игор божиновски – Kurir.mk

Божиновски: Куманово 30 години е заложник на СДСМ, 30 години урбанистички хаос без развој и без капитални проекти

Тале Кристо — Sat, 19 Jun 2021 15:20:27 +0000

Општина Куманово и кумановци 30 години се заложници на СДСМ и неговите локални властодржци, истакна на денешната прес-конференција насловена како „Коментар на денот“ Игор Божиновски. Во продолжение интегрален текс од прес-конференцијата на Божиновски: Наместо развој на градот, сведоци сме на целосен застој предизвикан од неодговорното и криминално работење на властите. Денеска градот е типичен пример на „заевизмот”. Години наназад изговор за катастрофалната состојба во Општина Куманово се наоѓаше во централната власт на ВМРО-ДПМНЕ, сега по 4 години централна власт на СДСМ кој е виновникот? Зошто Куманово сеуште не личи и не функционира како што прилега на најголемата општина во државата? Кој е изговорот сега , освен вашата неспособност и реализирање исклучиво на личен и партиски интерес. СДСМ има апсолутна власт во Куманово. Денеска во 2021 година со искрено жалење можеме да кажеме дека нашата општина е под целосна контрола на СДСМ, поточно на една помала група која безмилосно владее на штета на сите граѓани. Затоа во Куманово не можеме да видиме изградба на ниту еден капитален проект, стратешко урбанистичко планирање, одржливи сообраќајни решенија, долгорочни еколошки политики, единствено што може да се забележи се кампањските шминкања пред изборите кои моментално се случуваат во општината. Нема ништо од ветените две детски градинки, ново основно училиште, нов цевковод Липково Куманово со кој требаше на долг рок да се реши проблемот со водоснабдување, петте катни гаражи во градот со кој требаше да се реши проблемот со паркирањето, и ветениот, а за жал нереализиран Генерален урбанистички план за општината. Замислете општина како Куманово во која со децении владее СДСМ нема ГУП и затоа во градот владее урбанистички хаос. Златно правило на СДСМ во Куманово е да се остави со години да пропаѓа целата инфраструктура во општината, за да неколку месеци пред локалните избори да отпочне шминка чија крајна реализација е незначителна и нема реално влијание во подобрување на животот на граѓаните. Граѓаните не се задоволни од работење на СДСМ, не се задоволни од 0 реализација на ветеното во изборната програма, незадоволни се од залудно потрошените 4 години, незадоволни се од празни зборови и неизброени лаги. Почитувани сограѓани! Повеќе од јасно е Куманово со СДСМ, Куманово нема перспектива. ВМРО-ДПМНЕ верува дека во нашата општина има сили и волја, конечно да излеземе од поданичкиот статус во кој не држи СДСМ цели 30 години. Оваа година исклучително ќе биде важно , сите заедно да ставиме крај на децениското пропаѓање на општината. Останаа уште неколку месеци до денот кога Куманово ќе отвори нова страница, без реваншизми и задкулисни игри, најдостоинствено, со заеднички сили и добри намери ќе ја градиме нашата општина, рече Божиновски.

Божиновски: Куманово поради неодговорноста на СДСМ е лидер по загаденост на воздухот во светски рамки!

