илинденска – Kurir.mk

ФОТО: Приватните превозници ги паркираа автобусите на „Илинденска“, блокадата во тек

Ивона Петрова — Fri, 02 Dec 2022 06:18:01 +0000

Автобусите на приватните превозници од 6 часот утринава се паркирани на булеварот „Илинден“ од семаформите после Влада до „МИ-ДА“. Како што беше и најавено, блокирана е само десната лента од булеварот. – Добивме известување од организаторите на Златно славејче дека утре по три години повторно ќе се одржи фестивалот и ќе има посетители и од другите градови. Не замолија, протестот да го одложиме или нешто друго да се направи со цел тие да стигнат и да бидат присутни. Тоа е емпатија на којашто не можеме да останеме рамнодушни. Пренесов и одредени сугестии од граѓани кои посочија протестите да се одржат пред Град Скопје, бидејќи не мора сите граѓани да го трпат ова, изјави вчера директорот на „Слобода превоз“ Ленин Јовановски. Доколку блокадата нема исход, директорот на „Слобода превоз“ најави дека в понеделник, почнувајќи од 6 часот главниот град ќе биде целосно блокиран. – Ова е најава од приватните превозници дека можеби уште повеќе ќе се засилат и радикализираат протестите. Нервозата расте, загрижени се, ги пратат изјавите и состојбата е многу напната, затоа апелираме до сите институции, дури и државните, да се вклучат како медијатори во решавање на овој проблем, со цел оваа ситуација да не ескалира, истакна Јовановски. Ако градоначалничката се грижи за јавниот интерес, Јовановски вели дека во интерес на тоа ќе седнат заедно на маса и ќе изнајдат соодветно решение за излез од оваа криза. – Бројот на автобуси на приватните превозници е толку мал што ЈСП лесно може да се соочи и да го покрие тој вакуум. Вкупниот број на возила на „Слобода превоз“ што добиле изводи од лиценца да вршат превоз, е 131. Од она што го знам од „Мак-експрес“ е дека таму има 77 автобуси, што значи дека се вкупно 208 автобуси кои вршат превоз во Град Скопје, информираше Јовановски. Презентирајќи документите, Јовановски ја демантираше изјавата на директорот на ЈСП оти долгот не постои. Во однос на непродавање на билети во приватните автобуси, како причина ја наведе нефункционалноста на фискалните апарати. Од Град Скопје вчера соопштија дека го прекинуваат договорот со приватните превозници од „Слобода превоз“ поради неисполнување на обврски што произлегуваат од договорот. Од Градот апелираа до превозниците да ја ревидираат одлуката за блокада на Скопје, бидејќи, како што велат, со тоа нема да постигнат решение за проблемот. Исто така, од Градот најавија дека од следна недела ќе биде објавен јавен повик на кој ќе можат да се пријават сите приватни превозници, со цел поголема транспарентност на процесот и полесно разрешување на потенцијални проблеми. Првата блокада на приватните превозници се одржа на 28 ноември на крстосницата кај ТЦ „Мавровка“, кога околу 30 автобуси на „Слобода превоз“ и „Мак-експрес“ беа паркирани на булеварите „Гоце Делчев“ и „Крсте Петков Мисирков“, со барање „да им бидат исплатени долговите за да можат да почнат повторно со работа“.

Апсење денеска на Илинденска: Полицијата приведе 56 годишник, еве за што се работи

Магдалена Андонова — Wed, 05 Oct 2022 11:30:31 +0000

Денеска (05.10.2022) во 12.15 часот на бул.„Илинден“ во Скопје, полициски службеници од Оперативен тим потраги при СВР Скопје го лишиле од слобода З.В.(56) од Скопје. Тој бил баран по распишана централна потерница по наредба на Основен кривичен суд Скопје за издржување казна затвор од четири години за сторено кривично дело „криумчарење на мигранти“ по член 418-б од Кривичниот законик. Лицето ќе биде предадено на надлежната казнено - поправна установа за издржување на казната.

ФОТО: Автомобил заврши на средишното зеленило на „Илинденска“ и откорна дрво

Магдалена Андонова — Mon, 27 Dec 2021 19:54:16 +0000

Автомобил се качи на средишното зеленило на „Илинденска“ по што откорна дрво. Нема информации како дошла до несреќата. Полицијата во моментов е на лице место и врши увид.

ИЗБЕГНУВАЈТЕ ГО ОВОЈ ДЕЛ ОД СКОПЈЕ – невиден сообраќаен хаос на „Илинденска“ (ФОТО)

Магдалена Андонова — Mon, 08 Feb 2021 12:23:02 +0000

Познато е дека настанува општ сообраќаен хаос во Скопје при првото паѓање на дожд. Овој пат, дождот предизвика огромен хаос на улица „Илинденска“ на самата раскрсница кај салонот за автомобили „Мида“. Според фотографијата испратена до редакцијата на Курир, јасно може да се види дека огромен број на автомобили се заглавени на самата раскрсница и дека има колона од автомобили по улиците. Неработењето на семафорите доведе дополнителен хаос во сообраќајот.

