илија димовски – Kurir.mk

Илија Димовски до Османи: Замисли Бујар некој да те пристиска да потпишеш дека Ѓерг Кастриот е Србин

Магдалена Андонова — Sun, 03 Jul 2022 10:44:43 +0000

Членот и поранешен пратеник од редовите на ВМРО-ДПМНЕ, Илија Димовски со отворено писмо до министерот за надворешни работи Бујар Османи околу францускиот предлог за решавање на спорот со Бугарија. „Отворено писмо до Бујар Османи: Ги следам твоите настапи и одлучив да ти се обратам лично, не како на министер, туку како Илија на Бујар. Во минатото сме разговарале многу пати, знам дека нема да ме разбереш единствено само ако немаш желба да ме разбереш. Ве познавам лично и тебе и повеќето твои соработници од ДУИ и знам дека не можете воопшто да кажете дека не ги разбирате процесите, барем не на мене, но дозволи искрено и директно и заради тебе и заради јавноста да разговараме со суштински, а не со површни маркетиншки флоскули и аргументи. Дозволи низ еден пластичен пример на аналогија да ти објаснам какви се овие времиња за Македонците. Ќе употребам примери со Албанците како народ и нација, не за да навредам или се согласам со тие примери, туку да ти покажа и тебе и на твоите колеги што е тоа што се обидувате, заедно со СДСМ, да го покажете како нормално, а не е. Замисли Бујар некој да ти предложи и да те пристиска, а ти, уште повеќе, да потпишеш и прифатиш дека: Прво, Албанците во Македонија не се ист народ со Албанците во Албанија, исто како што во “Преспа” пишува дека Македонците од Македонија и Македонците од Грција немаат ништо заедничко и не се исти. Второ, замисли да мора да прифатиш и потпишеш дека Енвер Хоџа ја создал албанската нација на вештачки начин, онака како што бугарското Собрание со својата Декларација од 2019 година тврди за Тито и Македонците. Трето, еве помисли Бујар, како би ти било да треба да потпишеш и прифатиш дека Албанците во Македонија не смеат да го користат албанското знаме исто онака како што со Времената спогодба, а потоа и со “Преспа” забранувате и брусите онаму каде што има македонско шеснаесеткрако сонце. Четврто, би можел ли да замислиш ситуација во која ти или некој колега од ДУИ мора да прифати и потпише дека Ѓерг Кастриот е Србин, а Хасан Приштина е Турчин, како што нам Македонците ни се случува секојдневно благодарение на промашената политика на оваа Влада, те за Гоце Делчев, те за десетици други борци за слобода на Македонија. Петто, би се согласил ли Бујар да ставиш во меѓународен правен договор дека Албанците немаат никакво илирско потекло ниту културолошко наследство од Илирите и дека на пример Илирите се Словени, а не Албанци, исто онака како што со Преспа прифативте дека ние Македонците немаме никакво македонско потекло и дека Македонците биле Грци (види “Преспа”, член 7). Шесто, како би ти било да правиш “мали” компромиси за албанската нација и историја со оние што секојдневно и со години наназад тврдат дека албанската нација е вештачка и создадена со албанизирање на Турци, Словени, Власи и Роми исто онака како што секојдневно преговарате “мали” компромиси за историјата со оние кои имаат ваков однос и тврдење кон нас Македонците. Еве вака изгледаат работите низ призмата на Македонците, доколку сакаш да погледнеш и знаеш. Ова што го напишав не го посакувам на никому, ама не сакам ниту да дозволам некој да ме убедува дека ова што им се случува на Македонците е базирано на нормални европски вредности, затоа што не е. Застани и размисли. Затоа Бујар, Албанците во Македонија во овој случај мора да останат рамо до рамо со нас Македонците, затоа што ние Македонците сме најмал народ на Балканот, но Албанците се втор, а сите околу нас исто или слично се однесувале во историјата и кон нас и кон вас. На еден ден престани да бидеш политичар и ќе разбереш колку многу грешиш. Застани. Се надевам дека ќе ме разбереш во добра намера и дека ќе размислиш длабоко за твоите постапки и чекори. Застанете. Прифаќањето на францускиот предлог е навреда за Македонците, но и ќе го одложи, а никако нема да го забрза евроинтегративниот процес. Ако вашата Влада со СДСМ го прифати овој предлог ќе не навредите нас Македонците, но и ќе ја запечати секогаш шансата на Македонија да стане членка на Европската Унија. Поздрав, Илија“, му пишува Димовски на Османи.