Дарко Андоновски — Thu, 29 Oct 2020 22:05:51 +0000

Најпрвин една благодарност до вас затоа што во ова време невреме предизвикано од пандемијата со КОВИД – 19 вирусот и оваа енормна загаденост околу нас професионално си ја вршите својата работа, и секогаш сте на висина на задачата. Уште еднаш благодарност до сите вас, ова го истакна Игор Божиновски од ВМРО-ДПМНЕ на денешниот протест во Куманово. -ВМРО-ДПМНЕ денеска продолжува со своите протести. ВМРО-ДПМНЕ останува на улица. Денеска во Република Македонија, конкретно во пет града во Битола, Струмица, Тетово, Скопје и се разбира во Куманово одржуваме тематски протести на тема на загадување на воздухот. И не случајно Куманово е во фокусот на оваа тема затоа што Куманово за жал на сите нас, на сите Кумановчани, ќе ве потсетам минатата есен, минатата зима беше лидер по енормното загаденост со познатите ПМ-10 честици. Лидер не само во Република Македонија, не во Европа туку во светски рамки рамо до рамо со најзагадените градови во светот, со градовите во Индија итн. За жал песимистички се прогнозите и за оваа есен, и за оваа зима што се пред нас. Сега секако зајакнати со актуелната пандемија со КОВИД-19 вирусот. Оваа власт на СДСМ, ќе ве потсетам не така одамна 2016-тата година пред да ја преземе власта во Република Македонија, и овој човек овдека пред да седне во својата фотелја за градоначалник, г. Максим Димитриевски од уста не ја вадеа темата со загадување на воздухот. Се изнаслушавме разно разни нивни планови, нивни визии за решавање на овој проблем, се изнаслушавме од Ајро, се изнаслушавме за нивниот Алпски воздух кој само што дошол во Република Македонија откако тие ќе дојдат на власт. Но на дело видовме најнеспособна власт како на централно така и на локално ниво да се соочи и да се справи со овој проблем, вели Божиновски. Тој додава дека не да го отстрани загадувањето барем да го намали. Во овие три години Максим Димитриески ги истроши без да спроведе ниедна конкретна мерка со што ќе го намали загадувањето во Куманово кое е од огромни размери и е огромна штета по животот и здравјето на нашите сограѓани. Три години Максим Димитриески не превзема ниту еден проект ја нема ниту она фамозна интензивна гасификација. Ги нема никаквите најавени мерки на краток и на среден и на долг рок за да се справи со огромната загаденост во нашиот град но секако сега со влез во последната година во мандатот на градоначалникот ќе се наслушаме разно разни шарени лаги за проекти кои тој планира да ги спроведе за да колку толку добијат чист воздух граѓаните но тие исти граѓани заедно со ВМРО-ДПМНЕ секојдневно ќе го потсетуваме дека тие негови проекти не само што требаше да бидат започнати досега туку огромен дел од нив требаше да бидат и завршени. -ВМРО-ДПМНЕ за овој прв протест во низата протести што следуваат се реши на симболичен начин да му остави на градоначалникот една тегла со чист воздух за него и за неговата општинска администрација барем да се надишат утре кога ќе дојдат на работа тој и неговата администрација кога тоа не можеме да го сториме ние нашите семејства и нашите деца. И му се извинуваме овој пат на Максим Димитриевски затоа што првичната идеја не можевме да ја реализираме да му оставиме толкав број на тегли колку што има ПМ-10 честички во воздухот во Куманово затоа што ќе требаше да му донесеме петстотини шестотини или кој знае колку многу тегли со чист воздух колку што има ПМ-10 честици загаденост на воздухот во Куманово, рече Божиновски.

Божиновски: “Хиените” кои се вртеа околу партијата и кои се правеа верни и се колнеа на идејата, некако добија сила од ‘некаде’

Ивана Ефремовски — Thu, 23 Jul 2020 14:00:23 +0000

Искуството покажало дека мудрите потези не одат со брзоплетост, истрчување, непромисленост. И тоа како некогаш е потребно да се почека, да се размисли, да се погледне вистината во очи, да се каже гласно, порачува членот на ИК на ВМРО-ДПМНЕ, Игор Божиновски. Неговиот Фејсбук статус следува во продолжение: „Ме радува фактот што деновиве ми се потврди она во што верував, дека ВМРО-ДПМНЕ со Претседателот Христијан Мицкоски има одлична иднина, а со тоа и нашата родина Мајка Македонија. Потезите кои ги направи и кои ги прави го зациментираа мојот став кон него и кон 4 свети букви ВМРО, а последната црвена линија *Влада не по секоја цена* само ми го потврди погоре пишаното. Доста и се на Македонија изневерувања и понижувања, не заслужила сите да се откажат од неа. Има и такви што довека ќе бидат искрено со неа. Второ што ми се потврди е дека "хиените" кои се вртеа околу партијата и кои се правеа верни и се колнеа на идејата, некако добија сила од 'некаде' (читај бизнис центар Муртино) и први се јавија против партијата и лидерот. Само да ги потсетам 11 години, 'крв' проплукаа искрените вмровци и патеа, беа деградирани, понижувани поради тие 'хиени'. Да да, вие бедни хиени (не заслужувате ни во апостроф да ве ставам) залижани во скапи одела, и лаковани кондури, најтешкото кренато во животот ви е филџан кафе на ул.Македонија. Да не беа партијата и чесното членство да застанат зад вас, ќе бевте обичен шљам, како што и сте денес. Трето што ми се потврди е дека имаме одлични и искрени луѓе и кадри во партијата кои се спремни со своите заложби и идеи да се вложат максимално за доброто и прогресот на државата, РЕПУБЛИКА МАКЕДОНИЈА. Четврто и што ми е најдраго, секојдневно се јавуваат млади луѓе кои се изневерени и погазени од бизнис фамилијата на "Црпнатиот од Муртино" кои ја продадоа државата, името и не оставија обезличени. Да, точно тие млади се иднината на државата и тие млади приоѓаат на партијата, со желба да дадат придонес за подобар живот во РЕПУБЛИКА МАКЕДОНИЈА и казна на "бизнис центарот од Муртино". На крај, иако има уште многу за пишување, ќе оставам овој статус да ги допре тие што ќе се најдат во него, и само да им порачам на сите искрени Македонци, тука сме и ќе бидеме заедно со лидерот Христијан Мицкоски, рамо до рамо со него и нема да ве изневериме, ниту вас, ниту Македонија! П.С. Долга е раката на ВМРО“- порача тој.

