Игор Ангеловски – Kurir.mk

Сејдини не сакаше да му ја исплати наградата на Игор Ангелoвски за ЕВРО 2022, па моравме да одиме по судови, тврди Тортевски

Дарко Андоновски — Tue, 20 Jun 2023 13:23:06 +0000

Адвокатот Александар Тортевски преку социјалните мрежи откри дека поранешниот селектор, Игор Ангеловски преку суд морал да си ја наплати премијата која требало да ја добие за настапот на Европското првенство. „По историскиот успех на репрезентацијата и пласманот на ЕП, претседателот Сејдини прво што направи е да го избрка селекторот, а на сите членови на УО на ФФМ им додели награди од по 20.000. Патем, на Игор Ангелевски не сакаше да му ја исплати наградата, па моравме да одиме по судови“, објави Тортевски.

По историскиот успех на репрезентацијата и пласманот на ЕП,претседателот Сејдини прво што направи е да го избрка селекторот а на сите членови на УО на ФФМ им додели награди од по 20.000. Патем, на Игор Ангелевски не сакаше да му ја исплати наградата па моравме да одиме по судови.
— Aleksandar Tortevski (@atortevski) June 19, 2023

По осум порази, хрватскиот клуб Горица му даде отказ на Мрме

Магдалена Андонова — Sat, 05 Nov 2022 10:37:45 +0000

Претседателот на хрватскиот фудбалски клуб Горица, Ненад Чрнко го разреши Игор Ангеловски од функцијата тренер и спортски директор на екипата. Одлуката за прекин на соработката е донесена по поразот во 16 лигашко коло против Истра 1961 година. – Сакаме да му се заблагодариме на досегашниот тренер за соработката во неполни три месеци кои ги помина на клупата на Горица. Клубот до понеделник ќе ја информира јавноста за назначувањето на нов тренер – информираат од ХНК Горица. Горица моментно е на последното 10 место во најсилниот хрватски шампионат со седум бодови. Ангеловски од клупата ја водеше екипата на 10 натпревари сезонава, но не забележа ниту една победа. Запиша осум порази и само двапати ремизираше.

Ангеловски: Понудив оставка, претседателот ја одби

Ристе Здравков — Mon, 24 Oct 2022 19:03:20 +0000

Поранешниот македонски селектор, Игор Ангеловски за хрватските медиуми потврди дека понудил оставка од тренерското место во Горица, но бил одбиен од раководството на клубот. Игор Ангеловски се уште нема победа во хрватското првенство во Горица, во седумте меча во кои ја водеше екипата има шест порази и едно реми. Триумф има само во Купот на Хрватска. Откако Горица загуби и против Локомотив Москва која им е конкурент во битката за опстанок, Ангеловски понудил оставка, но првиот човек на клубот не ја прифатил. „Дуелот со Локомотива беше добра шанса да стигнеме до победа и да фатиме чекор со останатите екипи кои се на долниот дел од табелата. Но за жал одигравме две разлини полувремиња. Во првото бевме лоши, во второто многу подобри, но сепак не успеавме да дојдеме до поволен резултат“, вели Ангеловски за медиумите во Хрватска. „Изгубивме, по што од морални причини почувствував потреба да отидам во канцеларијата на претседателот и да понудам оставка. Тој не прифати и сега се подготвуваме за мечот со Хајдук“. „Со раководството се договоривме за неколку работи и мислиме дека можеме да се извлечеме од оваа ситуација. Играчите треба да сфатат во каква ситуација сме, мора да кренеме глави и на следните четири меча да освоиме колку што е можно повеќе бодови“.

Ангеловски нов тренер на Горица

Ристе Здравков — Sat, 27 Aug 2022 12:21:15 +0000

ИГОР АНГЕЛОВСКИ е новиот тренер на Горица, соопштија од клубот Великa Горица. Горица синоќа по поразот од Истра од 2:0 го разреши Самир Топлак, но веднаш го назначи неговиот наследник кој ќе го преземе првиот тим. Ангеловски е невработен од 2021 година кога ја напушти македонската репрезентација која лани ја водеше на Европското првенство. Ангеловски наводно бил во комбинациите за тренер на Хајдук откако минатата година Јенс Густафсон доби отказ од „Пољуд“, но ништо од тоа. Горица го сакала и претходно, но не можела да се договори со него, но овој пат успеале во тоа. Ангеловски беше селектор на Македонија од 2015 до 2021 година, а претходно работеше како помошник селектор во репрезентацијата. Единствен ангажман пред тоа му беше како селектор на Работнички. Како селектор на Македонија забележа 23 победи, 11 нерешени и 19 порази на 53 натпревари. Ја презема Горица на претпоследното место во ХНЛ со само една победа во шест кола.

