ин витро – Kurir.mk

Бесплатно до Истанбул со Здравствен Информативен Центар „Медикал Караџи Турс“ за бесплатна консултација со специјалистите за ин витро во болница Мемориал!

Super Admin — Thu, 26 Oct 2023 05:59:10 +0000

Здравствениот информативен центар-ЗИЦ „Медикал Караџи Турс“, заедно со групацијата Мемориал болници, со задоволство им даваат можност на сите парови со репродуктивни проблеми да имаат бенефит од БЕСПЛАТНИОТ ТРАНСПОРТ и БЕСПЛАТНАТА КОНСУЛТАЦИЈА со светски познатиот специјалист за ин витро оплодување проф.д-р Семра Кахраман и нејзиниот тим на 13.11.23. Не ја пропуштајте можноста да се консултирате со некои од најдобрите специјалисти во светот и бидете чекор поблиску до остварување на вашиот сон да имате дете! ШТО ДОБИВАТЕ:

Бесплатен превоз Македонија – Турција – Македонија;
Бесплатна консултација со специјалист по ин витро и репродуктивна медицина.

Сите оние кои сакаат да патуваат мора да ја носат целокупната медицинска документација што ја имаат во моментот. За дамите:

Фотографија во боја, доколку е направена.
Ако имаат операции и видео од нив и отпусно писмо на англиски јазик.
Крвни тестови: ПРОЛАКТИН (ПРОЛАКТИН), TSH (TSH), AMH (AMH), ЦЕЛОСНА КРВНА СЛИКА, КРВНА ГРУПА, РУБЕЛА (РУБЕЛА IgG), ТЕСТ ЗА ХЕПАТИТ (HbsAg, AntiHBs и Анти ХЦВ), ХИВ ТЕСТ (Анти ХИВ), БЕСПЛАТЕН ТИРОКСИН (БЕСПЛАТЕН Т4),

За мажите:

ТЕСТ ЗА ХЕПАТИТ (HbsAg, AntiHBs и Anti HCV),
ТЕСТ ЗА ХИВ (Анти ХИВ),
Спермограм

Специјалистите во болница Мемориал инсистираат спермограмот да се направи на лице место во болницата. Истражувањето ќе се врши по промотивна цена. За медицинската документација однапред ќе се разговара со координатор од Здравствен Информативен Центар „Медикал Караџи Турс“ и по потреба ќе се преведе на англиски јазик. Karaci Tours International ќе се погрижи за логистиката на пациентите и ќе обезбеди нивно удобно и безбедно патување. Пациентите ќе бидат придружувани од координатор на Здравствен Информативен Центар-ЗИЦ „Медикал Караџи Турс“, кој ќе се грижи за нивниот душевен мир и ќе ги информира за се што им е потребно во текот на патувањето. Програма: На 12 ноември - поаѓање наутро во 06 часот од Гостивар - Автобусот ќе се движи по релација: Гостивар- Тетово- Скопје- Велес- Неготино – Демир Капија- Гевгелија. Слободно време во Текирдаг за шопинг, ручек и сл. Ноќевање во регионот на Истанбул, 35 евра по лице, на 13 ноември прегледи во болница Мемориал, враќање на 13 ноември во вечерните часови околу 20 часот, возење во текот на ноќта. ПОНУДАТА НЕ ВКЛУЧУВА:

Лични трошоци
Дополнителни услуги и истражувања

Потребни документи за преминување на граничните премини: Македонија – Турција:

Патна исправа ( Пасош валиден над 6 месеци )
Патничко осигурување
Karaci Tours International може да им помогне на пациентите да добијат патничко осигурување - Контактирајте ги координаторите на Здравствен

Информативен Центар - ЗИЦ „Медикал Караџи Турс“ за повеќе информации. Турција – Македонија:

Патна исправа (Пасош валиден над 6 месеци )

Искористете ја можноста навреме да се информирате за вашите репродуктивни проблеми и да ги добиете најдобрите опции за нивно решавање! Сите заинтересирани за повеќе информации и пријавување можат да се јават во Здравствен Информативен Центар-ЗИЦ „Медикал Караџи Турс“: ☎ +389 71 314 005 и за сите други дополнителни прашања.

