Игор Карачиќ – Kurir.mk

Игор Карачиќ нема да настапи на ЕП

Бошко Тасиќ — Thu, 30 Dec 2021 17:17:02 +0000

Селекторот на Хрватската ракометна репрезентација Хрвоје Хорват денеска го објави конечниот список на ракометари за претстојното Европско првенство во Унгарија и Словачка, што се одржува во јануари. Големо изненадување е тоа што некогашниот играч на Вардар Игор Карачиќ не се најде на списокот, туку ќе биде резерва во случај некој да се повреди или да не може да настапи на турнирот од други причини. Покрај поранешниот „вардарец“, статус на резерви имаат и Шего, Ивиќ, Лучин и Мариќ. Хорват му дава шанса на ракометарот на Вардар, Анте Гаџа на централната бековска позиција, кој ќе се бори за минутажа со Домагој Дувњак и Лука Циндриќ. СПИСОК ХРВАТСКА Голмани: Пешиќ, Шуњиќ, Мандиќ Леви крила: Мандиќ, Михиќ Денси крила: Чупиќ, Главаш Пивоти: Шушња, Шипиќ, Граховац Леви бекови: Јагањац, Срна, Мамиќ Средни бекови: Дувњак, Циндриќ, Гаџа Десни бекови: Мартиновиќ, Шебетиќ

Управата на Киелце му понуди нов договор на Карачиќ

Бошко Тасиќ — Wed, 24 Nov 2021 17:00:34 +0000

Поранешниот ракометар на Вардар, Хрватот Игор Карачиќ ја одработува третата година од договорот со полскиот шампион Киелце. Претседателот на клубот Бертус Сервас, во интервју за „Спорт ТВП“, откри дека во случајот на Карачиќ се уште ништо не е јасно. Понуден му е нов договор, но веројатно со полоши услови од претходниот. Хрватскиот репрезентативец во Вардар помина седум сезони по доаѓањето од Босна, и стана миленик на навивачите. Со „црвено-црниот“ освои две титули во Лигата на шампионите, а тренерот Веселин Вујовиќ во неодамнешно интервју откри дека би сакал повторон да го види во „цввено – црниот“ дрес

Поранешниот играч на Вардар подготвува свадба – срцето и го освој на струмичанката Душица, еве каде ќе биде прославата ова лето (ФОТО)

Дарко Андоновски — Mon, 12 Apr 2021 16:19:18 +0000

Хрватскиот ракометен репрезентативец и поранешен играч на „Вардар“, Игор Карачиќ, во јуни ќе прави свадба со архитектката Душица Андоновска. Не е тајна дека лани, кога почна пандемијата, Игор ја побара за сопруга на романтичен начин. Свадбата е закажана и ќе биде летово во Мостар, открива Душица за „Репортер“. Таа речиси никогаш не зборувала за приватниот живот и љубовта со ракометарот Карачиќ, кој сега игра за „Кјељце“, Полска. Првпат за „Репортер“ ја открива нивата љубовна приказна.

View this post on Instagram

A post shared by Igor Karacic (@igorkaracicc18)

На прашањето како одат подготовките за свадбата и дали ќе има една во Мостар, а друга во Струмица, вели: „Свадбата се подготвува и се надеваме дека нема да ни се променат плановите поради пандемијата. Ќе биде во јуни во Мостар и ќе правиме една свадба за да може нашите блиски да бидат во исто време присутни. Организацијата е голема, па некако избравме да организираме сè на едно место. Игор е од Мостар, ќе има повеќе гости, па затоа таму беше и природен избор“, открива Душица за „Репортер“. Таа вели дека венчаницата веќе ја избрала, па останува уште младоженецот да си избере костум, а сè друго е во финална фаза. Игор ја побара за сопруга точно пред една година во Скопје кога почна пандемијата. „Мислам дека секој пар знае во кој правец му се движи врската, но дека ќе биде токму во овој период, воопшто не очекував. Беше почеток на пандемијата, не ни помислив дека во тој хаос би барал прстен, а подоцна дознав дека прстенот бил нарачан три месеци претходно, така што пандемијата не му ги наруши плановите“, открива Душица. Нивната љубовна приказна почна во Скопје во времето кога Карачиќ играше за „Вардар“. Ама ретко кој знае дека тие двајца претходно биле другари и секојдевно се дружеле. Подоцна се вљубиле и еве ги денес заедно во Полска. На прашањето што ја привлекло кај него, таа ни открива: „Неоспорно е дека ме привлече и со изгледот, но бидејќи доста долго бевме само другари, прво ме привлече карактерот. Мислам дека човек го сакаш за цел живот ако го запознаеш онаков каков што е навистина и ако се вљубиш во неговата личност. И тоа се случи кај нас. Обично луѓе се запознаваат бидејќи физички се привлекуваат, но кај нас беше обратно“, искрена е Душица.

