илија абутовиќ – Kurir.mk

Абутовиќ заминува од Рајн Некар Левен

Бошко Тасиќ — Mon, 06 Dec 2021 16:05:34 +0000

Некогашниот ракометар на Вардар, Илија Абутовиќ, оваа лето ќе си замине од тимот на Рајн Некар Левен. Абутовиќ нема да ја продолжи соработката со „лавовите“.Тој потекнува од Врбас, играше за Спартак Суботица и Партизан, па словенечкиот Слован Љубљана, пред да дојде во Вардар во 2011 година и да стане легенда на клубот. Беше дел од генерацијата на македонскиот тим што ја освои првата титула во Лигата на шампионите пред да замине во Германија.

Абутовиќ на својата свадба ја пееше македонската песна „Ја излези Ѓурго“ (ВИДЕО)

Ивана Ефремовски — Mon, 08 Jul 2019 17:29:24 +0000

Ракометарот Илија Абутовиќ вчера стапи во брак со неговата долгогодишна девојка Сања Стојчевска, сега Абутовиќ. Свадбата била весела, а гостите ги забавувал пејачот Јоце Панов. Но, за микрофон се фати и младоженецот. Илија ја запеа прекрасната македонска песна „Ја излези Ѓурѓо“. Како звучеше тоа, погледнете во продолжение:

Илија Абутовиќ си зема Македонка: Судбоносното ДА го кажаа во Скопје (ФОТО)

Катерина Бојаџиева — Mon, 08 Jul 2019 08:28:00 +0000

Ракометарот Илија Абутовиќ вчера стапи во брак со неговата долгогодишна девојка Сања Стојчевска, сега Абутовиќ. Како што дознава КУРИР, судбоносното ДА го изговориле во Соборниот храм „Св. Климент Охридски“ во Скопје, а потоа забавата продолжила во еден скопски локал. Инаку, пред нецел месец тројца македонски репрезентативци исто така го кажаа судбоносното „ДА“. Откако минатата година Филип Талески и неговата поубава половина Ена направија веридба, а потоа станаа родители на Софиа, на 23 јуни направија свадбена веселба на која присуствуваа дел од ракометарите. Непланирано во ист ден на „лудиот камен“ стапнаа и Веле Марковски и Дарко Димитриоски.

Пречекот на Абутовиќ ги воодушеви луѓето од ЕХФ: Фановите на Вардар најдобри за минатата недела (ВИДЕО)

Матеја Петровски — Mon, 08 Oct 2018 14:06:56 +0000

Вардар викендов успеа да стигне до уште една победа, четврта по четири меча оваа година во Лигата на шампионите, иако многумина на тимот му предвидуваа далеку послаби резултати од оние во минатите години, но ракометарите од меч во меч ги разубедуваат сите кои не веруваа во нив. За најдобра публика, за најдобри фанови за минатата недела од страна на ЕХФ како и многу пати порано беа прогласени фановите на Вардар, кои ја пречекаа легендата на својот клуб, Илија Абутовиќ, како што му доликува во Јане Сандански. Тој во текот на ова лето после долги години минати во Вардар, замина во Рајн Некар, тим со кој скопскиот великан победи викендов. Гостите ја немаа помошта од Абутовиќ, кој поради повреда не настапи на овој натпревар.

Абутовиќ: Им благодарам на сите, на Вардар, на играчите, на навивачите… (ВИДЕО)

Катерина Бојаџиева — Sat, 06 Oct 2018 20:25:26 +0000

Ракометарот кој денеска доби убедливо најголем и најдолг аплауз во СЦ „Јане Сандански“ и тоа во два наврати беше, Илија Абутовиќ кој иако не играше одново доби огромна поддршка од навивачите кои во минатата деценија редовно го бодреа од трибините. Абутовиќ поради повреда не беше во можност да игра на овој натпревар против Вардар и остана на клупата за резерви, но тоа придонесе за големи емоции кај него. „Им благодарам на сите за она што ми го приредија пред натпреварот. Чувството е неверојатно. Сакам да им се заблагодарам на Вардар, на играчите, на навивачите, на Скопје и на цела Македонија. Ова беше навистина емоционален момент“, коментираше Илија Абутовиќ пред камерата на 24 Ракомет ТВ.

Познатиот ракометар доби „ДА“: Соиграчот на Талески и Абутовиќ ја запроси девојката на натпревар (ВИДЕО)

Матеја Петровски — Mon, 27 Aug 2018 15:37:28 +0000

Мадс Менса Ларсен, данскиот репрезентативец и соиграч на македонскиот репрезентативец, Филип Талески и долгогодишниот ракометар на Вардар, Илија Абутовиќ, во Рајн Некар Ловен, во втор план ја остави победата на својот клуб во првиот меч од овогодинешната Бундеслига. Неговиот Рајн Некар победи во неделата 28:21 против Лемго, но тоа не беше ништо изненадувачки, а тоа што следеше потоа, секако беше. Во директен пренос на Скај Спор, Ларсен ги разнежни гледачите запросувајќи ја својата девојка Линда. Откако натпреварот заврши, тој го зема микрофонот и ја повика својата девојка да се симне на теренот. Клекна пред неа и го стави прстенот на нејзината рака, а тоа беше проследено со овации од 7.000 гледачи во САП Арената. Судејќи според прегратката која следеше, слободно може да кажеме дека таа кажа „ДА“. На Фејсбук страната на неговиот клуб објавени беа фотографии со зборовите „најважниот момент денеска“.

Крај на седумгодишната љубов: Абутовиќ со емотивна порака се збогува од Вардар, Скопје и Македонија

Матеја Петровски — Fri, 01 Jun 2018 12:41:06 +0000

Завршува една вистинска ракометна љубовна приказна, после 7 години минати во дресот на Вардар си заминува Илија Абутовиќ, можеби најдобриот ракометен дефанзивец во светот. Следна дестинација за миленикот на скопската публика е Германија, каде од следната сезона ќе настапува за Рајн Некар Левен. -Тешко е да напишам било што после седум години, само сакам да кажам дека сум горд што бев дел од оваа генерација на Вардар и горд сум на тоа што го направивме оваа година. И благодарам на Македонија, Скопје, Вардар, им благодарам на навивачите, благодарам на сите што беа дел од ова. Време за ново поглавје во животот. Засекогаш во срцето Вардар, Скопје, Македонија, напиша Абутовиќ на Инстаграм. Инаку, Абутовиќ беше еден од оние играчи кои беа дел од Вардар и пред да дојде во клубот сегашниот сопственик Сергеј Самсоненко. Од играчите кои во тој период ги бранеа црвено-црните бои се и капитенот Стојанче Стоилов, Игор Карачиќ и Страхиња Милиќ. Абутовиќ лани беше еден од клучните играчи во походот кон европската титула која вардарци ја донесоа во Скопје.