ифаб – Kurir.mk

Се спремаат радикални промени во фудбалот

Бошко Тасиќ — Thu, 19 Jan 2023 07:25:14 +0000

Teлото задолжено за промена на правилата на фудбалската игра (ИФАБ), размислува за радикални промени кога е во прашање времетраењето на еден натпревар. Многумина се жалат дека фудбалот има огромни проблеми со губењето на активното време за игра, а британски „ТАЈМС“ наведува дека на маса има три предлози. Првата е драстично да се зголеми времето за судиско надополнување, како што беше случајот на Светското првенство во Катар. Втората е да се подобрат сегашните правила, а третата е да се стопира времето додека топката не биде во игра. „Не велам дека секогаш треба да се запира времето, но тоа треба да биде за голови, замени, пенали, повреди и ВАР“, изјави Дин, амбасадор на Премиер лигата. Третиот е најреволуционерен и е поддржан од повеќето фудбалски работници.

ИФАБ: Предлогот за 25 минутно полувреме ставен на разгледување

Ивана Ефремовски — Fri, 15 Oct 2021 15:09:10 +0000

Меѓународниот борд на фудбалски асоцијации (ИФАБ), задолжен за промени на фудбалските правила, соопшти денеска дека на крајот од овој месец ќе го разгледа предлогот паузата меѓу двете полувремиња на натпреварите да трае 25 минути, а во тоа време би се организирала забавна програма по примерот на американскиот Супербол. Барањето минатиот месец го поднесе Јужноамериканската фудбалска конфедерација (КОНМЕБОЛ), сугерирајќи дека забавната програма би можела да се изведува за време на финалето на Копа Либертадорес. Според правилото 7. од фудбалскиот законик, „играчите на полувреме имаат право на пауза не подолга од 15 минути“. ИФАБ барањето на КОНМЕБОЛ ќе го стави на разгледување на онлајн состанокот закажан за 27 октомври. (МИА)

Официјално: Правилото за пет замени останува и во сезоната 2020/21

Магдалена Андонова — Wed, 15 Jul 2020 16:17:41 +0000

Фудбалските тимови ќе имаат право да направат пет замени по натпревар следната сезона, одлучи Одборот на Меѓународната фудбалска асоцијација (ИФАБ) – единицата надлежна за фудбалските регулативи. Сепак, одлуката за петте замени ќе ја донесе индивидуално секоја федерација. Во мај оваа година ИФАБ им овозможи на тимовите да користат пет замени наместо традиционалните три за да го „заштитат здравјето на играчите“ за време на пандемијата на коронавирус. – Управниот одбор на ИФАБ ја прошири опцијата за првенствата закажани за завршување до 31 јули 2021 година и меѓународни натпревари закажани за јули, август 2021 година, се вели во соопштението на единицата. ИФАБ додаде дека одлуката за користење на петте замени зависи од секој индивидуален организатор на првенството. Секој тим ќе има право на три шанси за промена на составот, иако замените на одморот не се бројат како една од трите опции.(МИА)