Икер Касиљас – Kurir.mk

Касилјас го сподели видеото со кое Реал брутално и одговори на Барселона

Ристе Здравков — Tue, 18 Apr 2023 09:06:40 +0000

Во обид да се одбрани од сите напади кои ги добива Барселона за „случајот Негреира“, Жоан Лапорта се одлучи да ја префрли топката и испрати контра-атак кон Реал Мадрид, посочувајќи дека клубот од шпанската престолнина е оној кој добивал најголема помош од судиите и политичарите во својата историја. Лапорта го нарече Реал „клубот на режимот“ и го обвини за цинизам поради тоа што се почувствувал оштетено од скандалот во кој западна Барселона, но зборовите кои ги испрати на вчерашното обраќање, предизвикаа огромен револт во шпанската престолнина. – Каков цинизам, постои еден клуб кој вели дека се чувствува оштетено од ова, тоа е Реал Мадрид. Цел свет знае дека Реал Мадрид историски е најфаворизиран тим поради судиски грешки на штета на противниците. Реал Мадрид е познат како клуб на режимот поради моќта која ја има врз политичките одлуки. Седум декади наназад, членовите во судиските комисии се сосиоси на Реал Мадрид, поранешни играчи или директори на овој клуб. Поради тоа, нивните поплаки се чист цинизам, се надевам дека се ќе си дојде на свое место, всушност, убеден сум во тоа, – изјавил вчера Лапорта. Овие напади од претседателот на Барселона не минаа без одговор, па Реал Мадрид преку својата клупска телевизија направи краток филм, во кој посочува дека каталонскиот гигант бил спасен од банкрот од Генерал Франко во три наврати и прашува „кој е вистинскиот клуб на режимот?“. Во објавеното видео, се потенцира и една легендарна изјава на неповторливиот Сантијаго Бернабеу, човек по кој е именувам стадионот на „кралскиот клуб“. – Кога ќе слушнам дека Реал Мадрид е клубот на режимот, сакам да се по.ерам врз таткото на личноста која го вели тоа!, – гласи бруталниот одговор, кој брзо беше споделен и од Икер Касилјас.

Padreo total! Booommmm! https://t.co/JJNB2Ppb7i
— Iker Casillas (@IkerCasillas) April 17, 2023

Касилјас предупредува: Роналдо нема да биде само гостин на СП…

Ристе Здравков — Mon, 21 Nov 2022 10:18:52 +0000

Кристијано Роналдо со соочи со доста проблеми на клупски план во оваа сезона, не беше во прв план во Манчестер Јунајтед за да по крајот на овој прв дел „распали“ по клубот, менаџерот Ерик Тен Хаг со што најверојатно стави крај на престојот на „Олд Трафорд“. Тоа прашање сигурено ќе биде решено во наредниот период, а во меѓувреме ветеранот и се посвети на репрезентацијата и на настапот на Светското првенство. Ова за него би требало да биде последен Мундијал и сигурно ќе направи се за да се претстави во најдобро издание, ама многумина не веруваат дека може вистински да блесне по се што помина минативе месеци. Меѓутоа Кристијано никогаш не смее да се отпише и тоа најдобро го знае Икер Касилјас кој порача дека напаѓачот нема да биде само гостин во Катар. -Изгледа како Роналдо да е дојден како гостин на СП. и луѓето не сметаат на него поради сите проблеми што ги има во Манчестер Јунајтед, но… Јас го имам како кандидат (за најдобар стрелец). Кога луѓето зборуваат за Крис, забораваат што направил. Ама тој не заборава, знае што има направено. Секогаш би го сакал во мојот тим. Кристијано сè уште има сила да игра на највисоко ниво, -порача Икер за „Марка“. Португалија е во група со Уругвај, Гана и Јужна Кореја.

