играч на годината – Kurir.mk

Бензема, Куртоа и Де Брујне номинирани за наградата играч на годината на УЕФА за 2021/22

Тале Кристо — Fri, 12 Aug 2022 16:33:26 +0000

Познати се номинираните за наградата на Европската фудбалска асоцијација за најдобар играч во сезоната 2021/22. Напаѓачот на Реал Мадрид, Карим Бензема, голманот на Реал Мадрид, Тибо Куртоа и играчот од средниот ред на Манчестер сити, Кевин Де Брујне се во конкуренција за титулата, објави официјалниот сајт на УЕФА. Бензема стана најдобар стрелец на турнирот во сезоната 2021/22 во Лигата на шампионите, постигнувајќи 15 гола. За најдобар голман на турнирот беше прогласен Куртоа. Де Брујне беше прогласен за играч на сезоната во Премиер лигата, каде повторно ја освои титулата. Свечената церемонија на која ќе биде прогласен најдобриот ќе се одржи на 25 август. Имено, напаѓачот на ПСЖ, Лионел Меси и напаѓачот на Манчестер Јунајтед, Кристијано Роналдо за првпат не се најдоа меѓу 15-те најдобри играчи на годината според УЕФА.

Левандовски е прогласен за играч на годината во Германија

Дарко Андоновски — Sun, 30 Aug 2020 12:20:50 +0000

Фудбалерот на Баерн Минхен, Роберт Левандовски ја освои титулата играч на годината во Германија. Анкетата ја спроведе „Кикер“ меѓу членовите на Здружението на германски спортски новинари. Левандовски оваа сезона постигна 49 гола во 38 настапи во Бундеслигата и Лигата на шампионите. Полјакот се опиша себеси како „достоен за Златната топка“, но магазинот „Франс Фудбал“ оваа година ја откажа церемонијата на доделување на трофејот. Во гласањето, Левандовски доби 276 поени, односно пет пати повеќе од најблискиот конкурент и негов соиграч од Баерн, Томас Милер кој доби 54.

Роналдо, Меси, Ван Дајк и Салах, финалисти во изборот на „Глоуб Фудбал“ за наградата Играч на годината

Дарко Андоновски — Wed, 18 Dec 2019 13:09:23 +0000

Објавен е конечниот список на конкуренти за Играч на годината, престижен наслов што го доделува „Глобус Фудбал награди-2019“ година. Во номинацијата за „Најдобар фудбалер на 2019 година“ се вклучени: Кристијано Роналдо (Јувентус), Лионел Меси (Барселона), Мохамед Салах и Вирџил ван Дајк (Ливерпул). Последните три години, Роналдо ја освојува наградата за најдобар играч на годината. Во номинацијата „Најдобар тренер на 2019 година“, наградата ја „бркаат“ Јирген Клоп (Ливерпул), Фернандо Сантос (репрезентацијата на Португалија) и Ерик тен Хаг (Ајакс). Ливерпул, Ајакс и женскиот тим на Лион се номинирани за „Најдобар тим на 2019 година“. За „Откритие на годината“ номинирани се играчот од средниот ред Ансумане Фати (Барселона), Ерлинг Холанд (Салцбург), Џејдон Санчо (Борусија Дортмунд) и Жоао Феликс (Атлетико). Меган Рапино и Алекс Морган од САД, Луси Бронц (Англија) и Амандин Анри (Франција) беа номинирани во номинацијата „Најдобра фудбалерка во 2019 година“. Церемонијата на доделување на наградите ќе се одржи на 29 декември во Дубаи (Обединетите Арапски Емирати). Наградите „Глоуб фудбал“ ги организира Европската асоцијација на клубови (ЕЦА) и Европската асоцијација на фудбалски агенти (ЕФАА).