Го укинаа моделот на пензии, а денес истиот модел го враќаат и го претставуваат како „швајцарски“…

Дарко Андоновски — Fri, 04 Mar 2022 21:09:43 +0000

Го укинаа моделот на пензии што беше до 2018 година... Денес истиот модел го враќаат и го претставуваат како "швајцарски"... Во меѓувреме 4 години кратеа од сите наши мајки, татковци,... Каква срамота...
— Ilija Dimovski (@ilijadimovski) March 4, 2022

Димовски: Бугарија треба јасно да ги достави барањата до Македонија и се што бара од нас истото да го направат и они

Катерина Бојаџиева — Thu, 13 Jan 2022 21:30:26 +0000

Што има во одговорите 5 плус 1 Македонија доставени до Бугарија на самитот на НАТО во Рига пред два месеци. Ние во државава немаме информација која е владината позиција, што е внесено во делот на одговорите од Македонија доставени до Бугарија. Нема информација во Собранието, ниту опозицијата има информација, рече Илија Димовски од ВМРО-ДПМНЕ на вечеерашната дебата на телевизија 24.

Димовски укажа дека токму една точките што ги побара претседателот Христијан Мицкоски за да има средба со лидерот на СДСМ и мандатар Димитар Ковачевски е информација за ова прашање.

„Дали има во одговорите на Владата има дека не отстапуваме од македонскиот јазик, идентитет дека тие се бетонирани. Дали ставовите од Декларацијата усвоена во Собранието ги има во одговорите до Бугарија“, го праша Димовски, Андреј Петров од СДСМ кој беше дел од дебатата.

Според него кога се говори за прашањето со Бугарија треба да се почитува принципот на реципроцитет.

„Многу европски би било сите барања кои ги има Бугарија треба да ги достави и за се треба реципроцитет. Се што треба ние да направиме да го направат и они“, рече Димовски.

Димовски: Во ситуација на економска криза мандатарот Ковачевски го менува политичкиот тим, а треба да го смени економскиот

Тале Кристо — Thu, 13 Jan 2022 21:10:32 +0000

Голем дел од проблемите се последица на веќе пет годишно владеење, требеше да се смени во владата економскиот, а не политичкиот тим, рече Илија Димовски од ВМРО-ДПМНЕ на вечерашната дебата на телевизија 24. „Велите сега ќе се стави акцент на економијата, но токму економските ресори ќе ги водат истите луѓе, ништо ново. Остануваат Битиќи, Бектеши, Бесими, Бочварски, апсолутно никаква промена“, реќе Димовски овраќајки се на Андреј Петров од СДСМ кој беше дел од дебата. Според него во ситуација кога има економска криза, мандатарот ги менува политичките министри. „Имате минстер кој неколку години е министер за економија на кој ВМРО-ДПМНЕ му кажуваше што ќе се случува во енергетиката, а што направи, ништо“, рече Димовски додавајќи дека ЕЛЕМ од оваа власт е направен тежок загубар.

Димовски: Мора да има предвремени парламентарни избори зошто мандатарот Ковачевски не излегол на избори, нема поддршка од граѓаните

Тале Кристо — Thu, 13 Jan 2022 20:20:17 +0000

ВМРО-ДПМНЕ бараше веднаш предвремени парламентарни избори уште по локалните избори и се уште нема функционална влада од повеќе апсекти, односи со Бугарија, енергетска криза. Оттука сметаме дека оваа влада нема легитимитет, прво го изгуби на локалните избори, второ, самото преструктуирање во СДСМ, а и четворица носители на листи од претходните парламентарни избори Зоран Заев, Радмила Шекеринска, Никола и Билал Касами велат дека Владата тргнала по погрешен пат, рече Илија Димовски од ВМРО-ДПМНЕ на вечерашната дебата на телевизија 24. Според него во принцип контакти меѓу власт и опозиција се добредојдени. -Но, да се надеваме дека ова раководство ќе да сфати дека не може да ги прават сами чекори во клучни сегменти како меѓународни односи, економски проблеми. Доколку се прифати дека не може да ги прави сама чекорите во клучни области, добредојдени се контакти, вели Димовски. Тој укажа дека во демократски земји прво, не се случува во Влада да се импалантираат лица кои не учествувале на избори, второ, програмата по која ќе работи владата е онаа со која настапи СДСМ на избори или не, и трето, овој состав на Владата не го оформи Димитар Ковачевски, туку Заев, тој водеше разговори за парламентрано мнозинство. -Прво, ова го нарушува контактот на граѓаните со избраната власт, и второ, континуирано се соочуваме со негативни коментари од меѓународни институции. Во тој случај доаѓаме до тоа дека оваа политичка гарнитура не е свесна и дека не сака да го прифати фактот дека граѓаните не ја поддржуваат, дека нема концепт и дека нема капацитет да ги реши основните пробелми на граѓаните. Оттука не може да се правиме дека немаме проблеми односно имаме здравствена криза, енергетска, дека капитални инвестиции нема и од тој аспект убаво е да се говори за разговора, но истите мора да понудат решение за граѓаните, кажа Димовски.

