ихф – Kurir.mk

И ИХФ го суспендираше Драган Начевски

Бошко Тасиќ — Wed, 23 Aug 2023 19:33:38 +0000

ИХФ реши да ги следи стапките на ЕХФ и да го суспендира Драган Начевски од натамошно вршење на ракометните функции се до конечната разврска на скандалот во кој е вклучен долгогодишниот македонски судија. Тој во последните години со огромен успех ја вршеше функцијата шеф на судиската организација при ЕХФ, но данската телевизија ТВ2 презентираше докази дека на Начевски му било понудено преку избор на судии да влијае на конечен исход на одредени натпревари. Иако во доказите јасно се гледа дека Начевски одбива да биде дел од такви „шеми“, ЕХФ го суспендираше Македонецот со образложение дека не го пријавил случајот до надлежните органи. ИХФ преку допис до ТВ2 одговори на прашањата на данската телевизија поврзани со Начевски, информирајќи дека Драган а суспендиран од делегатските функции за претстојните големи натпреварувања организирани од светската ракометна федерација. „Господинот Начевски е е суспендиран од ИХФ, по одлуката донесена од ЕХФ. Тој не беше номиниран за СП за играчи до 21 година, како и за У19 мундијалот, кои беа организирани летово. Исто така, Начевски нема да биде во комбинација и за идните настани на ИХФ се до конечните резултати од истрагата што е во тек“, се вели во дописот на ИХФ до ТВ2.

Австрија и Исланд добија вајлд-карти за СП во женска конкуренција

Бошко Тасиќ — Mon, 03 Jul 2023 13:40:25 +0000

Светската „куќа на ракометот“ ИФХ одлучи двете вајлд-карти за наредното светко првенство во женска конкуренција да ги додели на Австрија и на Исланд. Ова е помалку чудно бидејќи спред критериумите Македонија или Швајцарија беа како резерви од Европа за настап на Мундијалот, според пласманот од последното ЕП. Наместо ова, ИХФ одлучи на СП да земат учество Австрија и Исланд, кои не беа дел од последното континентално натпреварување.

Металари и Николовски ќе судат на СП во Хрватска

Бошко Тасиќ — Thu, 22 Jun 2023 05:06:09 +0000

По Славе Николов и Ѓорѓи Начевски, Даниело Божиновски и Виктор Начевски, Македонија е на добар пат да ја добие и третата судиска двојка со ИХФ значка. Toa се Исмаил Металари и Ненад Николовски ќе бидат дел од претстојното Светско првенство за кадети што ќе се игра во Хрватска и ќе полагаат за ИХФ значка заедно со уште три други двојки. Двајцата добија номинација од страна на Светската ракометна федерација, а нашата федерација ги потврди како кандидати за полагање. Денеска ИХФ и официјално објави дека Металари и Николовски се наоѓаат на списокот.

Повредата на Јагуриновски е од полесен карактер

Бошко Тасиќ — Sat, 14 Jan 2023 07:15:35 +0000

Повредата на Томислав Јагуриновски се чини дека не е сериозна иако точно ќе се знае откако ќе биде напревена снимка. Јагуриновски се повреди во финишот од првото полувреме, по што на раце беше изнесен од теренот. Селекторот Лазаров вели дека првиот впечаток на медицинските лица е дека не станува збор за сериозна повреда.

„Првите мислења на медицинскиот тим се дека повредата не би требало да е сериозна. Секако, сега ќе направиме снимки, па ќе знаеме поточно за што се работи. Сепак тој е борбено момче, се надевам ќе го имаме за Холандија. Кога би го немале Јагуриноски би било огромен хендикеп за нас. Тој е сепак малку поискусен од Серафимов, потребен е и во напад и во одбрана“, рече Лазаров.

Македонија како носител на ждрепката ќе чека ривал во баражот за СП

Бошко Тасиќ — Sat, 19 Nov 2022 06:58:46 +0000

Во рамките на завршната прес-конференција на ЕХФ по повод Европското првенство за дами во Љубљана, ќе бидат извлечени плеј-оф паровите за баражот за следното Светско првенство. На извлекувањето, закажано за денес во 13:45 часот, својот противник ќе го дознае и селекцијата на Македонија. Како репрезентација која беше дел од Европското првенство, Македонија од првиот шешир ќе добие ривал за баражот, а ќе се избегнат силни селекции како Шпанија, Херманија, Унгарија, Романија, Словенија и Хрватска Своите места на Мундијалот следната година веќе го обезбедија домаќините Данска, Шведска Норвешка како и Франција Црна Гора и Холандија.

Шешири за ждрепката за баражот за Светското првенство:

Шешир 1: Шпанија, Романија, Унгарија, Словенија, Хрватска, Германија, Србија, Полска, Македонија, Швајцарија Шешир 2: Чешка, Австрија, Словачка Унгарија ,Португалија Исланд Италија , Грција и Турција.

