имот – Kurir.mk

Скопјанец сакал да направи дрска измама, еве како довел стара сосетка во заблуда

Ивана Ефремовски — Wed, 02 Aug 2023 14:19:44 +0000

На 01.08.2023 во 21:00 часот на подрачјето на Кисела Вода полициски службеници го лишиле од слобода С.М.(55) од Скопје, постапувајќи по пријава според која тој, прикажувајќи ѝ лажни факти на неговата 77-годишна сосетка, која имала здравствени проблеми и за која требало да се грижи, ја довел во заблуда и ја измамил да потпише лист со текст за наводна купопродажба на имотот. Во суштина, тоа претставувал договор за солемнизација на целиот имот и банкарските сметки, со цел да ги префрли на свое име и да се стекне со противправна имотна корист, додека ја држел затворена во нејзиниот дом. По целосно документирање на случајот против него ќе следува соодветна пријава.

ВЕСНА ЗМИЈАНАЦ ПО ОПЕРАЦИЈАТА ИМА СИЛНИ БОЛКИ – вработила луѓе да и помагаат на огромниот имот на село, не може сама да ги заврши овие работи!

Дарко Андоновски — Thu, 20 Jul 2023 09:10:15 +0000

Пејачката Весна Змијанац имаше операција на срцето во март оваа година кога на неа и е вграден бајпас, а поради тоа на својот имот на село вработила една жена и маж. Жената е тука да и ја чисти и одржува куќата, а мажот да го одржува дворот. -После операцијата Весна не смее да се замара. Додатен проблем и претставува и тоа што имала силни болки во левата нога и не може убаво да оди, па се труди што повеќе време да мирува. Ќерката Николија ја молела да најде луѓе кои ќе и помагаат додека е на имотот во село, бидејќи здравствената состојба не и е наивна. Имотот освен тоа е огромен и има голем двор, нива, овоштарник. Весна сите овие години сама се грижеше за се, но веќе не може, вели извор за српските медиуми.

View this post on Instagram

A post shared by Vesna Zmijanac (@vesna_zmijanac_official)

Таа вработила маж и жена кои се грижат се да биде на свое место на имотот кои е буквално огромен, а пејачката го има купено иште пред неколку децении. -Жената чисти и помага по дома, додека мажот се грижи за дворот, оди во набавка на храна... жената и помага и околу готвењето на храната, но таа е тврдоглава и понатаму сака сама да готви. Весна на имотот на село ќе остане цело лето, додава изворот.

View this post on Instagram

A post shared by Vesna Zmijanac (@vesna_zmijanac_official)

Пејачката во август ќе замине на одмор во Атина каде нејзината ќерка Николија и зетот Реља имаат имот, а има и закажани три настапи за на есен до кога не смее да се оптоварува и напрега.

View this post on Instagram

A post shared by Vesna Zmijanac (@vesna_zmijanac_official)

ФОТО: Новиот дом на Џенифер Лопез вреден 60 милиони долари: Ѕирнете во луксузната резиденција која дивата ја уредува „во полна пареа“

Ристе Здравков — Thu, 06 Jul 2023 20:57:33 +0000

На почетокот на јуни Џенифер Лопез и Бен Афлек службено се преселиле на нова адреса, а имотот којшто го избрале по едногодишната потрага за заеднички дом е навистина спектакуларен. Брачниот пар платил 60 милиони американски долари за еден од најпријатните имоти во Беверли Хилс, со одлично осигурување. Според податоците достапни на страницата на познатата агенција за недвижнини „Redfin“, на имотот со големина од 5,2 хектари се наоѓа главната резиденција на два ката со 12 спални соби, 24 бањи и 15 камини. Кино-сала, теретана, бар, просторија за масажа, приватен салон за педикир, маникир и фризура, се само мал дел од луксузните „додатоци“ кои ги има новиот дом на еден од најпознатите парови на светот. Секако, тука е и базенот со греење и пространа тераса со голема надворешна кујна. Гостите кои ќе им доаѓаат во посета не мора да се грижат за паркинг, на имотот има затворена гаража за 12 автомобили и 80 надворешни паркинг места. Имотот има и куќа за гости од 464 метри квадратни за чуварите и помошниците. Кога ќе се заситат од уживањето во базенот, гостите можат да се преместат во затворениот, спортски компекс во кој се наоѓа теретана, терен за „pickleball“, простор за разни спортски активности.

