Илкај Гундоган – Kurir.mk

Нагелсман нема да му ја врати капитенската лента на Ноер

Ивона Петрова — Wed, 18 Oct 2023 11:10:03 +0000

Селекторот на Германија, Јулијан Нагелсман изјави дека играчот од средниот ред Илкај Гундоган ќе остане капитен на националниот тим, без оглед на евентуалното враќање на Мануел Ноер. - Илкај ќе остане капитен. Важно е да имаме континуитет, го цитира „Билд“ Нагелсман. Од 2016 година капитен на репрезентацијата беше голманот на Баерн, Мануел Ноер. Триесет и седумгодишниот голман поради повреда нема играно од минатата година. Гундоган ја доби капитенската лента во репрезентацијата во септември годинава. Германците кои се наоѓаат на турнеја во САД, ноќеска во Филаделфија одиграа 2:2 во контролен натпревар со Мексико.

Гундоган: Сакам да ја вратам Барса на врвот во Европа

Ивона Петрова — Wed, 19 Jul 2023 07:26:22 +0000

Шпанскиот фудбалски шампион Барселона го промовира новиот свој играч, Илкај Гундоган. Тој на презентацијата зборуваше за амбициите во новата средина. - Сакам да ја вратам Барса на врвот во Европа. Можноста да се приклучите на овој тим е извор на гордост и чест. Лигата на шампионите е магичен, многу посебен турнир. Има многу тенка линија помеѓу испаѓање и напредување, но нашиот тим е способен да се бори и да се обиде да стигне што подалеку. Се обидував неколку години да ја освојам Лигата на шампионите во Манчестер сити. Пред неколку месеци, конечно сфатив како треба. Се надевам дека ова искуство ќе ми овозможи да и помогнам на Барселона во походот кон европскиот трон, рече Гундоган. Освен во Сити, Гундоган има настапувано и за Борусија Дортмунд, Нирнберг и Бохум.

ОФИЦИЈАЛНО: Гундоган е нов фудбалер на Барселона

Ристе Здравков — Mon, 26 Jun 2023 08:34:46 +0000

Илкај Гундоган е нов играч на Барселона, потврдија од каталонскиот гигант. Германскиот играч за врска се обврза со каталонскиот клуб на две сезони плус една дополнителна и ќе има откупна клаузула од 500 милиони. Директорот на Барселона, Матео Алемина во средата ја затвори операцијата во Минхен. Гундоган ги мина лекарските преглед по што стави потпис на договорот со каталонската гордост. Гундоган, кој оваа сезона ја освои тројната круна со Манчестер Сити, ги одби сите понуди кои покрај Сити стигнаа и од Арсенал и од клубови од Саудиска Арабија поради големата желба да го носи дресот на Барселона.

💙❤ ¡@ilkayguendogan es CULER! pic.twitter.com/kwWZt82yxc
— FC Barcelona (@FCBarcelona_es) June 26, 2023

ПСЖ ѝ го краде Гундоган на Барселона?

Ристе Здравков — Fri, 09 Jun 2023 10:45:48 +0000

Капитенот на Манчестер Сити, Илкај Гундоган е слободен фудбалер по крајот на сезоната и најверојатно ќе ја смени средината. „Мундо Депортиво“ пишуваше дека Гундоган веќе се договорил со Барселона и како ново засилување на Каталонците ќе биде промовиран откако ќе заврши финалето во Лигата на шампионите. Но, „Л'Екип“ има друга приказна, францускиот весник тврди дека ПСЖ се пуштил во офанзива по потписот на Гундоган и има намера да ѝ го украде на Барселона. ПСЖ му нуди значително поголема плата на Гундоган од таа што би ја имал во Барселона. Тоа е главниот адут на Французите.

Артета со засилување од Манчестер Сити за наредната сезона

Бошко Тасиќ — Tue, 23 May 2023 04:42:41 +0000

Шампионот и вицешампионот на Премиерлигата за сезоната 2022/23, Манчестер Сити и Арсенал ќе претрпат промени на средината на теренот ова лето, но се исклучува можноста фудбалер кој сега го носи „синиот“ дрес наскоро да го облече „црвениот“. Станува збор за Икај Гундоган чиј договор истекува на крајот на сезоната и тој со сигурност го напушта „Етихад“, но и покрај тоа што прва опција за премин останува Барселона. Германецот беше еден од клучните играчи на Манчестер Сити оваа сезона, а со оглед на неговото искуство треба да донесе стабилност и во составот на „топџиите“. Гундоган треба да биде замена за Гранит Џака кој е пред договор со Баер Леверкузен, а покрај Германецот на „Емирати“ се очекува и пристигнување на Деклан Рајс кој конечно е слободен за заминување од Вест Хем. Проблем за ангажман на Англичанецот сепак останува цената за која „чекичарите“ инсистираат на 150 милиони евра.

