име – Kurir.mk

Емина Јаховиќ со децении е позната под ова име и презиме – малкумина знаат што пишува во нејзината лична карта, ова име го крие далеку од сите!

Дарко Андоновски — Fri, 14 Jul 2023 07:03:48 +0000

Пејачката Емина Јаховиќ е популарна под ова име и презиме, а скоро и да не се знае дека пишува нешто друго во нејзините документи. Под ова име Емина е позната не само во Србија, туку и во Турција, каде што беше во брак со големата тамошна ѕвезда Мустафа Сандал, по што и самата стекна голема популарност.

View this post on Instagram

A post shared by Emina Jahovic (@yaemina)

Сепак, малку е познато дека Јаховиќ го променила името на самиот почеток на кариерата, и воопшто не се викала Емина. Пред да го смени името, се викала Емилија Јаховиќ. Сепак, пејачката одлучила тоа да не биде нејзиното уметничко име. Сепак, додека таа целосно го смени името за јавноста, на нејзината лична карта пишува Емилија Емина Јаховиќ.

View this post on Instagram

A post shared by Emina Jahovic (@yaemina)

Да потсетиме, пејачката отсекогаш сакала да биде позната, па за време на средното училиште хонорарно работеше на ТВ Нови Пазар каде ја водеше временската прогноза, а неодамна откри и колку време не јадела.

View this post on Instagram

A post shared by Emina Jahovic (@yaemina)

Десет имиња кои се забранети во светот, вака не може да го крстите детето

Ивона Петрова — Fri, 07 Jul 2023 10:15:21 +0000

Моментот кога парот ќе дознае дека ќе станат родители е исполнет со емоции. Но, изборот на име може да биде покомплициран отколку што мислите бидејќи постојат одредени законски ограничувања. Ако случајно живеете во САД, ќе имате апсолутна слобода во изборот на име. Секако, можеби нема да сакате вашето дете да има тотално „лудо“ име, но тоа е во рамките на вашите права. На пример, во Њу Џерси родителите можат да дадат какво име сакаат, доколку тоа не е непристојно и не содржи бројки или симболи, пишува порталот „Travel and Leisure“. И додека во САД ги имате овие слободи, од друга страна, во другите делови на светот ситуацијата е поограничена. Еве 10 интересни имиња за деца кои се забранети во некои земји. Нутела е забранета во Франција Со извинување до сите љубители на чоколадото, името Нутела е забрането во Франција. Во 2015 година, францускиот суд им забрани на родителите да ја именуваат својата ќерка по овој познат бренд. Нејзиното име сега е Ела. Има само една ИКЕА во Шведска Можеби сте голем обожавател на производите на Икеа, но тоа не ви дава право така да го именувате детето. Акума не е преферирано име во Јапонија Акума на јапонски значи „ѓавол“. Иако не е целосно забранет, властите ги охрабруваат родителите на своите деца да им дадат посоодветни имиња. Заборавете на Луцифер во Нов Зеланд За разлика од Јапонија каде името што значи „ѓавол“ не е строго забрането, тоа е непожелно, во Нов Зеланд името Луцифер, како и голем број други потенцијално навредливи имиња, е апсолутно забрането. Во Мексико не може да ве викаат Робокап или Фејсбук Мексико ги забрани имињата Robocap и Facebook со изговор дека поттикнуваат насилство. Во Португалија не се дозволени скратени имиња и прекари Во оваа состојба, може да се викате Томас, на пример, но не и Том или Тома. Скратените форми на имиња, како официјалните полни имиња, не се дозволени. Јаболка, но нема ниту дуња, цреши и јагоди во Малезија Малезија има прилично строги правила за имиња. Интересно е што властите на оваа земја во 2006 година „избркаа“ бројни прекари и имиња со значење на овошје или зеленчук. Во Италија, Венерди (петок) може да биде само ден во неделата Кога еден маж се обидел да ја именува својата ќерка Венерда, што на италијански значи петок, му било кажано дека не може. Официјалните лица сметаа дека името спаѓа во категоријата „смешни или срамни“ имиња. Гучи, Мерцедес и Шанел „не постојат“ во Швајцарија А Швајцарија има некои строги правила за именување. Така, не можете да именувате дете по веќе постоечки бренд. Линда е апсолутно забранета во Саудиска Арабија Во 2015 година, владата на Саудиска Арабија забрани голем број имиња кои ги сметаа за навредливи, вклучувајќи го и името Линда. Во Македонија личното име на детето го определуваат родителите спогодбено. Во случаите кога родителите не се спогодат во определувањето на личното име на детето или се непознати, личното име на детето го определува надлежниот орган за старателство, односно старателот со согласност од надлежниот орган за старателство.

