игор јанушев – Kurir.mk

Јанушев: Без разлика кога и да бидат изборите, СДСМ и ДУИ ќе се соочат со најголемиот пораз кој го имале во историјата на Македонија

Дарко Андоновски — Tue, 24 Oct 2023 18:44:43 +0000

„Во овој период имаме едно разногласие од страна на владините коалициски партнери. Излегува Ковачевски и кажува дека ќе имаме редовни избори за да после два дена после него излегува Османи и повторно ни кажува дека да гласаме уставни измени па да идеме на предвремени избори што само ја потврдува нашата теза дека во оваа Влада Ковачевски никој ништо не го прашува“, истакна пратеникот Игор Јанушев од ВМРО-ДПМНЕ во вечерашното гостување во емисијата „Топ Тема“ на Телевизија Телма. Тој запраша за тоа како е можно на 6 месеци пред избори да не седнале и да се договорат бидејќи се коалициски партнери бидејќи заедно крадат за тоа кога и како ќе се организираат изборите? Јанушев додаде дека последната изјава на Ковачевски е триумфалистичка повикувајќи се на тоа што го кажал пред една година дека ќе има редовни избори. „Во овие 2 години цело време единствена теза пласираат тоа е дека имаат пратеници за уставни измени, но никако не закажуваат седница а од друга страна се обидуваат да ни понудат предвремени избори ако се согласиме да гласаме за уставни измени. Зошто го прават тоа? За да купат време за да можат уште некој месец да крадат“, кажа тој. Јанушев истакна дека неколку пати излегле во јавноста со предлози, еве последниот предлог од вчера е тоа да власта да одбере датум и да каже кога сакаат да идеме на избори. Што по ферски, што по отворено и што по јасно од ова. „Дали ќе бидат изборите во Мај, Април, 15 или 20 дена не менуваат ништо, дали ќе се формира техничка Влада пред или после празници, крајот на Јануари или почетокот на Февруари исто така не менува ништо. СДСМ и ДУИ ќе се соочат со најголемиот пораз кој го имале во историјата на државава“, кажа тој. Јанушев додаде дека ВМРО-ДПМНЕ ги понуди сите можни варијанти. „Има разногласие и Ковачевски не го прашува никој во државава што мисли и како мисли затоа што после таа изјава на Ковачевски излегува Османи и вика ај да идеме на предвремени избори. Во која нормална држава после изјава на премиер излегува министер било кој од таа Влада во која нормална држава тој дава сосема спротивна изјава на премиерот“, дециден е Јанушев. Тој заклучи дека нема никаква логика да не бидат изборите заедно, која е логиката да не бидат изборите заедно кога тие се во иста година.

Јанушев: Воопшто не е драматизација тоа што си ја штитиме сопствената држава и народ, граѓаните ни немаат дадено право за менување на Устав

Ивона Петрова — Wed, 29 Mar 2023 17:41:39 +0000

„Уцената не е од Европска Унија туку уцената е од Бугарија и зошто не е исто за Македонија како за сите останати земји. Никогаш од постоењето на ЕУ до денес ниту една држава не и било дозволено билатерален спор да се внесе во рамката за преговори, а нашата Влада која е на власт тоа го дозволи. Дозволи во вториот договор со Бугарија да им се дозволи по завршување на комисијата со работа додека се не се имплементира да Бугарија го има тоа право од учебници до не знам што уште не“, изјави пратеникот од редовите на ВМРО-ДПМНЕ Игор Јанушев во вечерашното гостување во емисијата „За или Против“ на Телевизија Алфа. Јанушев посочи дека тоа што ВМРО-ДПМНЕ го има како став за уставните измени воопшто не го смета за драматизација. Тоа воопшто не е драматизација доколку си ја штитите сопствената држава и сопствениот народ. Тој додаде дека граѓаните не им дале право на пратениците да го менуваат Уставот за било кое прашање што е надвор од партиските, изборните програми, владините програми со кои сме ја добиле довербата да ги претставуваме. „Не признавањето на легитимитетот се однесува на премиерот затоа што тој не излезе на избори и тој нема добиено мандат исто како што Собранието единствено го црпи легитимитетот од пратениците кои единствено го црпат својот легитимитет од народот и од гласањето. Ако јас излезам на избори и кажам едно а пробам да направам сосема друго, како што власта правеше со двојазичните униформи, промената на името, преспански договор тогаш тоа го руши легитимитетот“, кажа Јанушев. Тој е дециден дека 44 проценти од граѓаните кажуваат дека во моментов имаме полоша меѓународна позиција од пред 12 месеци и тоа е фрапантна бројка.

