Ѓоргиев: Со Лазаров како селектор градиме менталитет да одиме на победа на секој меч

Бошко Тасиќ — Sun, 01 Jan 2023 07:32:49 +0000

Игор Ѓоргиев повторно е еден од ракометарите кои добиваат доверба од селекторот Кире Лазаров на бековската линија и кој сигурно ќе има значајна улога во настапот на националниот тим на СП во Краков. „Подготовките течат во најдобар ред, мислам дека овој период во Маврово го минавме максимално добро.,работевме на кревање на формата и на воигрување на одредени тактички замисли на стручниот штаб. Одигравме и две контролни средби со Црна Гора кои беа добредојдени, а во првите денови од 2023 ќе видиме што сме сработеле и ќе продолжиме со комплетни тренинзи. Последното ЕП беше многу тешко за нас поради проблемите, заразените играчи со коронавирус и повредата во последен час на Кире Лазаров. Голем дел од товарот падна врз нас помладите и слободно можам да кажам дека беше големо искуство за сите, за мене лично беше прво европско првенство и верувам дека побогат за тоа искуство ќе се прикажам во уште подобро светло на наредниот мундијал“, вели Ѓоргиев. Тој кратко ја прокоментира и групата во Краков, најавувајќи беспоштедна борба од македонските натпревари на трите натпревари против Норвешка, Аргентина и Холандија. „Сите знаеме дека Норвешка е фаворит во нашата група, но тоа не значи дека однапред ќе се откажеме и на тој премиерен меч во Краков. Она што селекторот го гради како менталитет во оваа подмладена репрезентација е на секој меч да се обидеме да одиме на победа. Сепак, реалноста е дека нашата шанса ќе ја бараме на дуелите со Аргентина и Холандија, каде верувам дека можеме да забележиме најмалку една победа“, оптимист е средниот бек на РК Алкалоид.

Ѓоргиев: Сите ние младите се трудиме максимално да се наметнеме во националниот тим

Бошко Тасиќ — Mon, 27 Dec 2021 20:05:53 +0000

Еден од помладите македонски репрезентативци, Игор Ѓоргиев, со задоволство зборуваше за победата над Кувајт со 31-21, во првиот од четирите теста за македонската ракометна репрезентација во овој новогодишен, подготвителен период. „Во целина и од самиот себе и од моите соиграчи сум презадоволен. Го покажавме она што го трениравме овие 4-5 дена. Ни помогнаа советите на селекторот на паузата, уфрливме во втора брзина во второ полувреме, нашата игра беше побрза и реализиравме чисти ситуации, а и голманите фатија доста топки. Сите ние младите се трудиме максимално да се наметнеме на овој систем на овој ритам на игра. Подготовките засега течат фантастично и се надевам ќе продолжиме така.“, истакна Ѓоргиев, кој беше стрелец на три гола. Следниот тест меѓу Македонија и Кувајт е в среда, исто така во Маврово.

Игор Ѓоргиев – Kurir.mk

Ѓоргиев: Со Лазаров како селектор градиме менталитет да одиме на победа на секој меч

Ѓоргиев: Сите ние младите се трудиме максимално да се наметнеме во националниот тим