Нејмар е казнет со 3,3 милиони долари поради создавање езерце на неговиот имот во Бразил

Тале Кристо — Tue, 04 Jul 2023 06:36:35 +0000

Бразилската фудбалска ѕвезда Нејмар е казнет со 3,3 милиони долари поради создавање езерце на неговиот имот. Земјиштето на фудбалерот се наоѓа во Мангаратиба на јужниот брег на државата Рио де Жанеиро. Според локалното обвинителство, играчот започнал со работа без лиценца и не го обезбедил потребниот еколошки надзор. Освен тоа, тој се товари и за „преместување на почвата“ и „уништување на вегетациската покривка“. Претходно, локалните служби за конзервација, по добиена анонимна пријава, го проверија имотот на Нејмар и изјавија дека има прекршување на еколошките стандарди, вклучително и неовластено повлекување на вода од реката. Потоа, тие исто така одлучија да ја забранат употребата на акумулацијата и просторот за капење, затворајќи ги со ленти и објавувајќи огласи. Неколку дена подоцна, Нејмар на социјалните мрежи објави фотографии на кои тој, кршејќи ја забраната, се капе во езерце. Сега играчот има 20 дена да се жали на одлуката на локалните власти.

ДКСК отвори предмет за имотот на семејството на вицепремиерот Груби

Тале Кристо — Mon, 27 Feb 2023 11:40:40 +0000

Државната комисија за спречување на корупцијата (ДКСК), пред неколку денови, отворила предмет за вицепремиерот Артан Груби откако во јавноста, во повеќе пригоди, беа изнесени наводи за несразмерното зголемување на неговиот и на имотот на членовите на неговото семејство. Покрај информациите објавни во дел од медиумите, деновиве со конкретни обвинувања излезе и пратеникот и член на ИК на ВМРО-ДПМНЕ Миле Лефков. Тој ги повика надлежните да проверат како семејството Груби се стекнало со имот по, според него, пет пати пониска цена од пазарната. Конкретно станува збор за деловен објект во Скопје, платен по само 700 евра за квадрат додека реалната цена му била над 3.000 евра. – Граѓаните во Скопје, за 700 евра по метар квадратен, не можат да купат ниту гаража, а не пак супер луксузен локал. Очигледно Артан Груби е фатен во небрано и затоа од една лага влегува во нова – објасни Лефков.

Украина минатата година запленила руски и белоруски имот во вредност од 1,12 милијарди долари

Ивона Петрова — Fri, 13 Jan 2023 06:39:36 +0000

Минатата година Украина запленила имот на Русија и Белорусија во вредност од 1,12 милијарди долари, соопшти Бирото за економска безбедност на Украина. „Во сите кривични постапки, запленети се имоти проценети на 46,7 милијарди гривни (речиси 1,28 милијарди долари). Огромен дел – 41 милијарда (1,12 милијарди долари) се состојат од имот и предмети на имотни права на Русија и Белорусија. Тие средства и имоти веќе и донесоа на државата 2,2 милијарди гривни (60,2 милиони долари) приход“, се вели во соопштението на Бирото. Меѓу запленетите средства има станбени и деловни објекти, банкарски сметки, имот, автомобили, финансиски институции, фондови, земјиште, минерали… Во март 2022 година, претседателот на Украина, Володимир Зеленски, го потпиша законот „За главните принципи на присилно одземање на предмети кои припаѓаат на Русија и нејзините жители во Украина“. „Во сите кривични постапки, запленети се имоти проценети на 46,7 милијарди гривни (речиси 1,28 милијарди долари). Огромен дел – 41 милијарда (1,1 милијарди долари) се состојат од имот и предмети на имотни права на Русија и на Белорусија. Тие средства и имоти веќе и донесоа на државата 2,2 милијарди гривни (60,2 милиони долари) приход“, се вели во соопштението на Бирото. Меѓу запленетите средства има станбени и деловни објекти, банкарски сметки, имот, автомобили, финансиски институции, фондови, земјиште, минерали… Претседателот на Украина, Володимир Зеленски, во март минатата година го потпиша законот „За главните принципи на присилно одземање предмети што припаѓаат на Русија и нејзините жители во Украина“.

