инфективна – Kurir.mk

Потресно сведоштво во „Јади Бурек“: Жена ми почина на Инфективна со негативен тест, и го украдоа телефонот и накитот

Ивона Петрова — Thu, 27 Jan 2022 08:35:26 +0000

Тpaорно сведоштво ја прекина емисијата „Јанко јади бурек“. „Никој не те гледа, не дај боже да одиш во болница, оставени се луѓето само на себе„ во солзи раскажуваше гледач на емисијата за смртта на неговата сопруга. По сведоштвото на гледачот, Јанко Илковски не можеше и самиот да ги задржи солзите и ја прекина емисијата. Гледачот раскажуваше во каква катастрофална состојба е македонското здравство и за голготатата која ја преживеал обидувајќи се да го спаси животот на неговата сопруга. Се започнало откако неговата сопруга имала проблеми со срцето и бубрезите за да биде примена во болница, но да лежи со пациент позитивен на Ковид 19 по што била пуштена дома. Во домашни услови и се влошила здравствената состојба за да потоа да биде сместена во Ковид болницата на инфективното одделение. По кратко боледување таму, неговата сопруга починала, а гледачот открива дека била украден златниот накит од неговата сопруга и нејзиниот телефон. За емисијата се огласи и водителот Јанко Илковски на Фејсбук кој истакна дека тој неговиот тим се длабоко потресени од сведоштвото на господинот, а чувството го спореди со бокс во плексусот. -Целата екипа, заедно со мене, бевме силно и длабоко потресени од траорното и искрено сведоштво на човекот кој неутешно липаше и плачење додека говореше за загубата на сопствената сопруга. Кога ќе соберам сили, неговото јавување ќе го издвојам и објавам да биде сведоштво што преживувал народов. Не можам да споделам како се чувствував , најмногу поради фактот што не очекував, беше релативно забавна емисија и не се надевав дека ваков крај може да се случи, како бокс во плексус … уште сум потресен, пишува тој.

16-годишна пациентка со тешка клиничка слика се лекува на Инфективна

Тале Кристо — Sat, 30 Oct 2021 08:43:19 +0000

На Клиниката има хоспитализирано 16 годишна пациентка од тетовско која има развиено тешка клиничка слика, изјави директорката на Инфективната клиника во Скопје, Милена Стевановиќ за ТВ Сител. Таа има 16 години и развива една тешка ковид-презентација. Во моментов немаме сознанија дека има хронички болести, рече Стевановиќ. Државниот санитарен и здравствен инспекторат почна постапка за да се утврди начинот на кој била лекувана 17-годишната девојка од демирхисарското село Сопотница, која вчера почина на Инфективната клиника од ковид-19. Малолетничката лекувањето го почнала со матичниот лекар во Демир Хисар, по што била хоспитализирана во Битола, а починала на Инфективната клиника во Скопје каде девојката ја изгубила битката со вирусот.

ОД ДЕНЕСКА: ГОБ „8 Септември“ и модуларната болница на Инфективна се отвораат за ковид пациенти

Ивона Петрова — Mon, 16 Aug 2021 08:51:25 +0000

Болницата „8 Септември“ и модуларната болница на Инфективна клиника од денеска се отвораат за прием на нови ковид пациенти. Растот на бројот на позитивни пациенти и потребата од голем број хоспитализации повторно ги отвора вратите на веќе затворените, за оваа намена, болници. Министерот за здравство Венко Филипче информира дека ваквата одлука е донесена утринава на состанок со директорите на клиниките. -Она што е неопходно е проширување на капацитетите за прием на пациенти и за таа намена од денеска се ставаат во функција 8ми Септември и модуларната болница на КИБФС. Во моментов се прави менаџирање на здравствен персонал според потребите на клиниките. Многу е битно да им помогнеме на медицинските лица при започнување на 4тиот еппидемиолошки бран, а тоа можеме да го направиме единствено со вакцинација. Вакцините може значително да го успорат процесот на проширување на вирусот, да влијаат на исходот од болеста и затоа, бидете одговорни во овој процес. Потребно е што повеќе луѓе да бидат вакцинирани за да се постигне солиден колективен имунитет, информира Филипче.

