игор спасов – Kurir.mk

Убиецот на Мартин Нешковски вратен во затворот Идризово

Ивана Ефремовски — Fri, 05 Mar 2021 14:23:08 +0000

Игор Спасов, обвинет за убиството на Мартин Нешковски, денеска итно бил есктрадиран од Бугарија, и веднаш завршил во затворот Идризово на отслужување на казната. Бугарските органи одговорија позитивно по барањето за екстрадиција на лицето Игор Спасов назад во Македонија, информираат денеска од Министерството за правда. -По барањето на Министерството за правда до бугарските органи за екстрадиција на лицето Игор Спасов назад во Македонија, на 26.02.2021 Градскиот суд во Софија, донесе одлука да дозволи негова итна екстрадиција назад во земјата, се вели во соопштението од МП. Барањето за екстрадиција, се вели во соопштенито, е потпишано од министерот за правда Бојан Маричиќ на 10.02.2021 година. Поранешниот припадник на специјалните едници на МВР – Игор Спасов, кој е осуден за убиство на Мартин Нешковски, беше уапсен во Софија на почетокот на месецот. МВР распиша меѓународна потерница за Спасов на крајот на октомври 2019 година откако тој не се врати во затворот по завршување на лекувањето. Тој се бара за доиздржување на казна затвор од седум години и три месеци, стои на веб страницата на нашето МВР.

Македонија официјално побара екстрадиција на Игор Спасов

Магдалена Андонова — Wed, 10 Feb 2021 10:05:11 +0000

Македонија и официјално побара екстрадиција на лицето Игор Спасов. Во текот на вчерашниот ден, по комплетирањето на документацијата, барањето е испратено до бугарските власти кои понатаму ќе постапуваат по истото. Барањето за екстрадиција го потпиша министерот за правда Бојан Маричиќ.

Се подготвува барањето за екстрадација на Игор Спасов, осудениот за убиството на Мартин Нешковски

Катерина Бојаџиева — Tue, 02 Feb 2021 17:04:07 +0000

Министерството за правда во тек на наредните денови ќе ја комплетира потребната документација за поднесување барање за екстрадација на Игор Спасов, осудениот поранешен припадник на специјалните едници на МВР за убиство на Мартин Нешковски, кој вчера беше уапсен во Бугарија. –Ако лицето е во притвор државата има рок од 40 дена за поднесување барање за екстрадација, но веруваме дека во следните денови ќе ги прибираме потребните документи и до бугарските власти ќе поднесеме барања за екстрација на лицето Игор Спасов, велат за МИА од Министерството за правда. Според извештајите на бугарските медиуми Спасов бил уапсен вчера околу 15 часот во населбата „Младост“ во Софија.

Игор Спасов бил уапсен поради семејно насилство

Ивона Петрова — Tue, 02 Feb 2021 11:00:16 +0000

Игор Спасов бил приведен по пријава за семејно насилство, потврдија полициски извори за Бугарското национално радио, јави дописникот на МИА од Софија. За време на увидот од бугарската полиција било утврдено дека тој бил баран од Интерпол. Игор Спасов влегол во Бугарија од Турција пред извесно време. Бугарското Министерство за внатрешни работи за дописникот на МИА потврди дека Игор Спасов е приведен од бугарската полиција во понеделникот, но не сакаше да каже каква ќе биде постапката понатаму. Поранешниот полицаец Игор Спасов осуден за убиството на Мартин Нешкоски, кој се бараше со меѓународна потерница, уапсен е вчера во поппладневните часови во населбата Младост во Софија од страна на бугарската полиција по добиена дојава, претходно јави Бугарското национално радио БНР, пренесува дописникот на МИА од Софија. Веста за апсењето на Спасов синоќа ја потврдија за МИА од нашето МВР, Спасов е осуден на 14 години затвор за убиството на Нешкоски што се случи на плоштадот во Скопје на прославата на победата на ВМРО-ДПМНЕ на парламентарните избори во 2011 година. МВР распиша меѓународна потерница за Спасов на крајот на октомври 2019 година откако тој не се врати во затворот по завршување на лекувањето. Тој се бара за доиздржување на казна затвор од седум години и три месеци, стои на веб страницата на нашето МВР.

