ИКАС – Kurir.mk

Македонија домаќин на европската елита на патеката во Матка ќе се одржи 54. ИКАС

Бошко Тасиќ — Sat, 08 Apr 2023 05:10:34 +0000

Овој викенд на патеката Матка ќе се одржи 54-тото издание на една од најстарите спортски натпреварувања не само во Македонија туку и Европа, Илинденскиот кајак слалом. На патеката ќе се појават 150 натпреварувачи кои ќе настапат во дисциплините слалом и спуст. Како дел од годинешното издание на ИКАС ќе се одржи и првото натпреварување од Европскиот куп во спринт во кое учество ќе земат 54 учесници од шест земји. Почетокот на трките в сабота кога на програмата се квалификациите во двете натпреварувања е закажан за 10 часот, а финалето на Европскиот куп почнува во 14 часот. В недела ќе се одржат трките за трофејот на ИКАС. Полуфиналето почнува во 11 и натпреварувањето се очекува да заврши околу 14 часот.

Ангел Петрушев победник на 52.издание на ИКАС

Бошко Тасиќ — Sun, 23 May 2021 19:47:57 +0000

Македонскиот кајакар Ангел Петрушев е победник на 52. традиционален меѓународен Илинденски кајак слалом ИКАС 2021, кој викендов се одржа на Матка. Нашиот натпреварувач стигна до првото место, пред Марко Ѓорѓевиќ од Србија, и третопласираниот Лоранд Ѓоши од Италија. Огнен Бразански беше петтопласиран, додека Стефан Рибарски заврши на шестото место. Кај жените Зелјана Цингелиќ од Србија заврши на првото место, пред Олгица Мелова од Македонија.

„Матка“ подготвена за јубилејното 50. издание на ИКАС

Ивона Петрова — Thu, 15 Mar 2018 14:17:56 +0000

Во спортско рекреативниот центар Матка, на 7 и 8 април ќе се одржи јубилејниот 50. Илинденски кајак слалом - ИКАС. Седум дена претходно ќе почне 10-дневен камп за талентирани млади кајакари. Заедно со слалом натпреварот ќе се одржи првото коло од Европскиот куп во Спуст ( дисциплина спринт). И оваа година манифестацијата ќе биде помогната од Агенцијата за млади и спорт (АМС). - Да бидеме домаќини на ИКАС претставува голема чест, но и голема одговорност. Со поддршката на 50. ИКАС Агенцијата за млади и спорт ја потврдува својата заложба за промоција на Матка како една од најдобрите места за овој спорт во Југоисточна Европа. ИКАС е синоним за квалитет и македонски бренд во светскиот кајак. Европската кајака федерација го препозна тоа и донесе одлука заедно со слаломот оваа година да се одржи и првото коло од Европскиот куп во спуст. Настаните од ваков тип се секогаш безрезервно подржани од АМСМ, па така и за ова ЕП одлучивме да излеземе во пресрет, рече Дарко Каевски директорот на Агенцијата за млади и спорт. Организаторите најавија рекорден број учесници. - Засега се пријавени кајакари од 14 земји, но рокот за пријавување се уште е отворен а се очекува да се прошири списокот на пријавени. Очекувам да стигнеме до бројка од 18 држави. Патеката на Матка е подготвена и ги очекуваме учесниците, посочи Атанас Николовски технички организатор на ИКАС.