игор дурловски – Kurir.mk

Дурловски со поддршка за протестите: Пристигнува предлогот од македонскиот народ!

Ивана Ефремовски — Fri, 01 Jul 2022 18:45:01 +0000

Игор Дурловски со поддршка за протестот кој утре ќе се одржи пред Влада против најавата за прифаќање на францускиот предлог. „Денес, утре, задутре во 19:00 стига предлогот од македонскиот народ“ - напиша тој на својот Фејсбук профил.

Дурловски: Утре пред Владата ќе ја пеам химната на Македонија – Од срце за Гоце, за Даме, за Јане, за Питу…

Ивона Петрова — Fri, 17 Jun 2022 10:11:54 +0000

Оперскиот пејач Игор Дурловски на социјалните мрежи најави дека утре ќе присуствува на протестот кој го организира ВМРО-ДПМНЕ. Дурловски вели дека утре во 20 часот ќе биде пред владата и ќе ја пее химната на Македонија. -За кого? За сите оние кои ме распнуваа поради ангажманот во ,,Заедничка Македонија", за тие кои ме напаѓаа за моето учество на парламентарните избори во 2020-тата година, за тие кои ја критикуваа одлуката да го отстапам пратеничкиот мандат, но и за ВАС кои ме поддржувате токму поради моите одлуки и постапки - никогаш отстапки. Ќе пеам во чест на сите политички затвореници, за Гоце, за Даме, за Јане, за Питу... Ќе пеам бидејќи да пеам од срце- најдобро знам, пишува Дурловски.

Игор Дурловски ќе ја пее химната на протестот на 25-ти април за слобода на уставобранителите

Магдалена Андонова — Tue, 20 Apr 2021 18:04:20 +0000

Игор Дурловски, македонскиот оперски пејач кој е дел од учесниците во „За заедничка Македонија“ и беше обвинет од сегашната власт за тероризам, на својот Фејсбук профил објави дека ќе ја пее химната на Република Македонија на 25-ти април на протестот за ослободување на уставобранителите. - Драги пријатели, на 25ти, на протестот за неправедно осудените браќа ќе ја пејам химната на Македонија. 25.04.2021 #МакедонијаСлободноЌеЖивее, пишува тој во својот Фејсбук статус

Се огласи Дурловски по денешната апелациона пресуда: Конечна слобода ќе биде кога сите неправедно осудени ќе бидат надвор

Катерина Бојаџиева — Fri, 12 Feb 2021 17:43:14 +0000

Конечна #Слобода ќе биде кога сите неправедно осудени ќе бидат надвор. Мојата ќе почнам да ја живеам од денес. Ти благодарам Господе, благодарам на моите најблиски и сите поддржувачи. Нека моето денес за неправедно осудените биде утре. Да живее Македонија! Ова на Фејсбук го напиша оперскиот пејач Игор Дурловски, кој денеска доби решение дека Апелациониот суд во Скопје ја потврдува ослободителната пресуда за него за настаните на 27 април во Собранието.

Аџиоски и Дурловски: Продолжуваме братски и сложно, еден од надвор, друг од внатре во собранието да се бориме за рушење на криминалната власт!

Дарко Андоновски — Thu, 29 Oct 2020 16:09:06 +0000

Претседателот на ВМРО-ДПМНЕ ОК Струга Мирче Аџиоски денеска се сретна со Игор Дурловски. Тој преку статус на Фејсбук објави дека продолжуваат братски да се борат за рушење на криминалната власт, еден внатре од собранието, еден од надвор. -Продолжуваме братски и сложно, еден од надвор,друг од внатре во собранието,да се бориме за рушење на криминалната власт! #ДаЖивееВМРОДПМНЕ⚫️🔴 #ДаЖивееРепубликаМакедонија🇲🇰, стои во неговиот пост на Фејсбук.

Продолжуваме братски и сложно, еден од надвор,друг од внатре во собранието,да се бориме за рушење на криминалната власт! #ДаЖивееВМРОДПМНЕ⚫️🔴 #ДаЖивееРепубликаМакедонија🇲🇰 Posted by Mirce Adzioski on Thursday, October 29, 2020

Дурловски го напушти Собранието, а ова е ставот на ВМРО-ДПМНЕ за неговата одлука

Ивана Ефремовски — Thu, 22 Oct 2020 19:51:43 +0000

Игор Дурловски го напушти Собранието и се откажа од пратеничката функција. За тоа ја информираше јавноста преку својот Фејсбук профил. „Националните интереси, правда за неправедно прогонетите и нормална држава за нашите деца беа/се мои приоритети. Пратеничката фотеља боде кога политичката прагма станува поважна од моралот. Затоа, го напуштам Собранието на Република Македонија, а на колегите од Коалицијата „За обнова на Македонија“ им посакувам истрајност, доследност, мудрост, којашто сум сигурен дека ја имаат. Тоа што го зборував не можам да го направам, но сега нема да зборувам а ќе продолжам да го правам! Останувам доследен на моите поддржувачи и нивниот глас“- истакна тој. Побаравме став и од ВМРО-ДПМНЕ. -Тоа е личен став на Игор Дурловски кој ние го почитуваме. Како што кажува и самиот, останува верен на Македонија, но и на Коалицијата „За обнова на Македонија“ и ВМРО-ДПМНЕ. Тој, меѓудругото, останува стратешки соработник на претседателот на ВМРО-ДПМНЕ, проф. д-р Христијан Мицкоски, истакнаа од партијата.