Детали од апсењето на Спасов: Тој не давал отпор, а бил уапсен во оваа населба во Софија

Дарко Андоновски — Tue, 02 Feb 2021 09:09:02 +0000

Поранешниот полицаец Игор Спасов осуден за убиството на Мартин Нешкоски, кој се бараше со меѓународна потерница, уапсен е вчера во поппладневните часови во населбата Младост во Софија од страна на бугарската полиција по добиена дојава, јави Бугарското национално радио БНР, пренесува дописникот на МИА од Софија. -Игор Спасов беше уапсен вчера во главниот град, во областа Младост, каде што се криеше. Според медиумите, тој има 14-годишна затворска казна во Република Северна Македонија за убиство. Спасов живеел во Софија во стан во областа Младост во главниот град. Полицијата добила сигнал дека тој се крие таму. Спасов беше уапсен вчера попладне, стои на веб страницата на БНР за неговото приведување. Според информациите на Бугарското национално радио, тој не се противел при апсењето. Портпаролот на МВР Тони Ангеловски.синоќа за МИА потврди дека биле исвестени од бугарските колеги дека по распишаната меѓународна потерница вчера е приведен Игор Спасов. Спасов е осуден на 14 години затвор за убиството на Мартин Нешкоски што се случи на плоштадот во Скопје на прославата на победата на ВМРО-ДПМНЕ на парламентарните избори во 2011 година. МВР распиша меѓународна потерница за Спасов на крајот на октомври 2019 година откако тој не се врати во затворот по завршување на лекувањето. Игор Спасов, се бараше со наредба издадена од Основен суд Штип за сторени кривични дела по чл.123 и чл.386 од КЗ на РСМ за доиздржување на казна затвор од седум години и три месеци, стои на веб страницата на МВР.

Во Бугарија уапсен убиецот на Мартин Нешковски

Магдалена Андонова — Mon, 01 Feb 2021 20:53:14 +0000

Министерството за внатрешни работи соопшти дека Бугарската полиција денеска го уапсила Игор Спасов, осудениот за убиството на Мартин Нешковски во 2011 година. По Игор Спасов беше распишана меѓународна потерница.

Што е различно во МВР: Потерницата за Агим Красниќи издадена дупло побрзо од онаа за Игор Спасов?

Ивона Петрова — Fri, 07 Feb 2020 12:20:36 +0000

Агим Красниќи, Сехат Рамадани и Игор Спасов се првите три лица кои се објавени во делот „Потраги“ на интернет страната на Министерството за внатрешни работи. Заедничко за сите тројца е што се бараат со меѓународни потерници и се избегани од затворот во Штип. Но, институционалниот третман за овие осуденици се разликува. Прашањето кое повторно се актуелизира во јавноста по бегството на Красниќи и Рамадани и реакцијата на МВР е дали на Спасов му беше даде дополнително време за бегството? Што е различно во тогашното и сегашното МВР? Една работа е сигурна, тогаш министер беше Оливер Спасовски, а сега со министерството раководи Наќе Чулев. Красниќи и Рамадани кои се осудени за злосторничко здружување и поседување оружје и други кривични дела во понеделникот не се вратија во затворот во Штип, каде ги издржуваат казните, а по добиениот слободен викенд. По пријавата и извршените проверки, МВР итно распиша меѓународни потерници за двајцата. Во случајот со специјалецот Спасов, осуден за убиството на Мартин Нешковски, МВР под водство на Оливер Спасовски долго проверуваше дали можеби ќе го пронајде Спасов пред да ја распише меѓународната потерница, а по која и денес се бара. Спасов за стореното кривично дело беше осуден на 14 години затворска казна која почна да ја издржува во 2011 година. Поради здравствени проблеми во 2018-тата тој добива прекин на казната, а за доиздржување на истата треба да се јави во штипскиот затвор на 18 октомври 2019 година. Десет деца подоцна, на 28 октомври минатата година, МВР откако не го наоѓа Спасов на подрачјето каде живее распишува национална потерница за него. Ден подоцна, односно 11 дена по неговото непојавување „специјалецот“ се бара со меѓународна потерница. По бегството на Спасов, се погласно се слушаа прашањата на граѓаните зошто тој е пуштен од затвор. -Дури и поранешниот висок функционер на СДСМ, Владимир Милчин преку социјалните мрежи го поздрави тогашниот премиер Зорав Заев дека тој и Спасов се на „правиот пат“. „Или у превод он е на правиот пат, ние не сме !!!“ – стои во објавата на Милчин. Имено, Заев при посета на затворот „Идризово“ во 2017 година беше фотографиран како се поздравува со Спасов со кој разменил и по некој збор. Иако по неговото бегството, Спасовски велеше дека МВР не е надлежно, Заев во дадена изјава очекуваше МВР да го пронајде. -Очекувам истрагата да покаже каде е човекот. Прочитав од медиумите за бегството, институциите постапуваат според законот. Било кој човек кој издржува казна има право на викенд.Постапено е согласно сите процедури и очекувам МВР да утврди каде е. Верувам дека истрагата ќе дознае бргу што се случува – уверуваше Заев кој повторно ги излажа граѓаните.

