илија јовановски – Kurir.mk

Стоилковски: Дали Јовановски криминално дозволил семејна зграда за свој роднина?

Магдалена Андонова — Sun, 20 Feb 2022 11:48:37 +0000

СДСМ и Јавното обвинителство молчат за документиран криминал во Прилеп. Криминал за којшто директно е одговорен Илија Јованоски, поранешниот градоначалник од СДСМ во Прилеп. Ред се редат кривични, а јавните обвинители никаде ги нема глас да пуштат. Да потсетам, согласно закон, за соучество во дело се смета и со постапување но и со непостапување! Во вториот дел, како соучесништво, изјави на денешната прес конференција портпаролот на ВМРО-ДПМНЕ, Наум Стоилковски. Тој рече дека досега неколку пати посочиле јавно за случајот во Прилеп. - Јованоски прво на нелегален начин променил инвеститор на парцела во центарот на градот, за потоа новиот инвеститор, фирмата „Дино 99“, да изгради дивоградба објект, надвор од рамките на дозволениот проект и сето тоа е документирано од градежните инспектори од општината. Постапката во тој случај е јасна, решението за градба треба да биде ништовно. Но, наместо поништување, Илија Јованоски на нелегален начин дозволил да се изгради дивоградбата со обид за измена на проект во градба. Нормално, надвор од законот. Уште еднаш, честитки за градежните инспектори што документирале криминал и постапиле по закон, без разлика на притисоците на Јованоски, посочи Стоилковски. Тој додаде дека прашањата на коишто мора Јованоски да одговори се: Дали целиот овој криминал е направен затоа што сопственикот на инвеститорот „Дино 99“ е близок роднина на Илија Јованоски? Дали можеби ова требало да биде нова семејна зграда во Прилеп? Дали Јовановски во Прилеп криминално дозволил семејна зграда за свој роднина? - Пример за криминално водење на локална самоуправа беше Прилеп, како и за владеење на криминалот во градот. Локалните власти на СДСМ владееја по теркот на фамилијата од Струмица, да се земе сѐ и да се богатат на грбот на граѓаните. Но, ќе дојде ден кога ЈО и правосудниот систем ќе излезат од скутот на мафијата и правда ќе има за се’! Да не се повтори картели и фамилии да ја водат државата по принципот на СДСМ, дециден е Стоилковски.

Навивачите до Јовановски: Пренеси му на Заев, игра Република Македонија, а не Северна“

Предраг Кукиќ — Fri, 18 Jan 2019 18:37:08 +0000

Македонските навивачи со порака до градоначалникот на општина Прилеп Илија Јовановски кој ги следеше натпреварите на Македонската ракометна репрезентација во Минхен. Тие му порачаа да му пренесе на премиерот Зоран Заев дека игра Република Македонија, а не Северна.

ВМРО-ДПМНЕ ОК Прилеп: Гродоначалникот Јовановски нема намера да изгради театар ниту кој било друг проект кој го ветуваше пред изборите

Дарко Андоновски — Thu, 11 Jan 2018 12:22:02 +0000

Денешната прес конференција од ВМРО-ДПМНЕ ОК Прилеп ја започнаа со зборовите од изјавата на градоначалникот на Прилеп Илија Јовановски: „Она што прво ќе го направиме, и тоа во рок од 2 месеци, е што ќе обезбедиме електрична енергија за жителите од населбата „Три багреми“. Ќе го направиме и патот до населбата, а за скоро време ќе го решиме и проблемот со водоснабдувањето, односно ќе обезбедиме здрава и чиста вода за секое семејство“, -Во медиумите е објавен и текст во кој се истакнува дека Министерот Ибраимоски вели дека од градоначалникот на Прилеп добил уверување дека најдоцна до 31.12.2017 ќе биде поставена нова трафостаница, а ќе биде изграден и пристапниот пат до населбата „Три багреми“. Но, за жал поминаа повеќе од 2 месеци од ова дадено ветување, а нема ништо ни од започнување на негова реализација,ни од нова трафостаница, ни завршување на некој дел од проектот. Веднаш по овие изјави на Јованоски и Ибраимоски, ОК на ВМРО-ДПМНЕ реагиравме и кажавме дека ова е само една лага и дека ништо од ветувањата нема да биде реализирано, велат од ВМРО-ДПМНЕ ОК Прилеп. Од партијата потенцираат дека првиот ден од стапувањето на функцијата градоначалник, Илија Јованоски ги повика сите глумци и вработени во театарот во Прилеп и изјави дека тој ќе изгради нов театар. -Почитувани сограѓани и театарски работници, градоначалникот нема намера да изгради ни театар, ниту пак било кој друг проект кој го ветуваше пред изборите. Не за изградба, ами ниту за изработка на проект немаат предвидено средства во буџетот за оваа година. Ниту за театар, ниту за било што друго. Од завршувањето на локалните избори и од кога СДС ја води Локалната власт во Прилеп веќе изминуваат 4 месеци. Доволно време кое политичкиот противник и граѓаните треба да ги дадат на една нова власт за да може да покаже дали сака да работи во интерес на граѓаните и дали ќе започне со предизборните ветувања. Во овие месеци на неколку пати укажувавме на кршењето на законите од страна на актуелната Локална власт на чело со градоначалникот Јованоски, на тоа дека лагите кои ги ветуваа во предизборието треба да започнат да ги реализираат ,со надеж дека ќе им проработи свеста и совеста, истакнаа од партијата. Од ВМРО-ДПМНЕ ОК Прилеп велат и дека затоа што не им проработува ни свеста, ни совеста, ќе започнеме со откривање на сите незаконите дејствија направени од страна на СДС во Прилеп и градоначалникот Јованоски. Тоа заслужуваат да го знаат граѓаните на Прилеп, а особено тие кои веруваа во лажните ветувања на СДС.