Јанушев: Маја Манолева има опомена од ДКСК за судир на интереси, а вие сакате да ја направите заменик министер за здравство

Дарко Андоновски — Thu, 02 Mar 2023 13:53:10 +0000

„Изминатите години сите ние знаеме да кажеме една поговорка или изречица „Нема леб тука“ е ова „Нема леб тука“ премиере го направивте да биде навистина да нема леб тука. Не можам да ве разберам со кој памет излегувате и пробувате да оправдате или да или да излажете колку е тоа добро,кога ние за леб немаме. Нема леб, вие ни зборувате тука за економија за патишта за инвестиции за капитални инвестиции а леб нема“, кажа пратеникот од ВМРО-ДПМНЕ, Игор Јанушев. Јанушев нагласи дека десет месеци преку еден ден има закани за бомби во училиштата, и учебната година ќе заврши а учебници нема. „Не можам да разберам како десет месеци ако не секој ден преку еден ден ни се јавуваат учителките да си ги земеме децата, поради бомби, толку ли нема некој кој ќе каже дајте направете нешто, ајде што нема учебници, ајде што ќе заврши школската година немаат од што да учат, зошто молчите, зарем тоа е европскиот пат премиере“, кажа Јанушев. Пратеникот Јанушев го праша премиерот за кој животен стандард зборува во експозето кога потрошувачката кошничка никогаш не била поголема, со две плати не може да се врзе крај со крај. „Морам да ви признам како добро ги изигравте Алијанса, под превезот на ќе го зголемуваме мнозинството, едвај го изедначивте, ама под плаштот на тоа дека се зголемувате окрупнувате и поради Европа морам да признам дека многу добро ги изигравте. Веројатно тоа е единственото нешто за кое што можеме да ви признаеме дека сте добри. Да зафркнете некого, да го превеслате, да украдете и да излажете. Кој животен стандард да се навратам на експозето на премиерот, потрошувачката кошничка поголема никогаш не била, со две плати не може да се врзе крај со крај а вие зборувате како е подобро. Срамно е ова што го правите“ нагласи Јанушев. Јанушев кажа и дека , госпоѓата Маја Манолева, во моментот покрај предлогот да биде заменик министер за здравство во моментот е В.Д Директор на јавната здравствена установа завод за физикална медицина и рехабилитација и истовремено е управител на приватната здравствена установа „Физиоплус - д-р Манолева“ и за ова веќе била опоменета од ДКСК. „Она што е интересно е предлогот за здравство, која што впрочем не доставила ниту биографија, госпоѓата Маја Манолева, во моментот покрај предлогот да биде заменик министер за здравство во моментот е В.Д директор на јавната здравствена установа завод за физикална медицина и рехабилитација и истовремено е управител на приватната здравствена установа „Физиоплус - д-р Манолева“ и за ова веќе била опоменета од ДКСК дека треба да се повлече од една од двете функции бидејќи има судир на интереси но петнаесет дена не го направила тоа, и вие сакате да ја направите заменик министер“, нагласи Јанушев.

Јанушев: Жалам што Џафери не смогна храброст да се извини за навредите кон мене, неговиот наратив е за осуда, не смее малолетни деца да се мешаат во собраниски дискусии

