ига швојнтек – Kurir.mk

Ига Швјонтек испиша историја на Ролан Гарос

Бошко Тасиќ — Sun, 11 Jun 2023 05:14:01 +0000

Ига Швјонтек со солзи во очите ја дочека третата освоена титула на Ролан Гарос, но за време на церемонијата, тенисерката од Полска доживеа и мала незгода со трофејот. Швјонтек покажа дека е вистинска „кралица“ на земјена подлога и го освои третиот трофеј на Френч Опен, но со оглед на титулата која ја има и на Ју-Ес Опен, најдобрата светска тенисерка стана првата по Серена Вилијамс која стигнала до четири грен-слем титули на само 22 години. Ига денеска мораше да се изнамачи против Мухова и го доби трилерот во одлучувачкиот трети сет, а откако и се заблагодари на публиката во Париз, имаше неуспешен обид да го покаже пехарот. Трофејот кој се дава на дамите се раздвои на два дела и Швјонтек мораше накратко да ја прекине прославата, по што ја продолжи истата без горниот дел од пехарот. Со оваа победа, Швјонтек ја одбрани титуалта која ја освои минатата година, а го зацементира и првото место на ВТА листата.

Швјонтек ја одбрани титулата во Доха

Бошко Тасиќ — Sat, 18 Feb 2023 20:29:15 +0000

Ига Швјонтек, првата тенисерка во светот, ја одбрани титулата на турнирот во Доха. Тенисерката од Полска, до 12. пехар во кариерата, а прв годинава, дојде со убедливата победа над Американката Џесика Пегула со 6:3, 6:0. Финалето траеше 70 минути. Пегула на светската број 1 отпор и пружи само во првиот сет. Швјонтек направи брејк во првиот гем, но Пегула веднаш одговари со ри-брејк за 2:2. Потоа тенисерките си разменија уште по еден брејк и Шјонтек имаше предност од 4:3. Нов брејк фавортиката направи во осмиот гем, а потоа на свој сервис беше сигурна и го освои првиот сет. Во вториот сет играше само Швјонтек, која експресно освои шест гема и ја освои титулата во главниот град на Катар.

Швјонтек ќе избие на првото место на ВТА, доколку победи на еден меч во Мајами

Дарко Андоновски — Thu, 24 Mar 2022 09:26:34 +0000

Полската тенисерка Ига Швјонтек следниот месец може да избие на првото место на ВТА ранг-листата доколку на тековниот турнир во Мајами победи на барем еден меч. Ваквиот исход стана можен откако сегашната прва светска тенисерка, Ешли Барти најави пензионирање и напуштање на ВТА рангирањето на ажурирањето на 4 април. За лидерската позиција во на ВТА листата конкурира и Пола Бадоса, додека Барбора Крејчикова излезе од трката, бидејќи нема да игра во Мајами поради повреда. Рангирањето во живо, земајќи го предвид фактот дека носители стартуваат од второто коло, изгледа вака: Швјонтек 5721 бод; Крејчикова 5033; Бадса 4765; Марија Сакари 4705. Бадоса за да има шанса да води на ВТА, треба да ја освоиш титулата во Мајами. Доколку Швјонтек победи утре на мечот со Викторија Голубиќ (Швајцарија) и се пласира во третото коло, ќе додаде 55 поени, што ќе бидат доволни за да го обезбеди првото место.

Историја: Полското 19-годишно чудо го освои „Ролан Гарос“ и тоа без загубен сет!

Дарко Андоновски — Sat, 10 Oct 2020 14:49:15 +0000

Полската тенисерка Ига Швјонтек, е сензационална победничка на „Ролан Гарос“ во женска конкуренција. За Ига која има 19 години, ова е прва ВТА титула во кариерата. Таа во финалето ја совлада Американката Софија Кенин и 6-4, 6-1. Швјонтек до титулата во Париз дојде без загубен сет, што само го зголеми значењетона нејзиниот подвиг. Таа е првата тенисерка од Полска која освоила гренд-слем.