и бонови, земја на затворени фабрики и омаловажени пензионери, земјоделци и доктори, студенти и средношколци. Македонија стана земја во која Уставот е послаб од рекетот, а законите се послаби од тендерите. Затоа, доаѓа обновата која вие ќе ја изгласате на 15-ти јули. Доаѓа обновата која вие ќе ја изгласате со заокружување на бројот 14. Обновата, чии носители сме сите ние. Обнова, а не измами. Обнова за исправена Македонија, пишува Стојаноска.

Стојаноска: По 15 јули новата влада на ВМРО-ДПМНЕ ќе се залага за решавање на проблемот со депонијата Русино

Тале Кристо — Sun, 12 Jul 2020 12:58:08 +0000

Дафина Стојаноска, носител на изборната единица 6 денеска беше пред депонијата Русино каде рече дека како носителката на листата на ВМРО-ДПМНЕ и Коалицијата За обнова на Македонија во чија што програма од 6те стратегиски определби е заштита и унапредување на животната средина изјави дека итно ќе се зафатат на прашањето на нерегулираните депонии каква што е Русино. -Во првите 100 дена од формирањето на Владата ќе следи и безусловна забрана на увоз за опасен материјал. Владата ќе изработи и методологија за поддршка на регионалните центри за управување со отпад што предвидува поставување преработувачки центри за секундарна селекција и добивање енергија и био гориво. Сето ова во соработка со планските региони и единиците на локалните самоуправи. Клучниот збор лежи во соработката или поточно во немањето соработка во изминативе години или децении, истакна таа. Стојаноска потсети дека СДСМ освен протестите и ветувањата дека аерозагадувањето ќе се реши кога ВМРО-ДПМНЕ нема да биде власт, ништо друго не стори изминативе три години. Таа посочи дека за разлика од СДСМ во време на владите на ВМРО-ДПМНЕ се обезбедуваа средства за ова и за останати теми од животната средина, но некаде истите се реализираа од страна на локалните власти, а некаде за жал и сеуште не и овде ги наведи реализираната пречистителна станица за питка вода во Гостивар, милион и двеста илјади евра за водоводот во Тетово, 100 милиони денари за регулација на коритото на Вардар во Јегуновце, пречистителна станица во Теарце итн. -Конечно единствен начин да се реши проблемот со Русино е да се изгради посебен канал за испуштање и третирање на отпадните води од отпадот. Во меѓувреме да се најде и соодветна локација за да се инвестира во постројки за рециклажа на отпадот од Русино. Како што кажав претходно за да се спроведе ова потребно е поголемо залагање на централната власт односно министерството за животна средина, но и соработка со локалната власт, потенцираше Стојаноска. Стојаноска порача дека ВМРО-ДПМНЕ нема да го избегне овој акутен и сериозно опасен проблем за Гостивар и цела изборна единица 6, туку активно и итно ќе се завземе за изнаоѓање решение на истиот. Обнова мора да има и за ова прашање. Таа обнова доаѓа од 15 јули.

Стојаноска од Тетово: ВМРО-ДПМНЕ нуди конкретни проекти и мерки за силна економија и пад на невработеноста под 10%

Ристе Здравков — Sat, 11 Jul 2020 12:21:00 +0000

Носителот на листата во изборната единица 6 Дафина Стојаноска, денеска даде изјава пред фабриката “Леар” во Тетово, која е резултат на добрите политики на ВМРО-ДПМНЕ во изминатиот мандат. Наместо странски инвестиции, СДСМ ја донесе Република Македонија на последното место по растот на БДП во Европа. СДСМ единствена гранка на која посвети внимание е рекетот кој владее, со што придонесе за скептицизам кај странските инвеститори да вложуваат во нашата држава. Стојаноска порача дека ВМРО-ДПМНЕ во изборната програма нуди проект за рамен данок од 8% и 0% оданочување на реинвестираната добивка, намалување на основицата за пресметка и уплата на придонеси за задолжително социјално осигурување, 0% оданочување за младите вработени до 29 години, капитални инвестиции до 4% од БДП и намалување на невработеноста во државата под 10%. Со овие мерки и проекти од ВМРО-ДПМНЕ државата ќе се врати на патеката на успешните бизнис земји во светот. ВМРО-ДПМНЕ се обврзува на реализација на овие проекти, се со цел подобрување на животниот стандард на граѓаните и стабилизирање на македонската економија.

Ахмети огорчен и разочаран нема да му прости на Заев за изјавите дека Албанците се купуваат за пет пари

