играчки – Kurir.mk

Овие играчки сите им ги даваме на децата во лето, а инструкторите велат дека се опасни – еве на што да внимавате

Ивана Ефремовски — Sat, 29 Jul 2023 12:41:00 +0000

Играчките можат да бидат забавен додаток на играта на базен, во езеро или море, но може да ги изложат на ризик децата, предупредуваат инструкторите по пливање од училиштето Акваблис. „Играчките на надувување може да бидат опасни ако се остават во базенот. Децата можат да се обидат да ги дофатат од работ на базенот и да паднат во водата“, изјавиле тие за The Sun и ги повикале родителите да ги држат сите играчки подалеку од водата и да проверат дали тие се соодветни за тежината и возраста на детето. -Давењето е една од најчестите причини за смрт кај населението на возраст од една до 24 години, а петгодишните се најзагрозена група, покажуваат податоците на Светската здравствена организација.

Проверете ги полиците, некои фигури од Киндер јајцата вредат цело богатство

Ристе Здравков — Thu, 10 Nov 2022 12:25:07 +0000

Долго време се изложени на касите на супермаркетите и секое дете ги посакува. Секако, тоа се Киндер јајцата. Сите кои успеале да ги убедат своите родители да ги купат, можеле да очекуваат комбинација од чоколадо и забава. И многу луѓе денес можат да бидат двојно посреќни затоа што некои од фигурите од минатото вредат навистина многу пари, пишува списанието Феникс. Пред сè, се мисли на фигурите на Штрумфовите. Ако сте доволно среќни да го имате Штрумф ноќниот чувар, Штрумф со флејта или Штрумф со огледало во вашата стара колекција, можете да очекувате неколку илјади евра. На Ebay ноќниот чувар Штрумф има цена до 12.000 евра. Но, бидете внимателни, колекционерите прават големи разлики и се исклучително детални. Посакуваниот Штрумф има голема вредност само ако се користи сина тврда пластична влошка, со бојадисана капа и панталони, пишува списанието Феникс. Штрумфот со огледало може да му донесе на својот сопственик од 4.800 до 6.000 евра заработка – под еден услов: огледалото да биде обоено сребрено, наместо бело. Штрумф на потпорници вреди околу 900 евра. Џуџе со висока вредност е Ферди Фалобст. Ако е од темен основен материјал, вреди од 2.000 до 3.500 евра. Пари носат и фигурите на Астерикс и Обеликс, се продаваат од 100 до 180 евра.

Саудиска Арабија заплени играчки во бои на виножито затоа што „промовирале хомосексуалност“

Магдалена Андонова — Wed, 15 Jun 2022 20:55:31 +0000

Властите на Саудиска Арабија запленија играчки и детска облека во бои на виножито под изговор дека преку нив се за „поттикнува хомосексуалноста“. Телевизијата Ал Екбарија објави дека тамошното Министерство за трговија од продавниците во Ријад повлекува повеќе артикли, вклучително и штипки за коса, маици, капи и футроли за моливи.

Поради глобалната криза со испораките, производителите на играчки најавуваат повисоки цени

Магдалена Андонова — Mon, 30 Aug 2021 10:59:32 +0000

Производителите на едни од најпопуларните детски играчки предупредуваат дека поради глобалната криза со испораката и недостигот на работна рака, оваа божикна сезона подароците за децата ќе бидат поскапи. Две од водечките компании во САД во тој сектор, ги советуваат родителите да размислат да купат порано играчки за децата бидејќи испораките ќе им одземат многу повеќе време од вообичаеното. – Ќе има огромен недостиг на продуктите оваа година. Има побарувачка, но тешко е да одговориме на тие барања, изјави Ајзак Ларијан од MGA Entertainment за Си-ен-Ен Бизнис. Тој додаде дека главната причина за очекуваните повисоки цени се и зголемените цени за транспорт, и го споменува гигантот Maersk како пример. – Минатата година испораката на еден контејнер беше 3.200 долари. Сега цената е 22.000 долари. Во меѓувреме цените за суровини и труд растат експоненцијално. Само за производство во Кина расходите ни се зголемени за 23 отсто. Тоа ќе се одрази на повисоки продажни цени, нагласува тој. (МИА)

