игор џамбазов – Kurir.mk

„И вака и така ќе тагува“: Игор Џамбазов објави цитат од новата книга, а ќе се изненадите кој му одговори (фото)

Ристе Здравков — Fri, 11 Aug 2023 10:43:07 +0000

Македонскиот шоумен Игор Џамбазов цитираше дел од својата нова книга наречена „Книга што самата се напиша“, која без оглед на тоа што се случи во неговиот емотивен живот, вниманието со неговиот цитат од новото дело го привлече и на својата поранешна голема љубов, уметницата Илина Арсова. Тој во август, пред две години најави дека наскоро делото ќе ја види светлината на денот, а попатно објавуваше неколку оригинални мисли со кои ги импресионираше читателите кои му посакуваа и му порачаа дека само безусловната љубов е вистинската. Сега, после сѐ, откако неодамна на сите им стана јасно дека Џамбазов и врвната алпинистка не се повеќе заедно и на нејзиниот профил се најде извадокот од објавата која тој ја сподели на неговиот Инстаграм профил покрај кој таа надополни : – И вака и така ќе тагува…. Џамбазов во неговите дела искрено говори за својот приватен живот, па и овој пат дефинитивно ќе биде потврда дека инспирацијата ја пронашол ставајќи крај на љубовните маки.

„Денес ќе наполнеше 81 година и сигурно ќе ми купеше подарок“: Тажна објава на Игор Џамбазов, оваа личност е непреболена за него (ФОТО)

Дарко Андоновски — Thu, 03 Aug 2023 10:48:57 +0000

Популарниот актер, шоумен и пејач, Игор Џамбазов сподели доста емотивна објава на социјалните мрежи… Имено, тој позираше покрај фотографија на неговата мајка, актерката Анче Џамбазова и напиша неколку зборови кои ќе допрат до секој од вас… „Анче моја. Денес ќе наполнеше 81 година. И сигурно ќе ми купеше подарок. За нејзиниот роденден. Подарок за неа беше мојата среќа…“ Вака стои во објавата на Игор, а меѓу првите кои искоментираа беше и неговата сестра Тања, која и таа напиша неколку емотивни зборови…

View this post on Instagram

A post shared by Igor Djambazov (@igordzambazov)

„Мамица. Не ми се верува дека ќе беа 81. Засекогаш ќе остане млада за мене. Вешта како змеј, љубопитна, неуморна, со искрен интерес да ги разбере другите, а во исто време приватна и ненаметлива со своите маки. До ден денес немам интернализирано дека ја нема“ – напиша Тања.

МОЌНО: Македонската публика се расплака од емоции на ОВОЈ НАСТАП на „Златна бубамара“ – Игор и Андријана маестрални (ВИДЕО)

Ивана Ефремовски — Mon, 27 Mar 2023 06:32:22 +0000

Синоќа се емитуваше овогодинешното издание на Златна бубамара на популарноста. Низа награди, многу настапи, шеги, смеа... Еден настап ја расплака македонската публика. Бура од емоции предизвика пеењето на Андријана Јаневска и рецитирањето на Игор Џамбазов. Еден од најдобрите македонски вокали ја запеа „Ми заплакало селото Ваташа“, а актерот и шоумен ја рецитираше „Цветови“ од Славко Јаневски. В Тиквешко негде, в некое село, кај в слана тивко венеше цвете, – убија дете. Нивниот моќен настап погледнете го во продолжение, во видеото после седмата минута. ЌЕ УЖИВАТЕ!

Игор Џамбазов се прости од Мешковски: Ме прифати како син, низ главава ми експлодираат спомени

Ивона Петрова — Tue, 21 Mar 2023 11:32:37 +0000

Доајенот на македонското глумиште Димче Мешковски почина по долго боледување во својот дом во Лос Анџелес, САД. Голем број пријатели и актери изразуваат сочувство и се простуваат од него преку социјалните мрежи. Меѓу првите се огласи Игор Џамбазов. -Збогум, драг мој Мешко. Има ли име ова? Оваа тага... Низ главава ми експлодираат спомени. Претстави, филмови, серии, радио драми, легендарното Хихирику, тезги, софри, песни, гитари, бесконечни партии карти во театарот. И многу ќеф. Што те познавав, што ме прифати како син, и што навиваше за мене и тогаш кога не требаше. Се гледаме стари..., напиша Џамбазов на Фејсбук.