Тунџев од Катастар: Не постои имотен лист со хациенда во сопственост на Петровска

Ристе Здравков — Fri, 18 Nov 2022 18:38:14 +0000

Директорот на Катастар, Борис Тунџев на прашање на „24инфо“ вели дека министерката за одбрана Славјанка Петровска нема хациенда како што обвини пратеникот од ВМРО-ДПМНЕ, Драган Ковачки. Тунџев вели дека информациите се лага. „Тоа што лажно го прикажува Ковачки не е имотен лист, зашто таков имотен лист не постои. Петровска нема никаква хациенда. Министерката за одбрана била сосопственик на идеален дел и тоа на помалку од третина на земјиштето, кое го има продадено“, вели Тунџев за „24инфо“.

Ковачевски: Сите оние кои не пријавиле имот во ДКСК, треба да бидат санкционирани согласно законот

Ивона Петрова — Thu, 27 Oct 2022 12:40:26 +0000

Секој функционер без разлика од која партија доаѓа, без разлика на која функција е поставен, и без разлика на кое ниво е во државната управа, има должност согласно со Законот за спречување на корупција да достави имотен лист за се она што поседува до Државната комисија за спречување на корупцијата, којашто потоа јавно го објавува. Сите оние што не го направиле тоа во законскиот рок, треба да бидат санкционирани согласно со законот и согласно со процедурите и законите врз основа на коишто работи ДКСК. И од тоа никој никогаш не добил заштита, ниту од мене, ниту од кој било член на Владата, бидејќи се што е предвидено согласно со закон треба да биде изречено како санкција. Ова од собраниската говорница го изјави премиерот Димитар Ковачевски, во одговор на пратеничко прашање на Бране Петрушевски од ВМРО-ДПМНЕ, „зошто ги штити функционерите кои имаат непријавен имот“ и дали тој самиот има непријавен имот. – Второ ме прашавте за мене. Еднаш ви одговорив, се што јас поседувам го имам стекнато низ 22-годишна кариера во приватниот сектор. Се што сум работел можете да најдете во секоја биографија што е објавена и сето тоа е пријавено во ДКСК. Вие фабрикувавте една афера, која нема никаква основа, затоа што вашата политичка партија, вашиот претседател и вашиот градоначалник на Град Скопје, се најдовте во средиште на огромна афера која сами си ја извадивте пред граѓаните, во која себеси се обвинувавте кој какви тендери местел во „Водовод“ – Скопје и кој какви вработени вработувал, без ниту една друга политичка партија да ви се меша. Јас тогаш кажав и сега кажувам – врз основа на сите закони во државата, јас побарав од адвокати да постапат во согласност со сите законски одредби во тој дел и поднесено е барање до пратеникот кој јавно зборуваше по прес-конференции невистини да се извини, во спротивно постојат закони за тоа што го зборуваше, да го докаже на суд, а исто така на мое барање, до ДКСКС е доставено се ова што тој го зборуваше, да се провери, рече Ковачевски. Според него, кога се зборува за имоти, ВМРО-ДПМНЕ прво треба да си погледне во сопствениот двор. – Прашање ми поставува пратеник од ВМРО-ДПМНЕ, чиешто седиште е синоним за криминал и за незаконски стекнат имот врз грбот на граѓаните. Со судска пресуда во случајот „Талир 2“ е докажано дека дворецот што вреди седум милиони евра, е незаконски криминално стекнат врз грбот на граѓаните, односно со пари украдени од граѓаните. Тоа значи дека тие кои што тогаш биле на власт краделе од граѓаните, правеле имот, се луксузирале и на незаконски начин изградиле објект, додека граѓаните тонеа во сиромаштија и во долгови во време кога минимална плата беше 9000 денари, кога три пати беше помала социјалната помош и кога немаше никаков закон за стечајните работници, рече Ковачевски. Тој додаде дека такви милионски суми биле злоупотребени, а исто така и процедурите биле злоупотребувани. – Деталниот урбанистички план за таа зграда трипати е менуван за да може партијата да добие 12.000 квадратни метри за седиштето, на место на станбена зграда каде што било предвидено да никне хотел. И таа шема е докажана на суд. Затоа кога се зборува за имоти, треба прво да се погледне во сопствениот двор, одговори Ковачевски. На ова пратеникот Петрушевски реплицираше дека селективната правда е многу поголема од неправда, но, како што рече, „кога ќе се ослободи судството ќе има одговорност за сите“. – Бидејќи јавно кажавте дека сте постапиле во согласност со законите, зошто не сте појасен, зошто не кажете дека уделот во „Пиксел груп“ сте го поклониле без надомест на вашиот кум. Со тоа правите две проблематични ситуации во државата. Прво, избегнувате данок, а второ, суштината на целата афера за криење имот е токму тоа, што вие му поклонувате на вашиот кум удел во фирма за да ви ја чува, за кога ќе завршите со политиката на истиот начин со истите адвокати ќе се вратите како косопственик во „Пиксел груп“. И затоа, да и помогнам на ДКСК, „Пиксел груп“ добива државни пари, во вредност од четири исплати од ФИТР во вредност од 4,3 милиони денари и државна помош во осум исплати со вкупна вредност од 27,3 милиони денари или вкупно 31,5 милиони денари, рече Петрушевски. Ковачевски на ова одговори дека тој ги повлекол ликвидните средства од таму каде што бил основач и го отстапил уделот на тој што останува сопственик. -Тоа што вие го зборувате, за продавање удел во фирма, тоа го имаат вашите правено и затоа ова што го кажавте сега и на вас ви препорачувам, да излезете и да го кажете надвор од говорница, за да може и вие сето ова да го докажете пред суд. Инаку сето ова што го зборувате, е само фабрикување, рече премиерот. Опозициската партија ВМРО-ДПМНЕ неодамна обелодени, како што ја нарече „афера Тајни имоти“, тврдејќи дека имот криеле 123 функционери од партиите од власта, меѓу кои, според партијата, има директори на државни институции, членови на управни и надзорни одбори, од кои некои со месеци, а некој од нив и со години, не поднеле анкетни листови до ДКСК. Во моментов пратениците се на пауза, а седницата за пратенички прашања ќе продолжи во 15.30 часот.

