игла – Kurir.mk

Што ќе се случи кога обична игла со брзина на светлината ќе ја погоди Земјата?

Ристе Здравков — Sat, 23 Sep 2023 19:00:54 +0000

Во најлош случај, енергијата која ја има иглата може да предизвика апокалитична случка на Земјата. Ова би направило голема дупка во Земјината кора која би предизвикала големо излевање на Земјината обвивка кој ќе биде исфрлен во вселената.

ВИДЕО: Запознајте го човекот кој ги прави најмалите скулптури во светот, ги собира во главата на игла

Ивона Петрова — Sun, 23 Apr 2023 20:11:09 +0000

Уметникот Вилард Виган прави скулптури веќе шест децении, а сепак целата негова работа може да се собере на дланка. Неговите рекордни микро-скулптури, за кои се потребни месеци да се завршат, се направени од фрагменти од керамика, парчиња злато и зрна песок. И ако мислите дека статуите се мали, замислете ги алатките што се користат за нивна изработка. Вилард мора да ги изработи сите сам, од игли, парчиња дијамант и човечки трепки. Измерено во микрометри и речиси невидливо за човечкото око, Вилард изгради светови во иглата - планината Рашмор, Тајната вечера, слетувањето на Месечината се само неколку од неговите дела. Тој го држи и светскиот рекорд за најмала скулптура некогаш направена, со големина на една човечка крвна клетка. Станува збор за скулптура на фетус издлабена и сместена во дупка на едно влакно. Навистина збунувачки. Кога имал 50 години, на Вилард му бил дијагностициран аутизам, што тој го смета за негова „супер моќ“ што му овозможува да го гледа светот поинаку. Тој вели дека се надева дека неговите неверојатни дела ќе го променат и разбирањето на другите луѓе за светот.

Филипче: Досега не сме виделе болест кај која крвта може да е толку згрутчена што не тече низ игла

Ивона Петрова — Wed, 02 Dec 2020 09:58:03 +0000

Министерот за здравство Венко Филипче во вчерашното гостување во Клик Плус на ТВ 21 истакна дека кај пациентите со Ковид-19 крвта може толку да е згручтена што не може да тече низ игла. -Од друга болест не сме виделе случај крвта да не може да тече низ иглата заради тоа што е толку згрутчена. Тоа во медицината досега е невидено, рече Филипче. Тој се надоврза на изјавата на д-р Дејан Докиќ, пулмоалерголог кој во емисијата изјави дека вирусот е доста подмолен. -Секој кој доаѓа до болница, треба да се смета како ризичен, затоа што во принцип имаат ниска сатурација на крв. Тие веднаш мора да се стават на висок проток на кислород. Доколку сатурацијата и натаму паѓа, мора да се стават на неинвазивна вентилација. И тие главно имаат проблеми со респираторниот систем. Друга, пак, група, имаа проблеми со коагулацијата. Настанува коагулација на крвта, оштетување на капиларите насекаде во организмот, пред сè на белите дробови, во срцето. Некои добиваат миокардни инфаркти во мозокот или белодробна емболија. Но, она најстрашното е дисеминирана интраваскуларна коагулација, каде што сите крвни садови се зафатени со коагулими и не може да тече крвта. Кај некои настанува крвавење и завршуваат летално, објасни проф. д-р Докиќ.

Не можете да го протнете конецот низ иглата – Овој генијален трик ќе ви помогне

Ивона Петрова — Fri, 06 Apr 2018 15:01:24 +0000

Секој кој барем еднаш се обидел да го протне конецот низ иглата знае дека тоа не е нималку лесно и ретко на кого му успева од прв пат. Но, видеото кое ќе го погледнете во продолжение ќе ви помогне и покаже како на едноставен начин да го протнете конецот. Истото со неверојатна брзина се прошири на социјалните мрежи, а корисниците на истите коментираат дека токму ваквите работи се добра причина за постоењето на Интернетот.

That awkward moment you realize you did it wrong your whole life. pic.twitter.com/oi8vKbMyvY
— John Bick (@JohnBick4) April 2, 2018