Голем пожар во Грција

Магдалена Андонова — Thu, 13 Aug 2020 07:54:07 +0000

Голем шумски пожар изби во текот на ноќта на грчкиот остров Икариа, а според грчките медиуми не претставува опасност за населените места, јави дописничката на МИА од Атина. Според истите информации, градоначалникот на островот побарал од жителите на четири населби да бидат подготвени за евентуална превентивна евакуација, меѓутоа такво нешто не било потребно. Рано утрово беа дополнително засилени противпожарните сили и интервенираат 40 пожарникари со 10 возила, два пешадиски тима, два хеликоптери, два авиони, како и волонтери и цистерни од општината. (MИА)

Ообдукција на загинатата британска туристка на грчкиот остров Икариа

Ивона Петрова — Thu, 08 Aug 2019 09:00:10 +0000

Лекар од судска медицина од Атина денеска ќе пристигне на грчкиот остров Икариа за да направи обдукција на телото и да ги одреди причините за смртта на британската туристка, која вчера беше пронајдена мртва, јави дописничката на МИА од Атина. Телото на 35-годишната Натали Кристофер, по 72 часа интензивна потрага, вчера попладне беше пронајдено на непроодна локација, во провалија длабока околу 20 метри, а трупот и во текот на ноќта остана на истото место за денеска да се изврши обдукцијата. Според првичните информации во Грција, жената била поклопена од карпа што паднала врз неа, а телото било пронајдено, по сигналот од нејзиниот мобилен телефон. Грчката полиција вчера потврди дека пронајденото тело е на исчезнатата астрофизичарка, која заедно со нејзиниот партнер од Кипар престојуваа на Икариа. Партнерот на 35-годишната Кристофер во понеделникот напладне пријавил во полиција дека Британката е исчезната, откако не одговарала на неговите повици. Претходно, телефонски разговарале, кога му рекла дека излегла да трча и да планинари. Потрагата по исчезнатата се водеше на копно, во вода и со хеликоптер и со специјална опрема за лоцирање на мобилниот телефон според сигналот, а на грчката полиција ѝ помагаа крајбрежната и противпожарната служба како и волонтери. Веројатно е, според првичните информации, дека станува збор за несреќен случај, откако Британката сакала да се качи на карпата. Затоа, овој случај во ниту еден момент, во Грција, не се поврза со смртта на 60-годишната Сузан Итон, Американката- биолог, која минатиот месец беше убиена на грчкиот остров Крит. Итон, на Крит беше на научен симпозиум, а една седмица се водеше за исчезната откако и се загуби секаква трага едно попладне кога излегла да трча. За убиството, уапсен е 27-годишен Грк, кој призна дека најпрво со возилото ја прегазил 60-годишната, потоа ја ставил во багажникот на автомобилот, потоа ја силувал и ја убил.

Икариа – Kurir.mk

Голем пожар во Грција

Ообдукција на загинатата британска туристка на грчкиот остров Икариа