Димовски: Требаат брзи предвремени избори, ова што го гледаме е сценарио со избрани улоги диктирано од Заев

Ивана Ефремовски — Fri, 26 Nov 2021 19:01:54 +0000

На Македонија и е потребно што е можно побрзо предвремени избори и рестарт на системот, изјави Илија Димовски од ВМРО-ДПМНЕ во „Тема на денот“ во Дневникот на Сител додавајќи дека дури и СДСМ да успее да состави мнозинство и да формира нова влада, тоа ќе биде диктирано од Заев и сегашното раководство кое се покажа нефункционално и кое граѓаните го казнија на изборите. Во однос на смената на раководството на СДСМ и на владата, како и на Зоран Заев, Димовски потенцираше дека гледаме сценарио за кое однапред се избрани улогите, а тоа се потврдува и со изјавата на претседателот на државата кој во интервју пред 4 дена кажа дека познати се имињата и кој ќе го замени Заев. -Немам големи очекувања, прво онаа ударна политичка моќ на СДСМ ја нема, атмосферата е на максимална недоверба и припрема за пораз на избори. Втората работа е и да соберат мнозинство ние ќе гледаме втора постава на СДСМ да истрча на терен затоа што новото раководство ќе биде диктирано и тоа од ова раководство за кое граѓаните на последните избори дадоа мислење дека не ги вршат работите, истакна Димовски. Тој нагласи дека самото мешање на Зоран Заев во целиот овој процес кажува дека тој ги диктира процесите. -Заев можеби има интерес или желба да се повлече, но очигледно е дека ќе диктира. Со втора постава на ист тим кој изгубил утакмица нема очекувања. Ни треба рестарт, нова енергија и нов концепт за управување со државата. Ова сега е трулеж, распаѓање на системот. Собранието не заседава, не носи закони, нефункционално е, а надзорна улога е мисловна именка, тоа не постои, како Собранието да не постои. Во ваков формат, бројки и менаџирање не постои, може да служи само еднаш да се соберат да речат дека имаат мнозинство, за да може владата без контрола да работи, изјави Димовски.

Димовски: Поради неспособноста на власта, дојдовме во момент да се надеваме дека оваа истрага ќе биде точна и прецизна, заради тоа што ќе ја води бугарското обвинителство

Ивана Ефремовски — Fri, 26 Nov 2021 18:59:46 +0000

„Ние два дена гледавме нашите обвинители како се присутни во Бугарија, а се воопшто ненадлежни за инцидентот кој што се случи, за трагедијата која што се случи во Бугарија. Во тие два дена односно четири дена којзнае што се се има случено со документацијата, архивата, телефоните, компјутерите која што ова не е една компанија туку очигледно шест компании врзани под различни наслови како „Беса транс“ ДОО, „Беса транс“ ДООЕЛ, „Беса транс“, БТД итн. бугарија уште првиот ден го приведе човекот кој што пишуваше недолични коментари, а Македонија се уште нема започнато никакви постапки. Бугарија вчера нареди комплетна инспекција на сите магистрали и на сите автопати во Бугарија, нас денеска ни се случи сообраќајна несреќа пред Охрид на оној пат кој што одголен од двете страни и никој воопшто не води сметка за тоа“, истакна Илија Димовски во централниот дневник на Сител телевизија. Димовски запраша дали власта ги направи барем сличните работи како што реагираше Бугарија. „Дојдовме во момент за жал да се надеваме дека можеби оваа истрага ќе биде точна и прецизна, заради тоа што ќе ја води бугарското обвинителство. Заради тоа што комплетна неодговорност имаме од нашите државни институции. 135 пати нерегистриран автобус за меѓународен сообраќај да ги мине државните граници, не се двајца цариници виновни, не може двајца цариници да одговараат за тоа. Тоа е корумпирана држава, распадната држава, нефункционална држава. Очигледно дека институциите основните работи не си ги обавуваат“, заклучи Димовски. Димовски додаде дека со внимание ја следи оваа тема заради тоа што за жал многу е непријатно, во три вакви инциденти во последната година, година ипол или неколку години по инцидентот во Ласкарци Македонија изгуби 70-тина животи, кои што ни ти мораше, а ниту смееше да ги изгуби. -Не требаше Македонија тие животи да ги изгуби. Во тој аспект третманот на сите три случаи е ист, се подава од една институција до друга институција одговорност, Царината вели МВР е надлежно и виновно, МВР вика Инспекторатот за транспорт бил надлежен, Инспекторатот за транспорт префрла на сосема некоја друга институција. И на крај се се сведува на факти дека ниту шоферите биле вработени во компанијата, дека ниту автобусот бил регистриран односно имал лиценца, 135 пати ја поминал границата. „Или не бил побаран документ на граница на автобусот, или сето тоа си функционира така системски долго време, рече Димовски. Димовски запраша кој може да потврди дека токму компанијата „Беса травел“ или како да се викала, дека нејзиното појавување на граница не значи слободен премин преку граничниот премин. „Кој може да гарантира за тоа. Ова е сериозна работа, затоа што три држави се инволвирани во оваа ситуација“. И Димовски се надева дека случајот нема да заврши како што заврши случајот со модуларната болница во Тетово и случајот со Ласкарци кој што се тегне, а нема никаква финална разрешница. „Неносењето на политичка одговорност и неносењето на морална одговорност во вакви ситуации нас не остава во комотна ситуација никој да не се грижи во другите сегменти од живеење, појасни Димовски.

