Јанушев: Со Спасовски и Заев сигурни може да бидат само криминалците и рекетарите

Тале Кристо — Sat, 04 Jan 2020 10:39:00 +0000

Извршната власт била во сигурни раце на Спасовски - кажа Заев. Со Спасовски и Заев сигурни може да бидат само криминалците и рекетарите во земјава, пишува на Фејсбук генералниот секретар на ВМРО-ДПМНЕ Игор Јанушев. -Сигурните раце на Спасовски значат прво место на земјава во Европа по корупција и криминал, ослободени убијци на 4 малолетни деца кај Смилковското езеро, да го пуштат да избега убиецот на Мартин Нешкоски, скопскиот асфалт стана како оној во Бејрут, нема месец да нема некое крваво убиство или огнена престрелка како на Дивиот Запад. Ако ова се сигурните раце на Спасовски, не сакам да знам како изгледаат неговите несигурни раце, вели во својата објава Јанушев. -И додека техничкиот премиер во оној “зелен спот” одговарајќи на 30 прашања, на прашањето што би му порачал сегашниот Оливер на Оливер кога имал 18 години, овој гордо и недоветно како од пушка ќе каже да биде чесен, што не упатува на тоа само да замислиме колку бил нечесен од мали нозе, додава Јанушев. И на крај, додека Заев верува во сигурноста на Спасовски, мислам дека треба некој да му каже дека наместо премиерското место Заев по изборите, единствено што осигура е челното место на Спасовски во СДСМ, заклучува генералниот секретар на ВМРО-ДПМНЕ. Или што би рекол Заев - премиер повторно "мало сутра"!, порачува Јанушев.

Јанушев: Правосудните органи под притисок на власта си поигруваат со човечките судбини, Македонија е заробена од страна на СДСМ

Катерина Бојаџиева — Wed, 28 Mar 2018 13:18:43 +0000

По синоќешните случувања, без пардон може да констатираме дека Република Македонија е заробена држава од страна на СДСМ. Законите не се применуваат, институциите се злоупотребуваат и единствено се користат за покажување на политичка моќ, заплашување и играње со човечки судбини. Партискиот суд и партиското обвинителство на СДСМ нехумано, надвор од сите правни стандарди и процедури во раните утрински часови, спротивно од одлуката на Врховниот суд донесе одлука за повторно приведување на дел од обвинетите лица за настаните од 27-ми април, истакна Игор Јанушев, генерален секретар на ВМРО-ДПМНЕ. -Правосудните органи под притисок на власта си поигруваат со човечките судбини. Апсењето на лицата кои се веќе ослободени од притвор како да станува збор за најголеми криминалци, а не за луѓе кои целиот свој живот го посветиле на Република Македонија, е одраз на политички гнев и класичен политички прогон. Кој го нарача, и кому му беше потребно ваквото малтретирање? Зошто некој сакаше семејствата повторно да ги проживуваат истите трауми? Што се смени во однос на околностите, поради кои беше преиначен притворот? Како и досега, така и сега не постои ниту една причина за определување на мерката притвор. Судот постапува со двојни аршини и тоа е од повеќе очигледно, рече Јанушев и додаде: „Граѓаните секојдневно гледаат дека законите не важат за Заев и врхушката од власта. Притворот како мерка се користи како казна само со цел да се дисциплинираат политичките противници. Лицата обвинети за настаните од 27-ми април не се терористи и мора да бидат ослободени. Ова дејствие на правосудните органи е класична злоупотреба на законите, злоупотреба на мерката притвор и е во целосна спротивност со препораките на Европскиот суд за човекови права“. Во таа насока, подвлече Јанушев, ВМРО-ДПМНЕ ги повикува адвокатските тимови на обвинетите во најбрз можен рок да поднесат претставки до Европскиот суд за човекови права во Стразбур, особено имајќи го предвид фактот што преиначување на судска одлука за притвор од страна на Европскиот суд за човекови права е причина за разрешување на судија кој ја донел таквата одлука. -Ваквите дејствија на правосудните органи се срам за македонскиот правосуден систем и ќе останат забележани во учебниците како правен преседан и политички монтиран случај. ВМРО-ДПМНЕ потенцира дека оваа злоупотреба на институции мора да запре. Никој не смее да се става над законите и да ги користи институциите за политички и лични цели. Секој еден кој го применува правото во институциите мора да знае дека треба да работи единствено во согласност со Уставот и законите и никако поинаку! Секое противправно дејствие мотивирано од политичката моќ која сега ја чувствуваат, а која нема да трае уште долго, ќе биде санкционирано и секој еден прекршител на законот ќе одговара за своите дејствија и постапки. Господо од СДСМ – престанете да си играте, престанете да го злоупотребувате и заплашувате, престанете да го потценувате сопствениот народ! Господо од СДСМ – ДОСТА Е, потенцираше Јанушев.

игор јаншев – Kurir.mk

Јанушев: Со Спасовски и Заев сигурни може да бидат само криминалците и рекетарите

Јанушев: Правосудните органи под притисок на власта си поигруваат со човечките судбини, Македонија е заробена од страна на СДСМ