НЕ ПРОПУШТАЈТЕ – Доаѓа водечкиот специјалист д-р Башту, кој има високи стапки на успех во лечењето на неплодноста

Super Admin — Wed, 11 Jan 2023 11:55:58 +0000

За сите пациенти со репродуктивни проблеми - бесплатна консултација со специјалистот проф. д-р Еркан Башту на 14. јануари 2023 година во Велес, Македонија. На 14. јануари 2023 г. Здравствениот информативен центар „Медикал Караџи“ за првпат го пречекува еден од најискусните специјалисти проф. д-р Еркан Башту. Паровите со проблематична бременост од нашата земја ќе имаат можност за прв пат бесплатно да се консултираат со еден од најводечките специјалисти од Република Турција. Проф. д-р Еркан Башту има големо меѓународно искуство и применува иновативни методи кој даваат висока стапка на успех во ин-витро постапка со неплодност. Специјалистот има златен медал за лапароскопски техники од Европската академија за гинеколошка хирургија. Тој за прв пат ќе биде гостин на покана на тимот на ЗИЦ „Медикал Караџи“ од Македонија и во рамките на иницијативата на Здравствениот информативен центар да обезбеди пристап до најиновативните и најсовремените технологии во медицината. Сите оние кои сакаат да ја искористат можноста за бесплатна консултација со проф. д-р Еркан Башту на 14. јануари 2023 година во Велес, треба однапред да закажат термин на следниве телефонски броеви на ЗИЦ „Медикал Караџи“ 071.314.005 или 043.220.904 или да го закажат својот посакуван онлајн термин на https://www.medikara.bg/ На лице место, пациентите ќе мора да ги обезбедат медицинските документи и тестовите за сликање кои се направени до денес. Ве молиме да имате во предвид дека за време на консултациите нема да се вршат физички прегледи. Бесплатните консултации се спроведуваат врз основа на вашата медицинска документација која ќе ја приложите.

ФОТО: Пар добил ќерка преку ин витро постапка, па дознал страшна вистина – бебето не било нивно

Ивона Петрова — Fri, 04 Nov 2022 06:24:23 +0000

Брачен пар од Калифорнија кој се одлучил за вештачко оплодување ја открил страшната вистина неколку месеци по раѓањето на детето. Имено, се покажало дека девојчето не е нивно биолошко дете. Дафне Кардинал во септември 2019 година родила девојче кое воопшто не личело на нејзините родители. Откако направиле ДНК тест, сомнежите им биле потврдени. Парот потоа го пронашол другиот брачен пар на кого по грешка му го дале нивниот ембрионот, па решиле да ги сменат децата. Така секое девојче отишло кај своите биолошки родители. Поради замената, Дафне и Александар Кардинал ја тужеле клиниката за плодност. - Нашите сеќавања од породувањето засекогаш ќе бидат извалкани со тоа што нашето биолошко дете е дадено на некој друг, а детето што го донесов на овој свет не е мое. Ми ја украдоа можноста да го носам сопственото дете, рекла Дафне Кардинал, пишува Би-Би-Си. Во тужбата се наведува дека Александар Кардинал очекувал да се роди дете со светол тен, но се родило девојче со потемна боја на кожа. -Тоа беше толку вознемирувачко што Александар се оддалечи неколку чекори кога ја виде. Речиси два месеци подоцна решиле да направат домашен ДНК тест кој покажал дека девојчето не е нивно. - Одеднаш собата се смали. Почнавме да чувствуваме вртоглавица, го опишува Александар моментот кога ја дознале вистината. Клиниката за оплодување им помогнала да го пронајдат парот кој по грешка примил нивниот ембрион. Жената родила исто така женско дете. Двата пара конечно ги смениле девојчињата кога имале четири месеци. - Наместо да го дојам своето дете, доев и се поврзав со детето од кое подоцна бев принудена да се откажам, рекла младата мајка и додала дека целата ситуација е исклучително тешка за нивната седумгодишна ќерка, која има проблем да разбере што се случува.