Дурловски: Не сакаме држава на политички прогон, туку сакаме држава на слободни храбри и достоинствени луѓе, држава на горди Македонци

Магдалена Андонова — Wed, 23 Sep 2020 18:25:03 +0000

Вечерва сум тука со вас, бидејќи сум еден од вас, добри и храбри луѓе кои се секогаш спремни да се борат против неправдите затоа што ја сакаме Македонија! Не сакаме држава на политички прогон, државен криминал и фашизоиден однос кон идентитетот, туку сакаме држава на слободни, храбри и достоинствени луѓе, држава на горда македонска нација, изјави на денешниот протест против неправдите на власта, Игор Дурловски од ВМРО-ДПМНЕ. -Пријатели, браќа и сестри, голем дел од вас ме запознаа како човек кој почувствува дел од мозаикот на неправди, реваншизам и политичко насилие, кое денес е начин на живеење и функционирање на политичките елити на власт во Македонија. Сето она што се случи по 27 април 2017 година ќе остане длабоко врежано во нашата колективна меморија, како пример за сериозна злоупотреба на власта и моќта во справувањето со неистомислениците и политичкото насилство во киднапирањето на државата и погазувањето на сите закони. Во ништењето на Уставот, паралелно со ништењето на човечките судбини, само за моќ, влијание и интерес, посочи тој. Се обидоа да не замолчат, да не понижат, да ни ги одземат елементарните човекови права. И може да земат многу работи, може да ни земат речиси се - но никогаш нема да ни ја одземат слободата за која секогаш ќе се бориме. Никогаш нема да ни го одземат достоинството, храброста и правото да ја зборуваме вистината. Никогаш нема да ни го одземат правото да кажеме МАКЕДОНИЈА! Денес можеби вистината е под земја, но неа никој нема да ја спречи. Таа ќе излезе на површина, како што излегоа на виделина и сите однапред договорени агенди и пактови за разнебитување на нашата држава за кои предупредувавме во минатото. Денес во Македонија се применува сила против свеста, сила против животот, насилство против волјата на секој оној што мисли поинаку, истакна Дурловски. Затоа, драги пријатели, ова мое денешно обраќање пред вас, сакам да им го посветам на нашите браќа кои се во македонските затвори. Неправедно обвинети, неправедно осудени. Можам да ветам, дека ќе ги искористам сите законски, демократски инструменти да се дознае вистината! Како што се борев за својата вистина и својата правда, која е вистина и правда за сите нас, така ќе се борам до крај за неправедно затворените, политички прогонуваните. Задоцнетата правда е голема неправда, но сигурен сум дека ќе дојде денот кога македонските патриоти ќе ја дочекаат истата. Македонскиот код е неуништлив! Нека ни е вечна Македонија! Да сте ми живи и здрави, посочи Дурловски.

Дурловски со порака: Ќе светне сонце среде мрак!

Љупчо Цветаноски — Wed, 15 Jul 2020 20:37:00 +0000

Ќе светне сонце среде мрак!, порача носителот на кандидатсkата листа на ВМРО-ДПМНЕ во ИЕ 5 Игор Дурловски на крајот на денешниот изборен ден.

МОЌНО ВИДЕО: „Денес над Македонија! Вие сте мојот глас, јас сум вашето ехо“!

Ивана Ефремовски — Sun, 12 Jul 2020 19:56:12 +0000

Моќно видео објави носителот на листа на ВМРО-ДПМНЕ во изборна единица 5, Игор Дурловски. Оперскиот пејач со својот моќен вокал запеа, а неговиот глас беа прекрасни млади луѓе чие ехо е тој. Слушнете, погледнете и уживајте:

Дурловски: 15 јули е референдум дали ќе не биде како држава или не

Ивона Петрова — Sun, 12 Jul 2020 11:51:25 +0000

На 15 не се работи за обични избори како што сме имале како што сме имале случај да гледаме пред 8,12,16 години, натпревар меѓу два концепти, различни ставови во смисла како ќе се води економијата, државата. На 15 , по мене, се работи за референдум дали ќе не биде како држава или не, истакна носители во ИЕ 5 од ВМРО-ДПМНЕ, Игор Дурловски.