Мрме со порака со фудбалерите: Играјте за Македонија, искористете ја оваа шанса

Ивона Петрова — Tue, 29 Mar 2022 09:39:43 +0000

Поранешниот селектор на македонската фудбалска репрезентација Игор Ангеловски преку социјалните мрежи им испрати порака на фудбалерите кои вечерва ќе го одиграат одлучувачкиот натпревар против Португалија. -Вечерашниот натпреварот со Португалија е чекор за СВЕТСКОТО ПРВЕНСТВО ВО КАТАР. Искористете ја оваа можност за пласман. Играјте за МАКЕДОНИЈА за навивачите кои безусловно Ве следат, за вашите деца, за вашите семејства…..Со среќа од срце НАВИВАМЕ ЗА МАКЕДОНИЈА, напиша Ангеловски на Фејсбук.

Ангеловски: Ви честитам од срце за победата во Италија, уште еден чекор до СП

Ристе Здравков — Fri, 25 Mar 2022 09:25:39 +0000

Македонската фудбалска репрезентација ја „стресе чизмата“ и приреди шок за цела италијанска фудбалска јавност, откако со голот на Александар Трајковски синоќа го елиминира европскиот првак од баражот за Мундијалот во Катар. Честитки за хероите пристигнуваат од сите страни. Поранешниот селектор на фудбалската репрезентација на Македонија, Игор Ангеловски се огласи на социјалните мрежи. „Момци, ви честитам од срце за победата против Италија, актуелниот европски шампион. Уште еден чекор до Светското првенство во Катар. НАВИВАМЕ ЗА МАКЕДОНИЈА“, напиша човекот кој ја одведе Македонија на Европското првенство минатата година. Неговиот наследник Милевски има шанса за првпат да ја одведе Македонија на Светско првенство Победа против Португалија во вторник навечер е последната пречка до мундијалскиот сон.

Ангеловски: Влогот е огромен, веќе покажавте дека го можете тоа

Ивона Петрова — Thu, 24 Mar 2022 09:45:53 +0000

Поранешниот македонски селектор Игор Ангеловски преку социјалните мрежи им посака среќа на фудбалерите пред вечерашниот дуел со Италија. -Пред вечерашниот натпревар со Италија, четирикратен светски и актуелниот европски шампион. Сакам да ви посакам среќа за уште еден успех. Влогот е огромен и за Македонија и за Италија. Покажавте во Торино пред многу години дека го можете тоа. Навиваме за Македонија, напиша на Фејсбук, Ангеловски. Македонската фудбалска репрезентација денеска со почеток во 20:45 часот ќе се сретне со селекцијата на Италија во полуфиналето од плејофот за пласман на Светското првенство.

Ангеловски се прости од Ѓурчиновски: Емотивно сум вознемирен

Ивона Петрова — Thu, 10 Mar 2022 13:37:56 +0000

Поранешниот селектор на македонската фудбалска репрезентација Игор Ангеловски се прости од својот пријател Марио Ѓурчиновски кој почина денеска. -Денес тагувам за еден голем професионалец Марио Ѓурчиновски со кој сум работел, почивај во мир пријателе. Емотивно сум вознемирен од денешната вест за твојата ненадејна смрт. Твојот хумор засекогаш ќе го паметам. Во Германија ми ја покажа сликава и ми рече: Гледаш кој ти чува леџа, напиша Ангеловски.

Ангеловски го поздрави новиот успех на репрезентацијата: Секоја чест, повторно ја направивте Македонија горда!

Дарко Андоновски — Mon, 15 Nov 2021 06:41:54 +0000

Македонија не згреши и оствари победа над Исланд со 3-1 во последниот меч од групната фаза од квалификациите за Светското првенство, резултат со кој го потврдивме второто место во групата и со тоа останавме во игра за пласман на мундијалот и тоа преку бараж битките. Ова е уште еден одличен резултат на националниот тим и истиот го поздрави и поранешниот селектор Игор Ангеловски со кого минатово лето игравме на Европското првенство. -Честитки за пласманот во бараж натпреварите за СП во Катар. Повторно ја направивте Македонија горда, секоја чест, -напиша популарниот Мрме Инстаграм. Ждрепката за баражот ќе се одржи на 26-ти овој месец.

ФОТО: Се огласи Игор Ангеловски, потсети зошто денешниот датум е важен за него

Ивона Петрова — Fri, 12 Nov 2021 13:25:13 +0000

Поранешниот селектор на македонската фудбалска машка репрезетација Игор Ангеловски се огласи на социјалните мрежи и откри зошто денешниот датум е важен за него. -12.11.2020, датум кој секогаш ќе остане во моето сеќавање, пласман на ЕУРО 2020. Во недела посакувам да славиме пласман на МАКЕДОНИЈА во бараж на СП - Катар 2022, напиша Ангеловски на Фејсбук. Македонската фудбалска А репрезентација во јуни оваа година го имаше историскиот прв настап на едно Европско првенство.