ИФФХС – Kurir.mk

Мурињо прогласен за најдобар тренер на 21. век

Ивона Петрова — Tue, 16 Feb 2021 07:00:01 +0000

Меѓународната федерација за историја и статистика на фудбалот (ИФФХС) на својата официјална веб-страница објави рејтинг на најдобрите тренери во светот во 21 век. Првото место го зазеде сегашниот тренер на Тотенхем, Жозе Мурињо. Педесет и осумгодишниот Мурињо, има две победи во Лигата на шампионите, со Порто сезона 2003/04 и со Интер во 2009/10, го има освоено Купот на УЕФА со Порто сезоната 2002/03, додека трофеј од Лига Европа има со Манчестер јунајтед во 2016/17. Второто место во изборот на ИФФХС го зазеде селекторот на германската репрезентација Јоаким Лев, додека третата позиција ја делат Алекс Фергусон (поранешниот предводник на Манчестер јунајтед) и Хосеп Гвардиола (сегашен тренер на Манчестер сити). Меѓу првите десет тренери се и: Арсен Венгер, Карло Анчелоти, Висенте дел Боске, Диего Симеоне, Дидие Дешан, Марсело Биелса и Фабио Капело.

Симеоне прогласен за најдобар тренер на деценијата според ИФФХС

Ивона Петрова — Tue, 12 Jan 2021 10:55:19 +0000

Меѓународната федерација за историја и статистика на фудбалот (ИФФХС) го прогласи предводникот на Атлетико, Диего Симеоне за најдобар тренер од 2010 до 2020 година. Педесетгодишниот Аргентинец, веќе беше прогласен од страна на ИФФХС за најдобар тренер во 2016 година. Второто место му припадна на сегашниот тренер на Манчестер сити, Хосеп Гвардиола, додека трет е Јирген Клоп од Ливерпул. Атлетико Мадрид предводен од Симеоне, стана шампион на Шпанија во сезоната 2013/14, двапати ја освои Лигата на Европа и двапати стигна до финалето во Лигата на шампионите.

Меси прогласен за најдобар плејмејкер на деценијата од страна на ИФФХС

Ивона Петрова — Tue, 12 Jan 2021 07:24:58 +0000

Напаѓачот на Барселона, Лионел Меси е прогласен за најдобар плејмејкер во последните 10 години од страна на Меѓународната федерација за историја и статистика на фудбалот (ИФФХС). Второто место го зазеде поранешниот играч за врска на Каталонците Андрес Иниеста, а најдобрите три ги затвори играчот за врска на Реал Мадрид, Лука Модриќ. Топ 10 плејмејкери на деценијата според ИФФХС: 1. Лионел Меси (Барселона) 2. Андрес Иниеста (Висел Кобе) 3. Лука Модриќ (Реал Мадрид) 4. Кевин Де Брујн (Манчестер сити) 5. Тони Крос (Реал Мадрид) 6. Еден Азар (Реал Мадрид) 7. Нејмар (ПСЖ) 8. Месут Озил (Арсенал) 9. Андреа Пирло (поранешен играч на Јувентус) 10. Јаја Туре (без клуб).