Нова порака на профилот на Касилјас

Ристе Здравков — Mon, 10 Oct 2022 10:02:40 +0000

По неколку часовна мистерија околу тоа дали беше веродостоен твитот на Икер Касилјас за неговата сексуална ориентација – сега е разјаснето. Откако пред неколку часа Касилјас на својот Твитер профил напиша дека припаѓа на ЛЏБТ заедницата, односно дека е геј, веднаш почна бура од коментари на социјалните мрежи. Но првично работата била друга, неговиот профил бил хакиран и од кога било пријавено на органите, по неколку часа, профилот бил вратен во сопственост на шпанскиот голман, кој подоцна и се јави за да ја одгатне длемата. „Профилот беше хакиран, за среќа сега е се во ред. Се извинувам на фановите, но и на ЛЏБТ заедницата“, порача Икер Касилјас.

Cuenta hackeada. Por suerte todo en orden. Disculpas a todos mis followers. Y por supuesto, más disculpas a la comunidad LGTB. 🙏
— Iker Casillas (@IkerCasillas) October 9, 2022

Ги збуни фановите кога објави дека е ГЕЈ, а сега Икер Касиљас се огласи повторно – еве на кого му се извинува!

Ивана Ефремовски — Sun, 09 Oct 2022 16:45:08 +0000

Икер Касиљас денеска ги изненади сите откако на Твитер објави дека е геј, а брзо потоа го избриша твитот. Сега се јави со нов твит во кој вели дека бил хакиран и им се извини на сите. „Хакиран акаунт. За среќа се е во ред. Им се извинувам на моите следбеници. И се разбира, уште повеќе се извинувам на ЛГБТ заедницата“, напиша Касиљас.

Икер Касиљас ќари вдовица која е секс бомба и обожува да се слика топлес – нејзиниот сопруг кој беше познат голман се самоуби лани во мај! (ФОТО)

Дарко Андоновски — Tue, 06 Sep 2022 18:50:16 +0000

Легендарниот шпански голман Икер Касиљас (41), се нашол во центар на внимание во шпанските медиуми кои објавиле дека е во врска со Марија Хозе Камчо (43). Откако изминатиов период имал многу тешки моменти, како срцев удар во 2020 година и раскинување од долгогодишната партнерка Сара Карбонеро, поранешниот чувар на мрежата на Реал Мадрид и Порто, повторно ужива во својот живот. Шпанскиот весник „Хола“ објавил дека Икер веќе три месеци е во врска со Марија, чиј поранешен сопруг бил некогашниот голман на Барселона, Франсис Арнау кој во мај минатата година изврши самоубиство на 46-годишна возраст.

View this post on Instagram

A post shared by Revista ¡HOLA! (@holacom)

Камачо брилирала во женскиот фудбал од мали нозе. На 17 години таа потпишала договор за Терас, а само неколку години подоцна се придружила на женскиот тим на фудбалскиот клуб Барселона каде го запознала својот иден сопруг, а потоа играла и за Малага.

De la nueva novia de Iker Casillas a la respuesta de José Ortega Cano a Ana María Aldón https://t.co/zbYQ6681iu
— Gente en ABC (@abc_gente) August 31, 2022

View this post on Instagram

A post shared by Maria J. (@mjpelina)

Икер Касиљас во врска со вдовицата на поранешниот играч на Барселона кој изврши самоубиство

Ристе Здравков — Thu, 01 Sep 2022 09:18:24 +0000

View this post on Instagram

A post shared by Revista ¡HOLA! (@holacom)

De la nueva novia de Iker Casillas a la respuesta de José Ortega Cano a Ana María Aldón https://t.co/zbYQ6681iu
— Gente en ABC (@abc_gente) August 31, 2022

Иако Касиљас порачал дека станува збор само за шпекулации, фотографиите на кои разменуваат нежност го откриваат нивниот близок однос којшто очигледно се трудат и се обидуваат да го задржат во тајност. Касиљас 16 години ја чуваше мрежата на Реал Мадрид и запишал над 500 настапи, а во 2015 година се пресели во редовите на Порто каде ја заврши кариерата во август 2020 година откако доживеа инфаркт.