Откази секојдневно се нижат: Од „8 Септември“ заминува главниот инфектолог, отказ дала и докторка од Инфективна

Тале Кристо — Sat, 10 Oct 2020 11:49:52 +0000

Една докторка – инфектолог дала отказ од Клиниката за инфективни болести и планира да замине да работи во приватна болница, а исто така и докторката која го раководеше Инфективното одделение во Градската болница „8 Септември“ најавила дека ќе замине во приватна болница, соопшти на прес-конференција министерот за здравство Венко Филипче. -Не знам дали е формализирано сето тоа, јас разговарав со неа, но таа е решена за тоа. Таму има други двајца инфектолози. Размислуваме и веќе разговаравме за начинот на којшто ќе се засили тоа одделение. Засега, заедно со интернистите, имајќи го овој број на пациенти кои се хоспитализирани и нашиот план да не се зголемува тој број, овие доктори се сосема доволно, рече Филипче. За медицинските сестри од Инфективната клиника рече дека тие на иницијалниот состанок, иако тврделе дека нема да заминат во приватна институција, тоа го направиле. -Искомунициравме уште еднаш за потоа да кажат дека планираат да ја напуштат клиниката и согласно тоа, Инфективната клиника одлучила да ја преземат нивната функција, рече Филипче. На прашањето зошто си заминува кадарот од државните клиники, министерот одговори дека тоа е тешко да се каже. Дел рекле се преморени, а дел имале други причини, но според Филипче, сепак, тешко е да се каже зошто даваат откази. Доколку се зголеми бројот на заболени од Ковид-19, министерот за здравство Филипче на денешната прес-конференција рече дека доаѓа во предвид затворање на училиштата и градинките или во некои општини и региони согласно епидемиолошката слика, или ако се случи да имаме сериозен притисок и во целата држава. -Засега нема сериозен проблем во градинките, во училиштата има спорадични случаи. Нема внатрешна трансмисија. Обично од надвор дојде вирусот, но и тие прекратко работат за да може да носиме одлука, рече Филипче.

Струшкиот градоначалник хоспитализиран на Инфективна

Тале Кристо — Wed, 26 Aug 2020 08:21:42 +0000

Струшкиот градоначалник Рамиз Мерко синоќа бил хоспитализиран на Клиниката за инфективни и фебрилни болести во Скопје, потврдија од ДУИ за Плусинфо. Мерко е позитивен на коронавирусот и засега, како што велат од партијата, тој се наоѓа во стабилна состојба.

Да лежиш само еден ден на Инфективна ќе сфатиш колку е страшно, вели новинарот Мирче Адамчевски кој се излечи од коорнавирусот