Божиновски: Куманово ова не го заслужува, откако Спасовски му поднесе кривична пријава на Димитриевски, тој никаде го нема!

Дарко Андоновски — Thu, 04 Jun 2020 14:45:21 +0000

Игор Божиновски од ВМРО-ДПМНЕ преку статус на Фејсбук прашува каде го снема кумановскиот градоначалник месец дена? -❓ Едно прашање е актуелно низ кумановската чаршија периодов: каде се изгуби градоначалникот #МаксимДимитриевски? ? Откако #ОливерСпасовски му поднесе кривична пријава на својот сопартиец, во егоцентрична и нарцисоидна борба?? за доминација врз Куманово, демек "на татка им имање е" - што би рекле моите сограѓани, Максим едноставно како да "пропадна во земја"! ? Толку ли "гореше" во тебе #војводството и #комитлукот, Максиме❓Толку ли траеше твоето "удирање во гради" дека нема да попуштиш во исправната борба за своите граѓани, против неспособната и корумпирана централна власт? ?‍♂️ Чуму толку солзи изрони ?, Максиме, кога на "прва кривина ги истумба" граѓаните за кои превзеде одговорност❓ Толку ли беше твојата точка на топење, една кривична пријава и молк⁉️ Слабо Максо, премногу слабо. ? Во денови кога ги газат кумановчани, со карантин кој не го заслужија, после своето примерно однесување за време на полицискиот час, ти немаш храброст да излезеш јавно и да застанеш во нивна одбрана. Те "скршија" Максиме, сите тоа го гледаат и зборуваат, верувај ми. Куманово ова не го заслужува! ? Ова е изживување и газење врз трпението и смиреноста на кумановчани! Заради демонстрираната неспособност, твоја и на твојата партија, заради вашата забеганост со терање кампања во време на светска пандемија, заради немањето храброст да го ставите само Липково, а не Куманово во карантин, ќе останеме затворени уште нови три дена, ќе ги задржиме децата во четири ѕида, ќе ги оставиме незапалени свеќите за најблиските на гробиштата. ? Прочитан си, Максиме! ? Ти од една страна, а #Спасовски и #Заев од друга, вие сте ист калибар, вие сте лице и опачина! ? Ќе го истрпиме и ова понижување! А после доаѓа нашиот ред, нашиот крик, нашата реакција! ✊ П.С. нема да ме зачуди пак да си ја "грабнеш" во раце својата Југословенска "тробојка" за сликање ?, демантирајки дека некогаш си ставал слики и си пишувал текстови за македонската ѕвезда од Кутлеш. ? Да де, од денеска, откако ти ја "скинаа" кривичната пријава! ?, стои во неговиот пост на Фејсбук. https://www.facebook.com/Igor.Bozinovski.MKD/posts/673005056815450

Божиновски: Односот на Спасовски кон кумановчани ќе го чини изгубена, катастрофално завршена политичка кариера

