играч – Kurir.mk

ВИДЕО: Повреден играч на ФК Шкупи во Тетово

Тале Кристо — Sun, 08 May 2022 14:40:24 +0000

При пристигнувањето на стадионот во Тетово нападнати се клубот и играчите на ФК Шкупи. Спортскиот директор на ФК Шкупи, Омер Буњаку за ТВ21 вели дека има повреден фудбалер. На снимката која ја обезбеди ТВ21, се гледа како играч лежи на земја. Инаку, претходно на пунктот Скопје-Тетово полицијата ја врати навивачката група на ФК Скопје, Шверцери. Видеото можете да го погледните ТУКА

Пред четири дена заби во контролка, а денес е позитивен на ковид-19

Магдалена Андонова — Wed, 09 Sep 2020 15:27:52 +0000

Вилијан Хосе е шестиот играч на Реал Сосиедад кој се зарази со корона-вирус ова лето, по Давид Силва, Ојарзабал, Јанузај, Елустондо и Родригес. Бразилскиот голгетер ќе го пропушти стартот на сезоната во Ла Лига, поточно дуелот против Валјадолид во првото коло, а многу веројатно нема да биде во составот и за мечот против Реал Мадрид на 19 септември. -Жал ми е што ќе го пропуштам стартот на новата сезона и нема да бидам во тимот да им помогнам на соиграчите. Се надевам ќе се вратам што поскоро, напиша Хосе на „Инстаграм“. Инаку, Вилијан Хосе пред четири дена ја донесе победата за Сосиедад од 1-0 во контролката против Осасуна.

Важен играч на Милвоки заразен со коронавирус

Магдалена Андонова — Fri, 17 Jul 2020 11:19:38 +0000

Бекот на Милвоки Бакс, Ерик Бледсо е заразен со коронавирус и не е со тимот во Орландо, каде ќе продолжи сезоната во НБА, пренесува „ЕСПН“. – Немам никакви симптоми. Се чувствувам добро. Штом можам да ги исполнам барањата на НБА протоколите, планирам да им се придружам на моите соиграчи во Орландо, изјави Бледсо. Во својот прв натпревар од продолжувањето на кампањата, Милвоки ќе игра со Бостон на 31 јули. Сезоната во НБА беше запрена во средината на март, околу пет недели пред крајот на регуларната сезона, откако играчите од неколку екипи се тестираа позитивно за КОВИД-19.(МИА)

Официјално: Баерн објави трансфер на играч од ПСЖ

Тале Кристо — Wed, 01 Jul 2020 09:10:59 +0000

Германскиот шампион Баерн (Минхен) го најави привлекувањето на младиот Танги Куази, кој доаѓа како слободен агент од Пари Сен Жермен. 18-годишниот Французин игра како централен дефанзивец, висок е 187 см и потпиша договор за 4 сезони. Фудбалерот е дете на Парижани и го забележа своето деби во професионалниот фудбал минатиот декември. За целата сезона учествуваше на 6 натпревари, но одлучи дека нема да добие шанса да се развие и избра да не го обновува договорот. Во Минхен, сепак, сите чекаат објава за трансферот на Лерој Сане од Манчестер Сити. Според „Билд“, договорот е факт, а членот на германската репрезентација ќе чини 60 милиони евра.

Herzlich willkommen in München, Tanguy! #ServusTanguy #FCBayern #MiaSanMia pic.twitter.com/IA3JpwJ0zX
— #MEI8TER (@FCBayern) July 1, 2020

Лукаку е најпродуктивниот нов играч на Интер во последниве 70 години

Тале Кристо — Sun, 24 Nov 2019 10:45:16 +0000

Белгискиот напаѓач на Интер, Ромелу Лукаку, се покажа како многу добар трансфер за „нероазурите“. Дваесет и шест-годишниот Ромелу, привлечен од Манчестер Јунајтед во текот на летото за 65 милиони евра, го одбележува својот 10-ти гол сезонава во успехот од 3-0 над Торино како гостин во 13. коло од Серија „А“ и е најпродуктивниот нов играч на Интер во последниве 70 години. Повеќе голови од него во првите 13 кола постигна познатиот унгарски фудбалер Иштван Ниерш во сезоната 1948/1949. На крајот, Унгарецот стана стрелец на сезоната со 26 голови и вкупно за Интер одигра 182 натпревари во кои постигна 133 погодоци. Интер продолжува да го брка Јувентус на врвот на табелата, откако во моментов е само на еден бод заостанување.

Соиграч на Деле Али му ја зграпчи девојката среде бел ден на плажа (ФОТО)

Дарко Андоновски — Fri, 05 Jul 2019 07:13:48 +0000

Играчите на Тотенхем заминаа на одмор во Миконос во Грција, а папараците успеаа да го уловат Деле Али со нговата сеексапилна девојка Руби Мае. Паараците долго време ги набљудваа. Имено, заљубениот пар се забавуваше на една од плажите, а во еден момент им се придружи уште еден соиграч и ја зграпчи бујната Руби, а Деле Али можеше само од страна да гледа. Инаку, Миконос е еден од најпреферираните острови на фудбалерите и познатите од шоу бизнисот.

Ја почувствува најголемата болка: Играч итно заврши на операција откако доби удар во препони со брзина од 164 км на час (ВИДЕО)

Матеја Петровски — Mon, 07 May 2018 16:27:14 +0000

Беше тоа гадна работа и тоа онаа после која не се чувствуваш подобро наредниот ден. Болно било тоа да се гледа, кажа за немилиот настан менаџерот на Кардинал, Мајк Матени. Фаќачот на Сент Луис Кардиналс, Јадиер Молина добро ќе го запамети саботниот натпревар против Чикаго Кабс. Бејзбол играчот ја доживеа најлошата ноќна мора за секој маж, топката фрлена со 164 километри на час од Џордан Хикс заврши точно меѓу неговите препони. Молина беше спремен да ја фати топката, но удирачот на Кабс. Крис Брајант го допре топчето и го прати на најнезгодното место. Несреќниот Молина веднаш се сруши како покосен, превртувајќи се од болки.

Yadier Molina has exited the game. pic.twitter.com/ryrFmDc60p
— Deadspin (@Deadspin) May 5, 2018

-Беше тоа гадна работа и тоа онаа после која не се чувствуваш подобро наредниот ден. Болно било тоа да се гледа, кажа за немилиот настан менаџерот на Кардинал, Мајк Матени. -Едноставно не можеше да се помрдне. Само се обидуваше да дојде до воздух, опиша Матени. 35 годишниот Молина заврши на итна операција поради повреда. Ќе треба да паузира еден месец. Сепак може да се каже дека е среќа што Молина со сопругата Ванда Торес веќе има три деца...