Мицкоски:Функционерите кои не го пријавиле имотот треба да сносат одговорност

Ивона Петрова — Thu, 27 Oct 2022 10:07:01 +0000

Во периодот што следи повеќе од 120 ако не се лажам владини функционери ќе се појавуваат со скриени имоти, во вредност од околу 30-тина милиони евра. Нешто што е непримерно. И нешто што навистина лош пример за иднина и треба да си преземат одговорност тие кои што направиле законско пречекорување односно не го пријавиле имотот“, истакна претседателот на ВМРО-ДПМНЕ Христијан Мицкоски одговарајќи на новинарско прашање околу аферата „Тајни имоти“ денеска пред започнување на Политички дијалог на ЕПП - партиите од регионот, кој се одржува во хотелот „Double Tree by Hilton“. Мицкоски додаде дека треба да одговараат пред законот оние функционери на Владата кои што направиле законско пречекорување односно не го пријавиле имотот.

Во Црна Гора над 23 илјади странци поседуваат имот

Катерина Бојаџиева — Mon, 17 Oct 2022 06:21:42 +0000

Според најновите податоци на Управата за катастар и државен имот во Црна Гора, повеќе од 23.000 странци поседуваат недвижен имот во таа држава. Од агенциите за недвижности велат дека странците преку нив купуваат станови во Подгорица, но не во значителна мера. Како што пренесува ТВ Вијести, голем број од нив, сепак, ги земаат под закуп и се подготвени да платат многу, поради што во последно време значително се зголемија наемнините. Од Управата за катастар не можеа да ја соопштат вредноста на недвижен имот на странци во Црна Гора, бидејќи, како што наведоа, тие не се одговорни за тоа, јави медиумот.