Тројца повредени во тешка сообраќајка на „Илинденска“

Ивона Петрова — Mon, 31 Aug 2020 10:01:15 +0000

Три лица од кои едно потешко се повредени во сообраќајна несреќа која вчера попладне се случила на крстосницата од бул.„Илинден“ и сервисна улица која води кон објект на град Скопје. Во несреќата учествувале автомобил „Мерцедес“ со скопски регистарски ознаки, управуван од М.С.(46) од Скопје и мопед „бенели“ со скопски регистарски ознаки, управуван од Џ.Џ.(27) од Скопје. -Во незгодата со тешки телесни повреди се здобил сопатникот на мопедот Б.М.(30) од Скопје, а со телесни повреди се здобиле возачот на мопедот и сопатничка од возилото Ц.С.(43) од Скопје, констатирани во Комплексот клиники „Мајка Тереза“ и Градската општа болница „Св.Наум Охридски“, посочуваат од полицијата. Извршен бил увид на местото на настанот од увидна екипа од СВР Скопје.

Трајановски: Кристофер Хил беше во Скопје кога ја направивме Илинденска, мислеше сме ја промашиле улицата која води до поранешната амбасада

Тале Кристо — Fri, 22 Nov 2019 19:37:16 +0000

Екс градоначалникот на Скопје од редовите на ВМРО-ДПМНЕ, Коце Трајановски како свој проект првенец како градоначалник во гостувањето во емисијата Јади Бурек на телевизија Сонце истакна дека еден од проектите на кои најмногу се гордее како градоначалник е изгрдбата на булеварот Илинденска. Тој спомена една анегдота поврзана со поранешниот амбасадор на САД во Македонија, Кристофер Хил кој по изградбата на амбасадата на Калето и завршувањето на неговиот мандат во Македонија при посета на нашата држава посакал повторно да ја види локацијата на старата амбасада. Патувајќи кон локацијата на старата амбасада на САД, Хил во еден момент помислил дека е промашена локацијата на што Трајановски му одговорил дека локацијата е точна, но многу е променето и изградено во Скопје вклучувајќи ја и Илинденска на која се наоѓаше некогашната американската амбасада. Тој говореше и за низа други проекти како подигнувањето на стандардите во Скопската зоолошка градина која е под ингеренција на Град Скопје, но и некогашната црна точка во Скопје каде се случуваа голем број сообраќајни несреќи, во близина на католичката црква во Скопје. Таму претходната локална власт изгради кружен тек со што бројот на сообраќајни несреќи на оваа локација значително се намали.

Дел од „Илинденска“ затворена за сообраќај утре и задутре

Ивана Ефремовски — Tue, 10 Sep 2019 13:10:45 +0000

На 11 и 12.09.2019 (среда и четврток) во времето од 21:00 до 06:00 часот, на булеварот „Илинден“ во близина на Градскиот парк, во организација на ДФПУ„ВЕРТИГО ВИСУАЛ“ ДОО, Скопје, ќе се одржи настан - снимање на филм. Од тие причини Одделението за безбедност на патниот сообраќај во наведениот период ќе преземе мерки за посебен режим на сообраќајот при што сообраќајот ќе се пренасочува по околните сообраќајници. МВР апелира до граѓаните да ги почитуваат наредбите што ги издаваат полициските службеници по сообраќајниците по кои ќе се одвива настанот

Детали за сообраќајката на Илинденска, прегазените пешаци тешко повредени

Ивона Петрова — Thu, 05 Sep 2019 08:48:27 +0000

Четворица пешаци и мотоциклист се повреди во сообраќајна несреќа која вчера се случи на булеварот „Илинден“ . Од МВР информираат дека мотоцикл „БМВ“ со скопски регистарски ознаки, управуван од Д.П.(38) од Скопје, удрил во пешаците К.Д.(76), В.Д.К.(46), С.Т.(45) и Л.К.(50), сите од Скопје. -Во незгодата пешаците се здобиле со тешки телесни повреди, додека мотоциклистот се здобил со телесни повреди. К.Д била пренесена во комплексот клиники „Мајка Тереза“, В.Д.К. и С.Т. биле пренесени во градската општа болница „Св. Наум Охридски“, Л.К. била пренесена во градската општа болница „8-ми Септември“, мотоциклистот бил пренесен во комплексот клинки „Мајка Тереза“, велат од полицијата. Увид на местото на настанот извршила увидна екипа од СВР Скопје.

Затворен булеварот Илинден- еве ја причината

Предраг Кукиќ — Sat, 11 May 2019 07:26:05 +0000

Министерството за внатрешни работи информира дека денеска на дел од булеварот„Илинден“, од крстосница со улицата „Аминта 3-ти“ до крстосницата со пристапната улица за влез во објектот на Град Скопје, ќе има посебен режим на сообраќајот. Посебниот сообраќаен режим е поради одржувањето на манифестацијата „Авто Плус Стрит Шоу“. Сообраќајот ќе се пренасочува по околните сообраќајници. МВР апелира граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Сообраќајот блокиран: Утрово сообраќајна несреќа на „Илинденска“ (ФОТО)

Дарко Андоновски — Fri, 02 Nov 2018 09:14:08 +0000

Изутринава на булеварот Илинден во Скопје се случи сообраќајна несреќа меѓу мотоцикл и автомобил, објавува Алсат-М. Булеварот е затворен за сообраќај па советуваме да ја заобиколите оваа скопска делница.