Мицотакис: Илинденска Македонија е олицетворение на иредентизмот

Ивона Петрова — Mon, 21 May 2018 07:43:15 +0000

Илинден и илинденското востание се идентификуваат со македонскиот иредентизам, смета лидерот на грчката опозициска Нова демократија Киријакос Мицотакис и вели дека неговата партија никогаш нема да го прифати ова име. Мицотакис при посетата на грчкиот остров Крф ги спомена и преговорите за името и новиот предлог, јави дописничката на МИА од Атина. - Во изминатите денови слушнавме и јас лично бев избрифиран, дека се разговара за име на Скопје, за името „Илинденска Македонија“. Значи, да разјасниме одредени прашања за оние кои се чини дека не ја познаваат добро нашата историја. Илинденското востание и името на Илинден се идентификуваат со македонскиот иредентизам. Тоа е име што беше идентификувано со националистичко востание, кое тогаш, како централен слоган, го имаше Македонија на Македонците и формирање на една голема Македонија, со главен град Солун. Со други зборови, истото име за кое разговараше и веројатно уште разговара Ципрас, е олицетворение на иредентизмот, рече Мицотакис и додаде дека му се чини дека „секогаш кога Ципрас преговара ноќе и сам, е опасен за националните интереси, изјави Мицотакис. Претседателот на грчката конзервативна партија одново ги спомена позициите на Нова демократија за ерга омес име и уставна ревизија како предуслов за било кое решение и го повтори ставот дека тие нема да го прифатат конкретното име. - Навистина се надевам, иако господинот Ципрас уште не не известил, дека ова име веќе го отфрли како неприфатливо, бидејќи ја навредува историјата на нашата земја и кое под никакви околности не може да биде прифатено, додаде лидерот на Нова демократија. Како што веќе објави МИА, од опозициската партија во петокот соопштија дека „Алекис Ципрас телефонски го брифираше претседателот на Нова демократија, Киријакос Мицотакис дека со господинот Зоран Заев разговара за името Илинденска Македонија“ и го отфрлија конкретниот предлог. МИА

Република Илинденска Македонија не е прифатлив предлог за грчката опозиција

Дарко Андоновски — Sat, 19 May 2018 07:49:03 +0000

Премиерот Алексис Ципрас телефонски го брифираше претседателот на Нова демократија, Кирјакос Мицотакис дека со господинот Зоран Заев разговара за името „Илинденска Македонија“, соопштуваат од грчката опозициска партија. Како што јави дописничката на МИА од Атина, за Нова демократија, конкретното име не е прифатливо, затоа што било поврзано со создавање на македонска држава и нација што го вклучува и Солун. - Ова име историски и директно се поврзува со стремежот за создавање „македонска“ нација и држава што го вклучува Солун и се протега до Егејското море. Било какво споменување на Илинден во името на соседната земја, не само што не става крај на иредентизмот на Скопје, туку напротив го потврдува и го зајакнува. Затоа е неприфатливо дури и да се поставува како тема за дискусија, пишува во соопштението од грчката опозициска партија. (МИА)

илинденска македонија – Kurir.mk

Мицотакис: Илинденска Македонија е олицетворение на иредентизмот

Република Илинденска Македонија не е прифатлив предлог за грчката опозиција