инфекција – Kurir.mk

Дури и „поблагата“ инфекција на Ковид-19 може да го зголеми ризикот од опасни болести: Тие се појавуваат неколку месеци по инфекцијата

Магдалена Андонова — Fri, 12 Aug 2022 10:36:08 +0000

Новото истражување објавено во магазинот „Природа“ укажува на опасностите што дури и блага инфекција со коронавирусот може да ни ги донесе и една година по инфекцијата. Студијата открива дека ефектот на вирусот може да биде катастрофален многу месеци по првичната инфекција, пренесува „Експрес“. Станува збор за ризик од кардиоваскуларни проблеми по Ковид-19. Написот во списанието цитира студија објавена претходно оваа година во која се користени записи од американското Министерство за ветерани за да се процени колку често Ковид-19 доведува до кардиоваскуларни проблеми. Тие откриле дека луѓето кои биле заразени со коронавирусот се соочуваат со 20 отсто поголем ризик од кардиоваскуларни проблеми, вклучително и потенцијално опасни проблеми како што се срцев удар и мозочен удар. Анализата на д-р Зијад Ал-Али, епидемиолог на Универзитетот Вашингтон во Сент Луис, и неговите колеги е еден од најсеопфатните напори да се карактеризира што се случува со срцето и кардиоваскуларниот систем по акутната фаза на Ковид-19. Истражувачите споредија повеќе од 150.000 случаи кои закрепнаа од Ковид-19 со нивните неинфицирани врсници, како и со контролната група пред пандемијата. Луѓето кои биле примени на интензивна нега со акутни инфекции имале драматично поголем ризик од кардиоваскуларни проблеми во текот на следната година. За некои состојби, како што се отекување на срцето и згрутчување на крвта во белите дробови, ризикот се зголемил за најмалку 20 проценти во споредба со оние кои немале КОВИД-19. Но, дури и луѓето кои не биле хоспитализирани имале зголемен ризик од многу состојби, почнувајќи од осум проценти зголемена стапка на срцев удар до 247 проценти зголемена стапка на воспаление на срцето. За д-р Ал-Али, студијата обезбеди и повеќе докази дека Ковид може трајно да го промени здравјето на некои луѓе. - Истражувањата покажуваат дека коронавирусот е поврзан со широк спектар на постојани проблеми, како што се дијабетес, трајно оштетување на белите дробови, па дури и оштетување на мозокот, пишува магазинот „Nature“. Како и со овие состојби, д-р Ал-Али рече дека кардиоваскуларните проблеми што се јавуваат по инфекцијата со новиот коронавирус може да го намалат квалитетот на животот на една личност на долг рок.

ГРЦИЈА: Речиси еден од четири нови случаи на коронавирусот се деца до 18 години

Магдалена Андонова — Thu, 23 Sep 2021 07:53:43 +0000

Во периодот од 13 до 19 септември, 24 отсто од новозаразените со Ковид-19 во Грција, односно 3.559 случаи се кај деца на возраст од четири до 18 години, според официјалните податоци од Националната организација за јавно здравје, јави дописничката на МИА од Атина. Станува збор за првата седмица од отворањето на училиштата во земјата, а еднаш неделно ќе се објавуваат податоци за ситуацијата со коронавирусот кај учениците. Во Солун веќе се затворени две паралелки во основно училиште, откако биле потврдени над 20 случаи на Ковид-19 во двете одделенија. Учебната година во Грција започна на 13 септември, учениците следат редовна настава со физичко присуство, а задолжителен е документ поврзан со Ковид-19, односно сертификат за вакцинација (за учениците над 12 години) или потврда за прележана болест во последните шест месеци или изјава по направен селф тест, задолжителен два пати седмично (секој вторник и петок). Наставата со физичко присуство ќе се прекине само доколку во едно одделение или клас има 50 отсто плус еден позитивен случај од вкупниот број ученици. (МИА)