Зидан доби поддршка од Касиљас

Ивона Петрова — Fri, 04 Dec 2020 08:52:52 +0000

Поранешниот голман на Реал Мадрид, Икер Касиљас се огласи по повод резултатската криза на „кралевите“. Реал по поразот од Шахтјор пред три дена се доведе во ситуација да стравува околу пласманот во плејофот на Лигата на шампионите, а заостанува зад водечките во домашното првенство. – Зидан е одличен тренер и добар пријател. Тој ќе се потруди Реал Мадрид да постигне најдобри резултати. Не можете да живеете врз база на успесите во минатото, но сепак, тој има кредит и право да го тренира Реал, истакна Касиљас. Во шпанските медиуми се појавија шпекулации дека Зидан ќе добие отказ во случај да не ја помине групната фаза во Лигата на шампионите.

Касиљас: Заминувањето беше трауматично, но Реал е мојот дом

Ивана Ефремовски — Wed, 12 Aug 2020 16:25:08 +0000

Легендарниот голман Икер Касиљас изјави дека неговото заминување од Реал Мадрид во 2015 година било трауматично, но дека и покрај сè, „кралскиот клуб“ е негов дом. Поранешниот голман на Реал Мадрид и шпанската репрезентација официјално на почетокот на месецот објави дека ја прекинува својата играчка кариера, а медиумите шпекулираат дека тој ќе ја извршува функцијата советник на претседателот на клубот, Флорентино Перез. – Моето заминување од Реал беше трауматично, но тоа е мојот дом. Беше како развод, имаше грди зборови, но како што одминуваше времето, сè се смири. Две или три години по заминувањето од Реал, имав подобри односи со Перез и тој ми рече дека морам да бидам во клубот. Ќе разговараме сега во август бидејќи Реал е мојата куќа и мојот живот. Флорентино ми се јави неодамна и рече дека има понуда за мене. Сега кога сум во Мадрид, ќе разговараме, рече светскиот шампион со Шпанија за шпански „АС“. (МИА)

Меси: Касиљас одамна си го обезбеди статусот на легенда

Магдалена Андонова — Wed, 05 Aug 2020 10:33:34 +0000

Најдобриот фудбалер на Барселона, Лионел Меси ги сподели своите ставови за одлуката на поранешниот голман на Шпанија и на Реал Мадрид, Икер Касиљас да ја заврши својата кариера. – Икер реши да го објави своето пензионирање сега, но тој го обезбеди статусот на легенда пред многу време. Не само затоа што тој беше еден од најдобрите во шпанското првенство, туку и затоа што исто така беше во можност да постигне многу на меѓународно ниво. Икер, ти си одличен голман, ми беше тешко да играм против тебе, но гледајќи наназад, можам да кажам дека имавме специјално, убаво соочување кое не натера да бидеме над нашите можности во секој меѓусебен натпревар, изјави Меси. Последен клуб на легендарниот шпански голман беше Порто. (MИА)

Касиљас и официјално ја заврши кариерата: Дојде време да се простам со фудбалот

Предраг Кукиќ — Tue, 04 Aug 2020 12:29:33 +0000

Легендарниот шпански голман, Икер Касиљас на 39-годишна возраст се пензионираше од фудбалот. Касиљас кој за Реал Мадрид одигра 725 натпревари во 16 сезони и три пати ја освои Лигата на шампионите, а пет пати триумфираше во Ла Лига, објави крај на кариерата. Тој исто така со шпанската репрезентација го освои Светското првенство, а два пати беше и Европски првак. Од 2015 беше член на Порто, но не играше откако доби срцев удар во април 2019 иако до денес се водеше како активен член на португалскиот клуб. „Важен е патот по кој патувате и луѓето кои ве придржуваат, не дестинацијата до која ве носи, бидејќи тоа со работа и напор доаѓа само и мислам дека без двоумење можам да кажам дека тоа беше патот ме одведе до дестинацијата од соништата“, напиша Касиљас на својот твитер профил на кој го објави и писмото со кое стави крај на кариерата.

Lo importante es el camino que recorres y la gente que te acompaña, no el destino al que te lleva, porque eso con trabajo y esfuerzo, llega solo y creo que puedo decir, sin dudar, que ha sido el camino y el destino soñado #Grac1as pic.twitter.com/xb8ucs9REh
— Iker Casillas (@IkerCasillas) August 4, 2020