Тале Кристо — Thu, 23 Feb 2023 20:28:44 +0000

„Навистина ми е жал што спикерот Џафери не е денес овде, а уште повеќе ми е жал што не најде доблест и храброст да се извини за вчерашните односно сабајлешните навреди и закани кон мене односно моите малолетни деца“, истакна Игор Јанушев, пратеник од редовите на ВМРО-ДПМНЕ. Јанушев додаде дека својот говор го има поделено на два дела, при што во првиот дел сака да се обрати до Талат Џафери. „Ќе му се обратам на Талат за две работи, ако се сомнева дека било кој во Собранието користи дрога слободно заклучете ги вратите повикајте служби, би повикал само тука дополнително да се повика и цела Влада, но донесете и дрегери и да направиме тест и за дрога и за алкохол. И да не излеземе додека не ги добиеме резултатите. А, доколку со тоа што ми порача ако имам проблем со нечиј син да излезам надвор и да се видам, и ако мислеше на тоа да ги вркстиме нашите правни познавања бидејќи ијас сум дипломиран правник тогаш не надвор туку еве му предлагам да одбере на било која телевизија било кога и под било кои услови да го вркстиме знаењето за правната проблематика“, порача Јанушев. Тој исто така побара да се осуди наративот на Талат Џафери, бидејќи не треба малолетни деца да се вмешаат во собраниски дискусии. „А, сега неколку збора и за ова што го слушавме од ВД премиерот. Барем од неколкуте забелешки и од она што имавме прилика да го слушнеме, успешен начин на кој што ќе се продолжиле да ги решаваат проблемите со граѓаните. Оваа Влада со овој премиер е главниот генератор на проблемите на граѓаните“, нагласи Јанушев.

ВМРО-ДПМНЕ: Го осудуваме навредливиот говор од Џафери упатен кон Јанушев

Ивана Ефремовски — Thu, 23 Feb 2023 11:37:28 +0000

Најостро го осудуваме мизерниот и навредлив говор кој Талат Џафери го упати кон пратеникот Игор Јанушев и бараме итна реакција од сите надлежни институции за упатената закана. Џафери треба да сфати дека не во шума или на ливада со стадо, од каде очигледно го влече примитивниот однос, туку заради сила на околности, и тој е дел од законодавниот дом, каде треба да поаѓа од демократски принципи на меѓусебно почитување, реагираат од ВМРО-ДПМНЕ. -Џафери треба да е свесен дека нема да се толерира напад врз малолетни деца, иако неговата цел е подгревање на инциденти и ширење на тензии, со цел де фокус од фактот дека неговиот син положил правосуден испит без завршен факултет. Македонија е демократска држава и сите треба да бидат еднакви, а не привилегирани како синот на Џафери. Џафери да не игра на картата на ниски страсти и да се брани дека некој наводно го нападнал или навредил неговиот син, тоа не е одлика на ВМРО-ДПМНЕ, напротив, наша одлика е законите да важат подеднакво за сите, велат од партијата. ВМРО-ДПМНЕ порачува дека во насока на создавање на здраво општество бара Џафери јавно да се извини за кажаните закани и навреди кон пратеникот Игор Јанушев.

Талат Џафери изгуби компас, не сака да зборува за синот обвинител – но ги вмеша децата на Јанушев (ВИДЕО)

Дарко Андоновски — Thu, 23 Feb 2023 10:15:59 +0000

Пратеникот Игор Јанушев од ВМРО-ДПМНЕ од собраниската говорница читаше вести, меѓу кои беше и веста дека синот на собранискиот спикер Талат Џафери без правосуден се запишал на Академијата за обвинители. На ова реагираше Џафери, по што дојде до караница и меѓусебни навреди. - Игор Јанушев, на синот на Талат Џафери не можеш да му дојдеш ни до малиот прст. Прво до малиот прст не можеш да дојдеш. Слушај сега, на синот на Талат Џафери ни ти ни многу од вас тука не можете да му дојдете до малиот прст. Второ, синот на Талат Џафери не се шета по судници. Синот на Талат Џафери не можеш да го видиш дрогириан – рече Џафери. На говорницата се врати Јанушев, кој возврати дека читал вести. - Ти нема да ми кажеш кај ќе идaм – рече Јанушев, откако Џафери му порача да се врати на место. На крајот, координаторот Никола Мицевски од ВМРО-ДПМНЕ излезе за да го тргне Јанушев од говорницата.

Јанушев до владејачкото мнозинство: Зошто молчите и не го коментирате истражувањето каде 71% од граѓаните не веруваат во судство?