Нова судија: По инфекција со Ковид-19 имате имунитет 10 месеци

Ивана Ефремовски — Fri, 04 Jun 2021 14:28:59 +0000

Претходна инфекција со ковид 19 значително го намалува ризикот од нова инфекција, создавајќи десетмесечен имунитет на корона, наведува студијата на научниците од Универзитетот во Лондонскиот колеџ (UCL) спроведена на одделенијата и персоналот на домовите за стари лица. -Студијата, објавена вчера во „The Lancet Healthy Longevity“, открива дека жителите на старечки домови, кои претходно биле заразени со ковид 19, имале скоро 85 отсто помалку шанси да се заразат повторно во периодот од октомври до февруари, отколку оние кои не биле заразени, пренесува „Ројтерс“. Персоналот на оние домови кои се заразиле со инфекцијата има околу 60 отсто помали шанси да се заразат повторно. -Навистина е добра вест што природната инфекција штити од повторна инфекција во овој временски период. Ризикот од двојна инфекција се чини дека е многу мал, рече главната истражувачка Марија Крутиков од Институтот за здравствена информатика при UCL. Охрабрувачки е и тоа што претходната инфекција со ковид 19 обезбедува високо ниво на заштита за жителите во домот, со оглед на претходните грижи дека овие лица може да имаат послаб имунолошки одговор како резултат на возраста. Во студијата учествувале 682 жители на домови за стари лица со просечна возраст од 86 години и 1.429 вработени во домови за стари лица, според британската агенција.

Секој десетти пациент има симптоми на коронавирус и по три месеци инфекцијата

Тале Кристо — Thu, 25 Feb 2021 13:43:52 +0000

Светската здравствена организација за Европа денеска соопшти дека секој десетти пациент заразен со коронавирус има симптоми на болеста и три месеци по инфекцијата. Директорот на Канцеларијата на СЗО за Европа, Ханс Клуге рече дека т.н. „продолжен ковид“ останува непознат, но дека проблемот е реален и значаен. СЗО апелира политичките актери да направат повеќе за да се посвети внимание и да се третира долготрајниот Ковид, кој, меѓу другото, се манифестира со силен замор, болка во градите, срцеви проблеми, главоболки, заборавеност, депресија, губење на чувство за мирис, дијареја и кивање. Клуге рече дека достапните податоци покажуваат дека секое четврто лице заразено со Ковид има симптоми и еден месец по добивањето позитивен тест, додека секој десетти има симптоми дури и по 12 недели.

Кои професии имаат најголем ризик од инфекција со коронавирус ?

Магдалена Андонова — Thu, 20 Aug 2020 18:44:37 +0000

Европскиот центар за превенција и контрола на болести го анализира појавувањето на т.н. кластери, во овој случај групи од најмалку две заразени со коронавирус, во различни работни средини, за да ги охрабрат државите да обрнат внимание на специфични групи на работници и работни услови што овозможуваат ширење на инфекцијата. Според податоците од анализите, најголем ризик за инфекција со коронавирус имаат вработените во домови за стари лица, како и медицински работници во болници. Иако лекарите и медицинските сестри се помалку болни од луѓето кои работат во старечки домови, нивната смртност е поголема. Од друга страна, продавниците се покажаа како прилично безбедни работни околини. На второ место во однос на бројот на пациенти се погони за преработка и пакување на храна, како што се кланици, земјоделски работи, и фабрики. На дното на скалата се продавниците и образовните институции, додека баровите и рестораните забележале само пет појави на групирање на заразените. Како и да е, треба да се забележи дека во текот на пролетните месеци работата на секторот образование и на гостопримството, беше ограничена. Дури 95% од извештаите на групите на пациенти доаѓаат од затворен простор, што само по себе е проблем затоа што повеќе од 80% од работите се прават во затворено.

Научници најдоа докази дека корона вирусот е вештачки направен

Ристе Здравков — Fri, 12 Jun 2020 08:49:18 +0000

Двајца научници, еден од Британија и еден од Норвешка, неодамна објавија студија од која би можело да се заклучи дека вирусот САРС Ков-2 е вештачки направен во лабораторија. Според нивното истражување, новиот вирус содржи некои секвенци за кои се чини дека се вештачки вметнати, со што успешноста на вирусот би се зголемила. Биргер Соренсен и Ангус Далгеиш тврдат дека идентификувале вметнати делови кои се клучни за комуникација на вирусот со луѓето и влегување во нив.