Со МОЌНО значење: Ова име има муслиманско потекло, а Македонците често им го даваат на своите ќерки

Ивана Ефремовски — Wed, 15 Feb 2023 19:36:02 +0000

Во Македонија со години се забележува тренд на пократки и необични имиња, додека некои традиционални речиси целосно заминаа во заборав. Меѓутоа, кај нас често се сетнува и ова име со арапско потекло. Имено, многу родители мислат дека се работи за стари македонски имиња, бидејќи меѓу нивните предци најчесто имале некој со тоа име, не знаејќи дека многу грешат. Така денес многу често можеме да слушнеме дека на девојчињата им се дава името - Сара. Според различни пишани извори, тоа е од хебрејско потекло и е поврзано со сопругата и полусестрата на Авраам. Од друга страна, тоа е опишано и во светата муслиманска книга наречена Куран. Во оригиналот е напишано како Сарај, Шарај или Сарах. Значењето на името Сара Преведено од хебрејски јазик, тоа значи силна жена која доминира, владее и управува. Исто така, опишува дама со висока општествена положба, библиска личност, гласник од Бога - светост.

Здружението „Цар Борис Трети“ од Охрид поднело барање за промена на името

Тале Кристо — Wed, 15 Feb 2023 12:58:26 +0000

Здружението од Охрид „Цар Борис Трети“ има поднесено барање до Централниот регистар за промена на името согласно измените во Законот за здруженија и фондации. Од Културниот центар „Иван Михајлов“ од Битола, пак, на ден пред истекот на рокот, се уште немаат доставено барање за измени. Од Централниот регистар за МИА потврдија дека на 10 февруари е доставен допис со барање за усогласување на работата на Здружение за афирмација на културните вредности на македонските Бугари „Цар Борис Трети“ Охрид и дека постапката è во тек. За здружението „Иван Михајлов“ од Битола досега не е поднесено барање. Според постечката легислатива, доколку двата клуба не го сменат името, треба да заседава владината Комисија и да донесе став, што потоа треба да биде доставен до Министерството за правда и врз основа на тоа министерот да донесе одлука. Доколку одлуката е негативна, здружението треба да биде избришано од Централниот регистар. Според измените на Законот за здруженија и фондации усвоени во ноември 2022 година, се забранува граѓански здруженија, фондации и политички партии да користат имиња, прекари, псевдоними кои се поврзани со фашизам, нацизам, геноцид, третиот рајх и сл. Законот е со ретроактивно дејство и се однесува на веќе регистрираните здруженија и фондации и предвидува оние што нема да постапат според наведените измени, да се бришат од регистарот откако одлука ќе донесе министерот за правда. Со измените се уредува дека „како име или назив на здружение не можат да бидат употребени имиња што по која било основа во минатото се поврзани со расна, верска, национална, етничка и друга нетрпеливост, нетолеранција, омраза, геноцид, екстремизам, ширење или поддршка на фашизам, нацизам, националсоцијализам и третиот рајх. Ако во името на здружението е содржано такво име, одобрение дава министерот за правда, по препорака на Комисија која ќе биде формирана од министерот за правда со претставници на Министерството за култура, Институтот за национална историја, МАНУ и Министерството за правда“. Министерот за надворешни работи Бујар Османи,претходно денеска, се сретна со Ѓорѓи Трендафилов и со Љупчо Ѓоргиевски, претставници на различни организации на бугарската заедница во Северна Македонија при што биле размените мислења за прашања коишто ја засегаат бугарската заедница во Северна Македонија, предизвиците со кои се соочуваат здруженијата, како и можностите за подиректна и поинтензивна соработка со државата. -На средбата беше изразено задоволство од директниот пристап во размената на мислења, како и интенцијата за повторна средба и засилена динамика на комуникација, со цел подиректно вклучување на бугарската заедница и здруженијата кои нив ги претставуваат во рамките на редовната соработка на државата со граѓанскиот сектор, информираа од МНР.