Ивана Ефремовски — Mon, 20 Feb 2023 18:20:38 +0000

„Она што многу повеќе ме изненади е тоа што ВД премиерот иако е тука цело време со нас, седи и како не слуша во ниту еден момент не најде засходно да излезе, а видовме дека и знае и да се јави на реплика, да каже зошто предлага разрешување на министрите. Можеби смета дека едноставно како пратеници или како јавност не заслужуваме да знаеме. Од друга страна ги гледаме пратениците од владејачкото мнозинство како од петни жили се обидуваат да оправдаат дали е тоа образование, дали ова што се случуваше со Фондот за здравство“, истакна Игор Јанушев, пратеник од редовите на ВМРО-ДПМНЕ на денешната собраниска седница. Јанушев додаде дека оваа Влада ниту има програма, ниту реализира нешто. Да има натпревар во неспособност дури и тогаш власта ќе го освои второто место по неспособност бидејќи се толку многу неспособни. „И она што исто така не најдовте засходно да го коментирате е последните бројки кои што пред некој ден излегоа на истражувањето на „Детектор“ каде што вели дека дури 71% од граѓаните во државата не му веруваат на ефикасноста во судството“, нагласи пратеникот. Тој посочи дека власта две недели молчеше за она што се случуваше на Фондот за здравство. „Во моментов знаеме кон не е сигурен во себе, знаеме какви се бројките и затоа некои бегаат од избори“, нагласи Јанушев.

Јанушев: Стани Таче да кажеш дека оваа Влада е само од личните желби за останување на власт и за продолжување со крадење

Дарко Андоновски — Thu, 16 Feb 2023 16:36:12 +0000

„Одлуката за новата В.Д Влада нема да биде поврзана со желбите мотивите и барања на било кое партиско раководство. Одлуката била мотивирана за тоа дали и како ќе сме опстанеле како држава. Стани Таче, стани да те види цела сала и кажи дека одлуката за нова Влада е само од личните желби за останување на власт за да продолжите со крадење нема никаков друг мотив и да завршиме со циркусот Единствените кочничари кон ЕУ интегративните процеси сте вие и никој друг. Затоа памет во глава и престанете со празното дробење слама за ЕУ бидејќи Европската Унија е вредности и мерит систем а не ова што вие го правите“, изјави пратеникот од редовите на ВМРО-ДПМНЕ Игор Јанушев на денешната собраниска седница. Јанушев додаде дека Европската Унија не е политика не желби, туку Европската Унија е политика на вредности и политика на мерит систем. „Покрај евроскепцитизмот кој го создавате кај граѓаните во Република Македонија кој патем е најголем во историјата на Македонија граѓаните сакаат да го продолжат патот кон Европската Унија но не со вас бидејќи граѓаните знаат дека тоа е невозможна мисија и затоа сакаат вистински промени Потребно е еднаш и засекогаш да разберете дека во политиката не се влегува за да ве сакаат туку за да ве почитуваат, за жал тоа го нема власта. Работењето за народот и државата значат многу работи, посета на многу места, познавање со проблемите на многу луѓе а некогаш има победи а некогаш падови и тоа е нормално“, кажа Јанушев. Јанушев потенцираше дека колегите од власта паѓаат и крајот им е блиску а тогаш дел ќе останат запаметени како најнсепсообните, дел како соработницита, а најголем дел заборавени. Еден добар дел ќе завршите по затворите за криминалите и предавството кое го правите.

Јанушев: Очекувам извинување од Арсовска за хистеричните изјави, ЈСП го оставив финансиски стабилно

Ивана Ефремовски — Fri, 21 Oct 2022 10:00:56 +0000

Гледам и слушам последниве денови дека (ш)пицнава градоначалничка Danela Arsovska од некои само за неа познати причини решила да зборува за мене и да ме напаѓа. Во ред, легитимно е тоа и немам ништо против, слободно нека продолжи жената, но за волја на вистината морам да и укажам на некои факти кои очигледно и се непознати, а впрочем и од каде би и биле, порачува Игор Јанушев од ВМРО-ДПМНЕ, поранешен директор на ЈСП. Неговиот Фејсбук статус го пренесуваме во продолжение: Директор на ЈСП Скопје бев речиси 3 години, на фукцијата стапив во Февруари 2015 година, а бев сменет во Ноември 2017 година. Така да, ниту сум бил, ниту сум можел да бидам директор на Мицкоски. Во овој речиси 3 годишен период, финансиските проблеми беа огромен предизвик, но исто така станаа мисловна именка затоа што се работеше! Оставив во наследство модерно и финансиски стабилно јавно претпријатие, што успеавте да го уништите! Ајде да ги видиме бројките:

