имобиле – Kurir.mk

Лацио го наградува Имобиле со нов договор и капитенската лента

Тале Кристо — Tue, 05 May 2020 16:17:29 +0000

Лацио има намера да го награди Чиро Имобиле за неговата исклучително силна сезона со нов договор и капитенската екипа, пишува „Газета Дело Спорт“. Напаѓачот сака да ја заврши кариерата во Рим, а клубот е подготвен да ја исполни неговата желба. Управата ќе му понуди договор до летото 2025 година, кога Имобиле ќе наполни 35 години. Актуелниот капитен на тимот, Сенад Лулиќ ќе ја предаде лентата, штом договорот на 34-годишниот Бошњак ќе истече на крајот на сезоната. Во овој шампионат, италијанскиот репрезентативец има импресивни 27 голови и 7 асистенции на 26 натпревари, учествувајќи во 93% од натпреварите на Лацио во Серија „А“.

Имобиле се согласи за нов договор со Лацио

Ристе Здравков — Mon, 17 Sep 2018 11:15:49 +0000

Напаѓачот на Лацио, Чиро Имобиле е близу до продолжување на договорот со клубот. Како што објави „Газета дело Спорт“, римскиот клуб постигна прелиминарен договор со играчот за потпишување нов договор. Според информациите од Рим, Имобиле со новиот договор ќе заработува три милиони евра годишно. Поранешниот напаѓач на Борусија Дортмунд и Севиља за Лацио има одиграно 92 натпревари и постигнато 68 гола.

Лацио му ја зголемува платата на Имобиле за 700 илјади евра

Ристе Здравков — Wed, 22 Aug 2018 09:36:44 +0000

Калчолигашот Лацио ќе го продолжи договорот со напаѓачот Чиро Имобили, објави „Газета Дело Спорт“. Според италијанскиот весник, 28-годишниот Имобиле ќе потпише договор со важност до 2023 година. Платата на напаѓачот ќе се зголеми од 2,5 на 3,2 милиони евра годишно. Имобиле настапува за Лацио од 2016 година. Минатата сезона тој одигра 47 натпревари за римскиот клуб и постигна 41 гол.