индијан велс – Kurir.mk

Осака почна да работи со психолог по инцидентот на турнирот во Индијан Велс

Ивона Петрова — Thu, 24 Mar 2022 11:35:58 +0000

Јапонската тенисерка Наоми Осака откри дека ангажирала психолог по инцидент на турнир во Индијан Велс. Осака во второто коло од Мастерсот загуби од Русинката Вероника Кудерметова (6:0, 6:4). Навивачите за време на натпреварот извикуваа непријатни коментари на поранешниот светски рекет број еден. – Не знам дали можам да зборувам за тоа или не, но по турнирот во Индијан Велс, почнав да работам со терапевт. Разбирам колку ова помага. Мило ми е што до мене имаше луѓе кои ме советуваа да почнам да работам со специјалист. Се сетив што ми кажа терапевтот, како да дишам длабоко, да се смирам, да се рестартирам, истакна Осака. На прашањето од новинарите зошто реши да посети психолог, Осака одговори: „Да бидам искрена, бидејќи сестра ми беше многу загрижена за мене. Тоа ми го препорача и тренерот Вим Фисет. Тој рече дека ангажира тренер за тенис, фитнес, но му требаше и професионалец психолог во близина, истакна Осака за „Straits Times“. Осака е четирикратен Грен слем шампион. Дваесет и четиригодишната тенисерка два пати ги освои Австралија опен и УС опен.

Фриц го освои трофејот на турнирот во Индијан Велс

Ивона Петрова — Mon, 21 Mar 2022 07:27:46 +0000

Американскиот тенисер Тејлор Фриц ноќеска го победи Шпанецот Рафаел Надал со 6:3, 7:6 (7:5) во финалето на турнирот во Индијан Велс. Мечот траеше 2 часа и 5 минути. Американецот направи еден ас сервис и три двојни грешки, а реализираше и четири брејк топки од девет. Шпанецот има два аса и три грешки на вториот сервис, како и две реализирани брејк топки од десет шанси. Дваесетгодишниот Фриц ја освои втората титула во кариерата. Претходно во 2019 година стана победник на турнирот во Истбурн. Турнирот во Индијан Велс (САД) се играше за награден фонд 8,5 милиони долари.

Новак Ѓоковиќ нема да игра во Индијан Велс

Бошко Тасиќ — Wed, 09 Mar 2022 23:41:47 +0000

Српскиот тенисер Новак Ѓоковиќ нема да игра на Мастерс турнирот во Индијан Велс, соопштија организаторите. Иако српскиот ас беше во жрепката, поради фактот што не е вакциниран против ковид-19, нема да игра во САД. Вечерва во доцните вечерни часови по средноевропско време, беше соопштено дека Ѓоковиќ не може да настапува. Центарот за контрола и превенција на болести (CDC) го имаше последниот збор, и како што се очекуваше, не му е дозволен влез во САД.

Нори го освои трофејот во Индијан Велс

Дарко Андоновски — Mon, 18 Oct 2021 07:00:02 +0000

Британскиот тенисер Камерон Нори е победник на престижниот турнир во Индијан Велс (САД). За него ова е прв Мастерс трофеј. Нори ноќеска во финалето кое траеше нешто помалку од два часа, беше подобар од Грузиецот Николоз Басилашвили со 2:1, по сетови 3:6, 6:4 и 6:1. За Нори ова е втора титула во кариерата и 47-ма победа во сезоната 2021 по која тој од 26. оди на 15 . место на АТП ранг-листата. АТП Мастерс 1000 во Индијан Велс се играше за нагхраден фонд од 8,3 милиони долари.

Дебитантско финале на Индијан Велс

Тале Кристо — Sun, 17 Oct 2021 08:50:47 +0000

Грузиецот Николоз Басилашвили и Британецот Камерон Нори ќе се борат за титулата во Индијан Велс и за двајцата тенисери тоа ќе биде прво финале на турнир од серијата Мастерс. Басилашвили (36 на АТП листата) во полуфиналето го совлада Американецот Тејлор Фриц со 7-6, 6-3, додека Нори беше подобар од Бугаринот Григор Димитров со 6-2, 6-4. Басилашвили во кариерата досега има освоено пет турнири, од кои два оваа година во Доха и Минхен, додека Нори има сама една титула освоена во мај годинава во Лос Кабос.