Далечината си го направи своето: Игор Џамбазов и Илина Арсова ставија крај на љубовната врска

Ивана Ефремовски — Sun, 05 Feb 2023 20:31:29 +0000

Легендарниот актер и шоумен Игор Џамбазов и нашата врвна алпинистка Илина Арсова не се повеќе заедно. Сега дефинитивно е крај за емотивната врска која последниве години беше под будното око на јавноста. За крајот на нивната љубов, Игор за првпат зборува во „Слободен печат“, и вели дека виновник едноставно не постои. „Да, тоа е огромен проблем. Далечината. Единственото нешто што може да ја победи љубовта. За жал, Илина и јас не сме повеќе заедно. Таа веќе одлучи дека сака таму да живее, доби одлична понуда за работа, онаа за која сонуваше во последните 10 години, и што е најважно од сѐ, сето ова таа ми го најави уште во првите денови на нашата љубов. И конечно, кога короната и официјално не беше пречка за патувања, таа се спакува, во куферот што ѝ го подарив претходниот ден и замина. Исто како во „Бестрага“. Сите приказни исти се, тажни ко оваа“. Сите големи љубови се тажни, но јас сум возрасен човек и научив да се справувам со сѐ. Ги молам сите оние што нѐ сакаа и ја подржуваа нашата љубов, да не бараат виновници. Виновник за сето ова не постои. И понатаму сакам да продолжите да ја поддржувате Илина во нејзините акции, бидејќи таа е една посебна жена со која имав привилегија да бидам скоро три години. Од неа научив многу, а некои нејзини совети ќе ги користам до судниот ден“, раскажува Игор за „Слободен печат“.

Емотивна објава на Игор Џамбазов: Една година по смртта на неговиот татко, тој испрати моќна порака

Ивана Ефремовски — Wed, 25 Jan 2023 08:51:03 +0000

Пред точно една година на 85-годишна возраст почина диригентот и композитор Александар Џамбазов. На тој 25-ти јануари 2022 година Игор Џамбазов го загуби својот татко. Денес со емотивна објава за него, ги разбуди емоциите кај сите негови следбеници на Инстаграм. „Помина една година. Цела година. За миг. За час. Помина побргу од која било детска песничка што си ја напишал. Сигурен сум дека си добар таму горе. И нека не ти е мака што не си овде долу, со нас. Да ти кажам искрено стари, ништо не си пропуштил. Медиокритетите и понатаму ни диригираат по сопствени партитури, а ние божем одбиваме да свириме фалш. Она што вредеше во годинава што летна се љубовта и почитта од луѓето за тебе, изразена во малку солзи и уште повеќе насмевки. Нема да ти посакам да бидеш добар, оти таму кај што си, не може да ти е лошо. Чувај ми место до клавирот“ - напиша тој.

View this post on Instagram

A post shared by Игор Џамбазов (@igordzambazov)

„Замижи“ е новата песна на Тамара Тодевска – вакви стихови може да напише само Игор Џамбазов (ВИДЕО)

Дарко Андоновски — Sun, 23 Oct 2022 07:21:03 +0000

Во рамки на 37. издание на „Макфест“, во Штип, Тамара Тодевска ја промовираше својата нова песна насловена како „Замижи“. Станува збор за музичка приказна, чиј текст е напишан од Игор Џамбазов, а музиката и аранжманот се на Роберт Билбилов. На втората, ревијална вечер, во Домот на култура „Ацо Шопов“, Тамара го претстави нејзиниот нов сингл по нешто повеќе од една година. - Станува збор за една нова музичка приказна која особено ми е драга и некако одма ми легна при срце. Се мислев за моментот кога да ја објавиме „Замижи“, но среќна сум што тоа го сторив токму на „Макфест“. Затоа што сакам да дадам поддршка на овој фестивал - меѓу единствените кој сѐ уште овозможува афирмација на македонската музика и на домашните изведувачи. „Замижи“ е за сите кои треба да продолжат напред, кои можеби жалат за минатото, за изгубеното, за одредени моменти, но сега се исправени пред нови животни предизвици. Убав е овој живот и вреди да се бориме, вели Тамара за својата нова песна. Тодевска го истакна и своето задоволство од соработката со Џамбазов и Билбилов, кои се децениски нејзини соработници и пријатели. - Со Џамбаз и Роберт веќе исто „дишеме“ и одлично се согласуваме. Го знаат мојот вкус, енергија, стил и кога нешто добро функционира не би го менувала, истакна Тамара.

