икарди – Kurir.mk

Икарди надвор од терените околу еден месец

Ивона Петрова — Sun, 22 Aug 2021 10:28:07 +0000

Напаѓачот на Пари Сен-Жермен, Мауро Икарди се повреди во петокот на натпреварот од 3. коло во Лига 1 против Брест. Фудбалерот го напушти теренот со преврзана десна рака. Прес -службата на францускиот шампионат известува дека Икарди ќе пропушти три до четири недели . Фудбалерот беше детално прегледан при што не му е дијагностицирана фрактура, но сепак, повредата е доста сериозна. ПСЖ по три кола од Лига 1 се наоѓа на првото место во поредокот со максимални девет бода.

Икарди се сели во Арсенал?

Тале Кристо — Fri, 08 May 2020 12:51:26 +0000

Фудбалскиот клуб Арсенал би можел да го замени Пјер-Емерик Обамајанг за Мауро Икарди. Според италијанските медиуми, напаѓачот на Пари Сен Жермен наскоро би можел да се пресели на Островот. Аргентинецот сепак е официјално играч на Интер, но тој сигурно нема да се врати во тој клуб, па ќе мора да бара ново опкружување ако парижаните не решат да го откупат неговиот договор. Тука на сцена стапуваат „топџиите“, кои веројатно наскоро ќе треба да го продадат напаѓачот од Габон, кој, според медиумите, е незадоволен од клубот. Обамејанг честопати се поврзуваше со трансфер во друг клуб, меѓу другите и во Реал Мадрид.

Интер бара 85 милиони евра за Икарди

Ивона Петрова — Thu, 12 Mar 2020 11:51:11 +0000

Интер очекува да добие 85 милиони евра за напаѓачот Мауро Икарди, пренесува „Goal.com“. Според изворот, спортскиот директор на Јувентус, Фабио Паратичи веќе преговарал со сопругата и агентот на 27-годишниот Аргентинец, Ванда Нара. „Старата Дама“ се смета за фаворит во борбата за напаѓачот. Во тековната сезона Икарди настапува во Пари Сен-Жермен како позајмен играч. Фудбалерот има дадено 20 голови и четири асистенции на 31 натпревар за парижаните. Порталот „Transfermakt.com“ го проценува фудбалерот на 75 милиони евра.

Интер му нуди нов договор на Икарди

Дарко Андоновски — Sat, 23 Feb 2019 12:21:28 +0000

Интер е подготвен да му понуди нов договор на напаѓачот Мауро Икарди, објавија италијанските медиуми. Пред тоа, напаѓачот беше лишен од капитенската лента. Според неофицијални информации, Аргентинецот потпишал пред-договор со Јувентус. Сепак има многу проблеми во преговорите за новиот договор. Напаѓачот пропушти три последователни натпревари со тимот и веројатно нема да учествува и на претстојниот дуел со Фиорентина. Според „Кориере дело Спорт", Интер му предлага четиригодишен договор со плата од 6,5 милиони евра годишно. Напаѓачот сака 7,5 милиони годишно без бонуси кои можат да го зголемат тој износ до 10 милиони евра. Преговорите во име на напаѓачот ги води неговата сопруга и агент Ванда Нара. 26-годишниот напаѓач оваа сезона забележа 28 натпревари за Интер и постигна 15 гола со 3 асистенции. Овој договор истекува летото 2021 година.

Интер почна преговори за продолжување на соработката со Икарди

Ристе Здравков — Thu, 20 Sep 2018 11:49:02 +0000

Интер работи на нов договор за напаѓачот Мауро Икарди, објавија италијанските медиуми. Според „Кориере дело Спорт“ во моментот клубот преговара со сопругата на играчот Ванда Нара, кој е негов агент. Сегашниот договор истекува во 2021 година. Договорот предвидува откупна клаузула од 110 милиони долари. Клубот сака да го продолжи договорот до 2023 година и да го зголеми износот за евентуален предвремен прекин на соработката на 130 милиони евра. Во исто време, двете страни се уште не се имаат согласено за платата на фудбалерот. Интер нуди 6,5 милиони евра годишно, а Ванда Нара верува дека нејзиниот сопруг треба да добива 8 милиони по сезона. Во тековната сезона, 25-годишниот Аргентинец играше четири натпревари за Интер. Има постигнато еден гол и една асистенција.