Играчки што треба да ги исфрлите од детската соба

Ивона Петрова — Mon, 22 Feb 2021 10:43:22 +0000

Во детската соба, вообичаено, има многу играчки… Сепак, педијатрите посочуваат повеќе работи што родителите треба да ги исфрлат оттаму, заради безбедноста на малечките. Петмина педијатри ги споделуваат своите совети на оваа тема. Следуваат неколку од оние потенцијално опасни играчки и украси што може да се најдат во детската соба или на дофат на малечкото. „Гласни“ играчки Според д-р Нкеирука Оражијака, педијатарка од САД и мајка на три деца, играчките кои „пејат и зборуваат гласно“ предизвикуваат оштетување на слухот. Таа, на пр., не им дозволува на своите деца ниедна од играчките што се наоѓаат на списокот гласни играчки – составен од американското Здружение за вид и слух. Одредени популарни играчки можат да предизвикаат штета и во рок од 15 минути по нивна употреба. Нестабилен мебел Родителите треба да обрнат посебно внимание на мебелот во нивниот дом. Педијатрите предупредуваат дека тој треба да биде стабилен, т.е. прицврстен на ѕидовите. – Во која било просторија, мебелот треба да биде соодветно поставен. Треба да биде прилепен на ѕид, за детето да не може да се преврти ако се искачува на него, објаснува д-р Меган Мартин. Проодувалка Педијатарот Сједа Амна Хусеин вели дека нејзините деца никогаш не користеле проодувалка, бидејќи истражувањата не покажуваат дека таа е потполно безбедна. – И покрај тоа што ова го говориме со години, родителите секогаш се одлучуваат да купат проодувалка. Во такво помагало, бебето без надзор може многу лесно да стигне до места во домот што се опасни за него, како што се скали или врела печка, рече таа. Ситни играчки Малите, ситни играчки претставуваат ризик и постојана опасност од задушување. Слики и огледала Огледалата, сликите и слични ѕидни украси можат да паднат од ѕидот врз детето. Ако украсот е од стакло или има остри агли, тоа може да доведе и до посериозни повреди. Кутија со играчки Кутија за играчки или канта со капак може да ги повреди детските прсти, ако малечкото ја повлече и турне од малку повисока полица или пак, упорно се мачи да ја отвори… Наместо тоа, стручаците советуваат корпи од помек материјал кои може да стојат долу и коишто немаат капак. Заштитете ги електричните приклучоци Електричните приклучоци не смеат да бидат откриени бидејќи тоа може да доведе до повреди. Д-р Оражијака вели дека, освен задолжителната облога врз приклучокот, пожелно е – за оние што се користат – да бидат зад потежок мебел, за децата да не можат да пристапат до нив. Собни растенија Исто како што одредени домашни растенија можат да бидат отровни за домашните миленици, некои се штетни и за бебињата и децата. Педијатрите советуваат да се провери за секое растение во домот одделно – дали е безбедно, особено ако тоа е на дофат на детето. Незаштитени прозорци Дете без надзор може да предизвика низа проблеми, а еден од нив е искачување до прозорецот или обид да излезе низ него. Тоа е огромна опасност. Затоа се препорачуваат прегради на прозорците.

ФОТО: Акциони играчки во чест на медицинските работници кои се борат против коронавирусот

Ивона Петрова — Thu, 30 Apr 2020 06:53:42 +0000

Американскиот производител на играчки Мател, во чест на медицинските работници направи нова колекција „Херои” играчки. Приходот од продажбата ќе биде наменет за помош на здравствените лица. Играчките со лик и униформи на лекари, сестри, техничари итн., можат да се купат од денеска, преку интернет, по цена од 20 долари од играчка. Приходот е наменет, пред сѐ, за кампањата #FirstRespondersFirst , насочена за помош на оние кои ширум светот се на првите борбени линии против коронавирусот. Минатата недела Центарот за контрола и спречување болести процени дека најмалку 9.200 здравствени работници во САД се инфицирани со вирусот за време на корона-епидемијата.