ИХФ го потврди распоредот, познати новите саатници за Македонија на СП

Бошко Тасиќ — Tue, 01 Nov 2022 06:19:03 +0000

Светската ракометна куќа (ИХФ) ги потврди промените во саатниците за претстојниот Мундијал. Иако Македонија требаше да настапи само во главниот вечерен термин, тоа нема да биде така, па предност добија домаќините и најквалитетните селекции на светот. Македонија ќе тргне против Норвешка во „Таурон Арена“ во Полска, на 13 јануари во терминот од 20:30 часот. Тоа е единствен термин кој остана непроменет, бидејќи дуелите со Холандија на 15 јануари и Аргентина на 17 јануари се закажани во 18:00 часот. Термините не менуваат премногу, па така Македонија ќе има само два ипол часа помалку за подготовка меѓу првите два натпревари. Групата е тешка, една победа веројатно води понатаму, меѓутоа нема да биде лесно против силните и квалитетни ривали. Мундијалот кој се одржува во Полска и Шведска стартува на 11 јануари со пресметката меѓу Полјаците и Французите. Групната фаза се игра до 17, а главната фаза од 18. до 23. јануари. Големото финале е закажано за 29. јануари во Стокхолм.

Честитки од ИХФ за успешната организација на кадетскиот Мундијал (ФОТО)

Бошко Тасиќ — Fri, 12 Aug 2022 12:24:55 +0000

Претседателот на Ракометната федерација на Македонија (РФМ), Живко Мукаетов доби официјални честитки за организацијата на кадетското Светско првенство од страна на Хасан Мустафа, првиот човек на Светската ракометна федерација (ИХФ). Мундијалот за прв пат во историјата броеше 32 учеснички и беше „генерална проба“ за она што не очекува во 2024 година. За нешто помалку од две години во Скопје повторно ќе се одржи Светско првенство, но овојпат во јуниорска женска конкуренција. Инаку, на кадетскиот Мундијал кој се одржа оваа година победник беше селекцијата на Јужна Кореа, а Македонија заврши на 12. место.

Познати сите парови во финалниот бараж за пласман на СП 2023, една селекција директно оди на Мундијалот

Бошко Тасиќ — Sun, 20 Mar 2022 23:35:53 +0000

Со последните натпревари од мартовската ЕХФ недела, веќе се познати сите парови во вториот бараж за пласман на Светското првенство 2023. Најголем добитник после првиот круг бараж дуели е селекцијата на Белгија. Белгијците ја елиминираа Словачка во овој прв двомеч, а вториот нема да го играат и тие се веќе пласирани на Мундијалот. На Белгијците им одеше во прилог тоа што Русија која требаше да биде нивни противник во вториот бараж е исфрлена од натпреварувањата. Освен Русија, и Белорусија со одлука на ЕХФ и ИХФ е исклучена од понатамошни натпреварувања. Македонија како што е познато по победата во двомечот со Романија ја чека Чешка. Првиот меч меѓу Македонија и Чешка се игра во Злин на 13 април во 20:15 часот, а реваншот во Скопје на 16 или 17 април. СИТЕ ПАРОВИ ЗА ВТОРИОТ БАРАЖ Чешка – Македонија Германија – Ф.Острови Финска – Хрватска Исланд – Австрија Израел – Унгарија Грција – Црна Гора Португалија – Холандија Словенија – Србија Белгија – пласирана на СП поради дисквалификација на Русија

Русите со писмо до ИХФ и ЕХФ

Бошко Тасиќ — Sat, 19 Mar 2022 06:12:32 +0000

Играчите на младинските селекции на Русија со отворено писмо се обратија до претседателот на ИХФ, Хасан Мустафа, како и до првиот човек на ЕХФ, Михаел Видерер. Потписници на писмото беа капитените на сите младински репрезентации на Русија од машка и женска конкуренција. За потсетување, Русија во јуни, 2023 година, требаше да биде организатор на младинското ЕП во ракомет на плажа, но ЕХФ одлучи да и го одземи домаќинството поради случувањата во Украина.

ИХФ се надоврза на ЕХФ и ги суспендира Русија и Белорусија и нивните клубови

Бошко Тасиќ — Mon, 07 Mar 2022 21:34:49 +0000

Интернационална ракометна федерација (ИХФ) се приклучи на другите спортски федерации со одлука за суспензија на Русија и Белорусија од сите ракометни активности во светот поради нападот на Украина. Русите и Белорусите нема да бидат дел од натпреварите кои ги организира ИХФ што значи дека казнети се сите официјални лица, ракометните екипи, ракометари… Со тоа ИХФ и се приклучи на Европската ракометна федерација (ЕХФ) која веќе го исфрли руските и белоруските репрезентации како и сите клубови и официјалните лица и нивни ракометари