игор кралевски – Kurir.mk

Кралевски: По моја иницијатива вработените во ЈП Градски паркинг ќе добијат 10% зголемување на платите почнувајќи со септемвриската плата

Дарко Андоновски — Thu, 12 Oct 2023 10:41:01 +0000

Претседателот на Управниот одбор на ЈП Градски паркинг Скопје Игор Кралевски заедно со членовите на одборот донесоа одлука за пропорционално зголемувае на платите за 10%, и истата ќе започне да се применува со септемвриската плата. „На денешната седница на Управниот одбор на JП Градски Паркинг - Скопе, се донесе одлука за пропорционално зголемувае на платите за 10%, а одлуката ќе започне да се применува со септемвриската плата. Одлуката за покачувае е донесена по моа инициатива како Претседател на Управниот одбор на JП Гратски Паркинг - Скопе, заедно со членовите на управниот одбор. Во време на се поголемо зголемуване на секоздневните трошоци, оваа одлука е поддршка за сите наши 280 вработени. Голема благодарност за сета посветеност и лични вложуваньа на секо; вработен во ЈП Гратски Паркинг - Скопе, поединечно. Продолжуваме и понатаму со поголема сила, за уште поголеми успеси“, стои во неговиот пост на Фејсбук.

Нападнат набљудувач: Ова е Сарај и во село Бојане не може никој да те спаси (ВИДЕО)

Дарко Андоновски — Sun, 31 Oct 2021 18:07:27 +0000

По изборната нерегуларност која ја објави КУРИР денеска за време на изборниот процес во село Бојане, сега се огласи и сведокот кој бил набљудувач токму таму. -Уште рано изутринава дојдов во 8 часот иако нашиот набљудувач беше внатре, прво бев избркан бидејќи наводно не требало двајца набљудувачи од опозицијата да бидат, јас ги послушав и не влегов до 12 часот, а потоа влегов во 12:30 и првата моја забелешка беше дека при регистрација на отпечаток со прст треба да го има и на изборниот список, а они на таа моја реакција на која имам право дојде до расправија и ме нападнаа три лица, сакаа да ме извлечат и ми се обратија со овие зборови: Ти знаеш дека си во Сарај и село Бојане и не може да те спаси ништо, тука Шилегов направи пат од четири милиони евра и донел вода до некоја обиколница, вели Игор Кралевски кој бил очевидец на настанот. Тој раскажува и дека не успеале да го изнесат од гласачкото место, но и дека нападнале и друго лице освен него.

Кралевски: МОК како институција и спортот во целина заслужува многу поквалитетни кандидати, Македонија и спортот едноставно заслужуваат повеќе

Тале Кристо — Tue, 27 Oct 2020 12:44:22 +0000

Против двајцата кандидати има претставка до Антикорупциска, а до едниот дури и кривична пријава до Основното јавно обвинителство. Република Македонија и спортот едноставно заслужуваат повеќе, изјави денеска поранешниот фудбалер Игор Кралевски. -Со оглед на сите работи што можевме да ги видиме изминативе денови во и околу изборот за нов претседател на МОК не можеме да останеме на страна. И затоа денес поднесовме претставка до Антикорупциска Комисија за едниот од кандидатите заради судир на интереси. Мислам дека МОК како институција и спортот во целина заслужува многу поквалитетни кандидати од постоечките кои што се едноставно недостојни за функцијата. Против двајцата кандидати има претставка до Антикорупциска, а до едниот дури и кривична пријава до Основното јавно обвинителство. Затоа ние како загрижени спортски работници ќе ги известиме амбасади во Македонија и уште денес ќе испратиме писмо до ИОК и ЕОК. На крај да резимираме Република Македонија и спортот едноставно заслужуваат повеќе, порача Кралевски.

Се разведува поранешната Мис Македонија

Ивона Петрова — Fri, 02 Mar 2018 10:07:29 +0000

По десет години заеднички живот, поранешната Мис на Македонија Вера Мештеровиќ се разведува од нејзиниот сопруг, фудбалерот Игор Кралевски. Веста за нивниот развод ја потврдија двајцата сопружници. Бракоразводната постапка е започната. Вера заедно со двете деца, синот Андреј и ќерката Јована, се преселила од заедничкиот дом.