Барселона постигна вербален договор со Гундоган

Дарко Андоновски — Sat, 20 May 2023 08:42:13 +0000

Барселона е уверена дека на крајот од сезоната ќе го ангажира играчот од средниот ред на Манчестер сити, Илкај Гундоган, информира „Sport.es“. Каталонскиот клуб веќе постигнал вербален договор со 32-годишниот играч. Германскиот фудбалер се согласи да и се приклучи на Барселона пред почетокот на новата сезона на тригодишен договор. Манчестер сити му понуди на Гундоган продолжување на договорот, но фудбалерот е заинтересиран за нов предизвик по седум години минати во Манчестер и се надева дека следната сезона ќе игра на „Камп Ноу“. Тренерот на Сити, Хосеп Гвардиола претходно изрази надеж дека Гундоган ќе остане во клубот. Гундоган настапува за Манчестер сити од јули 2016 година, неговиот договор е со важност до крајот на јуни 2023 година. Сезонава има 47 настапи во сите натпреварувања, постигнувајќи девет голови и седум асистенции.

Барселона подготвува двегодишен договор за Гундоган

Ивона Петрова — Wed, 19 Apr 2023 16:43:45 +0000

Раководството на Барселона подготвува договор на две години за фудбалерот на Манчестер сити, Илкај Гундоган, кој во шпанскиот клуб би можел да премине без обесштетување. Гундоган има договор со Сити со крајот на сезоната, а 32-годишниот германски репрезентативец разгледува понуди и од други клубови. Како што пренесува денеска весникот Тајмс, раководството на Барселона му нуди на Гундоган двегодишен договор со опција за продолжување на соработката за уште една сезона. Гундоган во 2016 година дојде во Манчестер сити од Борусија Дортмунд и за англискиот клуб одигра 293 натпревари на кои постигна 54 голови.

Гундоган од наредната сезона во Барселона

Бошко Тасиќ — Fri, 14 Apr 2023 15:38:16 +0000

Шпанскиот фудбалски гигант Барселона постигнала договор со Илкај Гундоган. Каталонски „Спорт“, тврди дека германскиот репрезентативец како слободен играч ќе се пресели на „Камп Ноу“. Барселона по седум години ќе ја оствари желбата и ќе го донесе Гундоган на „Ноу Камп“. Кога ја напушташе Борусија Дортмунд, менаџерот на фудбалерот преговараше со Барселона и со Манчестер сити, на крајот ја прифати понудата од Англија. „Спрот“, тврди дека во февруари, стрикото на Гундоган, кој воедно е и негов менаџер, го договорил трансферот. Според овој извор, фудбалерот ќе во Барселона ќе има поголема плата од онаа што ја има во Сити. Наводно, годишната бруто плата на Губдоган ќе изнесува околу 12.000.000 евра, кога ќе се одбијат даноците сумата изнесува 7.000.000 евра. Неговата брути плата во Манчестер сити се движи помеѓу 8. и 9.000.000 евра.

Гундоган веќе има договор со Барселона

Бошко Тасиќ — Sat, 21 Jan 2023 07:39:14 +0000

Илкај Гундоган од наредната сезона ќе го носи дресот на Барселона откако германскиот интернационалец се договорил за преселба на „Камп Ноу“ како слободен играч, по истекот на неговиот договор со Манчестер Сити. Гундоган ја игра седмата сезона во дресот на Сити, тој беше првото засилување на клубот во ерата на Пеп Гвардиола и досега има 278 натпревари во дресот на „граѓаните“, но Германецот веќе донесе одлука да не потпишува нов договор и летово да си замине од „Етихад“.

Гундоган се сели во Барселона

Ивона Петрова — Fri, 20 Jan 2023 13:06:06 +0000

Фудбалерот на Манчестер сити и германски репрезентативец Илкај Гундоган одлучи да ја продолжи кариерата во Барселона, објавија денеска дел од британските медиуми. Гундоган има договор со актуелниот англиски шампион до крајот на сезоната. Британскиот весник „Сан“ пишува дека германскиот репрезентативец ги прецизирал сите услови од договорот со Барселона и на каталонскиот гигант би му се приклучил без обесштетување. Гундоган (32) го носи дресот на Сити од 2016 година, а претходно настапуваше за Борусија Дортмунд, Нирнберг и Бохум. За Манчестер сити досега одигра 279 натпревари и постигна 51 голови.