View this post on Instagram

A post shared by Igor Karacic (@igorkaracicc18)

Во тоа време Игор ѝ беше миленик на јавноста. И денес кога ќе дојде во Скопје, медиумите објавуваат дека е тука. Не е тајна дека тој го привлекува вниманието на жените, ама архитектката Душица вели дека ни тогаш ни сега не ѝ пречела неговата популарност. „Со оглед на тоа колку ние Македонците сме ракометни фанови, бев навикната луѓе постојано да доаѓаат за да се сликаат, жени да трчаат од сите страни, на улица да бараат автограми, дресови и ни тогаш ни сега не ми пречела таа негова популарност. Од денешна перспектива, кога ќе се навратам назад, мислам дека тоа што се познававме многу добро пред да бидеме во врска изгради еден искрен и квалитетен однос каков што имаме денес и од самиот почеток ни ја направи врската сериозна“, раскажува Андоновска.

View this post on Instagram

A post shared by Igor Karacic (@igorkaracicc18)

Пред да ја побара за сопруга и пред да замине за Полска, Игор потпиша за „Кјељце“ и требаше да си замине од „Вардар“ и од Скопје. „Па, тој сè уште играше во ‘Вардар’ кога потпиша за ‘Кјељце’, така што имав време да се навикнам на идејата. Ми беше тешко на почетокот, но еднаш месечно доаѓав во Полска, а по само неколку месеци почна пандемијата, па и двајцата бевме заедно во Скопје за време на карантинот“, раскажува Душица како ја одржувале љубовната врска.

View this post on Instagram

A post shared by Igor Karacic (@igorkaracicc18)

За неа и за Игор, вели дека се мали деца во душата и слични еден на друг. На прашањето како ги надминуваат кавгите, вели: „Објективни сме кога грешиме и немаме страв од извини, така што нема држење лутина, попушта тој што ќе згреши“. Таа ни откри дека за цело ова време таа му е поддршка на Игор и кога губи и кога победува.

Македонска снаа за пример: Свршеницата на Карачиќ ги засука ракавите, еве каква роденденска торта му направи (ФОТО)

Дарко Андоновски — Tue, 03 Nov 2020 11:12:15 +0000

Поранешниот ракометар на Вардар, Игор Карачиќ, вчера во Келце го прослави 32-от роденден. Неговата свршеница, Душица Андоновска, му подготви интересна торта и неколку подароци, а неизбежно беше и полското пиво од спонзорот на Келце, објавува 24 ракомет. Карачиќ поради коронавирусот во Келце, мора да биде во изолација и не се појави на репрезентативниот собир за ЕХФ неделата. Лани веќе гостуваше како ривал на Вардар во Скопје, а ист ќе биде случајот и сезонава на 19 ноември.

Карачиќ не може без Вардар, моќна порака на Инстаграм: Браво браќа ! (ФОТО)

Ристе Здравков — Sat, 05 Sep 2020 08:56:46 +0000

Хрватот Игор Карачиќ и покрај тоа што не игра за Вардар се чини срцето му е вардарово, на Инстаграм ја поздрави победата на црвено-црните против Загреб. Карачиќ беше краток во пораката која е моќна и мотивирачка: „Браво браќа „“ -напиша Карачиќ.

ФОТО: Карачиќ на фејсбук порача што му недостасува

Ристе Здравков — Thu, 21 May 2020 19:30:25 +0000

Игор Карачиќ е македонски зет, изминативе денови ги минува во Дојран со својата сопруга, но на фејсбук објави статус дека му недостасува ракометот. Хрватот во моментов е член на Кјелце, но клубот е во финансиска криза и Карачиќ можеби е на излезна врата. Карачиќ на фејсбук напиша дека му недостасува ракометот, натпреварите…Коронавирусот го стопираше спортот, враќањето е тешко и мачно, под нови услови…

Карачиќ со еден збор го опиша Стоилов – МАЖИШТЕ!