Ивана Ефремовски — Thu, 16 Apr 2020 12:21:47 +0000

На градоначалникот, како и на сите останати заразени сограѓани им посакувам што поскоро оздравување. Изборете се со вирусот за себе и семејствата! Она што неминовно се наметнува се прашањата: Вака ли Оливер и Владата имаат се под контрола? Вака ли "успешно" се справуваат со ситуацијата? И што сега?-прашува Игор Божиновски од ВМРО-ДПМНЕ. Неговиот Фејсбук статус следува во продолжение: Предлагам да дојде Оливер Спасовски да го води кризниот штаб! Да им погледне на кумановчани во очи! Да се запознае конечно со реалноста и да го види ужасот кој му претстои на Куманово, а е резултат на неговата неспособност, некадарност, негрижа! Максим, како градоначалник од нивни партиски редови, дури и беше умерен, дури и се воздржуваше и бираше зборови за да ја прикаже реалната слика во Куманово, во болницата, повикуваше и апелираше. Бадијала! Штом е партиски ривал на Оливер исто како да е нем, безчуен. Никој ниту го слуша, ниту го есапи. Зошто е формиран и постои Општински кризен штаб ако никој не ги уважува неговите ставови, укажувања, согледувања? Зошто? Ваквиот однос на Спасовски кон Куманово и кумановчани ќе го чини изгубена, катастрофално завршена политичка кариера, но тоа е далеку помала цена од таа која ја плаќа секој еден кумановчанец кој живее во страв и неизвесност, далеку помала цена од таа што ја плаќаат заболените сограѓани и нивните блиски, и уште далеку помала од таа што ја и ќе ја платат починатите сограѓани и нивните зацрнети и запустени семејства. Болницата пред целосно затварање. Шефот на Општински кризен штаб заболен. Општинскиот кризен штаб, општинска администрација, Совет десеткувани! И сега? Оливер? Филипче? Бујар? Дојдете и решете го проблемот кој вие го направивте, или, дајте си оставки сите и оставете не сами како знаеме и умееме да се справиме со последиците од вашата неспособност!

Божиновски: Спасовски и Филипче бесрамно ги кршат уредбите и мерките за Вонредна состојба, кои самите ги донесоа

Тале Кристо — Fri, 03 Apr 2020 12:38:28 +0000

Денеска повторно, #ОливерСпасовски и #ВенкоФилипче продолжуваат бесрамно и дрско да се поигруваат со здравјето на кумановчани! Ловат гласови и затоа не помислуваат да прогласат кризна состојба за Куманово! Ловат гласови и ги кршат уредбите и мерките за Вонредна состојба, кои самите тие како Влада ги донесоа! Здравјето на жителите во најголемата општина им е во последен план! Засрамете се! Сите институции да се вклучат во расчистување на случајот!, реагира членот на ИК на ВМРО-ДПМНЕ Игор Божиновски.

Божиновски: Никој до сега не избегал од судот на народот, ќе си ја вратиме Македонија!

Дарко Андоновски — Sat, 22 Feb 2020 19:26:09 +0000

Игор Божиновски од ВМРО-ДПМНЕ денеска беше во посета на селата Железница и Катеново во Кратово каде што разговарал со жителите за обновата која што доаѓа. -Денеска ги посетив селата #Железница и #Кетеново во Кратово и разговарав со жителите за Обновата која доаѓа во Македонија. Во секој дом во кој ќе влеземе, во секој двор каде што ќе ги сретнеме домаќините, се соочуваме со искрениот лелек од дното на нивната душа. Ни ја откриваат болката од црнилата кои им се надвиснати овие три години, оние изгубени и украдени години кои требаше да донесат живот, а всушност животот им го направија пекол, ним и на нивните семејства. Но овие искрени и чесни луѓе, обременети со мноштво проблеми и разочарувања, не ја губат надежта, ја гледаат и очекуваат зората, која ќе се појави за 40тина дена.

Дедо Миле со солзи во очите раскажува колку многу крв се има пролеано за ова наша Татковина, за да денеска неразбраните трговци ја распарчуваат нејзината историја, се откажуваат од името и идентитетот и се срамат од нив. Но, свесни и мудри се луѓето, вели тој, тоа го зборуваат овде низ селото, но го зборуваат и роднините, пријателите, сите добронамерници - овие национални понижувања, сите криминали, сите злоупотреби од страна на Заев и криминално рекетарската власт ќе бидат жестоко казнети на 12ти април. Никој до сега не избегал од судот на народот! Ќе си ја вратиме Македонија! Ќе ја обновиме и повторно градиме! #ОбноватаДоаѓа ??, стои во неговиот пост на Фејсбук.

