Игор Михајловски – Kurir.mk

Се разделија Михајловски и Кожув

Бошко Тасиќ — Fri, 09 Dec 2022 05:55:13 +0000

По неполни три месеци од почетокот на сезоната и осум одиграни кола, дојде до првата тренерска смена во мак-кошарката. Гевгелиски Кожув ја прекинаа соработката со тренерот Игор Михајловски. Кумановчанецот си замина од Гевгелија по само три победи и пет порази во домашниот шампионат. Кобен за Михајловски беше поразот во понеделникот во Битола од вицешампионот Пелистер со 96-84. Во текот на денот дојде до спогобен раскин на договорот, кој имаше важност до крајот на оваа сезона. Михајловски претходно го водеше Кожув и во сезоната 2016/17.

Игор Михајловски ќе го води Кожув

Бошко Тасиќ — Fri, 30 Sep 2022 19:52:08 +0000

Македонскиот кошаркарски тренер Игор Михајловски се врати во „старото јато“ и повторно ќе ја води екипата на Кожув. Михајловски, кој е поранешен кошаркарски репрезентативец на Македонија, се враќа во клубот од Гевгелија откако претходно го водеше Работнички, во чии редови авантурата му траеше вкупно четири месеци. Стратегот во стручниот штаб ќе соработува со досегашниот тренер Илија Ефтимов кој останува дел од клубот. Михајловски во тренерската кариера покрај во Кожув и Работнички работеше уште и во Куманово.

К.К.Работнички стартуваше со работа под водство на Игор Михајловски

Бошко Тасиќ — Sat, 05 Feb 2022 18:44:27 +0000

Новиот тренер на К.К.Работнички, Игор Михајловски денеска почна со работа на својата функција и го одржа првиот тренинг во најтрофејниот тим во Македонија. Досегашните членови на стручниот штаб на Тони Симиќ, во кој беа Диме Тасовски, Нермин Пепиќ и Душко Јанкуловски си заминуваат, а Михајловски ќе има нови соработници. Во првиот тим се враќа Андреј Апостолски Лечиќ кој беше и во стручниот штаб на Димитар Мираковски, претходните две сезони. Во Работнички се враќа и легендарниот капитен Горан Веселиновски и тоа во највисокото раководство, но на фунција која дополнително ќе биде одредена.

Игор Михајловски официјално нов тренер на К.К.Работнички

Бошко Тасиќ — Thu, 03 Feb 2022 20:49:08 +0000

Игор Михајловски ќе го наследи Тони Симиќ на клупата на скопски Работнички. Раководството на најтрофејниот македонски клуб му укажа доверба на човекот кој во минатото беше играч и помошник тренер на тимот од „Градски парк“. Михајловски беше член на шампионската генерација која во 1992 стана европски првак, а во 1996 година како играч на МЗТ Скопје, помогна во историската победа над Реал Мадрид. За Работнички играше од 1997 до 1999 и освои две титули. Михајловски има искуство и како главен тренер. Ги водеше Куманово и Кожув.