Ристе Здравков — Sat, 11 Jul 2020 12:03:59 +0000

Претседателот на Демократската Унија за Интеграција, Али Ахмети од вчерашниот митинг во Тетово, откако веќе ја слушнал аудио снимката на која Зоран Заев вели дека Албанците не вредат пет пари и дека нив можеш да ги купиш за пет денари, изрази длабока огореност и разочараност од таквите изјави. Тој од Тетово порача дека касно ја слушнал „бомбата“ но дека со таквите изјави се навредени сите Албанци, дури и дека во гроб му се превртуваат коските на сите оние кои што паднале борејќи се на овие територии. Ахмети исто така му порача на Заев дека за ова нема никогаш да му прости и дека е добро што сега веќе знаат што тој мисли за Албанците. - Не можам а да не ја изразам мојата длабока огорченост и разочараност за неколку денешни изјави, кои касно ги слушнав, од кои навистина се шокирав, дека имало Албанци што се продаваат за пет пари, за пет динари. Нека не заборават сите тие, дека со оваа изјава и со оваа мисла му се превртуваат коските во гробовите на сите оние што истуриле крв на овие простории. Затоа да не заборават дена се превртуваат коските во гробовите на сите они екои се бореа на овие простоии и нека знаат дека ние нема да им простиме, рече Ахмети. Тој ги повика албанците да останат смирени и да не реагираат бурно на овие изјави кои за нив се срамни и потценувачки. - Браќа и сестри да не ја губи вербата и овој момент кој е многу срамен и потценувачки за нас да не се претвори во одмазда. Сметајте како ништо да не се случило, мудро делувајте и другите нека му ја мислат што мислат тие за нас и дека ние знаеме што мислат, затоа што сега веќе ги слушнавме што зборуваат и какви проценки прават, истакна Ахмети. Оваа лутина додаде тој, да ја претвориме во сила, да ја претвориме во мобилизација и на 15 јули нека видат кои сме ние, и на 16 јули ќе се пее нова песна.

ВИДЕО: Заев проговори Албански

Ристе Здравков — Fri, 10 Jul 2020 20:20:01 +0000

Лидерот на СДСМ Зоран Заев на денешната централна трибина на коалицијата „Можеме“ во Скопје упати порака на албански јазик „Pse jo BDI në opozitë“, односно „Зошто не, ДУИ во опозиција“.

Стојаноска: На 15-ти јули со маска заштитете се од корона вирусот, а со пенкало – од Зоран Заев

Магдалена Андонова — Fri, 10 Jul 2020 11:20:06 +0000

Кандидатот за пратеник во изборната единица 6 на ВМРО-ДПМНЕ, Дафина Стојаноска на својата фејсбук страница сподели видео обраќање во кое ги повикува граѓаните да го искористат своето право на глас. На 15-ти јули со маска заштитете се од корона вирусот, а со пенкало - од Зоран Заев! #Заокружете14 #ОбноватаДоаѓа Целосното видео може да го погледнете и слушнете во продолжение.

Стојаноска на средба со дел од гостиварските угостители

Магдалена Андонова — Thu, 09 Jul 2020 14:46:04 +0000

Кандидатот за пратеник во изборната единица 6 на ВМРО-ДПМНЕ, Дафина Стојаноска денес оствари средба со дел од гостиварските угостители, кои што како што таа пишува на својот фејсбук статус не знаеле за што попрво да се пожалат. -Не знаеја од што попрво да се пожалат: сива економија и нелојална конкуренција, катастрофално лоши економски и бизнис политики, страшно лош однос од страна на инспекцискиот надзор, со чест на исклучоци...Во корона-кризата дишат на шкрги и се молат на чудо, напиша Стојаноска. Целата нејзина објава за средбата со гостиварските угостители може да ја проследите во продолжение.

Стојаноска: ВМРО-ДПМНЕ во програмата „Обнова“ има посветено доста труд и време токму за културата

Магдалена Андонова — Thu, 09 Jul 2020 13:17:13 +0000

Кандидатот за пратеник во изборната единица 6 на ВМРО-ДПМНЕ, Дафина Стојаноска на својата фејсбук страница објави видео обраќање од пред Националната установа за култура во Гостивар. -Од акцизите за нафта и нафтени деривати кои што СДСМ за време на тригодишно владеење, ги покачи дури два пати, владата на ВМРО-ДПМНЕ ќе издвојува денар за спортот и денар за културата што ќе значи многу за овие две гранки, преку што ќе дојдеме до обнова за Македонија, истакна Стојаноска во објавеното видео. Целата објава и видео може да ги проследите во продолжение. Од пред Националната установа за култура во Гостивар денес истакнувам дека културата е многу значаен фактор за идентитетот и развојот на секоја држава. ВМРО-ДПМНЕ во програмата “Обнова” има посветено доста труд и време токму за културата. Наши културни приоритети се: - културниот идентитет - културното наследство - уметничкото наследство - културните работници - културните и креативни индустрии - меѓународната културна соработка - инфраструктура 2020-2030. На 15-ти јули заокружете го бројот 14, за да имаме повеќе за секого, но и повеќе за културата во Македонија. #ПовеќеЗаСекого #ИсправиСеМакедонијо #ОбноватаДоаѓа

Заев: Заедно со БЕСА чекориме по правиот пат

Ристе Здравков — Thu, 09 Jul 2020 12:56:45 +0000

Заедно ќе ја осигураме иднината! СДСМ, БЕСА и коалицијата Можеме се најсигурната опција за да продолжиме по исправниот пат. Да не ризикуваме, да не го даваме гласот за било кој што би можел да коалицира со Мицкоски. На 15 јули гласајте за сигурност, наместо за опасност. Гласајте за #Можеме и број 3! Гласај за најсигурната опција!

Стојаноска во Гостивар: На 15-ти јули изборот е меѓу еснафот и криминалот или меѓу честа и свитканата кичма

Магдалена Андонова — Wed, 08 Jul 2020 14:05:53 +0000

Кандидатот за пратеник во изборната единица 6 на ВМРО-ДПМНЕ, Дафина Стојаноска заедно со останатите кандидати за пратеници на ВМРО-ДПМНЕ и коалицијата обнова на Македонија, денес седнаа на баклава во една од најстарите и најреномираните слаткарници во Гостивар „Рекорд“. На својата фејсбук страница напиша дека жали што имавме можност две и пол години да имаме премиер без „е“ од еснаф. Целата нејзина објава може да ја прочитате во продолжение.