Сакате да ги направите среќни, а им нанесувате штета: Родители, не им купувајте многу играчки на децата!

Ивана Ефремовски — Fri, 20 Mar 2020 20:19:49 +0000

Во едно истражување на американскиот универзитет во Толедо истражувачите заклучија дека изобилството играчки го намалува квалитетот на игра и дека помалку играчки се покорисни за детето. Кога се претрупани, не можат да се фокусираат на играта и на она што можат да го научат. Водителот на истражувањето, д-р Карли Даухт, истакна дека децата од истражувањето кои добија само четири играчки долго време беа концентрирани на секоја од нив, подолго се играа и беа покреативни во осмислување на игри, за разлика од оние кои добиле 16 играчки и кои само шетале од една до друга играчка. Многу истражувања покажаа дека децата кои очекуваат многу скапи подароци може да доживеат негативни социјални и емоционални последици, кои се протегаат и во зрелата возраст. Едно такво истражување беше спроведено на американскиот универзитет во Мисури, и во заклучокот стои е дека овие деца често, кога ќе пораснат, се склони на долгови на кредитната картичка, на коцкање, на компулсивно купување и ненаситност во храната.

Вакви играчки не им купувајте на дечињата, содржат опасни бактерии

Ивана Ефремовски — Sat, 29 Feb 2020 16:15:08 +0000

Одамна швајцарски и американски научници утврдија дека детските гумени играчки со кои се бањаат се полни со различни бактерии. Научниците биле изненадени дека во такви играчки пронашле и до 75 милиони бактерии во квадратен сантиметар. Но, тие уште се на продажба и родителите често ги купуваат. Затоа, апелот е објавен повторно, а во него научниците велат ваквите играчки да не им ги купувате на децата. Истражувачите пребројувале микроби кои пливаат во внатрешноста на жолти патки и утврдиле дека течноста што се празни, кога ќе се истиснат, содржи „потенцијално патогени бактерии“, во четири од пет играчки. Меѓу пронајдените бактерии биле и легионела и псевдомонас аеругиноса, бактерии што често се поврзуваат за болнички инфекции.

Уапсен Американец поради симулација на секс со играчки во супермаркет

Ивона Петрова — Fri, 25 Oct 2019 10:39:29 +0000

Маж од Флорида е уапсен откако наводно имал секс со плишани играчки во супермаркет. Полицијата тврди дека 20 годишниот Коди Медел симулирал сексуален однос на голема плишана играчка, а потоа истото го повторил со плишан еднорог. Во извештајот на апсењето е наведено дека Медер „ејакулирал на играчки, а потоа ги вратил на полицата.“ По апсењето тој признал во полициската станица дека направил глупост. Против него е покрената пријава, а од затвор е пуштен до кауција. Супермаркетот, како што е наведено, ги уништил играчките.

Изгледаат слатко, но многу се опасни: Родители, овие играчки не им ги давајте на децата!

Ивана Ефремовски — Wed, 03 Jul 2019 20:12:08 +0000

Швајцарски и американски научници утврдија дека детските гумени играчки со кои се бањаат се полни со различни бактерии. Научниците биле изненадени дека во такви играчки пронашле и до 75 милиони бактерии во квадратен сантиметар. Истражувачите пребројувале микроби кои пливаат во внатрешноста на жолти патки и утврдиле дека течноста што се празни, кога ќе се истиснат, содржи „потенцијално патогени бактерии“, во четири од пет играчки. Меѓу пронајдените бактерии биле и Легионела и Псевдомонас аеругиноса, бактерии што често се поврзуваат за болнички инфекции. Студијата ја извршиле Швајцаскиот федерален институт за водени науки и технологија и Универзитетот Илиноис.