По бегството на Спасов, Спасовски признава: Овој систем е нефункционален, можеби и корумпиран

Ивона Петрова — Mon, 04 Nov 2019 11:48:49 +0000

Министерот за внатрешни работи Оливер Спасовски денеска изјави дека клучното прашање во однос на бегството на Игор Спасов е одговорот од обвинителот и судијата врз основа на кои проценки е дозволено да му се направи прекин со судска одлука на издржувањето на казна затвор. Одговарајќи на новинарско прашање како побегнал и каде е Игор Спасов, министерот за внатрешни работи одговарајќи дека ќе биде разгледано во однос на истрагата, каде, како и на кој начин ја напушти Македонија, истакна оти многу поважно е да се види и конечно да се реши проблемот на нефункционалност на системот. – Сите разговараме за тоа како сега ќе го решиме проблемот откако тој ја напуштил државата. Прашањето е клучно и за тоа мора да се сноси одговорност, мора да одговори и обвинителот и судијата врз основа на кои проценки е дозволено да му се направи прекин со судска одлука на издржувањето на казна затвор, изјави денеска министерот Спасовски по презентацијата на возилата за брза интервенција за потребите на специјалните единици во Полицискиот центар во Ѓорче Петров. Посочи дека за таквите прекини на издржувањето на казната затвор се известуваат веројатно Агенцијата за извршување санкции и Казнено – поправните установи. Ние, подвлече, како МВР не добиваме такви информации, а не се ниту задолжени да не информираат. – Ние дознаваме во моментот кога тие бараат да го пронајдеме.Тоа покажува колку овој систем е нефункционален, па би рекол можеби и корумпиран, затоа што јас незнам од кој аспект се цени одлуката и тоа како предлог што се дава одредена личност да биде пуштена на прекин на казна, рече министерот Спасовски. Тој упатил апел до сите институции сериозно и одговорно да ги разберат пораките од јавноста дека правдата мора да ја постигнеме сите заедно. – Правдата не може да биде една институција. Кога говорам, говорам со факти, не може еден ден да ги апси МВР, да спроведува истраги, да води предистражни постапки, за утредента да ги видиме на слобода заради тоа што некој судија или обвинител одлучил на таков начин. Разбирам дека притворот не смее да биде казна, разбирам дека постојат низа мерки на индиции кои може да се изрекуваат, меѓутоа мора да биде во остварувањето на интересот на државата и на граѓаните, нагласи Спасовски. Прашан дали во судството е потребен ветинг, Спасовски дециден дека во судството е потребен и ветинг и кривична одговорност. – За вакви случаи Јавниот обвинител треба да подигне истрага против некој судија и против некој обвинител и да се докаже што е поврзаност во однос на ваквите случаи. Дали има врска помеѓу оној што е осуден, помеѓу лекарите кои тоа го прават, дали има врска помеѓу обвинителот и судијата итн… Конечно ваквите работи мора да се расчистуваат ако сакаме навистина да имаме држава што ќе ги остварува првичните интереси, а тоа е да имаме правда во државата, рече министерот Спасовски. На прашањето дали е изненаден од сведочењето на Зоран Верушевски и во какви односи е со него Спасовски одговори дека има добри односи со Верушевски, како што има и со сите луѓе кои работат во Владата. – Во однос на сведочењето, го немам ниту видено до крај тоа што го слушнав од медиумите. Сигурно тој најдобро знае што треба да каже пред судот, рече министерот за внатрешни работи Спасовски. Поранешниот специјалец Спасов е осуден на казна затвор 14 години за убиството на Мартин Нешковски, а кое се случи вечерта по прославата на ВМРО-ДПМНЕ по победата на парламетарните избори. Казната затвор ја издржува од 2011 година, а во прекин му е од лани поради здравствени проблеми. Тој требаше да се јави во Затворот „Идризово“ на 18 октомври. Спасов од минатиот понеделникот се бараше на територија на државата, но откако истражните органи не го пронајдоа и немаа никаква дојава за него, од минатиот вторник доцна попладнето МВР распиша меѓународна потерница по него.

