илчо захариев – Kurir.mk

ВМРО-ДПМНЕ во Штип обединето: Празникот заедно го чествуваа поранешниот градоначалник Захариев, пратеникот Јорданов и екс-пратеникот Димков

Ивана Ефремовски — Mon, 26 Oct 2020 10:49:13 +0000

Според житието Света Злата Мегленска е родена и пострадала во Слатина, Мегленско, во Егејска Македонија, пишува пратеникот на ВМРО-ДПМНЕ од Штип, Иван Јорданов. Тој го чествуваше празникот заедно со поранешниот градоначалник Захариев како и со екс-пратеникот Димков. -Таа е ќерка на сиромашни селски родители, коишто имале уште три ќерки. Духовните квалитети ѝ биле силната вера во Господ Исус Христос, нејзината смиреност и чистото срце. „Јас верувам во Христа и нему му се поклонувам и само Него Го знам како мој младоженец. Од Него никогаш нема да се откажам дури и ако ме ставите на илјада маки или ако ме исечете на ситни парчиња.” За многу години Св. Злата Мегленска, напиша тој.

Захариев: Постапката за продажба и отстранување на објектите на „Стипион 2011“ е спроведена законски

Даниел Василев — Mon, 02 Apr 2018 12:30:56 +0000

Поранешниот градоначалник на општина Штип, Илчо Захариев вели дека обвинението за Спортскиот рекреативен центар Брегалница е лажно. -За просторот каде беа објектите на Штипион донесен е Детален урбанистички план усвоен од Советот на општина Штип. Изработен е проект Спортско рекреативен центар Брегалница финансиран преку германската влада и источен плански регион, се вели во реакцијата од Захариев. Според него, продажбата на базенот и останатите парцели се со одлука на Советот на општината. -Јавното претпријатие Штипион со одлука на совет доби нови простории во Новакова чешма, поранешни магацини на АРМ. Целата постапка за продажба и отстранување на објектите кои беа руина е спроведена законски. Општината инкасираше околу 600.000 евра од продажбата на земјиштето. Реализацијата на СРЦ Брегалница е од голем интерес за градот Штип, се вели во реакцијата. Захариев е уверен дека и оваа, како што вели, лажна кривична пријава ќе биде отфрлена.

Захариев: Конгресот ќе биде демократски, ќе се избере ново раководство (ВИДЕО)

Катерина Бојаџиева — Sat, 23 Dec 2017 10:22:15 +0000

Мислам дека денешниот конгрес ќе биде голем ден за нашата партија, истакна Илчо Захариев од ВМРО-ДПМНЕ пред денешното продолжување со работа на 16. Конгрес на ВМРО-ДПМНЕ на кој што се очекува да биде избран новиот претседател на партијата, по оставката на Никола Груевски. -Ќе се избере ново раководство. Инаку, иницијативата беше добронамерна со многу позитивни и афирмативни работи и мислам дека сите што се потпишаа на таа иницијатива се лојални членови на партијата, тоа се луѓе кои се вложиле во оваа партија и сигурно дека таа намера беше да покажат дека на партијата и требаат уште тие членови и дека и треба огромно единство, затоа што соединиението ја прави силата, рече Захариев и додаде: „Вие да се спротивставите да речеме на било кој политички конкурент, мора да бидете единствени, силно мотивирани како поединец, заеднички да направите што повеќе работи. Така да мислам дека после овој конгрес, сите оние и кои беа потписници на оваа иницијатива и сите кои се дојдени денеска овде, ќе го дадат својот максимум партијата на наредните парламентарни избори да донесе една одлична победа и повторно ВМРО-ДПМНЕ да се врати на власт“. Конгресот, според Захариев, ќе биде демократски. -Во конкретниов случај има еден кандидат кој се етаблирал и има свои квалитети и се надеваме дека ќе биде се во ред, потенцираше тој. https://www.youtube.com/watch?v=lD6HSgMyUYI&feature=youtu.be