Судење за убиството на ракометарот Тот – сведочеше таткото на ракометарот: „Мојот син ја обожаваше Македонија, очекуваме виновните соодветно да бидат казнети“

Магдалена Андонова — Wed, 14 Sep 2022 12:18:21 +0000

Да беше сега жив, мојот син попладнево ќе играше натпревар за РК Бутел, рече таткото на убиениот хрватски ракометар Денис Тот, Игор Тот. Тој во својство на сведок присуствуваше и беше испитан на денешното второ по ред судење за убиството на неговиот син, а најави и дека ќе бара отштета. – Да беше жив сега мојот син, попаднево сигурно ќе играше за РК Бутел или за РК Вардар. Тој ја обожаваше Македонија и особено уживаше во Охрид. Мојата сопруга не работи, а јас работам со намален интензитет. Постојано сме на гробишта. Таму одиме по двапати на ден. Тешко функционираме, а особено тешко му е и на другиот наш син кој игра во Холандија. Очекуваме да се дознае вистината, да видиме што било и како било. Сакаме да дознаеме дали обвинетите се виновни, а ако се виновни, тогаш сакаме соодветно да бидат казнети – рече Игор Тот, пренесе А1.Он. Од друга страна, одбраната тврди дека правната квалификација на криивчното дело за кое се товарат обвинетите не е одржлива. – Денеска би сакал само да потенцирам дека нашата одбрана ќе биде насочена во правец на тоа дали сега обвинетиот Анџело е сторител и можел да биде сторител на кривичното дело за кое се обвинува, а секако и дали може да биде одржлива правната квалификација за ова кривично дело. Во тој правец, во поткрепа на нашата одбрана на судот му доставивме и листа на докази врз основа на кои ќе ја докажуваме нашата невиност и ќе го оспориме обвинителниот акт посебно во делот на правната квалификација – изјави бранителот на обвинетиот Анџело Ѓорѓиевски, адвокатот Иле Танев.

игор тот – Kurir.mk

Судење за убиството на ракометарот Тот – сведочеше таткото на ракометарот: „Мојот син ја обожаваше Македонија, очекуваме виновните соодветно да бидат казнети“