Игор Џамбазов: Ми пристигнаа резултатите, боледувам од Илинопатија

Ивона Петрова — Wed, 28 Sep 2022 09:24:07 +0000

Игор Џамбазов на социјалните мрежи си ја отвори душата и ја призна болката. Стигна дијагнозата, вели Џамазов, боледувам од Илинопатија. -Ги известувам сите пријатели и следбеници дека конечно ги добив резултатите од лабораториските испитувања. Веќе два месеца боледувам од Илинопатија, во превод: Патење по Илина. Лекот за оваа болест се уште не е измислен. Чаре?, пишува Џамбазов на социјалните мрежи. Веќе два месеци ја нема видено својата љубена Илина, па јавно кажа колку му недостасува.

Бојкотот на Џамбазов ја крена македонската естрада на нозе – Додека едни го поддржуваат, други велат дека домашните изведувачи нема што да понудат

Тале Кристо — Thu, 02 Jun 2022 07:14:50 +0000

Неодамна, Игор Џамбазов го искористи своето интернет ќоше за да изрази незадоволство за третманот кон македонските музичари. Преку својот инстаграм – профил Џамбазов им се обрати на сите сопственици на дискотеки и локали кои како што вели тој „ангажираат полуанонимни пејачки од Балканот“: -ГИ ЗАМОЛУВАМ СИТЕ СОПСТВЕНИЦИ НА ДИСКОТЕКИ И КЛУБОВИ КОИ АНГАЖИРААТ ПОЛУАНОНИМНИ ПЕЈАЧКИ ОД БАЛКАНОТ, СО ЕДНА И ПОЛ ПЕСНА ВО КАРИЕРАТА, А ГИ ПЛАЌААТ 5 (И СО БУКВИ ПЕТ) ПАТИ ПОВЕЌЕ ОД НАЈДОБРИТЕ МАКЕДОНСКИ ИЗВЕДУВАЧИ, ИЧ ДА НЕ МЕ БАРААТ ЗА НАСТАП СО МОЈОТ БЕНД. ЗА ВАС ДЕЧКИ СУМ НЕДОСТАПЕН…ДУР СУМ ЖИВ. ОБЈАВИ ЏАМБАЗОВ И НАПИША „НАЗАД ВО РЕЛАНОСТА. По објавата следуваше лавина од коментари и поддршка од бројните следбеници на актерот, неговите колеги и пријатели. Естрадниот магазин „Бекстејџ“ реши да ја обработи оваа тема, се со цел да го види ставот на македонските изведувачи поврзани околу истото Бојкотот на Џамбазов ја крена македонската естрада на нозе - Додека едни го поддржуваат, други велат дека домашните изведувачи нема што да понудат. Игор Џамбазов изреволтиран додаде: Не да не ме канат, нека не ми се јавуваат воопшто. Јас сум за нив умрен човек.

Игор Џамбазов: И мажите се жртви на семејно насилство, но никој не им верува – ако признаеш на пријател, најпрво ќе ти се изнасмее

Ивана Ефремовски — Wed, 18 May 2022 08:33:26 +0000

Ниту еден судски спор, не предизвикал толку многу внимание во јавноста како оној помеѓу Џони Деп и Амбер Херд. Џони Деп е доказ дека и мажите можат да бидат жртви на семејно насилство. А ги има многу, но поголемиот дел од нив молчат. Срамот да не бидат озборувани е поголем од болката на ударите. Токму на оваа тема естрадниот магазин „Бекстејџ“ разговараше со дел од нашите јавни личности. Оној кој прв зборуваше беше Игор Џамбазов. „Тепаниот маж се срами повеќе од тепаните жени. Срамота е. Да му признаеш на најдобриот другар дека жена ти те тепа? Прво, нема да ти верува“.