игра на престолот – Kurir.mk

HBO најави: Доаѓаат 10 нови епизоди од „Игра на престолот“

Ивона Петрова — Thu, 31 Oct 2019 09:04:43 +0000

„Куќата на змејот“ е серијал во кој се претставени случувањата кои претходат на серијата „Игра на престолот“, односно 300 години пред случувањата од серијата. Компанијата HBO даде зелено светло за новата приквел серија. -Задоволство ми е да најавам дека ја нарачавме „Куќа на змејот“. Серијата ќе се занимава со куќата на Таргеријан и работните денови на Вестерс, изјави Кејси Блојс од HBO.

ФОТО: Ова е првата официјална фотографија од последната сезона на „Игра на престолот“, ветува љубов која обожавателите ја посакуваа

Ивона Петрова — Mon, 05 Nov 2018 11:50:44 +0000

Прегрнатите Денерис и Џон Сноу на насловната страна на „Entertainment Weekly“ навестуваат бурна финална сезона на популарната серија „Игра на престолот“. Преостантите шест епизоди се снимени во Северна Ирска, а обожавателите ќе ја гледаат и најголемата битка во телевизиската историја. -Се работи за ликови кои се разотидоа, па повторно се собираат за да му се спротивстават на заеднилкиот пријател, излегуваат на крај со сопственото минато и дефинираат какви сакаар да бидат кога ќе соочуваат со смртта, истакна копродуцентот Брајан Когман. На насловната страница на ова списание, актерите Емилија Кларк и Кит Харингтон се прегрнати. Ова е првата официјална фотографија од сетот на финалната сезона. Актерите 10 месеци ги снимаа последните шест епизоди. Целата екипа, како што дел од нив изјавија, била опседната со тоа дека секој детал мора да биде совршен. -Сцените кои пред пет години ги снимавме за еден месец, сега ги снимавме за пет. Сакаа се да излезе како што треба, сакаа да снимаат на секој можен начин, па имаа и многу опции, изјавил Харингтон.

Лоша вест за обожавателите: Следната сезона од „Игра на престолот“ ќе биде последна, еве кога ќе излезе

Ивона Петрова — Sat, 06 Jan 2018 08:59:24 +0000

Обожавателите на серијата „Игра на престолот“ ќе мора да чекаат до 2019 година за да ја погледнат последната сезона и да дознаат како ќе заврши хит серијата снимана по книгите на Џорџ Р.Р. Мартин, потврди HBO. Во официјалното соопштение се наведува дека последната, осма сезона, ќе има шест епизоди но датумот на официјалното емитување се уште не е објавен. Серијата се до шестата сезона својата премиера ја имаше на пролет, но на барање на продукцијата 7-мата сезона се емитуваше на лето. Последната сезона, според официјални податоци, ја гледале рекордни 16,5 милиони гледачи. Ако на овој број се додадат и оние кои серијата ја гледале преку илегални канали или дополнително како репризи се доаѓа до импозантна бројка од 30 милиони гледачи. Интересен е фактот дека бројот на обожаватели се зголемувал со секоја сезона. Снимањето на осмата сезона започна во ноември, а се очекува да трае до средината на 2018 година. Од HBO излегле информации дека може да бидат снимани различни краеви на серијата, за гледачите да не можат пред време да го дознаат спектакуларниот крај кој се најавува.