ик – Kurir.mk

Муцунски по состанокот на ИК на ВМРО-ДПМНЕ: Уставни измени под диктат не смее да има

Тале Кристо — Wed, 07 Jun 2023 09:07:27 +0000

ВМРО-ДПМНЕ на седница на Извршниот комитет што се одржа утрово донесе одлука да го овласти претседателот на партијата Христијан Мицкоски да не се прифатат уставни измени под, како што велат од партијата, диктат. -Уставни измени под диктат не смее да има. Носење на уставни измени кога е нападнат националниот идентитет на македонскиот народ, и се оспорува јазикот историјата и културата не е никаков чекор напред. ИК на ВМРО-ДПМНЕ во името на огромно мнозинство граѓани бара фер шанса иста како што ја имаат останатите држави кога пристапуваат кон ЕУ, изјави потпретседателот на партијата Тимчо Муцунски. Одговарајќи на прашање што доколку не успеат уставните измени, Муцунски кажа дека следниот чекор се предвремени парламентарни измени. -Следниот чекор што треба да се случи доколку Владата мисли дека тоа е добриот план е овие амандмани што ги подготвуваа во една затворена работна група да ги достават до Собранието па да видиме дали постои тоа мнозинство. Очигледно е дека нема мнозинство. Следниот чекор по овој капитален неуспех којшто ја стави Македонија во подредена состојба овој процес на попустлива надворешна политика која што е континуитет на владеењето на ДУИ и на СДСМ во последните шест години е предвремени парламентарни избори. Сите да ја понудиме својата алтернатива за како ќе се поспеши европската интеграција – дали преку попустлива надворешна политика од страна на едниот блок или преку надворешна политика која што гарантира извесност врз основа на принципи најдобар одговор на тоа граѓаните ќе ни го дадат на тие две алтернативи преку одржување на предвремени парламентарни избори. Така што, тоа е очигледниот излез на оваа криза, на овој ќор сокак којшто го создаде актуелната Влада на ДУИ поддржана од СДСМ, рече Муцунски. Додаде дека прашањето за предвремени парламентарни избори ќе биде една од темите коишто ќе се дискутираат помеѓу двајцата лидери. Средбата на премиерот Димитар Ковачевски и лидерот на ВМРО-ДПМНЕ Мицкоски за уставните измени ќе се одржи во 11 часот во Клуб на пратеници, а ќе се разговара за иднината на земјата во контекст на евроинтеграциите условени со уставни измени и вклучување на Бугарите во Преамбулата.

Вечерва ИК на ВМРО-ДПМНЕ ќе одлучува за следните чекори

Тале Кристо — Mon, 16 May 2022 18:35:24 +0000

Вечерва со почеток од 21:30 часот, пред Централниот штаб на ВМРО-ДПМНЕ, Палата др. Христо Татарчев (Плоштад ВМРО бр. 1), ќе биде дадена изјава за медиуми. Како што дознава Курир ќе биде дадена изјава во врска со следните чекори на ВМРО-ДПМНЕ.

ИК на ВМРО-ДПМНЕ вечерва ќе одлучува за пристап кон активна блокада на Собранието

Ивона Петрова — Wed, 04 May 2022 06:23:57 +0000

Извршниот Комитет на ВМРО-ДПМНЕ вечерва ќе одлучува за пристап кон активна блокада на Собранието со цел постигнување дијалог и предвремени избори, соопштуваат од партијата. -СДСМ се игнорантски поставени кон потребата од дијалог во општеството по однос на сите кризи кои се резултат на нивното неработење, криминал и неспособност, а кои ја донесоа државата до потреба од задолжување од 900 милиони евра, а граѓаните до сиромаштија, и постигнување на договор за датум за предвремени парламентарни избори, се вели во партиското соопштение. ОД ВМРО-ДПМНЕ истакнуваат дека на тој нивен игнорантски пристап ќе одговорат во иста мерка. -Вечерва ИК на ВМРО-ДПМНЕ ќе одлучува за преземање на активна блокада во собранието, што ќе значи блокада на сите процеси и закони како на комисиите, така и на пленарните седници. ИК на партијата ќе одлучува за пристап кон целосна амандманска блокада во собранието и филибастеринг со цел спречување на едноумието на власта, а што има за цел постигнување дијалог за предвремени парламентарни избори, соопштуваат од ВМРО-ДПМНЕ.

ВМРО-ДПМНЕ вечерва на седница на ИК ќе расправа за ставот на Заев и Резолуцијата која ја одбива

Тале Кристо — Tue, 13 Jul 2021 13:31:52 +0000

ВМРО-ДПМНЕ вечерва на седница на Извршниот Комитет ќе расправа за ставот на Зоран Заев кој првично ја прифати Резолуцијата таква каква што е, а сега ја одбива, брифираат од ВМРО-ДПМНЕ Од таму велат тоа покажува дека Зоран Заев бара формална пречка за нејзино неносење, за да има простор да се пазари со идентитетските прашања и точките од најголемо од национално и државно значење. Отворањето на теми што не делат во однос на Резолуцијата, ја ослабнува македонската позиција во однос на позицијата кон Бугарија. Задача на владата во однос на ова прашање е да не обединува, а не да не разединува, велат од партијата на Мицкоски. Текстот на резолуцијата е напишан од врвните научни и образовни институции, УКИМ и МАНУ.

ИК и ЦК на ВМРО-ДПМНЕ: Македонија се наоѓа во тешка ситуација, доведена пред сè од неодговорни политичари водени од желбата за кариера и интерес

Ивана Ефремовски — Wed, 12 Sep 2018 09:30:09 +0000

Според ИК и ЦК на ВМРО-ДПМНЕ Република Македонија се наоѓа во многу тешка и деликатна ситуација, доведена во таа состојба пред се поради неодговорноста на политичари и луѓе водени од желбата за лична кариера и интерес.

-Во моментов Македонија е скапоцен авион даден во рацете на адолесценти, кои го знаат својот интерес и своите потреби, ама немаат чувство да управуваат со авионот, а од тоа управување зависат многу човечки судбини. Таквата тешка позиција ја споделува секој еден граѓанин, здружение, компанија, интелектуалец, но и ние ВМРО-ДПМНЕ како политичка партија, изјави претседателот на ВМРО-ДПМНЕ, Христијан Мицкоски од вечрашната пресконференција од партијата.

Тој дополнително потенцира дека на власт е влада која нема никакви резултати, а на државата и се случува економско фијаско, при што нема напредок, а ветувањата кои ги дадода не се остварија.

-Секојдневно се случуваат силни корупциски афери, милионски тендери, државни пари кои завршуваат во џебовите на министрите и директорите. Стипендии за одбрани студенти, но не и за најдобрите, стотици илјади евра за цвеќиња, но не и пари за нова медицинска опрема, учебна година без нови учебници, но затоа тендер од 5.3 милиони евра на сомнителни фирми блиски до власта, кажа Мицкоски.

Тој дополнително кажа дека поради ваквата недемократска и клептомантска власт, многу луѓе се самоцензурираат, а на патриотизмот почна да се гледа како на нешто лошо и тоа додека оние над 800-тини криминалци излегуваат на слобода.

-Започна лов за јавно искажан збор, па така ако не се багерите за да газат, тука е полицијата за да малтретира, или градоначалниците за да потсетат дека нешто се снима, рече Мицкоски.