Победничката на УС Опен 2021 загуби во второто коло на турнирот во Индијан Велс

Дарко Андоновски — Sat, 09 Oct 2021 07:55:27 +0000

Британската тенисерка Ема Радукану, ноќеска во второто коло на турнирот во Индијан Велс загуби од 100. светски рекет, Белорусинката Александра Саснович со резултат 0-2, по сетови 2:6 и 4:6. Мечот траеше 1 час и 26 минути. Победничката на УС Опен 2021 направи два аса четири двојни грешки, а исто така претвори две од пет брејк топки. -Разбрав дека треба да излезам и да ја покажам мојата игра, да играм 100%. Знаев дека Ема го освои УС Опен, а јас таму загубив во првото коло. Мала разлика, нели? Па јас само се обидов, истакна Саснович. Таа во третото коло ќе се сретне со Романката Симона Халеп.

Ѓоковиќ официјално го откажа настапот на Индијан Велс

Тале Кристо — Thu, 30 Sep 2021 15:31:33 +0000

Ден откако српските медиуми го најавија како многу веројатно, најдобриот светски тенисер Новак Ѓоковиќ денеска и официјално го откажа настапот на турнирот од серијата Мастерс 1000 во Индијан Велс. – Жалам што нема да можам да настапам и да ги видам своите навивачи во Индијан Велс, моето омилено место. Се надевам дека ќе се видиме догодина, напиша Ѓоковиќ на својот Твитер профил. Повеќе српски медиуми вчера го навестија ваквиот епилог, наведувајќи дека Ѓоковиќ се наоѓа во Белград, и од сè уште непознати причини, не тренира. По официјалната објава од Ѓоковиќ, се огласи и Томи Хас, поранешниот успешен тенисер, а денес директор на турнирот во Индијан Велс. – Разочарани сме поради тоа што Ѓоковиќ нема да биде со нас оваа есен. Но, се надеваме дека ќе се видиме идната година, изјави Хас. Индијан Велс традиционално се одржува во воведниот дел од сезоната, но годинава поради пандемијата на коронавирус беше поместен за втората половина од 2021 и ќе се одржи од 7 до 17 октомври.

Тенискиот турнир во Индијан Велс ќе биде откажан

Ивона Петрова — Mon, 07 Dec 2020 08:46:59 +0000

Турнирот во март во Индијан Велс од Мастерс 1000 серијата во машка и женска конкуренција наскоро ќе биде откажан, објави новинарот на „Sports Illustrated“ Џон Вертхајм. Раководствата на АТП и ВТА сега работат на адаптирање на календарите за 2021 година и минимизирање на негативните последици предизвикани од пандемијата. Во 2020 година, Индијан Велс беше првиот откажан турнир поради коронавирус.

Коронавирусот го откажа тенискиот турнир во Индијан Велс

Ивона Петрова — Mon, 09 Mar 2020 07:58:43 +0000

Организаторите на тенискиот турнир во Индијан Велс, кој требаше да се одржи оваа недела, известија дека поради коронавирусот, нема да се игра. Причината е што се откриени заразени лица на подрачјето на турнирот. Одлуката е донесена по консултација со експерти и со властите во државата Калифорнија. Не е соопштено дали Мастерсот ќе добие нов термин или воопшто е откажан. – Ние сме подготвени да го одржиме турнирот во друг термин и ќе разгледаме опции за такво нешто, изјави Томи Хас, директор на турнирот. Мастерсот во Индијан Велс е еден од најголемите турнири во календарите на АТП и ВТА.

Познат противникот на Федерер во финалето на Индијан Велс

Дарко Андоновски — Sun, 17 Mar 2019 08:13:59 +0000

Доминик Тим за првпат во својата кариера се квалификуваше во финалето на турнирот во Индијан Велс. Во спектакуларен полуфинален меч, Австриецот оствари триумф со 7:6 (3), 6:7 (3), 6:4 над Милош Раониќ. Средбата траеше повеќе од два и пол часа и заврши со 25-тиот винер на Тим, регистриран при излегување на мрежата. Третата година по ред, австрискиот тенисер ќе спори за титулата од „Мастерс“ турнир. Во претходните два случаи, тој играше за трофејот на земја во Мадрид. Ривал во борбата за трофејот на Тим ќе му биде рекордерот по освоени Гренд-слем титули – Роџер Федерер, кој исто така е петкратен шампион во Индијанаполис. Вечерва, Доминик Тим ќе излезе за својата 12-та титула во кариерата, а Федерер ќе се бори за својата 101-ва, откако неодамна триумфираше во Дубаи.