Јавна расправа: Да се срушат сите табуа за неплодноста и за процесот на ин витро

Ивона Петрова — Mon, 30 May 2022 12:36:57 +0000

Да се срушат сите табуа и стереотипи поврзани со процесот на ин витро и неплодноста, затоа што тоа не е срам и не треба никој да се срами од тоа. За сето тоа има решение, соодветно на историја и на самата здравствена состојба на пациентите, ова беа дел од пораките изнесени на денешната јавна расправа на тема: „Кон промени на законската регулатива за поголема поддршка на пациенти кои се соочуваат со неплодност“ што се одржа во Собранието. Расправата се одржа по повод 28 Мај – Меѓународниот ден за акција за женското здравје, во организација на Клубот на пратенички на Собранието и во соработка со Здружението за хумана репродукција и биопотпомогнато оплодување – До бебе по патот на ИВФ. Учесниците на расправата истакнаа дека се уште темата е сензитивна, а законското решение е од 2008 година. Министерот за здравство Беким Сали потсети на дел од реализираните активности во делот на грижата за женското и репродуктивното здравје, како мобилна гинеколошка амбуланта со која се обезбедуваат прегледи со ПАП-тест и совети за редовните гинеколошки прегледи за жените на возраст од 36 до 45 години. Соопшти дека се води грижа за идните мајки, има вежби во бременост под стручен надзор и физиотерапевт, се води грижа и за здравствена услуга и за жртвите на семејно насилство… Сали нагласи дека темата на неплодноста е еден од нивните приоритети и се задржа на работата на државната комисија за ИВФ, која е формирана во 2008 година и одржува состаноци по потреба, но најмалку еднаш месечно. – На самата комисија се доставуваат просечно по 150 барања од овластените установи од државата, но и од регионот, Србија, Косово, Црна Гора, Босна и Херцеговина и Хрватска, рече Сали. Претседателот на собраниската Комисијата за здравство, Арбен Зибери рече дека секогаш ќе биде на располагање, Комисијата ќе биде отворена за соработка, за предлози и идеи за да се најде подобро законско решение за граѓаните кои се засеганати со оваа проблематика. Претседателката на Комисијата за еднакви можности на жените и мажите, Гордана Силјановска Давкова нагласи дека децата се најважни и дека потребата, задоволството да се има дете, да се создаде живот е многу важна. Според неа, сторено е многу меѓутоа уште многу треба да се стори, додавајќи дека наталитетот секаде опаѓа и дека треба да се стимулира. Претседателот и застапник на Здружението за хумана репродукција и биопотпомогнато оплодување – До бебе по патот на ИВФ од Скопје, Зоја Самандова-Петрушева рече дека оваа тема во моментов е табу, а голема е стапката на неплодност. Таа соопшти дека повеќе пациенти и семејства се соочуват со проблемот, кој, како што рече, е тежок и апелираше да не се крие тоа, дека не е срамота и порача да се зборува отворено за да добијат повеќе информации и да се соочаат со проблемот. Таа информира дека имаат иницијатива за промена на Законот за БПО, кој, како што велат подолго време не е ревидиран. Самандова-Петрушева ги изнесе предизвиците или патот кој го минуваат пациентите кои се борат со неплодност за да се остварат како родители. Информира дека следуваат по три ваучери од Фондот за здравствено осигурување, кои ги одобрува Министерството за здравство и укажа дека покрај тоа има и скриени трошоци. Пациентите откако ќе ги искористат тие три ваучери, како што рече, потоа ги прават постапките приватно и ги чини многу или над 100.000 денари, а терапијата која се користи пред постапката, за време на постапката и по постапката не спаѓа под Фондот и не е на позитивна листа на лекови. Самандова-Петрушева нагласи дека меѓу нивните цели се зголемување на бројот на ваучери за прво дете. Образложи дека следуваат по три ваучери за прво, а исто толку и за второ, за трето и за четврто дете и нагласи дека треба да се стави акцентот на паровите и поединци кои немаат ниту едно дете. Бараат и поголем дел од терапијата што се користи да биде ставена на позитивна листа на лекови. На јавната расправа се обрати и директорката на Фондот за здравствено осигурување Магдалена Филиповска-Грашковска, ИВФ специјалисти и акушери, ембриолози, доктори, претставници од НВО секторот.