игор караџиќ – Kurir.mk

Карачиќ не мрда никаде и ќе остане уште три години во Киелце!

Ристе Здравков — Thu, 16 Dec 2021 14:36:51 +0000

Игор Карачиќ стави потпис на нов договор и ќе остане уште долго време во редовите на Киелце. Хрватскиот ветеран ќе ги брани боите на полскиот гигант до 2025 година. Поранешниот член на Вардар се надева на нов европски успех, по двата во Скопје. „Мојата сопруга и јас се чувствуваме одлично тука и имаме сè што ни треба. Клубот е на највисоко можно ниво и нашите амбиции растат секој ден. Во овој проект веќе е многу вложено и се надевам дека ние - играчите предводени од нашиот тренер - ќе ја реализираме оваа инвестиција. Верувам дека нема да останеме без успеси и дека ќе ги израдуваме и нашите навивачи, а морам да ги поздравам за она што го прават за нас“ , изјави Карачиќ. Средниот бек пристигна во Киелце пред две сезони. Претходно седум години го носеше дресот на македонскиот гигант.

Познато дали Караџиќ ќе се врати во Вардар

Ристе Здравков — Mon, 22 Jun 2020 08:48:50 +0000

Вардар 1961 во следниот период ќе се засили со уште еден играч и тоа на позицијата на среден бек. Но, за жал големата желба на фановите на актуелниот европски првак нема да се исполни. Игор Карачиќ останува во Келце. Иако полскиот тим остана без главниот спонзор ВИВЕ, хрватскиот ракометар веќе контактирал со челниците на клубот, добил гаранција дека максимално ќе биде испочитуван заедничкиот договор. Во акцијата за спас на Келце се вклучија и навивачите кои за неколку дена собраа 25.000 евра, а во моментов се преговара со три фирми. По овој разговор Карачиќ веднаш ги известил првите луѓе на Вардар 1961, кои пред месец дена имаа средба со него и не криеја дека се подготвени да прегорвараат со него. Целиот текст може да го прочитате ТУКА

ФОТО: И официјално Игор Карачиќ е македонски зет!

Тале Кристо — Sat, 14 Mar 2020 20:36:58 +0000

Поранешниот ракометар на РК Вардар, Игор Карачиќ и официјално стана македонски зет. Имено, неговата избраничка, убавата струмичанка Душица Андоновска преку својот профил на Инстаграм се пофали дека добила свршувачки прстен. Парот заедно е веќе подолг период, а на почетоктот двајцата својата врска успешно ја држеа подалеку од очите на јавноста.