ФОТО: По речиси една година, Кајли Џенер објави како се вика синот

Ивона Петрова — Sun, 22 Jan 2023 18:17:12 +0000

Инфлуенсерката Кајли Џенер на Инстаграм објави фотографии од синот што го доби со раперот Тревис Скот и го откри неговото име. „Aire“, напиша таа во описот на фотографиите кои досега собрале повеќе од 16 милиони лајкови. Момчето е родено во март минатата година. Кајли претходно во една од епизодите на реалното шоу Кардашијан изјави дека нејзиниот син се вика Волк, но потоа откри дека повеќе не и се допаѓа името. -Моравме брзо да го потпишеме изводот од матичната книга на родените, а штом го потпишав знаев дека најверојатно ќе му го сменам името. Едноставно не му одговара“, рече таа. Потсетуваме, пред неколку дена беше објавено дека Кајли и Тревис решиле да ја прекинат врската. Двајцата ја имаат и четиригодишната ќерка Сторми.

ФИНА го смени името на организацијата во Светско пливање

Тале Кристо — Tue, 13 Dec 2022 16:43:45 +0000

„Светско пливање“ е новото име на светската организација во пливачки спортови која од 1908 година до денес беше позната како Меѓународна пливачка федерација (ФИНА). Одлуката за промена на името е донесе на вонреден конгрес на Извршниот одбор на организацијата во Мелбурн. Слична промена пред три години направи и светската атлетска организација која дотогаш беше позната под името Меѓународна федерација на атлетски спортови (ИААФ), а денес делува под името „Светска атлетика“. Претседателот на Светското пливање Хусаин Ал – Мусалам рече дека отсега за прв пат сите спортисти кои се занимаваат со пливачки спортови ќе бидат обединети „под еден бренд“. „Потребно ни е име кое го претставува целото семејство на ФИНА, име кое со гордост ќе можат да го користат нашите претставници од уметничкото пливање, скокачите во вода и ватерполистите“, изјави Ал – Мусалам.

Седум месеци по раѓањето на синот, тој се уште нема име – ријалити ѕвездата остава детето кога ќе порасне само да си одлучи како ќе се вика

Дарко Андоновски — Wed, 05 Oct 2022 07:48:47 +0000

Кајли Џенер ја потсети јавноста дека нејзиниот седуммесечен син се уште нема име. Момчето се родило во февруари, а иако Кајли и нејзиното момче Тревис Скот имале намера да го именуваат Волф, но тие брзо се предомислиле. Поминаа седум месеци од неговото раѓање, а нивното второ дете допрва треба да се именува. За време на втората сезона на реалното шоу Кардашијан, Кајли се отвори за името на нејзиниот син и откри дека неговото легално име е сепак Волф Вебстер, иако сакала да го промени. Како што откри таа, почувствувала притисок за да го именува бебето и се согласила на Волф, име кое ѝ го предложила нејзината сестра Клои претходниот ден. Името на почетокот ѝ се допаднало, но како што одминувало времето сѐ помалку ѝ се чинело дека го избрала вистинското име. Сега таа објасни зошто се уште не е законски сменето името и зошто не ѝ открива на јавноста какво име би можеле да му дадат на момчето. „Навистина немавме име. Мислев дека ќе ни падне на памет кога ќе го видиме. Но, не“, рече Кајли, додавајќи дека го именувала Волф кога морала да го потпише изводот на родени бидејќи „чувствувала притисок“. „Го нарековме Волф и веднаш откако го потпишав изводот на родените, си помислив: Што направив?“ рече таа и откри дека Тревис постојано размислувал за името. „Тревис веќе го смени името неколку пати. Му се допаѓа, а потоа утре сака повторно да го смени. А јас реков: Не можеме да го правиме ова повторно“, рече таа и се пошегува дека сега го чекаат „малиот еден да порасне и да си даде име.“