Институт Роберт Кох: Секоја инфекција на дишните органи мора да се тестира

Тале Кристо — Fri, 24 Apr 2020 11:00:26 +0000

Бројот на нови инфекции од коронавирус мора да се намали на неколку стотина дневно за да може да се размислува за натамошни ублажувања на мерките, предупреди заменик шефот на германскиот Институт „Роберт Кох“, Ларс Шаде, додавајќи дека отсега секоја инфекција на органите за дишење мора да се тестира на коронавирус. Тој на прес-конференција истакна дека во последните денови во Германија се регистрирани околу 2.000 нови инфекции, а бројот на излекувани достигнал веќе 106.800 лица. Шаде нагласи дека во одделни европски земји, како што се Италија, Франција и Шпанија, се уште е преголема смртноста, објаснувајќи дека тоа не е случај во Германија, каде стапката на морталитет е зголемена само во покраините Хесен и Берлин. – По успешноста на преземените мерки, тие сега се доведуваат во прашање. Тоа што Германија, во споредба со останатите, релативно добро помина низ пандемијата е благодарејќи на мерките. Ако повторно имаме премногу близок контакт меѓу луѓето, тогаш ќе има и повеќе инфекции, оцени Шаде, додавајќи дека не смее да се прават драстични олеснувања на мерките. Тој го повика населението и понатаму да се придржува кон мерките, нагласувајќи дека со тоа помагаат вирусот на се држи под контрола. – Отсега треба секоја инфекција на дишните органи, без разлика на вишокот килограми, да се тестира, изјави Шаде, објаснувајќи дека сега е важно инфекцијата Ковид-19 многу порано да се препознае. На прашањето дали коронавирусот во текот на летниот период ќе се повлече, Шаде истакна дека се уште по постојат сигурни сознанија за тоа, бидејќи има заразени случаи со Ковид-19 на јужната хемисфера и на места каде се високи температурите.

Поради нејзината усна докторите останале во шок: Дури после 7 месеци откриле што се случува со лицето на оваа девојка (ФОТО)

Ивана Ефремовски — Tue, 06 Feb 2018 14:52:49 +0000

Се било во ред, а потоа оваа девојка едно утро се разбудила со тројно поголеми усни. Холи Клег има 23 години, таа студира во Велика Британија. Била сигурна дека тоа утро има некоја алергиска реакција. Отишла во болница, но не очекувала дека станува збор за нешто сериозно. Докторите кога ја виделе останале во шок. Потоа следувала голгота која траела цели 7 месеци. Поминала низ 3 операции и бројни прегледи пред да ја добие конечната дијагноза. Прво се сомневале дека станува збор за ХИВ вирус, па мислеле дека е херпес. Испитувале и дали станува збор за други низа полови болести. Но, ништо од ова не било вистинската дијагноза. Станува збор за инфекција која го носи името Пантон-Валентин леукоцидин. Поради оваа инфекција, Холи денес прима 15 различни антибиотици, но крајот на нејзините уште не е дојден. На секои две недели, нејзините усни отекуваат, а оваа состојба може да доведе до сепса или воспаление на белите дробови. Инфекцијата остави трајни лузни на нејзиното лице, но тоа не е најлошото. -Пресреќна ми е што конечно знам што ми е, но засега нема лек или третман кој во целост ќе даде подобрување. Девет месеци минувам низ ова и само сакам да ги охрабрам другите кои можеби ќе се соочат со истото. Не е можно да си најдам дечко бидејќи една недела лицето ми е нормално, а следната отечено и тогаш не излегувам од дома, вели Холи, која се уште чека лек за себе.

Победникот на Евросонг повторно во болница

Ивона Петрова — Fri, 22 Dec 2017 15:34:57 +0000

Португалецот Салвадор Собрал (27) кој победи на Евросонг, се врати на интензивна нега во болница по тешките компликации предизивикани од инфекција која довела до откажување на бубрезите. Само 12 дена откако успешно се опорави од трансплантацијата на срце, здравствената состојба на пејачот се влоши. Во болница го посетува неговото семејство кое се надева дека божиќните празници Салвадор ќе може да ги помине дома, но лекарите сметаат дека шансите за тоа се многу мали.