Тале Кристо — Sun, 26 Apr 2020 11:25:45 +0000

Новинарот Мирче Адамчевски е еден од оние кој се зарази со коронавирусот и имаше среќа да го надмине и да оздрави. За него утре е голем ден. По се низ што помина изминатиов период конечно жив и здрав ќе може да излезе надвор и да се прошета. Неговото искуство со Ковид-19 се однесува на сите кои ја имаа среќата, покрај се, да останат незаразени, да не лежат во болница, да не трпат болки а притоа да им пречат мерките за претпазливост, седењето дома и полицискиот час. Своето искуство Адамчевски го сподели на Ммс.мк. Како си сега откако помина едно премрежје? -Да, лежев на Инфективна две недели, уште две недели во изолација и конечно од утре ќе излезам да се прошетам. Заболев дома,се собравме и некој од членовите на семејството го донесе и по неколку дена се појавија симптомите. По 10 дена се зголемија, се зголеми температурата и матичниот лекар ми рече дека треба да одам на Инфективна. Поминав две недели на инфективна како средно -тежок пациент, бидејќи таму се делат на лесни, средно – тешки и тешки. Не знам со кои лекови бев третиран. Дневно примав неколку инфузии и вториот ден веќе ми спадна температурата. Полека се опоравував. Морам да кажам пофални зборови за персоналот на Клиника. Морам да го споменам нивниот професионализам и односот кон пациентите полн со оптимизам и тоа во прв ред на лекарите. Но, посебно треба да се издвојат медицинските сестри, бидејќи да работиш од седум наутро, до седум навечер а голем дел од тоа време да си со заштитни маски, очила или визири и друга заштитна опрема, не е лесно. Плус пациенти во разна здравствена состојба, непекинати повици преку ден и на полнок, болни се јавуваат, инфузии, инекции. Да не зборувам низ што се поминуваат. Во една реченица медицинските сестри се ангели чувари на пациентите. Што најмногу те нервираше? -Таму цело време бев во контакт со надвор, нормално со мобилнот и мене ми пречеше кога некои постојано викаа дека мерките за борба со корона вирусот се строги. Нив би им предложил барем една ноќ да поминат на Инфективна, да слушаат кашлање, кога ти се чини дека во болница ќе си ги искашлаш дробовите, офкања, повици од некои кои горат од температура, некои се бањаат во пот. Ако поминат ноќ на Клиника тогаш критичарите ќе почнат мерките да ги благословуваат. Мерките не паѓаат од небо, гледаме дека ги предлагаат стручни лица. Доктори, експерти и добро е што е така. Политичарите помалку да се мешаат. Па затоа мерките мора да се почитуваат, во прв ред носење маски. Мора да се држи растојание. Можеби и јас не се согласувам со некои рестрикции кои се воведени, но кога се донесени мора да се почитуваат, особено кога даваат резултат. Јас мислам дека кај нас работите одат кон подобро. Со што те лечеа? -Моите симптоми прво беа температура, малаксаност, физичка слабост, поткашлував, но не многу. После 10 дена почнав да кревам температура, да се потам и тогаш ми рекоа да одам на Инфективна. Знам само дека ми дава тамифлу, тоа е капсула, а се друго беше интервенозно. Јас се смеев со сестрите, им велев: „Не напунивте со отрови“, а тие ми велеа: „Не, и благи работи ви ставаме“. Не знам навистина со што ме лекуваа. Во отпусната листа пишува, против која област се давани, против микроби, на бактерии. Навистина не знам. Јас бев воден како средно-тежок случај, но таму имаше што не можеш ни да замислиш. Како се справуваш со озборувачите? Многумина кои го надминале коронавирусот сега имаат проблем со околината. -Има една работа која ме вознемирува. Веќе ми кажаа дека кон оние кои се негативни на коронавирус се однесуваат како кон лепрозни. Ги избегнуваат контактите со нив, на работа, на пример. Човек се вратил на работа и вели: „Се однесуваат кон мене како лепрозен“. А тој веќе негативен. Тоа загрижува. Конечно сегашнава состојба покажа дека во државава треба да се создаваат системи за вонредни состојби. Она што го имавме како наследство од СФРЈ го растуривме. Се надевам дека сега со влегувањето во НАТО и почнување преговори со ЕУ конечно ќе почнеме да градиме нормална држава. Јас до утре сум во изолација. Две недели по излегување од болница сум дома. Така што имам искуство со комшиите. Односот со нив е присен. Се шегуваме, иако има некои кои кога ќе им кажам дека сум бил заразен со вирусот ме гледаат со недовреба и полека се оддалечуваат од мене. Тоа ти е…Балкан… Ова е уште еден доказ дека никогаш не се знае со што човек ќе се соочи во животот.. -А човек е жив ѓавол. Потребен е само оптимизам. Таков поглед кон она со што ќе се соочиш. Јас таму одев низ собата и си пуштав музика. Си слушав класика, блуз, рок. Еднаш си потпевнував и една сестра ми вели: „Што, што?“ А јас и велам: „Пеам на германски“. Цимерот во болничката соба, кој што беше тежок случај ми вели: „Кога ќе оздравам ќе одам на викендица и ќе ги слушам сите овие музики“. И Бетовен и Лист и Лили Марлен и Би Би Кинг…Тоа ти е…

Мајката на четиримесечното бебе за Курир: Мојата реакција се однесуваше на моето лекување кое трае веќе 11 дена иако сум негативна на „Ковид-19“

Тале Кристо — Wed, 22 Apr 2020 20:06:33 +0000

Мајката која што со своето четиримесечно бебе веќе извезно лежат на Инфективната клиника во Скопје, после реакцијата на клиниката истата за Курир појаснува дека нејзината реакција се однесувала на нејзе бидејќи иако истата е негативна на „Ковид-19“, истата веќе 11 дена ја лечат со антибиотик, бидејќи нема добиено никаков одговор од персоналот на Инфективна. -Барав одговор за терапијата која јас ја добивам 11 дена, ме третираат со антибиотик а сум негативен пациент на „Ковид-19“ и никој ме нема известено зошто?, вели зачудено Александра Ѓеоргиева. Таа вели дека и покрај тоа што два пати била тестирана, денеска и бил направен и трет тест. -Исто изјавуват дека ми е земен втор брис денеска а не е точно, земаа ми брис кога не примаа истиот ден, минатиот вторник мислам 14 беше провери и денеска ова е трет, додава таа. Ѓеоргиева исто така додава дека нејзината реакција се однесувала на нејзе и нејзиниот третман, а не за третманот на бебето, притоа дообјаснувајќи дека е задоволна од услугата на докторката педијатар која што се грижела за нејзиното бебе. А министерот се огрди од тоа прашање и одговори за третманот на моето бебе за чиј третман од педијатарот и самата изјавив дека сум задоволна и дека е единствена докторка која ме упатуваше во случајот, вели за Курир мајката на четиримесечното бебе Александра Ѓеоргиева.