АЛФА ЕКСКЛУЗИВНО: Еве каде се наоѓа бегалецот Игор Спасов

Дарко Андоновски — Fri, 01 Nov 2019 19:08:38 +0000

Игор Спасов, осуденикот за убиството на Мартин Нешковски е избеган во Холандија, дознава неофицијално Алфа. Границата ја поминал на нелегален граничен премин, а потоа најверојатно патувал со патната исправа која не му била одземена кога судот во Штип му ја одложил затворската казна на 14 месеци. Затворскиот бегалец, државата ја напуштил пред околу 1 месец, сам пребегал, неговото семејство се уште е во Штип, брифира нашиот извор. За време на паузата, судот немал потреба да изврши контрола дали Спасов е дома, колку е сериозна неговата здравствена состојба, туку се било проформа и се завршувало со поднесување документи и аминување одлагање, но не и проверки. Убиецот на Мартин Нешковски на издржување затворска казна требаше да се појави на 18 ти минатиот месец, по што и официјално стана бегалец. Но и по две недели власта се донесува како да избегал ситен криминалец, а не осуденик за убиство врз кој СДСМ темелеше цела една кампања против поранешното раководство на МВР. Ресорната министерка Рената Дескоска две недели никаде ја нема во јавноста. Ажурноста со санкции овој пат изостана за разлика кога во прашање се затворски чувари на кои ќе им избега затвореник, тие веднаш се суспендираат. Но сега со денови никој не е виновен оти осуденик на 14 години затвор е пребеган надвор од земјата. Тоа што затворите и судовите се во надлежност на министерството за правда, е доволно за првиот полицаец Оливер Спасовски, одговорност МВР за бегството на Спасов да нема. Министерот денеска имаше друг приоритет, го решавал загадувањето. -Денеска рековме дека разговараме само на темата и мислам дека е коректно… Не, и да имам информација значи не можам да ја соопштам сега, разговараме за друга тема. Има министерството портпарол, ќе ви одговори на сите прашања. Игор Спасов во 2012 година беше осуден за убиството на Мартин Нешкоски. Тој одлежа половина од затворската казна. Поради здравствени причини судот во Штип во повеќе наврати му ја прекинуваше казната. Последниот пат во август кога побарал одлагање поради операција на кила. Дел од лекарскиот тим кој ја вршел интервенцијата бил и неговиот баџанак.

Мицкоски за бегството на Игор Спасов: Некој не си ја врши работата во оваа држава, а е скапо платен за тоа

Дарко Андоновски — Wed, 30 Oct 2019 14:28:10 +0000

На новинарско прашање „Дали има политичка заднина зад бегството на Игор Спасот“, претстедателот на ВМРО-ДПМНЕ Христијан Мицкоски вели дека некој не си ја врши работата во оваа држава а е скапо платен. -Јасен е случајот некои луѓе правеа кариера на тој случај ние воопшто не сакаме да третираме и да коментираме случаи кои што практично значат ниски страсти кои што злоупотребуваат човечки судбини но бидејќи еве ми го поставувате ова прашање јас навистина не знам што да одговорам освен да кажам дека некој не си ја врши работата во оваа држава а е скапо платен, ужива привилегии но набргу доаѓа денот кога ќе пресудат и ќе досудат граѓаните кој е тој и ќе го пратат во политичка пензија. Ова е уште еден во низата скандали бегството на лицето Спасов посебно имајќи го во предвид случајот дека практично сите оние протести од страна на СДСМ кога беше опозиција започнаа од овој случај некои луѓе градеа кариера знаете за оние ракувања кога сегашниот претседател на владата господинот Зоран Заев и прегрнувања во затвор со ова лице еве денеска тоа лице за жал не е достапно до органите на прогонот односно претпоставуваме дека или ја напуштило Македонија или некаде се крие но важно не е достапно до органите на прогонот.