Димовски: Ако некој пратеник или партија им се приклучи сега на оваа мафија на власт, тој односно тие, секогаш сакале да бидат како нив

Катерина Бојаџиева — Fri, 12 Nov 2021 18:02:07 +0000

Ако во Бугарија до 14 декември воопшто има кој да донесе одлука и ако решението помеѓу двете држави е во рамките предвидени со Резолуцијата за државните позиции, донесена од Собранието на Република Македонија (за која гласаа сите партии без исклучок) тогаш "ветената европска иднина" нема ниту некој посебно да ја загрози, ниту некој посебно ќе ја обезбеди..., пишува поранешниот пратеник од редовите на ВМРО-ДПМНЕ, Илија Димовски на Фејсбук. -Поделбата на про-европски, помалку-европски и анти-европски е смислена и помага само на мафијата на власт... Ако некој пратеник или партија им се приклучи сега на оваа мафија на власт тој, односно тие, секогаш сакале да бидат како нив... Влегле за да бидат прислужници на мафијата...

Димовски: Тие што бараа измени на закон сега го кршат, во кампања министри секој ден промовираа нешто

Ивана Ефремовски — Tue, 19 Oct 2021 20:32:50 +0000

„Ние во еден сегмент имаме и ретрограден процес во спроведување на избори. Во периодот кога нападот кон претходната власт беше интензивен, се донесоа закони со кои што во изборен период беше забрането министрите во Владата да учествуваат во промоција на проекти, како и започнување на проекти, камен темелници и.т.н. Ние имавме неколку изборни процеси наназад во коишто тоа се почитуваше, но на овие избори тоа не го видовме“, истакна Илија Димовски од ВМРО-ДПМНЕ во вечерашната дебатна емисија на ТВ21. Тој вели дека на овие избори секојдневно се гледало како министри одат на промоција на проекти. Во продолжение целата изјава:

Димовски: Разликата е очигледна, плус 25 илјади гласови во град Скопје, над 50 илјади на државно ниво за ВМРО-ДПМНЕ

Магдалена Андонова — Mon, 18 Oct 2021 19:53:58 +0000

Илија Димовски поранешниот висок функционер и пратеник од редовите на ВМРО-ДПМНЕ, во Телевизија 24 вечерва, истакна дека разликата е очигледна по резултатите од изборите и тоа во полза на ВМРО-ДПМНЕ затоа што има повеќе од 25 илјади гласови во град Скопје, а над 50 илјади гласови на државно ниво, но и во многу општини има до сега невидени разлики, јасен е опозицискиот тренд во полза на ВМРО-ДПМНЕ. -Општините во кои победува ВМРО-ДПМНЕ се од карактер на урбани центри или градови кои имаат во 50,60,100 илјади гласачи значи зборуваме за Штип, за Велес, за Аеродром, за Ѓорче, за Гази Баба која има 90.000 жители, за Кисела Вода со 80.000 жители, центри кои носат огромен број на гласачи и таму има огромни разлики, затоа што победа во Аеродром со 10.000 гласови до сега не се има случено, победа во Кисела Вода со 7500 гласови до сега се нема случено, победа во Гази Баба со 8-9.000 гласови се нема случено, вели Димовски. Тој истакна дека може да се релативизира, но 10.000 гласови во Аеродром и 9.000 гласови во Гази Баба говори за една тенденција на гласачите во урбаните центри во прилог на ВМРО-ДПМНЕ. -Втора работа која сакам да ја потенцирам е дека денеска веќе ги има резултатите од советничките листи, на тие најсурово можеме да видиме каков е соодносот помеѓу политичките партии, разликата на ниво на град Скопје помеѓу ВМРО-ДПМНЕ и СДСМ е 25.000, на државно ниво разликата на советничките листи е некаде помеѓу 50-60 илјади гласови, истакна Димовски.