Предраг Кукиќ — Mon, 30 Mar 2020 17:24:40 +0000

Игор Карачиќ, македонскиот зет и некогашен член на златната генерација на Вардар во интервју за „Балкан-хендбол“ говореше за најразлични теми. На прашањето што има да каже за својот некогашен капитен од „црвено-црниот“ табор, тој го даде најдобриот одговор: „Ќе пробам да го кажам на македонски јазик, ти најверојатно ќе ме разбереш. Столе е мажиште! Фраер од скопскиот асфалт. Тој е вистински пријател, знае да те научи многу животни лекции“. За нас Македонците добро се познати величините на Стоилов, несебично му дозволи на Карачиќ да ги подигне сите пехари минатата сезона, која беше последна за Хрватот.

„Македонци, БРАВО“: Нашите судии прогласени за “најдобри играчи“ во финалето

Ивана Ефремовски — Mon, 27 Jan 2020 09:45:18 +0000

Моментот кога Начевски ги досуди „чекорите“ во 59-та минута на Игор Карачиќ ќе влезе во антологија на европските првенства, пишува реномираниот портал за ракомет „Balkan-handball“. Ни требаше „бавно движење“ за да сфатиме дека хрватскиот играч од средниот ред влезе во лесен танц пред финесот, каде што бројот на чекори отиде на 5,6,7, бидејќи некои ТВ коментатори исто така беа сомнителни во размислувањето дека Марино Мариќ направил фаул во напад на блокада. Порталот понатаму пишува: „Донесување на вистинска одлука, која во моментот не ги менува работите затоа што играчот е на 10 метри од голот и нападот е само на почеток, а повторно да се знае дека ќе има директно влијание врз резултатот на финалето на Европското првенство е дел од храброста и одговорноста што ја имаат судиите“. Дури и најголемите поддржувачи на хрватскиот ракомет едноставно не можат да ја оспорат оваа одлукла. Дури и долгогодишното ракометна братство на Хрватите и Македонците не може да биде нарушена од нешто што е „чисто како солза“. Во дуелот на две уморни исцрпени екипи на „Теле 2 арената“ во Стокхолм, најдобри актери беа судиите Начевски и Николов, пишува „Balkan-handball“. Целата вест за нашите судии, прочитајте ја на „Balkan-handball“.

Карачиќ по херојскиот пресврт на Хрватска: Се потсетив на Вардар!

Ивана Ефремовски — Sun, 19 Jan 2020 10:09:14 +0000

Со триумфот од 25:24, Хрватите си обезбедија нова завршница на еден голем турнир, а херој број еден беше Игор Карачиќ кој даде и интересна изјава по крајот на натпрварот. -Премногу сум горд на своите соиграчи. Ова е натпревар на кој можеме да научиме како се гради карактер, како да се извлечете од тешка ситуација. Не знам што да кажам, едноставно верував во соиграчите, верував во стручниот штаб. Во одредени моменти од натпреварот се потсетив и на Вардар. Ова беше многу стресно за мене и соиграчите, но најважно од се е што верувавме во победа, – изјави Карачиќ кој сосема заслужено беше прогласен за најдобар играч на натпреварот на кој постигна седум гола.

Карачиќ ќе стане македонски зет – лудо е вљубен во Душица! (ФОТО)

Дарко Андоновски — Sat, 02 Nov 2019 13:07:04 +0000

Некогашниот вардарец Игор Карачиќ, кој летово се пресели во полскиот првак Келце, би можел наскоро да стане македонски зет. Тој наводно е во врска со македонскиот модел Душица Андоновска, со која претходно биле пријатели подолго време. Откако Карачиќ замина во Келце, Андоновска често е кај него на гости, а чаршиските муабети велат дека наскоро и комплетно ќе се пресели во Полска, откако дала отказ на работното место. Останува да видиме дали Карачиќ наскоро ќе ја изненади Душица со веренички прстен и ќе ја побара за сопруга…