индустриска зона – Kurir.mk

Во Карбинци распродадени сите парцели во индустриската зона, но ретко кој гради

Ивона Петрова — Thu, 09 Feb 2023 12:45:50 +0000

Градежните парцели во индустриска зона во Општина Карбиници, на потегот меѓу селата Долни Балван и Таринци е распродадени уште пред три години, но од инвеститорите ретко некој извадил дозвола за градба или е во фаза на градење. Градоначалникот на Општина Карбинци, Виктор Паунов вели дека периодот да се извади дозвола за градба е поминат, а голем дел од потенцијалните инвеститори треба да плаќаат казнени пенали. Општината веќе им пратила по една опомена и за неисплатени пенали. Ако не се одговори по три последователни опомени тогаш општината може да им врати 20% од сумата на инвеститорите, парцелите да ги врати во сопственост на општината и повторно да ги продава. Паунов се надева дека до ваква ситуација нема да дојде и конечно ќе почне да се градат стопански капацитети во зоната. -Индустриската зона во Општина Карбинци, која е меѓу потегот од село Долни Балаван до село Таринци е распродадена до крајот на 2020 година, тоа е пред моето доаѓање, ама од тогаш до денес само неколку од тие потенцијални инвеститори имаат извадено одобрение за градба или се во фаза на градење. Сите други кои купиле плацови веќе ги надминале роковите за аплицирање за градба, и веќе се обврзани да плаќаат казнени пенали за самото тоа, вели Паунов. Посочува дека просторот е предвиден за лесна и незагадувачка индустрија. Општината лани асфалтираше две улици во оваа индустриска зона, изградени се тротоари, како и атмосферска канализација. Во реализација на проектот беа инвестирани девет милиони денари од буџетот на Општина Карбинци.

Ристевски во посета на местото каде што се гради индустриска фабрика: Оваа зона мора да стане реалност, така младите ќе останат во Македонски Брод

Магдалена Андонова — Tue, 09 Nov 2021 14:47:54 +0000

Денеска бев во посета на местото каде што се гради фабриката од наменската индустрија во с. Крапа. Бев информиран за динамиката и начинот на реализација на истата, стои во Фејсбук статусот на Жарко Ристевски, градоначалникот на општина Македонски Брод. Тој напиша дека индустриската зона на Барбарос мора да стане реалност, како што беше и предвидено во предизборна кампања со што ќе овозможат можност за отворање на нови вработувања, а со тоа младите ќе останат во Македонски Брод.

НОВИ РАБОТНИ МЕСТА- Наместо власта, опозицијата и во услови на криза носи инвеститори

Катерина Бојаџиева — Sun, 07 Feb 2021 09:28:12 +0000

Нови 17 инвеститори донесени во Петровец, а деновиве се очекуваат уште дополнителни 4. Тоа значи нови 500 работни места покрај постоечките 1.000 работни места за граѓаните. Лидерот на ВМРО-ДПМНЕ Христијан Мицкоски, кој вчера беше во посета на индустриската зона Ќојлија истакна дека опозициски градоначалник и одржа лекции на Владата, и подвлече дека ако се сака се може и во услови на криза да се постигнуваат исклучителни резултати, како оптина Петровец. -Јас жалам што редок е примерот во Македонија за вака успешни општини, но истовремено сум горд што градоначалникот на Општина Петровец покажа и докажа дека навистина кога макотрпно се работи, кога упорно се работи може да се привлечат инвеститори и во услови на криза, да се отворат нови високоплатени работни места и општината Петровец денеска со гордост може да каже дека е општина број еден по број на нови инвестиции и по број на квалитетни отворени работни места иако морам да признаат дека како градоначалник од опозиција тој е многу поуспешен, би рекол најуспешен споредено со сите градоначалници кои што се од редовите на власта и покрај сите препреки кои што изминатиов период ги имаат сите коишто доаѓаат од опозицијата. Нешто што би рекол дека е антидржавно однесување на оваа неспособна и корумпирана влада која секаде низ светот не срами, рече Мицкоски и додаде: „Она коешто исто така сакам да го кажам се економските показатели изминатиов период, нула странски инвеститори, последните два квартали кои ги обработува Народната Банка покажуваат дека имаме одлив на странскиот капитал од Македонија. Во периодот кој следува очекувам тој период за жал да продолжи и во четвртиот квартал ли би рекол минимално да се зголеми и со тоа ние сме практично на дното по директни странски инвестиции во регионот далеку позади нашите соседи, а со оние земји од Централна и источна Европа не можеме ни да се споредуваме“. -Пред некој ден излезе извештајот од Управата за јавни приходи каде што се покажува и докажува погрешната економска политика на владата. Имаме повторно потфрлање во собирањето на даноците, споредено со тоа што беше планирано во декември. Значи не можат ни тоа што во декември ќе го испланираат да го реализираат во јануари, а камо ли за да зборуваме за нешто повеќе. Станува збор за нешто повеќе од 3% промашување во однос на планот и нешто повеќе од 7,5% помалку собрани даноци споредено со истиот период од минатата година. Ако се има предвид дека се повратени назад во стопанството 600 милиони денари помалку споредено со истиот период од минатата година или 1 милијарда и 900 милиони, наспроти 2 милијарди и 500 милиони колку што отприлика беа за исиот период беа повратени назад во стопанството минатата година, доаѓаме до една алармантна и би рекол катаклизмичка ситуација во нашата економија. Немање на стратегија и немање на правец и немање на визија. Сето тоа зачинето со признание на вицепремиерот Битиќи кој што вели дека не биле милијарда евра помош за стопанството како што тоа го збореше неговиот ментор и претседател на партија Зоран Заев и преостанатите за време на кампањата на оние украдени избори и потоа, туку биле 350 милиони. Прашањето е кој ги украде оние 650 милини кои што граѓаните, нашите деца, внуци, ние па и нашите родители треба да ги враќаат за да бидат задоволени хировите на владејачкото мнозинство за време на оние украдени избори. Така што би сакал да му честитам на градоначалникот на Петровец и администрацијата која што ја предводи за успесите кои минатите години ги бележи и само така да продолжи и да покаже како работат луѓето кои си ја сакаат својата општина и сакаат таа да оди напред.