Турција официјално го промени името

Ивона Петрова — Fri, 03 Jun 2022 06:25:09 +0000

Обединетите Нации го усвоија официјалното барање на Анкара, со што за нив, Турција отсега ќе биде Туркије (Türkiye). Од неколку меѓународни организации ќе се бара да го променат името на земјата, согласно со иницијативата што минатата година ја покрена турскиот претседател Реџеп Тајип Ердоган. – Името Туркије ги претставува и изразува културата, цивилизацијата и вредностите на турската нација на најдобар начин, истакна Ердоган минатата година. Мнозинството граѓани веќе ја нарекуваат својата земја Туркије. Но, често се користи и англиската верзија на името, Турки (Turkey), вклучително и во самата земја. Државната телевизија ТРТ во декември ја наведе недобрата конотација на името на англиски јазик, наведувајќи дека се однесува, или на „голема птица што потекнува од Северна Америка“ или на тоа „кога нешто ќе тргне на лошо“. Турки на англиски јазик значи мисирка.

Tурција сака официјално да го промени името

Ристе Здравков — Tue, 31 May 2022 14:05:41 +0000

Турција официјално од Обединетите нации и другите меѓународни организации да го промени името на земјата во Türkiye (Туркие), изјави во вторникот министерот за надворешни работи Мевлут Чавушоглу. Анкара ќе испрати официјален допис до сите меѓународни фактори и очекува промената да стана официјална од следната седмица, рече Чавушоглу за новинската агенција Anadolu. Додаде дека ОН се „подготвени“ за промената, а Анкара ја поттикнува промената во Туркие од англизираната верзија Турки во поголемиот дел од својата меѓународна коресподенција, вклучително и во пренесувањето на надворешнополитичките вести. Потегот за преименувањето на земјата следеше по декретот кој во декември го донесе турскиот претседател Реџеп Тајип Ердоган во англискиот, францускиот и германскиот, меѓу другите јазици, да се мине на називот Туркие (Türkiye), вклучително и при означувањето на извозните производи. „Називот Türkiye ги претставува и изразува културата, цивилизацијата и вредностите на турската нација на најдобар начин“, беше објавено тогаш во декретот на Ердоган. Јавната телевизија TRT ги наведе во прилогот во декември дека „неласкавите“ конотации на називот Турки на англиски јазик, наведувајќи дека или се односи на „голема птица којашто потекнува од Северна Америка“ или „кога нешто многу ќе тргне лошо“.

Лепа Брена си ја отвори душата – раскажа дали се срами од своето име, никогаш нема да претпоставите како ја вика сопругот веќе 30 години

Дарко Андоновски — Thu, 19 May 2022 09:33:17 +0000

Нејзиното вистинско име е Фахрета Јахиќ, но веќе со децении за повеќето луѓе таа е позната како Лепа Брена. Некои ја обожаваат како Брена, некои пак и приговараат дека не го користи доволно своето вистинско име и дека се срами од него и од своите босански корени. Во интервју за Avaz.ba, балканската фолк-дива, зборува кога е Брена, а кога Фахрета. „Мене цел живот ме знаат како Брена, подоцна дојде префиксот Лепа. Се разбира, се потпишувам како Фахрета бидејќи во пасошот стои моето вистинско име. Брена е мојот бренд, дури и мојот сопруг ме вика Брена, пријателите исто така. Единствено мојот покоен татко и мајка ми бе викаа Фахрета, Фахретица. Моето вистинско име остана само уште во службените документи. Се друго презеде Лепа Брена“ – појаснува славната пејачка.

View this post on Instagram

A post shared by Lepa Brena (@lepabrenaa)

Во истото интервју Лепа Брена која е родена во муслиманско семејство од Брчко, одговори и на прашањето дали се срами од своето потекло. „Луѓето на овие простори склони се на тоа постојано некому нешто да докажуваат и да се занимаваат со фамата, а не со суштината. Не гледам зошто некому би му се правдала за работи кои се јасни како ден. Родена сум во Босна и тоа е една битна точка во мојата биографија. Се викам Фахрета и имам прекрасно име. Но, исто така сите ме знаат како Брена. А, најважно од се е што сите ме знаат како уметник кој во целиот регион постави стандарди кога разговараме за шоу бизнисот“ – истакнува Лепа Брена.

View this post on Instagram

A post shared by Lepa Brena (@lepabrenaa)

Најпознатата пејачка на балканските простори веќе три децении е во брак со поранешниот тениски ас Слободан Боба Живојиновиќ и имаат двајца синови – Стефан и Виктор.