Добивка 2014 – 7.136.000 денари
Добивка 2015 – 72.980.000 денари
Добивка 2016 – 65.260.000 денари

Обврските за плаќање во Февруари 2015 изнесуваа 174.477.000 денари, а во Ноември 2017 – 96.518.000 денари. Долгот за ДДВ во Февруари 2015 изнесуваше 90.422.000 денари, а во Ноември 2017 – 13.491.000 денари. А, покрај тоа во овие речиси 3 години: - се воведе АВЛ систем (Автоматска локација на возила), - се воведе електронска наплата, - се реорганизира Диспечерскиот центар во Оперативно-Контролен центар (преку кој во живо се следат сите возила кои учествуваат во јавниот градски превоз), - се пушти во употреба официјалната android/iOS апликација „JSP – On The Go“, - се воведе Интегриран тарифен систем, - се прошири продажната мрежа, од 50 на над 250 продажни места, - се постави лифт на „Милениумскиот крст“ на Водно. Значи, ако се сака, и нормално, ако се знае како, може и финансиски да се консолидира претпријатието и истовремено да се инвестира и модернизира. Јавно ја прашувам Danela Arsovska кои се финансисите резултати од оваа година и дали можат на било кој начин да се споредат со најлошата година која јас сум ја имал во ЈСП? Или еве за полесно да и биде, нека ги погледне и претходните 20-30 години од работењето на ЈСП. Градоначалничке Danela Arsovska не е убаво да се расфрлате со паушални и хистерични изјави и да напаѓате без било каков основ, само ја губите и таа минимална поддршка која ја имате, ако воопшто останала таква. Засукајте ги ракавите и земете нешто да сработите, им го должите тоа на граѓаните. И мислете уште од сега како ќе обезбедите средства за плата за овој месец за вработените во ЈСП, тоа е многу поважно него да се занимавате со мене. Искрено ви посакувам во овие 3 години што ви остануваат од мандатот да имате дупло подобри резултати од тие што јас ги постигнав во ЈСП Скопје. А, да - во мое време во ЈСП се земаше плата до 5-ти во месецот и немаше ниту еден штрајк. П.С. - бидејќи не знаете како, прашајте, не е срамота да се побара помош. П.П.С. - очекувам јавно извинување за клеветите и навредите кон мене … да не мора да одиме по судови.

Јанушев од парламентарното собрание на ОБСЕ: 63% од граѓаните се незадоволни од борбата против корупцијата, 58% не ги гледаат владините мерки за ефикасни

Ивана Ефремовски — Fri, 27 May 2022 16:02:30 +0000

Денес имав обраќање на меѓународната конференција за борба со корупцијата каде што пред колегите од OSCE Parliamentary Assembly, меѓу другото, истакнав дека гледајќи ги донесените закони произлегува дека Македонскиот парламент ја остварува својата улога во спречувањето и борбата против корупцијата, истакнува Игор Јанушев од ВМРО-ДПМНЕ. Во продолжение следува интегрален текст од неговата изјава: Сепак, според индексот за перцепеција на корупцијата на Transparency International, Македонија во моментов се наоѓа на 87-то место од 180 држави со 39 индексни поени, минатата година беше на 111-то место од 180 држави со 35 индексни поени. Само за споредба, во 2014 година се наоѓаше на 64-то место со 45 поени. Последното истражување на National Democratic Institute покажува дека 1/3 од граѓаните верува дека државата се движи во погрешна насока во целина, наведувајќи ги криминалот, корупцијата, лошото владеење и личниот интерес на политичарите како главни фактори. 63% од граѓаните се незадоволни од борбата против корупцијата, а 58% не ги гледаат владините мерки за ефективни. Недовербата во судовите е 65%, а во јавното обвинителство 62%. Јавноста ги гледа судовите и јавното обвинителство како најкорумпираните институции во државата на кои најмногу им треба реформи. Понатаму, пред колегите зборував за надзорните расправи во Македонскиот парламент и ги информирав дека, за жал, за разлика од парламентарните мандати 2008-2011 и 2011-2014, кога беа одржувани по 5 надзорни расправи, во тековниот парламентарен состав е започната и истата не е завршена – само 1 надзорна расправа.