Божиновски во посета на Крива Паланка: Граѓаните нетрпеливо го чекаат 12 април, да казнат, допринесат и помогнат во Обновата на Татковината

Катерина Бојаџиева — Sat, 15 Feb 2020 16:24:46 +0000

Денеска со Обновата ги посетив селото Луке и Жидилово во Крива Паланка, по што одржав состанок со Општинскиот изборен штаб во Крива Паланка, напиша членот на ИК на ВМРО-ДПМНЕ, Игор Божиновски. -Се сретнавме со голем број скромни, чесни, достоинствени луѓе, со скромно секојдневие, но огромна љубов кон Татковината. Тие се АТИЏЕ! Тие се РАШЕЛА! Тие се МАКЕДОНИЈА! Не глумат како Оливер, не условуваат како Заев, не играат како Рада, не рекетираат како Ременски, не лажат како Дескоска, не манипулираат како Царовска... Излажани се, манипулирани и разочарани, но и подготвени да вратат соодветно на лагите, на националното предавство, на раскрчмувањето и криминалот. Нетрпеливо го чекаат 12 април, да казнат, допринесат и помогнат во Обновата на Татковината, додава Божиновски.

Божиновски во Псача: Граѓаните му одбројуваат на Заев и ја чекаат обновата

Ивана Ефремовски — Sat, 08 Feb 2020 15:46:33 +0000

Игор Божиновски, член на ИК на ВМРО-ДПМНЕ, денеска го посети селото Псача, во општина Ранковце. -Разговарав со дедо Дине, со Ласте, со Анита и со уште многу други жители од тој крај, ни ги отворија капиите на дворовите за да им ја најавиме Обновата, но и да ни дадат совет како заеднички да го вратиме достоинството на државата, да си ги задржиме младите да не заминуваат, да си ја подобриме живеачката. Не кријат дека се разочарани, лути, дека се подготвени на 12-ти април да го казнат криминалот, лагите и манипулациите. Не се воздржуваат да кажат дека Заев е виновен за се, за безбројте неправди и понижувања, за безмилосно поигрување со човечки судбини, за национално предавство. Доста им е! Му одбројуваат на Заев и потенцираат - СДСМ и Заев никогаш повеќе, истакна тој по средбата.

Божиновски: Заедно ќе ја поразиме оваа криминално рекетарска банда на власт

Тале Кристо — Sat, 01 Feb 2020 14:45:36 +0000

Секојдневно разговараме со секој еден од Вас. Заедно ќе ја поразиме оваа криминално рекетарска банда на власт и ќе ја градиме и реализираме Обновата, објави на совојата Фејсбук страница членот на ИК на ВМРО-ДПМНЕ Игор Божиновски. Целата објава на членот на ИК на ВМРО-ДПМНЕ Игор Божиновски ви ја пренесуваме во целост: Денеска #Обновата беше во домовите во Карап маало, во центарот на Куманово. Разговаравме со Бобан, со Бабалит, со баба Ангелина и со многу други нивни комшии. Секојдневно разговараме со секој еден од Вас. Заедно ќе ја поразиме оваа криминално рекетарска банда на власт и ќе ја градиме и реализираме Обновата. Доаѓаме сега, но ќе дојдеме и по 12ти април. Вие граѓаните сте причината за која работиме. ВМРО-ДПМНЕ е секогаш со граѓаните! Заев и СДСМ се виновни за поразите, измамите и криминалите. На 12ти април следува одговорност. Оваа власт ќе остане обележана по националните предавства, по затворените патриоти, а илјадниците криминалци пуштени на слобода да одработуваат за власта, по епидемијата на непотизам, грантовите на Фондот за иновации кои беа делени на лица блиски до власта, по сомнителната поделба на лиценците за возачки испитни центри, сомнителните бизниси на Анѓушев и Заеви, по "Леонардо", "Сар Хемс", "Рекет" 1, 2 и 3 и редица други криминални афери. Заедно ќе победиме, за ова зло никогаш да не се повтори. Зоран Заев никогаш повеќе! #ОбниватаПредВашиотДом #ОбноватаДоаѓа ??