ина – Kurir.mk

ОВА Е ВЕСТА НА ДЕНОТ: Малата Ина со насмевка ве поздравува, операцијата помина успешно

Ивона Петрова — Mon, 14 Mar 2022 10:42:25 +0000

Родителите на шестгодишната Ина се огласија со прекрасни вести. Малото девојче на кое му беше дијагностицирано тумор на мозокот кој и предивикувал епилептични напади, е успешно оперирано. Хуманите граѓани му помогнаа на семејството да го собере потребниот износ и да ги покрие трошоците за операцијата во Турција. -Сакаме да споделиме една убава вест со сите кои помогнавте за малата Ина. Операцијата беше успешна, се помина во најдобар ред, Ина е супер - закрепнуваме. Уште еднаш од срце да ви се заблагодарам на сите што на било каков начин ни помогнавте. Господ е голем, ќе ви врати на сите, порака на Фејсбук таткото Ивица. На Ина и посакуваме добро здравје, побрзо да запрепне и секогаш да ја има насмевката на лицето.

Албански медиуми: Официјално – четирите пратеници на Алтернатива ќе гласат за недоверба на Владата

Тале Кристо — Tue, 09 Nov 2021 20:06:48 +0000

Највисоките партиски органи на Алтернатива одлучиле, нивните 4 пратеници да ја поддржат иницјативата за недоверба на Владата, објави новинската агенција на албански ИНА. Како што објави ИНА, постигната е согласност околу позиции, исто така околу истите лини е согласен и пратеникот Скендер Реџепи - Зејд. Со ваквата одлука, во четврток владат на Заев се очекува да не ја добие довербата и да падне, притоа отварајќи го патот за избор на нова Влада, предводена од ВМРО-ДПМНЕ, АА/А, БЕСА, други партии и пратеници, пишува ИНА.

Кина успешно лансира роботизирано летало на Месечината по битни податоци за науката

Ивона Петрова — Tue, 24 Nov 2020 06:29:13 +0000

Кина синоќа лансираше ракета со робот за да собере примероци од камења од Месечината, со што ќе стана првата земја што тоа го прави од 1970 година, јавија британските медиуми. Ракетата наречена „Long mart -5“ беше лансирана синоќа по локално време, (рано утринава во средноевропско) од островот Хаинан. Мисијата „Чканг Е-5“, именувана по античката кинеска божица на Месечината, ќе собере материјал од Месечината за да им помогне на научниците да дознаат повеќе за потеклото и формирањето на Месечината. Доколку мисијата биде успешна, Кина ќе биде третата земја што ќе врати примероци од Месечината, по САД и Советскиот сојуз. Вселенското летало се очекува да ги врати примероците на Земјата за 23 дена, а Кина минатата година го имаше своето прво беспилотно слетување на Земјиниот сателит. Кина годинава лансираше сонда кон Марс, а во 2022 година планира да има постојан човечки екипаж во вселената.

ИНА: 900 лица добиваат од амнестијата која се подготвува во Македонија

Ивана Ефремовски — Fri, 30 Nov 2018 15:59:24 +0000

900 осуденици се очекува да се ослободат придобивајќи од амнестијата која набргу треба да се изгласа во Собранието. Владата предложи предлог закон, во кој се предвидува од амнестијата да добијат сите лица осудени со затворска казна до три години, за осуди дадени до 30-ти ноември 2018, независно од времето кое им преостанува, пренесува ИНА. Исто така, со предлог законот се очекува да се амнестираат сите лица осудени со казна затвор, на кои до датумот на стапување во сила на законот им преостануваат за издржување до две години затвор. -Во меѓувреме, друга категорија која што придобива се и осудените жени кои на датумот кога законот ќе стапи во сила ќе имаат 18 или повеќе години или мажите кои ќе бидат 60 или повеќе години. Се амнестираат исто така лицата кои се осудени со затвор кои во времето на извршување на делото имале 18 или помалку години, со исклучок на оние кои се осудени за убиство или дела во рамките на структурирана криминална група, пишува порталот. Еве што предвидува предлог законот за тоа кои се категориите кои се исклучуваат од амнестијата: „Осудените за дела против човештвото, сексуални деликти, кривични дела против моралот и достоинството, или оние кои извршиле кривични дела против децата бракот или семејството не добиваат од амнестијата“. Во предлогот се предвидува дека „ Амнестијата не ги опфаќа ниту осудениците за дела во врска со слободните избори и демократскиот систем на изборите“. Друга категорија која се исклучува се и лицата кои ја одбегнале правдата. Моментално законот кој е изготвен од страна на Министерството за Правда е испратен на разгледување до Јавното Обвинителство и МВР. Откако овие институции ќе дадат свое мислење, предлогот ќе биде испратен на разгледување во владата и изгласување во Парламентот. Од последната амнестија дадена во 2016-та добија над 700 осуденици.